小曼谷海鮮燒烤屋

營業中

休息中

「小曼谷海鮮燒烤屋」之前成日會經過，但今日都係第一次入去食😝 「小曼谷海鮮燒烤屋」裝修都好闊落，而且壁畫前面好似有一個Band台，晚上可能有表演😂😂😂Lunch set都幾多選擇⋯⋯香葉肉碎茄子燴飯（加辣）……呢個拌飯真係冇得輸⋯⋯個肉碎炒得好惹味👍 泰式蟹肉煲仔翅……..$118 ……….都幾足料蟹肉都唔少有花膠有兩粒鮑魚可以足夠2-3人的份量！泰式生蝦刺身，刺身蝦好大隻，而且好新鮮好鮮味！👍

朋友掛住泰國野食，捉住我一齊上網睇下有邊間泰國野好食，一揾就揾到小曼谷~~~呢度地點好方便，宋皇台站一出，行一陣就到!!而且平時經過開都好少食，只係見門口個公仔不停揮手HAHA!!就諗住試試佢手工啤🍻呢度嘅手工啤真係一絕，每款啤酒都有獨特嘅風味，無論係清爽嘅淡啤，定係濃郁嘅黑啤，都能夠同泰式菜式完美配搭，增添食慾咖喱炒虎蝦呢款咖喱炒虎蝦好好食!!!虎蝦鮮甜彈牙，咖喱醬汁濃郁香辣，配上新鮮嘅香草同椰奶，味道層次分明~曼谷夜市火山骨呢款曼谷夜市火山骨真係好震撼！豬骨煮得好嫩滑，多汁入味，配上特製嘅酸辣醬汁，味道濃郁開胃，真係令人回味無窮!

呢排都無咩假期可以去泰國玩同旅行~又有D掛住泰國，所以就約朋友去小曼谷食餐泰國野~去感受一下泰國風情，我地簡左九龍城嘅小曼谷~呢度氣氛輕鬆，價錢亦合理，係享受泰式美食嘅好地方🩷🩷芒果沙冰 + 泰式龍眼冰🍹芒果沙冰真係好清爽，芒果味濃郁，冰涼解渴~泰式龍眼冰亦都好好味，龍眼甜美多汁。冬陰辣酒煮東風螺通常屋企食東風螺都係白烚~而呢度用冬陰辣酒去煮東風螺，食落真係好特別~~東風螺鮮甜嫩滑，配上濃郁嘅冬陰醬汁同辣酒，味道層次豐富，酸辣開胃!!

呢間小曼谷我已經食過幾次，但係每次都係令我咁驚喜，佢嘅水準真係超級穩定❤️今次同班朋友嚟食，都係食得好開心，我哋一早book咗位，一入餐廳已經聞到好香嘅食物味道🤗香葉肉碎炸蝦膠皮蛋：呢度菜相當特別，佢嘅做法都好烤功夫皮蛋出面係蝦膠，外皮炸過，再配埋香葉同肉碎，口感超級豐富🥰呢度嘅燒烤咁出名，我哋就叫咗泰式燒牛仔骨同串燒拼盤有雞全翼、地道燒臘腸、豬牛雞各一串、雞腎，佢嘅燒烤真係超級香，新鮮滾熱辣，朋友仲忍唔住追加咗一串珍寶腸😍黃咖喱海鮮，泰式蒜茸包：佢嘅蒜蓉包真係細一，夠脆之餘上面嘅蒜蓉醬配合埋咖喱，吸晒啲汁真係好好味😋泰式鐵板蠔餅：呢個蠔餅入面嘅蠔相當足料，基本上每一啖都食到蠔嘅鮮味，仲有用鐵板上鑊氣就夠晒😝

姐姐🧍‍♀️放假🏖️，叫咗外賣平台小曼谷外賣🥡，等咗45分鐘，送外賣🥡嗰個冇㩒鐘就放低外賣🥡走咗去，咁都得😅叫咗小曼谷海南雞飯（$118）都幾大份，雞脾🍗肉滑，雞全翼（一串），$27，普通，牛油🧈蒜蓉燒蟶子（三隻）（$209），唔夠大隻，同韌，油飯（$25），芒果🥭沙冰🍧（$49），足料，泰式生蝦刺身（$147），有冰鎮。會員免運費，用埋 $40 coupon

小曼谷泰國菜 🇹🇭🇹🇭🇹🇭 喺九龍城太子道西咁多年，門口個橙色招手公仔相信大家有印象見過，食過1、2、3⋯⋯次都好正常, 聽聞最近出咗新菜式, 於是我哋又book咗嚟試吓好唔好味～ 😋😋😋新菜式有以下3款 : 👀👀👀曼谷夜市火山骨 : 🌋🌋🦴 食過近似嘅，而又不太喜歡～ give up 🤭🤭🤭冬蔭海軍海鮮部隊鍋 ： 🥘🥘🥘 本來想點呢個，但同行人不吃辣，放棄～1.）香葉肉碎蝦膠皮蛋 ：✅✅✅ tried this~ 蝦膠包住皮蛋去炸 🔥🔥🔥 食落香口而不膩 👍👍👍 人多食會更好，每人2/3件係ideal portion~另外仲點咗 ：2.）珍多冰 🥤🥤🥤 多數食泰菜都係佢或椰汁冰 😋😋😋3.）泰式炆豬手 🍖🍖🍖 炆得夠林夠入味而仲有肉口感 👍👍😋4.）串燒 🍢🍢🍢 牛、豬 & 脆肉瓜 ，不過不失～⭐️⭐️⭐️ 每晚夜市堂食有$38限定菜式優惠，超抵～ 🤑🤑🤑

想食泰國美食首選有小泰國之稱九龍城😆😆，其中(小曼谷海鮮燒烤屋)裝潢簡潔，店員以泰國人為主好有善，招呼又週到。而且食物份量大碟頭❣️冬蔭海軍海鮮部隊鍋湯頭酸酸辣辣非常惹味，再加上鮮甜爽口介花魷魚，大大隻爽脆鮮蝦，還有泰式燒肉，鮮甜青口……等，碟頭大大盤極為豐富，抵食夾大件👍👍❣️串燒拼盤💥雞全翼~散發出濃郁燒烤香氣，外皮黃金酥脆，肉質鮮嫩多汁💥地道燒臘腸焦焦地臘腸，硬中帶軟，甜甜香香惹味💥豬~肉質juicy💥牛~肉質帶牛香，煙煙韌韌💥雞~質鮮嫩💥雞腎~爽脆彈牙❣️泰式炸蝦餅外層酥脆金黃， 蝦肉鮮甜和彈牙的口感，帶有豐富層次感

天氣一凍就會好想食辣嘢暖暖胃，一諗起食辣嘢第一樣就即刻諗食泰國嘢，所謂今晚又去左九龍城食小曼谷，因為小曼谷真心高質，仲會定時有新菜式可以試。今晚有個新菜式冬陰功海鮮部隊鍋，見到真係心心眼好想試，果然無令我失望，個鍋勁大勁多料， 有勁多款唔同嘅海鮮，有蝦，魷魚，青口，蟹 柳，札肉，泰式燒肉，真係食極都仲有，仲要全部都充滿微辣冬陰功味，仲要有公仔麵，食完仲可以飲埋啲冬陰功湯，真係10級抵食。另一個必叫嘅酸辣牛小排沙律，果種酸辣真係好開胃，小曼谷signature既牛小排真係好正好有牛味又夠淋，真係好出色。 跟住忍唔住叫咗一串泰式臘腸沙嗲串燒，因為個臘腸真係燒得好好食好香又帶少少甜味。呢排仲有限時部份飲品買一送一，叫左杯菠蘿沙冰，最正既唔算好甜，菠蘿既味道好真，應該無特別加太多糖水，加分！

最鐘意食泰國菜的我每隔一至兩星期就會去食一次，每一道菜都好吸引好惹味。泰式鮮蝦炒金邊粉每次都必點很有泰式風味的炒金邊粉，搭配鮮嫩多汁的蝦仁，口感豐富。金邊粉本身具有彈牙的口感，而泰式鮮蝦炒金邊粉通常還會加入蔬菜、豆芽等配料，增添口感和風味。泰式酸辣鳳爪這碟是泰式料理中的一個經典小食，鳳爪為主要食材搭配泰式特有的酸辣調味料，帶有微辣和酸甜的口感。這道菜通常還會加入蔥段、洋蔥、香菜等配料，提供不同的口感和層次。好開胃。泰式生蝦刺身生蝦刺身鮮嫩多汁，每一隻都爽口彈，味道鮮美而清新。尤其在夏天時，吃起來更加清涼開胃。冬蔭公湯熱辣辣香噴噴的冬陰功湯，含有椰奶、雞肉、蝦等食材，並配以檸檬葉、香茅和蔥等香料，味道豐富而香濃。湯的口感有濃郁的奶油狀，加上泰式特有的辣味，帶來一種獨特的風味。

九龍城有小泰國之稱，食泰國菜梗係要來呢度啦，呢度好多間都食過，今次試吓呢間老字號，每次經過都見到大排長龍牛肉雞肉沙嗲串燒，好好味，肉質有口感又唔韌，配埋個沙嗲醬汁，十足泰國風味招牌海南雞(半隻）雞肉嫩滑，份量多黃咖竰牛腩，充滿椰香嘅黃咖喱，除咗好送飯，我鐘意配蒜蓉包，牛腩炆得好淋泰式飛天炒通菜炒得好香，好餸飯，通菜非常爽口菠蘿雞肉炒飯泰式鮮蝦炒金邊粉材料十足，金邊粉煙靭，味道酸甜，非常開胃泰式蒜蓉包 烤得香脆，充滿牛油蒜蓉香味，沾上咖喱汁，食唔停口椰青好清甜又大個整體非常滿意，所有食物都好夠熱度，每碟份量都好多

早兩晚嚟食，原本訂咗位喺新舖，但交唔切枱，結果過返舊舖，佢啲泰式串燒真係燒得啱啱好唔會過火但又夠香港口；海南雞就真係過熟，結果退返畀佢；咖哩牛腩肉質好稔又入味；個炒通菜夠辣又爽口；整體質素真係唔差。

呢間小曼谷又貴又難食，平均價格貴其他普通泰國餐廳25%，價錢同銅鑼灣嗰間一模一樣，但係銅鑼灣嗰間好食啲，呢間真係好貴，最慘係好難食，一個泰式炒肉片可，河粉用香港河粉不知所謂，如果你想試吓難飲嘅冬陰功湯你可以喺呢度試，人哋一個炒粉麵七$80佢呢度要$100!我以為小曼谷好似以前咁幾有泰國風味，其實真係好難食，好似香港人整泰國菜，加上坐得好迫夾，一杯芒果沙冰對面嗰間泰國嘢$25 ，佢要$42 ，黃咖喱炒大顯佢呢度要二百幾蚊，想俾人搵笨可以嚟呢度試吓

遲來的生日派對🤣🤣四個人食咗泰式生蝦：肉質鮮美，新鮮唔腥，必食值得推介小曼谷原隻芒果糯米飯：椰汁偏甜不過配芒果偏酸味道啱啱好串燒拼盤A （蔬菜）：燒完嘅菇類，仲保留到水份，唔會太乾同硬，值得一讚串燒拼盤B（肉類）：正常水準，好食泰式燒原隻鮮魷：唔會太韌，配泰式醬汁唔錯泰皇咖喱法包軟殼蟹：咖喱同法包完美融合，好食推介椰青：果肉容易拆開椰汁西米糕：椰汁西米甜度適中，唔錯星期日晏晝嚟唔算太多人，唔使等好耐就可以食，地理位置都幾好，宋王臺站B2出口一出直行就到啦，不過佢附近有幾間都叫小曼谷，約朋友嗰陣要問清楚佢哋去邊一間

小曼谷海鮮燒烤屋雖然唔係好食得辣，但久不久都會心思思想食泰國野，今日就同屋企人走入九龍城搵好嘢食！見到呢間小曼谷門面幾有地道風味，仲有個人仔係咁揮手🤣聽聞都幾出名，一於就試下佢😋泰式鮮蝦炒金邊粉 每次食泰國菜必叫金邊粉，上檯一睇炒得幾夠色水，令人食慾大增～配料都幾豐富，有：鮮蝦、齋片、雞蛋、芽菜、韭菜、花生碎等等。金邊粉唔會炒得太乾，咬落有嚼頭，配搭點檸檬汁，酸甜惹味👍🏻鐵板豬頸肉嘟椰菜苗 未食已經聞到好夠鍋氣，用鐵板上夠曬架勢，仲滋滋聲😍菜同肉份量唔少，最鍾意佢豬頸肉處理得有點脆邊，兩者都好夾，配搭埋馬拉盞味道，辣度輕微，口味香濃，略嫌太重鹹度，配碗白飯食就一流啦😋小食今次少少地叫咗兩款小食，分別係雞肉串燒同蝦餅～前者燒得好香，炭火味出，雞肉肉質嫩滑唔會太乾，而精粹在於個沙嗲汁，好厚身又夠花生味👍🏻；後者大大份，啖啖肉，蝦味夠，外皮又香脆，配搭酸甜醬好快食完🤪美中不足係口感略欠彈牙，但份量取勝～椰汁涼粉冰食到有啲口渴，決定揀返杯嘢飲，今次揀咗椰汁涼粉冰。送到黎大大杯，椰香味濃，又幾滑，同涼粉好夾，叫咗少甜少冰味道剛好😋

講到食泰國菜，又點少得要食呢一間小曼谷海鮮燒烤屋呢！呢間餐廳喺九龍城，非常容易就搵得到！一去到嘅時候就叫咗一個泰式生蝦刺身，呢度嘅刺身非常爽滑，而且好新鮮，辣辣地嘅味道！