小排檔懷舊車仔麵

營業中

休息中

主店播住嘈吵嘅音樂，另一個area雖然安靜啲，但係就冇店員搞衛生，上次去食，張張枱都係汁水同冰，個店員唔抹，就咁等碗嘢喺枱面，我碗野上嚟都冇抹枱。另外味道一般，收費偏貴。佢碗嘢上到嚟溫溫地，不是熱的，面也硬。

喺附近上堂搵嘢食過嚟試吓，有驚喜，我食素，呢度嘅素車仔係我食過最足料最抵食，$42有幾個餸（冬菇、酸齋、豆卜、蘿卜、生菜）連埋豆漿，仲可以免費加冬菇汁同辣菜甫，去邊度搵⋯而且樣樣餸都好味，呢個價咁高質真係好難得，我自問唔細食都夠飽。同埋店家有禮貌，又唔會歧視我呢啲細單客，又唔會催你落單、催你埋單，等我呢啲社恐可以冇壓力慢慢食。真係素食者恩物、良心小店，加上上菜又快，以後如果經開都會想再嚟，祝生意興隆。

車仔麵大大碗超抵食六寶麵配豆漿$52，可以選任何餸！我選了👉🏻糖心蘿蔔、秘製牛坑腩、秘製豬扒、醬汁魷魚、和風肥牛和一款是日精選——花雕蒜辣雞翼。幾乎每款餸都很好吃醬汁魷魚略嫌不夠入味，是水魷魚絲加醬汁稍微煮過。花雕蒜辣雞翼的花雕味也是不太多。但整體都很好！另外也推介醬汁牛舌！我以為每款餸只有一兩件，但份量比想像中多另外配料和湯汁可選四款，例如腩汁、沙嗲、辣汁、芫荽、炸蒜、辣菜莆等。

今日試咗佢哋嘅招牌牛肉全盛宴油麵加腩汁，真係好正！😋一上枱就已經俾嗰陣濃郁嘅香氣吸引住，令人食指大動。碗麵上面鋪滿咗啲新鮮香菜，顏色鮮艷，睇落已經好有食欲。🌿呢碗牛肉全盛宴真係冇得輸，牛肉份量十足，有牛腩、牛筋同牛肉片，每一啖都係唔同嘅口感，牛肉煮得剛剛好，嫩而不柴，入口即化，食落好滿足。🐂🍜油麵煮得啱啱好，唔會太軟亦唔會太硬，口感彈牙，配埋濃郁嘅牛腩汁，真係一流！🥢牛腩汁係用心熬製，味道濃郁而唔會太鹹，湯底清甜而不油膩，飲落去好舒服，令人一試難忘。湯頭滲透住牛肉嘅鮮味，每一啖都充滿層次感。🍲再配埋一罐雪碧，清爽解渴，真係完美嘅搭配。🥤總結嚟講，呢碗牛肉全盛宴油麵加腩汁真係無得彈，牛肉質素高，湯底濃郁，麵條彈牙，再加上香菜嘅點綴，真係一個完美嘅用餐體驗。👍如果你都係牛肉麵愛好者，千祈唔好錯過呢間店，絕對值得一試！💯😌

最近同車仔麵有啲過唔去😂一星期食咗三次車仔麵，居然冇厭😂😂今次係朋友介紹，帶我嚟石硤尾呢間小排檔車仔麵，本身都冇抱太大期望，點知食完再睇埋個價錢，真係超值！！超抵食🤤🤤🌟六寶麵 $52‼️之前食兩餸嘅車仔麵，一碗都要49😂估唔到呢度六個餸都只係需要$52！而且份量係極大，超良心價🥹🥹因為係同朋友一人一碗，試到更加多唔同嘅餸😎個人特別推薦有幾款！🌟冬菇‼️佢哋嘅冬菇真係黐咗線好食！首先係勁厚切，每一嚿冬菇都入晒味，容易咬開之餘又唔會話腍啤啤冇晒冬菇嘅口感，強烈推薦！🌟蘿蔔‼️呢度嘅蘿蔔係好甜（而且冇渣🥹）🌟麻辣腐皮串‼️一大條😂😂索滿晒麻辣汁，確實係幾過癮惹味🌟豬頸肉‼️佢哋嘅豬頸肉係有蜜汁，食落去甜甜哋，都夠彈牙🌟雞扒‼️本身以為係炸雞扒😂但好彩係呢啲照燒雞扒！肉質唔嚡，照燒汁甜甜地啱晒我口味🌟蒜香雞翼尖‼️簡直係重蒜重辣！食完一嚿之後個嘴keep住都好辣🫣🫣🌟溏心蛋‼️醃得好入味又甜甜地！確實係正嘅🥰‼️其實佢哋其他餸都好出色，食得辣嘅要加埋佢哋嘅辣菜脯！同埋車仔麵有幾個醬汁可以揀，想特別啲可以試吓咖喱，都係老闆佢哋自己炒㗎😍

雞扒🐔肉燥飯好好食 7/10但係唔建議你哋食牛肉🐮肉燥飯 因為真係好多油 我食到一半已經冇胃口 佢個肉燥飯會有一兩條菜一隻蛋（隻蛋是流心的！呢個超讚(≧∀≦)） 價錢方面 唔算貴！

麻雀雖小，五臟俱全！成個架部企理整齊，乾淨互生。有QR code 落單，方便快捷！ 叫左碗牛肉全盛宴河粉加腩汁，成碗野大碗到張台都差d 唔夠擺。仲要有一堆肥牛，牛腩，牛百葉，牛肚等等.. 飲左第一啖湯之後我就停唔到一口氣食晒！食完我開始擔心老闆會唔會回唔到本錢🥹 Anyway, 過開石硤尾，值得去試一試👍🏼👍🏼

去完賽馬會創意藝術中心，不妨去下白田購物中心食野，附近都有好多小店值得支持！今次小編想食車仔麵，就第一時間就入呢間餐廳。餐廳有50款餸菜比你選擇，仲有7款秘製醬汁(沙嗲/辣汁/辣菜脯/蔥油/咖喱/麻辣/腩汁)，一定滿足到你口味！  🔥自選六寶麵餐 $52 + $3 轉米粉 糖心蘿蔔/時菜/香烤雞扒/滷水五花腩/滷水雞翼/酸甜齋/細豆漿  🔥自選麵餐 $51 蜜煎厚餐肉/陳皮魚蛋/秘製牛坑腩/大豆漿  ⭐️推介⭐️ 1. 糖心蘿蔔 - 好甜好淋好好食 2. 蜜煎厚餐肉 - 有口感有咬口，唔會炸到好乾身，加埋蜜糖喺面，不得了！！ 3. 滷水雞翼 - 好入味  總括而言，呢間車仔麵店嘅餸菜，睇得出有擺心機落去，好多餸菜都有唔同嘅調味，唔會同一種味道，唯一要改善嘅係牛坑腩，唔夠淋身，下次會再嚟試埋其他餸，再出食評。 

感受到用心製作小店款式甚多，價錢優惠如果調味改善應該係一碗出色既車仔麵推介糖心蛋，魷魚，墨魚春卷👍🏻👍🏻不推介牛坑腩，牛舌偏鞋懷舊車仔麵是一種讓人回憶起過去的美食，它的味道和風格經常會帶有一些懷舊的氣息。🥰🥰🥰🥰🥰除了味道，懷舊車仔麵的用餐環境也十分獨特，通常是一些老舊的小攤位或者店鋪，裝潢簡單而溫馨。這種用餐環境讓人感受到懷舊的氛圍，讓人回憶起過去的美好時光。😋😋😋😋😋😋

由於係石硤尾返工，當初咁岩發現呢間價錢親民嘅車仔麵，就決定試下，點知一試就變左返工嘅飯堂。難得車仔麵有銀針粉，第一次就揀銀針粉，醬汁有好多選擇，個人認為冬菇汁、炸蒜同辣菜脯係最好食，至於辣汁就略為唔夠辣。除左基本粉麵外，另有菜底(菜心同生菜)可以選擇，健康之選😋

自選六樣餸嘅車仔麵小編今朝叫咗糖心蘿蔔芝士流心丸水魷腩肉秘製豬扒豬皮油麵糖心蘿蔔必叫😍😍幾時食都係甜架 而且又入味秘製豬扒炸完再放落湯煮 都唔會搶左佢本身秘製嘅味湯底都可以自選 小編鍾意辣，所以係麻辣湯底😌😌下次試吓撈底😆😆記得要配辣菜脯 係成個車仔麵嘅靈魂😂🤣

好少可會去石硤尾，因為做嘢所以要過去，就想試吓食平時冇乜機會食嘅嘢，所以就揀咗間餐廳坐低。不嬲鍾意食車仔麵，但係呢間嘅車仔麵，基本上係色香味俱唔全，個樣就有相睇啦，我諗都唔使我講，絕對唔能夠引起食慾。味道呢，我唔知佢個湯底搵咩整，好大機會係豉油加水，冇味嘅，可能要讚下嘅係冇味精囉。韭菜餃同埋花枝丸應該都係出面買最平嗰啲，唔好食。薯粉本身係正常，但係湯底無味，咁即係都冇味啦。唯一可取嘅係隻糖心蛋，真係糖心，係好食嘅。

喺石硤尾附近返工，lunch 嚟咗食碗車仔麵 -面底係$8、我加咗豬扒 $13、蘿蔔 $8 、麻辣腐皮串 　$8，再加多杯豆漿$6，總數大概$43左右真心覺得幾好味，我揀咗撈粗，可以自己揀唔同嘅汁：我揀咗蔥油撈，加辣嘅菜譜 同埋 芫荽豬扒一早已經切好，好香口一啲都唔硬，而且好入味；仲有啲蘿蔔好甜；麻辣腐皮就係一般貨色整體來講我得呢間餐廳嘅自由度好高，可以用QR code落單自己慢慢揀，其實佢仲有個set 係六個餸 $48 同埋連一杯細豆漿如果下次再肚餓啲我一定會食呢個set 😌

好開心屋企附有咁高質既車仔麵🤩又可以網上落定order, fast and easy!食材好新鮮，最緊要係可以轉菜底！！會繼續幫襯！😋😋😋要加乾蒜、菜poh～

個個都食車仔麵，今次諗住試下生菜魚肉，點知就中伏。呢個生菜魚肉份糧少得過分，個盒就幾大，但魚肉得嗰6舊，而且冇魚味，粉感很重，應該落左好多生粉整，而且，食完好口渴。十分不推薦。