小排檔懷舊車仔麵

營業中

休息中

半年時間來食過五次中有三次無午餐肉，一早知冇貨點解唔去惠康買兩罐頂住先？？好奇，係咪個男廚太懶了？除此之外基本上尚可，都唔算貴，另外都算乾凈，又可以加䓤加棘另外營業時間如果能延長到10:30pm就最好

今日天氣涼左好多，好想食野暖下胃。行下行下從老遠見到間懷舊車仔麵店。車仔麵任何時候都鍾意食，反正未試過就試一試。入到去得一枱客，話晒下晝5點幾。鋪面第一感覺乾淨光猛明顯係裝修完無耐，牆上掛滿食物牌，最可惜係必食排行榜第一位既醬汁魷魚竟然賣晒！唯有叫必食排行榜第二位既蜜燒豬頸肉，自己一向對牛柏葉情有獨鍾所以叫左，有薯粉梗係揀啦～ 湯底濃度岩岩好，一向食得比較清淡既我真心鍾意，重點係我食完成碗麵無覺得口渴(留意返我無叫野飲)。食得湯底有用心熬製，豬頸肉爽爽地有口感，牛柏葉堅爽脆，惹味沙嗲值得一讚 不過張menu指示唔太清晰，建議需要改善一下。

坐落於石硤尾白田邨附近的一間車仔麵店。店舖內的坐位不多，空間也不算太大。但麻雀雖小，五臟俱全。這裏的車仔麵大部份基本配料都有。最特別的是：除了湯底以外，還可以選擇用豬油和麻油來撈麵，對食客而言，是比較新穎的食法。而且，除了散叫車仔麵配料，店內在特定時段還有套餐優惠，只需要$48就可以要一個麵底加6種配料，再送細豆漿一杯，或以優惠價加配飲品，非常超值。今日叫了湯米粉配腩汁，以及陳皮魚蛋、酸齋、牛坑腩、豬紅、冬菇及醬汁魷魚佐膳。陳皮魚蛋依然沒有令人失望，散發出香濃的陳皮味；魷魚的醬汁香濃，令麵底散發出陣陣的鹹香，而且非常爽口；冬菇炆的非常入味；而酸齋的出現，也更令人開胃。另外，店舖還會提供辣菜脯，辣辣的，增加食慾。除了車仔麵外，店舖還有坊間少有的「車仔飯」供應，務求令想吃白飯的街坊多一個選擇。更特別的是，這間店除了手寫下單後，顧客話可以用QR code登入查看餐牌，再以電子方式下單，使過程更簡單及快捷。

石硤尾白田邨正在重建，以往很有舊屋邨情懷，今次路過特別想起車仔麵。店內貼滿了餐單、食物和店主合照，平日應該很受附近中學生歡迎，餐廳另外亦有做工廠區外賣。車仔麵點餐紙很有傳統車仔麵鋪的風味， 除了麵食外，還可以選擇醬汁種類和辣度 腩汁湯底味濃郁，加上索汁爽口的幼麵，是我最喜愛的車仔麵配搭，糖心蘿蔔鮮甜有咬口，滷水腩肉肥瘦均勻，味道不會過咸。車仔麵最好的地方是選擇多，連糖心蛋都有，流心蛋黃為車仔麵點綴不少。白雲豬手是我從未試過的小食，正如其名，外觀呈白色，白雲是指豬手未加有色醬料，只用糖醋鹽醃製，跟平時燒烤那種非常不同，味道較清新。跟中學時期一樣，食一碗麵配四餸剛剛好飽肚如想叫多餸的話，可以考慮六寶麵餐。

去完石硤尾覆診, 就係附近搵地方食LUNCH, 比我見到有一間名叫懷舊車仔麵小排檔, 好耐又無食過車仔麵, 就揀呢間啦 !懷舊車仔麵小排檔屬於小店,地方不是好大, 但勝在夠清潔。仲有部電視呀 !自助形式坐低後係餐紙揀選食物再交比職員。除左散叫之外, 仲有套餐比你揀。細心再睇, 餐廳係良心小店, 可以購買飯券贈送比獨居或有需要的人。抵讚 !除左麵仲有一個地盤優惠餐, 仲有自助靚湯呀 !我揀左 $48 仲可以揀六款價錢不限的餸及送豆漿一杯。既然不限價錢的餸, 我就揀左以下 :幼麵 + (豆卜, 包心貢丸, 時菜, 秘製牛坑腩, 魚肉, 蜜煎厚餐肉) + 細豆漿職員見我滿頭大汗, 仲細心問我要不要加大豆漿, 因為熱豆漿要加$3。見到隔離枱杯細豆漿都唔細, 所以都無轉了。咁多款餸, 估唔到樣樣都啱我心水。尤其秘製牛坑腩, 至少有5-6件, 而且入味夠淋身。魚肉勁多, 午餐肉夠厚煎得香, 豆卜原粒上, 唔會切開)眼見有食客和職員有傾有講, 小店應該多街坊支持, 而且整碗麵的確好食, 用心製作真係難得。

車仔麵完全可以代表到香港🇭🇰呢間隱世車仔麵主要做街坊生意，今日誤打誤撞黎到石硤尾，發現呢間車仔麵超級抵食一碗6餸麵都唔駛$50不過6個餸對我黎講實在太多了所以我要左4個餸咋！「甜酸齋+陳皮魚蛋+滷水腩肉+生菜」配左銀針粉，而家有銀針粉食既店舖少之有少！甜酸齋既顏色好橙紅色，但就無咩酸甜味，有啲失色！而且口感亦硬左啲！不過陳皮魚蛋&滷水腩肉超好食腩肉滷得好入味，而且肉質一啲都唔韌，極力推介陳皮魚蛋當然要有陳皮香先至屬高質，而呢度既陳皮魚蛋真係好香陳皮味再加埋秘製辣汁簡直無敵白雲豬手係好考功夫的，呢度整得好好食酸甜爽口又彈牙講完啲餸，當然都要講返湯底！湯底係好濃既滷水汁，再加埋特辣麻辣醬，超級惹味

在「賽馬會創意藝術中心」觀賞畫展完，在白田購物中覓食，看見有「小排檔懷舊車仔麵」，我們就决定吃車仔麵來懷舊一番！我的自選六款餸：醬汁魷魚、牛坑腩、金錢肚、豬紅、牛柏葉、豬皮。配淮山麵線、腩汁與凍奶茶。昔日車仔麵選擇不多，必備食材有水魷魚、豬紅、白蘿蔔與豬皮。今天車仔麵除了傳承固有食材，也增添較高質食材，令口感更豐富。水魷魚爽脆可口，醬汁合味道。牛坑腩炆得腍而不爛，夠入味。滿掛腩汁的金錢肚、豬皮，香濃腍滑。豬紅是仍小時候的懷舊味道，很愛！牛柏葉、淮山麵線掛起腩汁吃，好味道不在話下，添加碎辣椒與菜圃更冶味開胃。朋友的自選六款餸：牛坑腩、醬汁魷魚、芝士流心丸、雞翼、芝士腸、響鈴。同樣配淮山麵線、腩汁與熱奶茶。看見朋友吃到舔舔脷，我不禁大笑起來！

揸住架車行錯路去咗白田，見架車又污糟邋遢咁啱又有得洗車吸塵，咁就擺低架車，但係要等半個鐘至九個字，咁無理由喺到呆等，於是就係附近睇吓有無嘢食食住個晏嚟等。搵到有間車仔麵，見到入面有兩個中學生，就諗起以前讀中學時成日食車仔麵，都想回味一下，咁就行咗入去。睇咗一陣點餸紙，餸菜款色都幾多，而我一向食車仔麵都係比較鍾意佢哋自家製嘅餸料，揀吓揀吓都原來都揀咗八個餸，為免食唔哂做大嘥鬼，所以走咗個底只係要淨餸。自選餸揀咗嘅有豬紅、陳皮魚蛋、秘製牛坑腩、秘製鳳爪、蠔油冬菇、秘製豬腸、醬汁魷魚同埋滷水雞翼。牛坑腩夠淋夠入味，好食秘製鳳爪都好夠味，無牙婆都可以放心食豬腸洗得好乾淨，夠入味，可以放心食醬汁魷魚爽口滷水雞翼都好夠味又唔會過咸蠔油冬菇好似BB皮膚咁滑我個人覺得好味過深水埗好出名嗰間

小排檔車仔麵檔，生意尚可，老闆友善可人，煮麵師父手勢一流，用餐環境清潔。首選6餸麵餐，價錢Ok$49，送一杯豆漿。麵餸種類很多，以滷汁牛坑腩尤其出色入味。醬爆牛丸同食神那種一樣，十分可口。蜜汁午餐肉，係其它店舖沒有，而且甜甜糖漿在食肉上，簡直絕配。特色激辣麻辣，係嗜辣首選!

放假tea time 肚餓，就落樓下食嘢，見呢間新開張無耐就諗住入去試吓，點知就中伏。8蚊一粒長洲大魚蛋偏貴都算，一咬落去 ，入面中心竟然係唔夠熱只係少少偏和暖，作為熟食檔 最基本一定夠熱都做唔到收8蚊一粒呢個價，我仲以為會係落味烹調過 會有特色，點知送上嚟只係一粒滾水白烚魚蛋牆上餐牌相寫牛坑腩，送上嚟係碎腩 又乾又柴又瘦，食落去好似食煲湯豬肉咁係未當我無食過牛坑腩蘿蔔偏甜 應該攞糖水浸過 但係甜味覆蓋晒蘿蔔原味沙爹湯 好油好膩 沙爹味亦唔重

好耐冇食車仔麵 就試吓依間標榜懷舊既車仔麵麵底就揀咗粗麵 餸就要咁時菜、豬紅、牛坑腩 湯底就要咗腩汁一食第一啖就覺得湯底夠濃味 但有啲重手咗 搞到湯底有啲咸😌😌 牛坑腩食落都唔錯 炆得好腍好入味 可惜的是我覺得麵底比較細 食完仲有啲空虛......大食既人可以揀食兩個麵

車仔麵相信每個香港人都應該會食過，近排喺網上睇開車仔麵嘅資料同新聞，同朋友出開街咁啱就有一間心儀既車仔麵鋪頭係附近，所以就入咗去試下。內裏環境幾乾淨，而且重有電視睇添 😁 車仔麵鋪頭黎講叫做幾舒服下 ; 除咗車仔麵之外，其實重有六款套餐比你揀，同埋門外重有肉燥飯、碗仔翅、生菜魚肉同其他小食。自己揀咗都幾抵食既六寶麵餐，任選六款餸連豆漿都只係 $48 ; 叫咗豬紅、豬腸、牛坑腩、溏心蛋、大魚旦、漿爆牛丸配河粉，河粉份量幾大碗，而且幼身得嚟幾滑口 👍🏻 加埋啲餸亦幾多同味道幾好，食完飽到想死。朋友叫咗午餐肉、溏心蛋、雞翼配烏冬，雖然同六寶麵餐價錢差唔多，不過就每樣餸都有兩件，咁樣都算比較合理；朋友請咗我食塊午餐肉，午餐肉用咗蜜糖煎之剩重要係厚切 🤤 好好食。鍾意食辣嘅朋友仔呢個辣菜脯真係要試吓喇，夠香又夠辣 👍🏻 食完之後坐咗一陣，留意到原來小店有向長者免費派發麵券既報紙報導，懂得無私奉獻回饋社會，真係一間有良心既小店。

車仔麵，我隔中都會食下。今次食下依間小店既車仔麵，地點係石硤尾，比較少去既地方。依間車仔麵有少有既乾撈。👨‍🍳👩‍🍳食物質素：🍜六寶麵餐 （$48）牛柏葉，爽脆，唔韌。豬大腸同金錢肚，夠淋，入味。🐥雞翼尖，咖哩汁，香口，配湯粉或乾撈都可以。麵分量十足，仲有豆漿🥛送。菜圃好辣，鐘意食辣😋既朋友可以一試，真係又愛又恨🥰，但豆漿可解辣。而乾撈有分豬油或麻油撈，都幾特別。餸種類都算多選擇🤗。依到唔同時間都有唔同套餐，可以參考牆上。除左車仔麵，仲有生菜魚肉湯同碗仔翅。

車仔麵品嚐過不少，但甚少地方，可以讓你選擇用豬油撈。在石硤尾白田購物中心地下，有一間小店，名為小排檔懷舊車仔麵。空間不大，裝修地道。這裡的車仔麵，除了可以單點，在不同時段，亦有不同的優惠套餐，大食如我則選了，最抵食的六寶麵，可選一款指定的麵 ，及六款不限價錢的餸，48元，再送豆漿一杯。最有趣的是，除了清湯，更可選擇用豬油或者麻油撈麵，我當然選了用豬油撈油麵。車仔麵，上菜當然不會太慢。用豬油撈的麵，散發出豬油獨有的香味，味道滋味。六款餸，個人推薦醬汁魷魚，滷水糖心蛋及豬腸。魷魚爽口鮮味，豬腸亦相當入味，火喉控制得剛好。喜歡撈麵的朋友，一定要來試下，味道不錯，值得一試。個人推薦可在豬油撈麵中，再加點麻油，會更香。小排檔懷舊車仔麵人均消費48元。地址: 石硤尾偉智里1-3號白田購物中心地下G21-38-39號舖簡單的飲食隨筆，有興趣請follow～緣食魔宮。抵玩指數最高為三星，所有不用自掏錢包者， 將不給予任何指數。

石硤尾舊區多小店 但做到又平又好食既呢間車仔面一定有份！星期六11點幾黎到 鋪面唔大但乾淨企理 車仔面選擇豐富 連銀針粉都有！今次揀左六寶 $48（八蚊粉面+六個餸 送豆漿）芝士腸 牛坑腩 時菜 溏心蛋 糖心羅白x2羅白好入味 香甜又無渣 同埋食得出重薑味 所以叫左兩份！牛坑腩入味又腍 溏心蛋岩岩好 配埋冬菇湯底既米粉 正❤️👍🏻見到佢有雙拼魚肉碗仔翅 下次黎一定再試！