小排檔懷舊車仔麵

營業中

休息中

沒想到這間車仔面竟然可以打響名堂，在區內開分店，之前一直沒有光顧，趁家裡沒有人煮飯，男朋友又訓緊覺，於是放工來一試個究竟。小店牆身內印上了所有配料和麵食，也有抵食既套餐，讓大家選擇。選好了，跟大眾主流一樣，落單。我選了$42 六寶餐，可以從各項項目中任選，不限單項價錢，當中很多都比較吸引，非一般車仔面檔可以遇上，我點了豬耳，蜜香煎餐肉，長洲大魚蛋，溏心蛋，牛腩，是日時菜(每日兩款)－通菜。這裡可以選湯麵又或者撈麵，後者更可以選麻油/豬油作撈。我選了少辣，再跟店員要了蔥花菜圃，食落非常香口。尤其喜歡午餐肉，明顯地小店用上蜜糖來煎餐肉，一食就知道，製作用心，配料認真。本來套餐送上凍豆漿，我轉了是日涼茶，夏枯草煲糖冬瓜，沒有很甜，但都幾開胃消滯下火。

三月底的一天在賽馬會創意藝術中心出來後，發現一間尚在試業中的車仔麵店，原來是我挺喜歡的「小排檔懷舊車仔麵」來石峽尾開分店，入去試吓，味道同深水埗正店差不多，唯獨我在正店必叫的招牌白雲豬手，這裏卻做得唔夠爽身，同店員講，佢話初開張有些爐火還未執好，正盡快改善之中。昨日下午經過，決定比多次機會佢。叫了個$42的六寶麵餐，將附送的細豆漿加大比多$2。值得一提所選的六款車仔餸即使不同價錢也不用補錢。更重要的是可選撈麵，可用豬油或麻油去撈，自認識食的我便選了豬油撈粗。如果叫撈麵這裏是餸和麵分開上的，此點我甚為欣賞，因為可更易控制撈麵的汁不會過多而變得水汪汪。今次再叫白雲豬手，夠爽身，酸甜得令人開胃，水準較我首次來真的有改善。唯今次吃到的比較細件，唔夠喉也。另外叫了水魷、牛坑腩、鳳爪、金錢肚同冬菇。整體唔錯，牛腩同牛肚都軟熟，唯冬菇有少少菇類的霉味未除去得徹底，有改變空間。至於主角豬油撈麵卻沒有令我失望。麵條雖然只是一般貨色，但加入豬油卻化腐朽為神奇，那種油潤感真的邪惡得厲害。加點葱花，簡單而啱胃口。其實現時麵店的撈麵冇我細個時咁好食，正是因為在健康飲食的潮流下，大家都沒用豬油了，但好味的東西大都