小曼谷泰國美食 (教育路)

營業中

休息中

呢間泰國餐廳在元朗幾出名, 今日行經見到佢晚餐幾抵食, 所以就來光顧! 首先叫了套餐香葉辣椒海鮮炒河粉 ($79), 非常惹味,而且有唔少海鮮, 有蝦、蜆、魷魚等! 不過味道偏辣, 可能下次要叫佢少辣! 另外, 跟餐本身已包熱飲, 同時可以半價加購泰式特飲! 我揀了椰子冰, 味道很不錯! 同時跟餐還可以用優惠價($32)購買小食一款, 非常抵食! 我共加了3款小食:牛肉2串 、泰式炸蝦餅及炸春卷,全部即叫即做, 熱辣辣的, 還有特色醬汁跟埋一齊! 最後叫了泰式鐵板蠔餅 ($128), 蠔肉份量非常多, 餅底炸得非常酥脆! 2個人這樣食已經很飽了!🤣

📍#小曼谷泰國美食 (教育路) (元朗)元朗教育路50號兆明樓地下A號舖♡人均消費: $424 @ 2▪️▪️▪️▪️▪️▪️▪️▪️▪️▪️▪️▪️▪️▪️小曼谷都係香港幾出名嘅泰國菜，香港亦有三間分店，包括喺：銅鑼灣、九龍城、元朗。餐牌上選擇都豐富，唔少經典嘅泰國菜食都可以見到。✨#泰式酸辣鳳爪💰$88酸辣鳳爪酸酸辣辣，配上洋蔥、芹菜、辣椒，係幾開胃嘅泰式前菜小食。✨#泰式燒牛肉💰$98牛肉落單嘅時候可以揀幾多成熟，我哋order咗七成熟，上枱嘅時候已經一條條剪好哂～牛肉帶有微微粉嫩，入口亦非常軟腍，配上獨有醬汁，整體很不錯。✨#鐵板豬頸肉椰菜苗（馬拉盞）💰$118上枱時非常香，鐵板燒可以保持到椰菜苗同豬頸肉嘅熱度，豬頸肉之前有燒過，非常香口，好食👍🏻✨#小曼谷原隻芒果糯米飯💰 $82食泰國嘢一定要以芒果糯米飯作結，芒果份量足夠，而且好甜，糯米飯就中規中矩，如果有咬口少少會更加加分。▪️▪️▪️▪️▪️▪️▪️▪️▪️▪️▪️▪️▪️▪️

📍小曼谷泰國美食 (教育路) 元朗教育路50號兆明樓地下A號舖.最近係元朗搵到間好好食既泰國餐廳😍最愛係個咖哩法包😋😋下次要再黎食先得！🌟泰式鮮蝦炒金邊粉 $98啱啱上枱就嚟一陣香氣撲鼻，食落去個金邊粉唔會太腍，同埋蝦仁🍤又新鮮又彈牙，真係好好味嘅一款泰式經典炒麵👍🏻🌟泰皇咖喱法包軟殼蟹 $198軟殼蟹熱辣辣夠鬆脆👍🏻咖喱汁一上枱就聞到好香😱醬汁偏甜又夠creamy，岩晒食唔到好辣既我🤣仲有成個法包非常軟熟，點咖喱汁食真係一流呀😍🌟串燒拼盤 $118成個拼盤有六串串燒，分別有豬、牛、雞、雞腎、雞全翼、泰式臘腸，呢六串串燒既肉質都好嫩滑，燒得好香口，又唔會太乾，好滿足呀！🥰

突然好想食泰菜，唔知食邊間好，就去咗比較出名嘅小曼谷泰國美食，2個人叫咗幾樣嘢，好在唔係叫咗好多，如果唔係就大鑊，$661埋單，完全唔值，唔會再食。😑泰北燒牛肉$98同白烚無分別，牛肉完全見唔到燒嘅痕跡，無味、無牛肉味。😩💛咖哩炒虎蝦4隻味道ok，但有2隻啲蝦肉有啲「霉」，唔太新鮮。💛馬拉盞炒椰菜苗 $98味道正常💛泰式冬陰功湯$138味道正常，有1隻啲蝦肉有啲「霉」。😑泰式蒜蓉包4塊$48麵包明顯擺到冇晒水份，超乾，冇味。💛咸檸七$42/杯一般。服務🤵🏻無服務。環境🌉坐位唔舒服，好逼，黐黐𥹉𥹉，清潔有待改善。

一個 $60 嘅午餐，啲餸少到好似比人食剩咁😞服務員態度係零服務，同佢講嘢係唔想睬你，同佢反應䁬下你就行左去⋯ 雖然只係一個午餐，但唔係咩特價，都要成 $60 以後都唔會再幫襯

小曼谷泰國美食的泰式咖哩非常出色。他們的咖哩湯底濃郁香辣，口感豐富。無論是紅咖哩、綠咖哩還是黃咖哩，每一種都有其獨特的風味和辣度。配上新鮮的蔬菜和嫩滑的肉類，每一口都讓人享受。另外，他們還提供了不同的咖哩選擇，包括雞肉、牛肉和海鮮等，無論您喜歡哪種口味，這裡都能夠滿足您的需求。其次，小曼谷泰國美食的炒麵也非常受歡迎。他們的泰式炒麵炒勻均勻，麵條彈牙有嚼勁，配料豐富。無論是泰式炒河粉還是炒米粉，都有其獨特的風味和口感。他們的炒麵以新鮮的海鮮和蔬菜為主，搭配特製的醬料，味道鮮美。而且他們的炒麵還提供了不同的辣度選擇，無論您喜歡微辣還是超辣，這裡都能夠滿足您的口味需求。除了咖哩和炒麵，小曼谷泰國美食的燒烤和海鮮也是非常值得推薦的。他們的燒烤菜式包括燒雞、燒豬和燒牛等，鮮嫩多汁，入口即化。而他們的海鮮菜式則提供了各種選擇，包括炒蝦、煮蚌和烤魚等，新鮮美味。無論是喜歡燒烤的獨特風味還是海鮮的鮮美口感，這裡都能夠滿足您的需求。

🦀️咖哩軟殼蟹配香酥薄餅1. 咖哩汁非常香濃，辣度微但都有帶香料味道2. 軟殼蟹外皮炸得酥脆，咬下去有一種脆脆口感，同咖哩汁濃郁味道形成左對比，食得非常過癮。3. 軟殼蟹食材新鮮，蟹肉質鮮嫩，肉質飽滿，有一定甜度同鮮味，整體望落去非常精美。薄餅都好正 香香脆脆😋對比之下串燒就一般啦🤔

泰菜永遠都令人冇法抗拒！呢間泰國菜餐廳味道夠晒地道。而且員工都講泰文，夠晒貼地😚💛星級午餐🍴泰皇咖哩炒蝦 ($129)🍴配蒜蓉包🥤龍眼冰咖哩好大碟而且又好香。聞同食落都有種淡淡椰奶味！辣道唔會好辣，係迎合到香港人口味。兩隻蝦食落都彈牙爽口，配埋烘到熱辣辣，表皮又脆嘅包一齊食真係冇得輸🤩💛午餐🍴冬陰功豬頸肉河粉 ($50)🥤椰青嗌咗少辣嘅冬陰公，食落酸酸甜甜，夠晒開胃！河粉唔會一夾即斷，而且十分掛湯，完全索晒湯底嘅味。湯底入面仲有唔少菇做配料，連埋一齊食真係大滿足😆椰青大大個，又甜又多水。仲配埋羹仔，咁就可以食埋果肉😋💛 串燒拼盤 ($118)串燒拼盤入面分別包咗豬、牛、雞、雞腎、雞全翼、泰式臘腸答一串。串燒都係炭火即燒，燒到好香！其中雞全翼最為吸引，咬落有肉汁，外皮又燒到香脆，冇得頂😍————————————————————————🌼評分：5個🌕為滿分🫧味道：🌕🌕🌕🌖🫧環境：🌕🌕🌕🌗🫧性價：🌕🌕🌕🌕🫧回頭：🌕🌕🌕🌗💰加一：❌⏰限時：❌📍小曼谷泰國美食 (教育路) (元朗)📍元朗教育路50號兆明樓地下A號舖其他分店：🔍銅鑼灣謝斐道535號Tower 535地庫B02號舖🔍九龍城南角道

小曼谷泰國美食是元朗的老字號泰國菜餐廳，位於教育路，交通便利，泰國嘅氣氛濃厚。午市有多款套餐可以選擇，價錢合理，份量足夠。我最喜歡的是泰式生蝦刺身，有四隻大隻的生蝦，肉質鮮甜彈牙，沾上特製的酸辣汁，好開胃。泰式鮮蝦炒金邊粉也很好吃，金邊粉炒得乾身香口，有鑊氣，配料有蝦仁、雞蛋、豆芽等，味道濃郁。泰式酸辣湯也是必點的一道菜，湯汁酸酸辣辣，有香茅、青檸、辣椒等香料，湯料有雞肉、蘑菇、番茄等，飲落暖胃。

之前已經食過覺得燒海鮮五錯 所以今日再堂食野食真係五錯 但衛生有保留 一直食 係啲野食發現有頭髮 杯有頭髮 碗有頭髮 發現左三次先忍五住出聲，最後買單嗌左海南雞飯同東風螺外買比完錢之後發現點解甘貴 可能比左半隻雞翻到屋企見到盒雞飯真係忍五住 寫翻個食評比各位睇下 (本身係餐廳無食過海南雞飯)

座位雖然有少許擠逼，但環境乾淨，沒有油煙味，以QR code點菜，上菜速度迅速，部分菜式有泰國國旗🇹🇭裝飾，適合食客拍照。✅ 泰式拼盤 (小) $168 拼盤包含蝦餅、魚餅、春卷及雞棗，油炸時間及溫度拿捏得恰好，外層香脆，內層溫度足夠且沒有過熟✅ 風味燒豬頸肉 $118豬頸肉有炭燒香氣，配上帶酸的醬汁抵銷豬肉的油膩感，令人停不了口✅ 小曼谷炒飯 $108菜單註明成份為蟹柳、扎肉、豬頸肉、蝦及蛋包飯，炒飯調味恰好，像走甜版的菠蘿炒飯，唯蟹柳及蝦分量過少，只有各一顆，扣掉少許分數👌🏻泰式咸肉炒芥蘭 $98可選少咸及少油，我們點選了少油，整體味道平凡，油量亦不少，咸肉大部分都只是脂肪❌ 椰皇沙冰 $42可選甜度及奶量，這杯少甜多奶組合的沙冰味道太淡，喝不到椰皇香，不太推薦✏️ 另收加一服務費

即使係酷熱嘅天氣都係無阻我食泰國餐嘅決心,而且酸酸辣辣更加開胃添。今日去元朗國行街，當然去幫襯我至愛嘅小曼谷泰國美食啦。兩點鐘入座，剛剛好又可以揀下午茶又可以揀午餐，一坐低揀好嘢食之後先送上兩個例湯，今日真係有食神，例湯轉咗做冬陰功湯。然後冰凍嘅生蝦就上枱了,非常新鮮,蝦肉又彈牙.唔少得我第二至愛香葉炒肉碎,微辣香口,生菜新鮮爽脆,包豬肉碎食真係好夾.泰式燒牛柳配木瓜沙律,呢個係下午茶餐嚟嘅,但份量都唔少,牛柳燒得剛剛好,木瓜沙律酸甜開胃.黃咖哩雞肉配蒜蓉包,咁熱唔想食飯當然係食包啦,食完都唔會好飽.最後仲用咗個特惠價錢跟餐配兩個小食,炸春卷份量都唔少,泰式鳳爪有咬口,今日真的飽飽了.人均消費💰 ： ＄ 200總結✍ ： 套餐選擇多,味道夠正宗NatNat評分💎💎💎💎(5💎為最高)

元朗都真係好多好多餐廳 咩類型既都會有而呢次就揀左食泰菜 有時唔知點解會心掛掛好想食泰菜重點推介一下一人晚餐 性價比都幾高 有主食有野飲 重可以加配小食泰式鮮蝦炒金邊粉呢個真係必點之一 因為我鐘意食甜甜地帶微酸既炒金邊粉 份量都幾大碟 真係一人晚餐嗎(?)唔少得既重有蝦同 豆乾而櫻花蝦提升埋果香氣 好食好食泰式黃咖哩雞排飯泰國菜唔少得咖哩 我地重叫左份泰式原味烤薄餅 牛油味超香濃 再加埋咖哩一齊食 開心喎成件事超飽肚!!! 而雞排係預先會煎過既 外皮金香泰式咸魚炒椰菜苗對上一次去另一間泰菜餐廳食佢話賣晒 搞到我今次一坐低 就即刻qr code落單點左呢個餸 好惹味 而且份量都幾多 爽口鮮嫩 有咸香味加配小食炸蝦餅Total有兩舊 再一開二 配埋甜酸醬 好食飲品方面係套餐包埋點左一杯龍眼冰同熱龍眼茶都好足料 好多龍眼 甜度適中總結我地黎既呢日係平日既6點幾一直食都keep住有食客入黎而元朗咁多餐廳咁大競爭下 佢都係平日坐爆場 可想而知 係好食

👩🏻‍🍳小曼谷🧑🏻‍🍳👣值得科勞指數：🏃🏻‍♂️🏃🏻🏃🏻‍♀️收工落元朗搵朋友，諗唔到食乜，經過嘉城見到對面有間泰國野喔，就試下佢啦～試了幾道泰國特色美食，包括生菜包、泰式生蝦、串燒、泰式臘腸、泰北燒牛肉和芒果沙冰。🍽️生菜包用生菜包裹著豬肉、花生和香菜，搭配醬汁一起食用。整道菜的口感非常清爽，生菜的脆度和豬肉的鮮美相互輝映，醬汁則帶有微辣的味道，非常開胃。🍽️ 泰式生蝦新鮮的生蝦配上泰式醬汁和香草。生蝦肉質鮮嫩，泰式醬汁略帶酸辣的味道能夠帶出海鮮的鮮味，讓人垂涎欲滴。🍽️串燒。豬、牛、雞、雞腎和泰式臘腸串燒的肉質都非常嫩，充滿了炭烤的香氣和味道。尤其是泰式臘腸，口感嚼勁十足，搭配醬汁更是美味無比。🍽️ 泰北燒牛肉老闆話係元朗店限定架，梗係試吓啦。泰北燒牛肉是以特殊的醬汁醃製過的牛肉，經過炭火烤制後，口感鮮美，香氣撲鼻。🍽️ 芒果沙冰：以新鮮芒果為主角，加上冰沙和椰漿，口感清爽，非常適合消暑解渴。📍地點：牛頭角立成大厦#小曼谷 #元朗美食 ＃香港探店 #元朗探店 #香港必食餐廳 #串燒

食物一般，自助落單仲要收加一係咩玩法？唯一好食少少嘅係蒜蓉包，起碼夠哂熱，其餘點左嘅串燒，咖哩蟹同九龍城點相比，係有少少差。建議餐廳考慮取消自助落單。謝謝🙏。