小排檔懷舊車仔麵 (已結業)

位置於深水埗區 毫不起眼 九江街的  小排檔。食坊 車仔面 , 車仔面嘅配餸同其他車仔面店都係大同小異, 諗住下次先試。今次係外賣紙見到個比較少見嘅肉燥飯套餐, 就點左個雞脾肉燥飯, 原本送例湯, 點知話無貨, 加左$7轉凍咖啡, 等左20分鐘送來了, 滷水雞脾穩陣, 滷水蛋偏硬, 肉燥一般, 飯好似未熟透, 有啲生米硬嘅感覺, 涷咖啡, 唔好期望接近茶餐廳味道, 始終係車仔面店。食完仲諗緊下次仲試唔試車仔面, 還是沒有下次了。

放假又係周圍捐窿捐啦搵嘢食嘅時候，同事住係深水埗介紹呢間街坊車仔麵，一於落去試下，地點唔難揾，就係高登對面橫街，店舖細細就如招牌名小排檔老闆娘殷勤有禮，熱情的介紹食物，想試多款式，所以叫左套餐包六個餸同飲品，麵就揀左呢度最出名淮山麵，至於醬汁，老闆娘介紹唔辣咖哩汁，然後加上自家製的辣椒菜脯，果然無介紹錯，正！淮山麵賣相似白色的幼麵，食落有驚喜，麵質滑溜，值得一試飲品就揀咗瑪卡蜜，入口好濃郁嘅獨特蜂蜜味，甜得來一啲都唔封喉，加上抗衰老，抗腫瘤，抗疲倦，最啱繁忙嘅都市人糖心蘿蔔，醬汁魷魚，白雲豬手，都係呢度嘅招牌菜，豬手我唔食，不過見到好多人食，相信好有水準，下次叫埋食豬手朋友黎試下先糖心蘿蔔，清甜美味，怪不得成為招牌菜醬汁魷魚，魷魚爽口彈牙,平時最怕食水魷冇味嫌有陣押味，呢個魷魚加上醬汁，野味牛柏葉，點上辣椒菜脯，好味到不得了豬皮，睇個樣就知道豬皮炆得好入味，咬落軟熟麻辣豬耳，咬落爽口無比加上小麻小辣，值得一試滷水雞翼尖，大大隻脹卜卜，好肥美同事果然好介紹，以後去深水埗，可以食到又平又好味嘅車仔麵

喺深水埗嘅邊皮近中電一帶有一間舖位唔大但充滿人情味嘅小店有時要坐出路邊食所以通常都揀涼d嘅日子先幫襯聽朋友講佢地做到15/12就裝修回歸嘅時候會2:00後先供應車仔麵遲d會主打湯飯嗚呀我嘅車仔麵呀！呢日諗住可能係最後一次黎食車仔麵所以嗌左四餸！今次嗌左時菜（菠菜）、豬紅、蠔油冬菇同埋我至愛嘅蜜煎午餐肉揀左要辣汁同腩汁本身個辣汁係小辣嘅因為有菠菜吸左好多辣味所以食落比平時更惹味！嗜辣嘅朋友可以落埋佢枱面嘅菜莆辣椒油！食蜜煎午餐肉嘅秘訣係叫佢分上因為浸落湯入面會浸淡左d蜜糖味～同埋真係抵食一份餸錢有咁厚咁大塊午餐肉食！

之前看到Openrice去吃了幾次總是忘了寫食評，天天加班今天心血來潮拉著男友又來天氣涼一點，坐下來吃更舒服照舊點了45元餐，非常抵食6個餸，配河粉蘿蔔跟油麥菜如常清甜豬手爽口得黎好開胃金錢肚、牛坑腩、冬菇非常入味最後叫番杯檸檬蜂蜜，同平時飲開既唔同，甜甜地唔會膩好重要香港越來越少的小店吃的不單單是味道還有平淡中幸福的人情味在什麼都談利益的世界中有時候看到店子的人跟客人像朋友一樣慰問更值得珍惜與感恩

深水埗區唔只一間好食既車仔麵，行去長沙灣方向，行遠少少，就揾到呢間朋友極力推薦既小店。舖頭細細間，店內座位唔多，不過可以坐起舖頭門口既露天位食。而家天氣涼涼地就最岩啦！六餸麵（包凍豆漿）都只係$45！好抵食黎到必叫午餐肉，用蜜糖煎得非常香囗，想原汁原味就記住落單時叫另上呀。車仔麵湯底要左小辣，腩汁，辣度適中，枱面仲有特製辣菜脯，鐘意食辣一定要試！另外推薦蘿蔔，好甜，無渣，配合埋個湯底一流！舖頭細細間，但係人情味濃厚！

我一直都係車仔麵擁躉一唔知想食咩就會想食車仔麵貪佢又平又多選擇而我覺得一碗車仔麵能夠另佢錦上添花既就係辣汁或者辣菜甫！而呢間笑埋檔就有好好味嘅辣菜甫！好少車仔麵檔有得加紫菜而呢一間嘅魚蛋仲係陳皮魚蛋真係好好味另外要重點介紹嘅就係佢嘅蜜糖午餐肉！！喺呢度奉勸大家如果要點蜜糖午餐肉記得叫佢分開上！分上原汁原味好味好多！蜜糖午餐肉不過唯一嘅缺點就係呢間鋪嘅座位好少如果入面冇位嘅時候可能要坐出街上面食所以而家呢個天氣秋高氣爽去食就啱啱好！

第一次食呢間已經要比個讚了份量超級多，都係$42，而且質素都好好！推薦佢個沙嗲汁，唔辣，超香，同麵底好夾麵就揀左淮山麵，好彈牙，索晒d湯既味道！餸方面就揀左豬手、豬紅、豬皮、醬汁魷魚、雞翼同蘿白。平時唔食豬手，但呢個未食已經聞到陣醋香味，食落酸酸甜甜好開胃！令我對豬手有d改觀豬紅入味，份量都好多。豬皮好好食！處理得好乾淨，完全唔會有毛係上面。而食落好爽口，正雞翼既味道好入味，就算浸左一陣湯，佢個味道都唔會淡左！蘿白真係好甜，一d渣都冇，不愧係推介呢！但美中不足既係最想試既魷魚竟然變左紅腸，就有d失望，份量不多，亦係普通野同埋外賣唔記得比吸管，不過呢個好少問題，支持環保下次都會再去食！希望試到魷魚啦，哈哈！

呢到地方唔大，好似無開冷氣，食到好熱。不過車仔麵好抵42蚊有六個送一個麵。送細豆漿，我就加多兩蚊轉大豆漿，幾好味喎，又唔太甜！車仔麵送就叫左，蘿白 , 魷魚，芝心丸，鳳瓜，時菜，芝士腸。蘿白好甜，好食！其他都OK ! 每樣有D , 好滿足！我要左麻辣湯底，其實就唔算好有味不過加埋檯面上既辣菜脯，成碗麵就惹味得多

下午時間去食，叫左蘿蔔，豬腸，魚肉，米粉😋加腩汁同沙嗲汁！大大碗，蘿蔔真係好甜，難怪叫糖心蘿蔔，豬腸好乾淨，又入味，必食！魚肉好滑都好味，佢個沙嗲係正嘅，又5辣！可惜鋪面太細，但幾乾淨企理，老闆有禮好食，會再去！值得推介！

今日去搵深水埗到行街街，正準備行去搭巴士之際，比我搵到呢間小排檔，又未食晏，就係到開餐啦門面好colourful有人氣龍虎磅，即係必食推介，哈哈，岩晒我心大心細既人自家制既辣菜圃，加少少都好好味好似好辣，但店長講到咁好食，試少，少，少啦菜圃好爽脆，加入湯到可以調下味，增加湯既層次瑪卡蜜: 甜甜地又凍凍地，而且仲可以抗衰老，抗腫瘤，抗疲勞。選擇左6餸1麵唔辣既沙嗲湯底: 淮山麵，店長話佢之前係大陸食過好好食，搵左好耐先係香港搵到呢隻麵。淮山麵的確比較少有，麵條食落滑嘟嘟，感覺健康牛肚，鹵水鹵到好入味; 雞翼加大碼，同樣夠味，肉質嫩滑，應該用慢火煮完再焗感覺似以前石峽尾阿伯賣既5蚊5條魷魚.. 未食過，唔緊要，係到再食過。魷魚唔乾身，冇縮埋一細舊，用醬汁再撈，那些年感覺返晒黎羅白，超甜冇渣，必嗌冬菇，比外面更大隻，份量有成4隻呢到提供左惜食卷，只係30蚊一張，就可以比到有需要既人免費食一餐咁好食既麵。由食物質素可睇出店員真係好有心機煮每一碗麵，而且店員亦好健談。食麵仲可以做埋善事， 一舉兩得。我會多d黎幫襯

晤重口味嘅車仔麵店，感受到待客以心❤️❤️❤️為心，也感受到服務非常之好，我最愛就係豬手及糖心蘿蔔，我每次經過必定會去這間店鋪，知道佢開分店，祝願佢生意興隆，客似雲來。生意蒸蒸日上。

呢間小店位置唔算太起眼，但食物質素算得係唔錯。檯唔係多只有兩三張。去到時剛好啲檯坐晒人，但又想食車仔麵，唯有沿路行個圈，再返嚟就已經有位喇~本來車仔麵，其實來不去都係嗰幾款，但係喺呢到發現咗啲特別嘢，就係淮山麵線，所以就會一會吓個淮山麵線。因為第一次食，🤔所以就揀咗啲車仔麵必定食嘅嘢。兩條友揀揀吓，發覺越揀越多，之後店員就講，呢到有個餐42元，可以叫6款，咁睇返價錢又係喎~ 😅揀埋都成三十幾四十元，之後就一於轉餐喇~😂去到揀醬汁環節，因為咳剛好返啲，所以唔食得辣，見到有沙嗲(唔辣)，但又好驚有微辣，🙋點知店員用碟仔，拎咗啲沙嗲汁出嚟俾我哋試，沙嗲汁味道唔錯，但最後都係想試腩汁。兩條友加埋叫咗12款，有糖心蘿蔔、豬紅、豬皮、豬腸、牛坑腩、牛肚、鹵水五花腩、牛栢葉、醬汁魷魚、花枝丸、唐生菜、芥蘭苗。另外，見到一款車仔麵好少有嘅雪耳，下次會再試埋嘅~ 後來仲發覺呢到有自家製涼茶，之後店員話剛好有煲好涼茶，剛剛入晒雪櫃冇暖涼茶，🙋點之店員話可幫忙把支涼茶座暖，所以都叫咗支試吓。睇睇吓…仲發現呢到有款自家製嘅辣菜圃，原來就係檯面上嗰盒，🙋店員仲話好多人專程嚟買，因唔食得辣所以冇試。講咁耐終於嚟到

I was buying some electronic stuffs at Sham Shui Po and after i have finished, it was already lunch time. Feeling a urge to eat street noodles, I walked around nearby to see if there are any nice ones around. I walked past 小排檔懷舊車仔麵 and was captured by their photos. It was a small eatery shop, around 10 minutes walk from Sham Shui Po MTR. Their menu was all written in chinese and they do offered a set for $42, consisting of noodles, any 6 items and a cup of soya drink. I can top up for additional

主打多款懷舊同特色味道的小排檔車仔面，雖然地方細小，但真系食出滋味六寶面套餐 $42加錢點了個淮山面，爽口得嚟掛湯能力好高，餸選了好甜慨蘿卜，爽口麻辣豬耳，少有的果皮魚旦，蠔油冬菇，牛柏葉，豆卜，加少少豬油膏香好多，仲有必落辣菜脯提味更高

價錢合理……食物水準ok!印象中第一次去是這小店剛剛開業！吃完之後已經想推介比同樣愛吃*香港情懷嘅美食*家人、朋友！我已經去過幾次……水準保持、🐽皮、🐽紅、蘿蔔好吃！麵嘅份量夠！另加枱上那個香辣菜脯非常惹味……最後好想分享他們的服務比一些餐廳還有久違嘅……因為剛上星期大約下午三點幾我去吃的時候、可能是他們剛剛忙碌完一輪之後……枱上還有未收拾嘅碗筷……在不為意下、其中一位跟我說:不好意思、之前太忙、沒有空來收拾枱上嘅碗筷……轉頭幫你！