小曼谷海鮮燒烤屋

營業中

休息中

午餐有冬蔭功肉碎湯送冬蔭功湯少少辣 唔酸 仲有菇係入面 幾好味炒金邊粉無乜味 而且蝦無挑乾淨啲腸 蝦開左背見到啲蝦腸 比較扣分 金邊粉分量適中熱龍眼水味道不俗成個餐50蚊可以接受

心血來潮好想食泰國嘢，同朋友去咗九龍城食小曼谷。叫咗咖喱雞，再叫蒜蓉包黎點咖喱，蒜蓉包好香脆，咖喱好香，唔太辣。魷魚好新鮮，入面嘅糯米飯好香，一啲都唔靭。食泰國嘢一定飲泰式奶茶，好香茶味唔會太甜。

泰式拼盤 $146(小) $176 (大)估唔到點左小，份量都咁多😂，炸物有齊蝦餅、雞棗、春卷同魚餅，全部熱辣辣咁上枱！K最愛蝦餅，炸到好香口脆卜卜咁，中間既蝦肉又夠彈牙，點一點泰式甜辣醬真係無得輸😝黃咖哩牛腩 $88、泰式原味烤酥餅 $30(兩塊)呢兩個一定要放埋一齊介紹😌，酥餅好酥脆而且牛油味道好重，襯熱將佢點落咖哩度索下汁，真係會食唔停😂咖哩以小鐵鍋上枱，保持熱度😆，椰香突出，辣度比較低。牛腩份量多，而且煮得腍身~馬拉盞炒通菜 $79一碟炒得好滿😂，砌到好似個小山丘咁好抵食😝不過呢個就覺得油左啲啦牛肉串燒 $16牛肉串燒配搭沙嗲醬，沙嗲醬中加有花生粒，所以幾香；牛肉外層燒到有點脆身，裏面既肉質仲保持到細嫩🤘榴槤沙冰 $45榴槤愛好者係絕！對！要點呢款沙冰😍，一杯滿滿既沙冰上面放上一舊榴槤肉，沙冰更似榴槤奶昔，飲每一啖榴槤味道都好出好香，超滿足！

小曼谷是我最喜歡的泰菜餐廳之一 ，我久不久都會去九龍城小曼谷食勁期日人，好多幸好等了一會就有位了可以點餐或散叫點餐最抵食，不過沒有我心愛的食物，最後還是決定散叫！椰青 ＄37 食辣最好都係飲椰青 ，打＄過椰青飯是每次必食！每次點完，附近都會有客人跟住點，其外表真的好好看，有點似甜品的造型，上面淋滿椰漿 ，非常好入面有大蝦、菠蘿、提子乾、 炒蛋、帶子 ，平時不喜歡吃飯的我卻會食上幾碗。燒安格斯西冷牛小排＄ 168這個價位非常超值，份量之多而且牛肉燒得火候非常好，不會過生或過熟 食起來肉味濃郁，口感腍而且多汁，令人回味 明爐魚 雖然魚細細條，但好多肉而且沒有很多骨， 那湯用上好多泰式配料加上青檸汁煮， 味道有點是冬陰功的感覺桂花魚多肉少骨，肉質細嫩 ，沒有泥味 ，而且很鮮甜埋單$400有找,二個人食得好飽仲有打包,好抵食

今次去試小曼谷海鮮燒烤屋，特色係他們有燒烤串燒 選擇燒安格斯西冷扒: 燒安格斯西冷扒，燒得成數剛剛好，肉質鮮嫩香濃牛肉味 店主重切碎上， 一嚿一嚿放入口大滿足。蒜爆胡椒炒虎蝦: 香濃蒜蓉茄胡椒碎炒虎蝦，虎蝦大少股剛剛手板一樣大，虎蝦非常之新鮮肉質食落彈牙，新鮮可口。泰皇咖哩炒海鮮: 泰皇咖哩 炒海鮮海鮮包括，大蝦，鮮魷，青口同大花甲， 每樣海鮮都非常之新鮮，加埋特製咖哩配方，香濃而不太辣非常有咖哩味，食完會不停食，仲食埋啲汁添。 飲品叫咗: 椰皇沙冰同椰青，椰青新鮮，椰皇沙冰仲用新鮮椰皇肉去做，兩樣都非常之清新可口，配咖哩一流，一啲都唔油餌，仲舒緩濃味令口腔更加清新。

成日唻九龍城食飯，其他泰國食店都試過，呢間小曼谷今次第一次食。一直以為係遊客先入唻，平時搭車會經過有隻吹氣公仔响門口。我堅持唔食平時有嘅野食，所以只叫左串燒 最鍾意食原隻魷魚，呢個仲要車釀左糯米飯响入面串燒仲有牛粒同帶子同蝦勁多粒蕃茄，雖然我唔好，但係燒得好juicy,我都食得晒，感覺好健康但係粒牛普通左d, 唔抵食老公最鍾意椰青嘅肉係咁刮，呢個叫椰青波波，成個椰青去皮，啖啖肉，最後成個食晒聰明絕頂，一定要試呢個組合！榴槤糯米飯，唔需要形容，無得話唔吸引

九龍城其實都好多泰國餐廳,我都食左唔小間,今次係朋友指定去呢間。星期六晚去都唔洗等位,坐位唔迫,可以坐耐少少。店員都有禮貌。生蝦刺身鮮甜,肉厚,而且爽口。東陰公湯辣度剛好,足滿香矛同埋蕃茄味,湯料足,入面既蝦肉都係爽口既!蒜蓉包真心正,加左唔知咩香料落個包到,又脆又香,叫左2次!叫得蒜蓉包就要加埋咖哩啦！咖哩香濃,咖哩入面加左蛋醬,令到咖哩汁更加滑,蜆肉煮得岩岩好又冇沙桂花魚又係新鮮,煮得剛好,酸味辣味岩岩好飛天炒菜苗,菜苗連埋蝦米一齊炒幾野味

賣相見到就麻麻 但燒雞食落又ok 喎 要讚佢烤得十分有火候 燒烤汁亦得入味 食每啖都雞汁泌出黎 現加諗返又想食拉🤤🤤🤤🤤開頭見到桂花魚 仲以為有湯飲咁盞鬼 原來係桂花魚湯底 酸酸地非常醒胃👅呢個咖哩炒海鮮 不容輕視呀！😍佢首先有咖哩既辣 但就非一味淨辣有炒出海鮮既鮮 小編好欣賞廚師既心思椰汁🥥沙冰配上芒果 椰果粒搭上芒果肉 味道酸酸甜甜 層次感提升 好有夏天既味道其實小編全部都好滿意 唯獨是珍多冰呀 對於唔太嗜甜既小編 椰奶實在實在太甜拉 不過d果粒頗爽口 不過不失拉😛

周四晚，黃大仙收工後就同友人過黎九龍城食泰菜。 今次就黎到小曼谷。門面非常易認，除左門口放左一架可以呃like Ge 粉紅的外,仲有大象logo嘅小曼谷字樣。當晚嘅7點，唔算好多人。甘樣安排嘅二人座，都幾好又唔逼。菜單有張寫住小曼谷10大必食至荀推介。椰青$37食泰菜嘅perfect match 除左泰啤外就梗係清暑椰青，清甜解渴。珍多冰 $32椰汁唔甜，甜度黎自好似啫喱嘅粉條。泰式干炒海鮮魚麵 $79份量大大碟。有蝦、蜆肉、魷魚、仲有帶子添ga! 魚麵炒得火候夠唔油膩，味道有d 似港式炒烏冬。泰式拼盤(細）$112擺盤幾靚，心型ga 隻碟。蝦餅粉脆彈牙。魚餅好大塊，煙韌彈牙。泰皇咖喱法包軟殻蟹 $128呢個法包都好大個，咖喱調味好惹味、好香滑，微辣唔嗆口。

正正常常𣎴過不失的泰國菜。要食地道既泰國菜就多數坐得吾舒服。小曼谷喺kln city有好几間。多人食既話呢間就坐得較舒服同收得夜d。夜晚有live歌手駐場唱歌。都吾算嘈。價$正常。食物款式算多。味道不算特別出色。炒椰菜苗吾錯。燒花螺夠香味濃。鹽燒盲曹魚大條肉嫩夠味。宵夜時間去到人吾多。上菜快。鳳爪有辣味。木瓜沙律一般。豬手吾夠味同肥。燒蜆几好。炸物拼盤麻麻。炸雲吞大隻冇味。人均消費吾貴。諗吾到食乜既可以食下。冇咩特別

M佬：香港邊到食泰國菜最正？A姐：梗係九龍城啦！M佬：跟得我多，真係醒咗喎！九龍城一向都係好多正嘢食，尤其係泰國菜！今日我哋就去試下門口有個吹氣公仔郁嚟郁去嘅小曼谷海鮮燒烤屋！牛油蒜蓉燒蟶子蟶子鮮甜多汁，特別欣賞濃郁嘅牛油味，加埋蒜蓉同白飯魚仔，味道豐富！原隻鮮魷魚筒釀糯米飯大大隻鮮魷魚筒原隻上碟，賣相吸引，鮮魷魚新鮮彈牙，鮮味十足；裏面仲釀滿糯米飯，煙靭癡牙，吸晒魷魚嘅鮮味，好特別！明爐香檸汁蒸桂花魚平時多數係烏頭，呢到有貴價啲嘅桂花魚，肉質嫩滑，加埋香檸汁同辣椒，酸同辣味配合得啱啱好，非常惹味！芒果粒粒沙冰天氣咁熱，最啱飲沙冰，冰塊打到好似綿花咁滑，芒果味香濃，仲有粒粒芒果肉，透心涼！泰式龍眼冰食泰國嘢必飲龍眼冰，清甜嘅龍眼味，十分解渴，仲有好多龍眼肉，好滿足。（記住Like同Share畀朋友）By A姐M佬 玩樂日記

食泰國嘢點會唔喺九龍城呢~九龍城一個細細嘅地方但大街小巷有數唔盡嘅泰國食店而今日講依間就係年來屹立不倒又做到有分店嘅小曼谷串燒喺泰國野嘅level one必食食品豬牛雞串燒其實串燒依家野 無得輸嫁喎😌熱辣辣有肉汁嘅~另外今次要提提嘅係椰青海鮮焗飯好多飯 啲飯好有口感個椰汁甜甜地加入啲焗飯度 全個飯都好rich有蝦 帶子 魷魚 青口 樣樣俱全其他泰國食店真係做得無佢依度咁出色所以如果您鐘意椰汁嘅就一定唔可以錯過佢!

我成日去九龍城食泰菜，今次食間出名少少「小曼谷」，佢係九龍成屹立好多年，行到門囗有個氣球公仔不停對我招手，歡迎光臨。餐廳餐牌有好多選擇，我多數叫餐廳招牌菜。我和朋友仔每人都order 了棷青一個（$38），果肉好滑，棷青水青甜，非常好味道。另外叫了招牌菜：泰式炸芝士蝦丸（大）（$128）有成五粒好似拳頭咁大蝦丸，入面釀了芝士。要小心些去食，因為太大啖會熱親個嘴但好美味。再叫一碟牛油蒜蓉燒虎蝦（$148），係有些貴，大大隻開邊焼，蝦肉彈牙，完全值回票價。豬肉碎生菜包（$78),有小小辣再加上有金不換美道好醒晨，又大碟。如果愛吃海鮮或多人不防叫多碟，第二碟係半價。

▪️$$per person:$60-150▪️Must to order:芝士蝦球，有黃咖哩的一切九龍城係泰國美食既天堂，咁因為之前有d事就住左係富豪東方酒店一個月，所以成個月都係食九龍城d泰國野，食到我驚左！唯獨小曼谷係會食完再食，因為🔺芝士蝦球($65/4粒)大大粒!!!!!!蝦球好老實而且好彈牙，入面既芝士係流出來....鐘意芝士既會愛💓仲有！🔺我真心誠意拳拳推介黃咖哩既一切！黃咖哩係小甜唔太辣！非常開胃！有無試過食完個飯然後開左個胃再食多個飯！我！試！過！(激動mode)黃咖哩不論配海鮮定係雞，佢都係黃咖哩！(激動既廢話)但！但！但！佢真賜予一碗白飯生命！😋💜而且有一次嗌左碟黃咖哩炒蜆，發現得好少蜆肉，佢地就好好人地炒多碟☺️🔻尼到都有好多串燒，咁都不過不失既😉提提大家佢地宜加有兩間分店係九龍城😍▫️Recommend:🏁🏁🏁▫️Marks:85/100

行下行下想食泰國野椰皇沙冰 $32有好重椰奶味，而且好大杯，比起椰皇會更加重味同埋會更加好飲，好夾泰式嘅嘢食。椰青 $38大大嘅椰青加上白雪雪嘅椰肉加上清澈嘅椰水，就係世上最完美嘅配搭。 一個就可以食到好飽架啦而且仲唔係好貴架tim原隻鮮魷釀糯米飯 $128糯米飯嘅份量唔算好多，重點都係魷魚，真係好大舊而且啲肉好厚 再加上特製嘅醬汁。就會更加酸辣同好食極上燒安格斯西蘭牛小排$198細細的牛肉仔係食起上黎就會更加方便 呢個就有一啲比較辣同埋麻嘅醬汁 仲可以揀幾成熟 我就揀咗五成熟 會比較彈牙同埋有肉味小曼谷炒飯 (蟹柳丶扎肉丶豬頸肉丶蝦丶蛋包飯）$95我覺得最好食就係呢一個飯 因為唔係好那大入邊有好多材料 而且仲好有泰國嘅風味 一個飯嘅份量可以夠二個人食 而且仲好足料 仲有蛋包住晒啲飯 仲意食好多材料嘅人揀呢一個返就最啱啦