小排檔懷舊車仔麵

營業中

休息中

小排檔懷舊車仔麵Kay Gor 收工又係搵食既時候同朋友約左想食車仔面點知就走左去白田搵啦去到依間小店雖然店面比較少，但勝在車仔面配料都齊坐低點左個$45套餐+ $2 轉熱飲一個車仔面仲可以選6樣配料。仲包飲品😍抵阿陳皮魚蛋⭐️⭐️惹味又香又彈牙秘製牛坑腩⭐️⭐️好淋好入味又爽身，口感十足醬汁魷魚汁多魷魚又爽口🦑記得要配辣菜甫⭐️⭐️⭐️⭐️自家製好惹味👅經過記得去試下支持本地小店🌟

今日去石硤尾既賽馬會JCCAC 途經見到呢間車仔麵檔有好多選擇 價錢仲好平 所以就去左試😆呢到平常時間就$45有一碗車仔麵 仲可以任揀6個咩價錢既餸都得 仲包飲品😍 我地2個人去就可以揀12個餸 好爽😂 先講下個麵 我未試過食車仔麵有得揀撈麵 既然呢到有就試下啦😙 店員介紹話撈麵係加左甜豉油同麻油/豬油去撈 佢知我想試下個沙嗲醬仲醒左d比我去撈麵🤩 我就揀左麻油撈幼麵 食落好香好好味 麵條又唔會淋哂👍🏻 👦🏻就揀左沙嗲醬湯幼麵 湯底都好濃味 仲有辣菜甫 好惹味👅至於12個餸我地分別揀左咖哩翼尖，酸甜齋，滷水五花腩，秘製金錢肚，蜜煎厚餐肉，醬汁魷魚，陳皮魚蛋，蟹粉蟹子丸，秘製牛坑腩，秘製鳳爪，麻辣豬耳，白雲豬手🤩 想講小店真係好有誠意 好多食材都要花好多時間去準備 出面既車仔麵店已經唔會有 較欣賞既有醬汁魷魚 汁好味魷魚又爽口🦑 陳皮魚蛋惹味又香😋牛坑腩好淋好入味 白雲豬手開胃好味😆 經過記得去試下支持小店🌟😎

母親節同媽媽和女女一起去賽馬會藝術中心行下，吸收下藝術氣息。去之前先同她們去附近的白田食個下午茶。這裡是街坊小店，地方不算大，但坐得都幾舒服。我們叫了一碗油麵及一碗烏冬，一碟通菜share。我最中意的餸分別是豬腸，蘿蔔，冬菇。豬腸夠香，蘿蔔炆得好淋，香香甜甜的。冬菇更是極品，爽滑彈牙，入味又唔會太鹹。價錢方面亦好抵，下午茶餐包豆漿30元有交易，是平民恩物，又平又夠飽肚。食飽飽行藝術中心消化下就最適合不過。

自己都係個鐘意食車仔麵之人，之前幫襯深水埗分店既小排檔，已經好想再食，估唔到開到黎我屋企樓下，今日終於有機會再去食🤩🤩 店舖唔大，但都坐得舒服，環境算乾淨。 由於我好肚餓，又好多餸都想食，所以就爽快去揀左六餸車仔麵，可以不限價錢任揀六個餸。係老闆娘極力推薦下，揀左准山麵，而餸就有：菠菜、雪耳、牛肚、醬汁魷魚、牛柏葉、溏心蛋。湯底好多選擇，可以揀沙嗲、麻辣、腩汁、咖喱、清湯。而我揀左唔辣嘅沙嗲，好香濃又唔會油膩。雪耳爽滑，牛柏葉爽口有彈性，吸左湯底嘅沙嗲汁後非常惹味！而牛肚就炆得好入味，但略嫌唔夠軟腍，偏煙韌既口感。最驚喜係醬汁魷魚，入味又超爽滑，一咬就斷！！醬汁味道都好好😍而溏心蛋既蛋黃真係流心半熟無呃人👍🏻👍🏻今次係我第一次食准山麵，原來係咁好味，好滑身，又爽口，不乏彈性，好正！加埋獨家既辣菜甫，好好味！豆漿+$2 唔太甜，豆味都幾出，好飲👍🏻 係屋村地方搵到間咁好味嘅車仔麵真係好難得

同老公揸車經過見到呢間車仔麵見到咁夜又諗唔到食咩好所以就入去試下啦舖面乾淨企理又光猛坐低睇下張menu，都多種類比客人見到有款叫淮山麵，幾特別又未食過所以嗌左黎試下入到去啲員工又好nice又好笑容員工哥哥就介紹左我食白雲豬手同醬汁魷魚豬手炆得好林，酸酸地好開胃醬汁魷魚唔un配合埋個汁好糖心蛋好糖心。啜埋個蛋黃汁不得了啊😍😍滷水雞亦炆到好入味，但又唔會無曬咬口每款送都有幾舊45蚊有6個送仲送杯細豆漿真係抵食下次再出黎食過😋😋

嗌佐豬腸 陳皮魚蛋 長洲魚蛋 牛腩 仲有一樣唔記得佐 再加佐杯豆漿。豬腸 同 牛腩 食得出做功唔錯，豬唔會浸到爛晒，牛腩亦好正，湯係鹹咗少少，但係味精唔會太重，最重要係加咗少少麻油同埋辣菜譜，令到成碗車仔麵更加好食。個人覺得好味過深水埗X記車仔面好多，加上老闆態度親切。

細個嘅時候好鍾意車仔麵，好可惜以前食開嗰間已經執咗，自此之後就都好少食，前嗰排經過白購，已經見到呢間新開嘅車仔麵，睇食評，口碑好似唔差喎，不過一直都搵唔到時間試，今日終於有機會喇！嚟到呢度當然要嗌佢個六拼車仔麵啦！先唔好理佢嘅味道同埋分量，$4x 有六個餸再加個麵底已經覺得好抵😚餸方面，揀左漿爆牛丸、芥蘭、麻辣豬耳、醬汁魷魚、雞翼同埋陳皮魚蛋，全部都好好味！！最鐘意係豬耳同魷魚，兩者都好爽脆，而且調味經過特別調制，味道都幾特別👍🏻湯底揀左沙爹湯，好香濃又唔油膩，再撈埋自家制辣菜甫，成碗野好惹味。 車仔麵黎講，呢間既水準都幾高👍🏻👍🏻

叫左沙嗲汁兩餸米線，魚旦8蚊得一粒，金錢肚好難食，沙嗲汁好明顯冇落，成碗野湯無味死咸，即食麵都好味過呢碗野，係我咁大個人食過最難食既湯麵！好心個廚師反省下，可能你趕住收工求求其其，但將心比己呢碗野你覺得好食？

小排檔 — 位於白田購物中心的外圍的小店座位不多﹐卻乾淨而寬敞日常上班族若不煮飯都可以去吃一碗麵暖暖肚的小排檔六拼麵 $48 算是很划算﹐因為每個餸單點要$8/$10/$12下單時店員都很用心解答我的問題﹐很貼心 而我點了牛丸﹐腩肉﹐豬腸﹐響鈴﹐白雲豬手﹐牛坑腩油麵底+秘制辣汁湯底﹐豆醬加大 (+$2)牛坑腩夠淋豬腸出味響鈴可另外用小碟盛起﹐很有誠意白雲豬手第一次嘗﹐用白雲來處理豬手有點不習慣其他整體都中規中距不過環境真的很好﹐尤其是白田購物中心其實都很髒﹐能保持乾淨已很難得

記起好久之前曾在深水埗某街頭嚐到了一碗味道頗清蠻不俗的車仔麵。想不到事隔多日，店子竟在石硤尾偉智里這小食舖林立的地方中開了其分舖....記得她有一味白雲豬手，做得皮爽肉脆，醃得酸度恰可。今次再斬四兩又點，味依舊地好，不過就一碟只得兩只，食完總有點未夠喉之感....今天捨棄了平常鍾愛的油麵而取了從小吃到大的銀針粉，貪其米香重且具備滑嘟嘟的口感也。另外值得一提是無論湯底以至餸料的味道都是如舊舖般甚為清淡，就算是本應該很味濃的鹵水五花腩也弄得甚為淡味。至於其他的餸呢，長州大魚蛋用的是來貨，味帶點點甜的甚彈牙很易討好人；蘿蔔的確一如其名頗具糖心且沒甚麼渣....近來嚐到的車仔麵或粉都是屬重口味之輩，偶而有一些口味較清新的來調劑一下，也不失為一件樂事....

白田發現新開左車仔麵，今日午餐抽空一試！抬頭望下店內的食物相片，發現了一張很特別的相片—瑪卡蜜！ 一枝20元正！ 一枝大概可以2-3人飲！ 當兩個人去share,每人10元！ 價錢可以接受！ 飲落味道不錯，感覺舒服！ 炎炎夏日飲番杯清涼健康的蜜糖水，正！ 相中更指出瑪卡蜜可打衰老，抗腫瘤及抗疲勞！ 以上好處是不是真有其效，我就不置評啦！ 不過，飲蜜糖水總比飲汽水健康！ 車仔麵方面，我就選了銀針粉！ 很少車仔麵檔有這種粉選擇！ 食物配料選了雞翼，冬菇及麻辣豬耳！ 豬耳真係有點辣！幸好有杯蜜糖水解辣！

今日下晝去咗公司附近一間新開嘅車仔麵一時，原來係深水埗嘅小排檔車仔麵，開咗來石硤尾。雖然地方唔算係好方便，不過既然咁近我公司，唔係唔去試吓嗎。馬卡蜜糖平時要加錢先飲到，飲落去清甜，而且唔會甜死人。一杯夏天飲落清涼，好解渴。呢度嘅車仔麵除咗有清湯之外，仲有乾撈麵。乾撈方面，仲有分麻油和豬油撈，配上小店自家製嘅辣菜圃或XO醬，別有一番風味。喺呢度就介紹幾款小店特別出色嘅餸菜。蜜煎厚午餐肉口餐肉加咗蜜糖之後煎香，食落去甜甜地幾特別。酸甜齋豆類製品從來都係我最鍾意嘅，呢一件入口好開胃，而且都唔係好多地方有得食。醬汁魷魚雖然呢個都係小店好出名嘅推介，不過我覺得食我就冇乜特別，而且唔算太入味。我叫咗乾撈，而同事就叫咗普通嘅冬菇汁車仔麵。特別要介紹麻辣豬耳，麻辣好刺激，而且好入味。一間車仔麵都有好多特色嘅餸菜選擇，而且有啲都做得幾出色，外面一般嘅小店都係冇嘅。而且聽店員講仲可以用QR code落單，食嘅時候就更加方便快捷。下次再同埋唔同嘅同事一齊去試吓先。

深水埗的小排檔車仔麵來到石硤尾了！今日食lunch同幾個食得之人去試下先。每間車仔麵嘅車仔餸都係各有特色，小排檔亦都唔例外！加上彩色嘅圖畫，可以喺叫之前睇清楚係唔係自己想食嘅。真令人意想不到，一間小店竟可以使用電話落單。使用智能電話掃描桌面上的QR Code，進入小排檔的主頁，揀選”散叫”或”套餐”。訂餐介面清晰易操作，輕輕鬆鬆便可按選餸款、配料和飲品等。下單前，更會貼心地列成清單，供客人查看選餐內容和價錢。下單時，更可選擇堂食或外賣，照顧街坊需要。最後憑訂單號碼，美食隨即奉上。$42 的六寶麵都好抵食，適合想試唔同餸的你。今次揀咗豬油撈油面，原來好似店員咁講，食落去真係幾香。除咗豬油之外，仲有麻油。仲可以揀埋自家製嘅XO醬、或者辣菜圃，因為唔食得辣所以就冇叫。餸方面，六款餸都令人眼花撩亂。有選擇困難症的朋友要預多d時間揀！講味道，尤其係牛坑腩特別出色。炆得好淋身。而且食落去冇渣，每一舊都好入味。五花腩食落去甜甜地，另外糖心蛋都係我嘅推介。小店QR Code點餐真係好方便，而且都令人大開眼界。有時太多野做，食飯嘅時間往往都少左。下次決定喺放飯時間如果好短嘅話，一路行可以一路叫定先，坐低

今天去白田探朋友，時間還早的關係，check下手機看到附近有一間車仔麵，於是便試試看！一進店鋪，已經看到幾個客人桌上豐富的車仔麵，我的肚子立刻咕咕叫了！店員很熱心地告訴我可以用QR CODE點麵，餐牌也比較齊全，所以我也按著指示點了我自己的車仔麵。食物來了，面和餸都是分開上的，可以慢慢品嘗！我覺得陳皮魚蛋很入味，微辣，牛腩也很淋，沒有渣，我個人就極力推薦蜜煎厚餐肉和醬汁魷魚！蜜煎厚餐肉食下去的時候表面是脆脆的，很想食多一塊，而醬汁魷魚的醬汁很濃，夠味！另外我也很喜歡它的“自家制櫻花蝦醬”，因為頗辣得，我覺得食的時候很香，很像XO醬!下次再來的時候，我一定要試它有湯的車仔麵，和必食蜜煎厚餐肉和醬汁魷魚！

同同事去咗白田嗰邊食晏晝，同事話想食車仔麵，所以就去咗呢間車仔麵檔入面食我哋12點左右去到都唔係太多人，因為食咗一陣已經開始有學生哥同埋其他人入嚟食我哋兩個都嗌左個$42套餐，再加兩蚊加大杯豆漿豆漿唔太甜，豆味算係一般啦師傅特登問我地 要唔要XO醬同埋菜圃，睇場上面嗰啲海報都幾出名，我哋就要XO醬等左一陣塊面就嚟啦，面嘅份量我係話好多，夠一個女仔嘅分量將啲XO醬撈埋個面入邊食，都幾惹味，湯底夠味道，就最鍾意食豬腸，好肥大，唔好話細細粒，我要左生麵，煮得好彈牙同事就覺得金錢肚煮得夠入味，其他嘅配料都唔錯