小木屋之自悠廚房

營業中

休息中

Lunch同同事去小木屋之自悠廚房，試咗花彫醉雞飯($75)，飯可以任加，成個餐俾人感覺清淡又有少少家嘅味道。雖然價錢唔平，但合理，食完感覺幾滿足。食品部分花彫醉雞飯($75)：醉雞浸得啱啱好，帶住淡淡嘅酒香，雞肉滑嫩，唔會太肥膩，清淡得嚟味道層次豐富，幾似屋企人煮嘅家常菜。白飯可以任加，雖然我哋冇特登加，但呢個貼心設計對食量大嘅人應該好有幫助。配埋嘅汁唔會太鹹，啱啱好可以提升醉雞嘅味道，成個餐係簡單又舒服嘅選擇。⭐食品評分：4/5環境與服務餐廳環境比一般茶餐廳靚仔，坐得幾舒服，氣氛偏靜，適合想慢慢食飯嘅人。服務方面，員工態度親切，落單快，俾人感覺好舒服。價錢略貴，但就環境同餐質嚟講，算係合理。⭐環境與服務評分：4/5總體感受小木屋之自悠廚房俾人感覺係質素穩定嘅選擇，醉雞飯清淡得嚟味道好有層次，成餐食落舒服又滿足。雖然價錢唔算平，但對得住質素。如果鍾意清淡健康少少嘅餐，呢度值得再嚟！⭐總體評分：4/5

每次上班想吃清淡一點又有家的味道，一定會想起熟食中心的小木屋😍由於位置有限，通常我會預先WhatsApp留位置，否則12:30前左右便會滿座是次點了B餐 花膠雞髀湯 加飯湯底鮮鮮清淡，雞味濃而不膩，雞髀肉嫩滑，另外配上一顆芥末豬肉貢丸，味道非常驚喜，想不到芥末配上豬肉十分配合😍還加上一點雲耳及豆腐粒，是健康之選👍🏻同事則點了「估你唔到黑暗料理」，每天都不一樣，當天是鮮魚湯蔬菜豆廚湯，聽老闆解說，是用多條鮮魚熬製而成😍很鮮很甜可配白飯或米粉，我通常配白飯，可變成湯飯，一定會吃光光🫢

餐廳位於觀塘熟食市場，主打花膠雞湯，滋補又養生深受觀塘打工仔的喜愛!! 👩‍💻👨‍💻- 花膠雞肶湯 HK$75 🐟🍗🍜真材實材不添加味精!!花膠非常多，湯底微微黏口含有豐富骨膠原，非常養生!!另一主角雞腿大大隻，整個湯煲都被佔滿了!!雞皮爽滑不油膩，雞肉嫩滑熟度剛好!!雞肉甜美精華融入花膠湯底中，超有愛心靚湯感覺，超暖心!!- 花膠鮑魚墨滑雞湯 HK$75 🐟🐣- 花彫醉雞 HK$75 🍻🐣- 花膠胡椒豬肚雞湯 HK$75 🐟🐷🍜- 木屋仔煎魚湯 HK$75 🐟🍜

這間店之前有很多人介紹過, 一直都想試下, 但此店只開平日, 終於等到放假才可以幫襯 食物 : 花膠雞肶湯配飯 $75 & 花膠飽魚墨滑雞湯配飯 $75 ~ 雞湯味道幾好, 但不是好濃郁, 雞肉幾滑唔鞋, 其餘花膠飽魚墨滑等都是正常味道 環境 : 此店在熟食中心內, 環境不能算太好, 食店座位有限, 要先訂位 服務 : 因為只有店主兩夫婦, 所以要耐心等一下 價錢 : HK$150/2人 (無加一服務費)

咁岩下午放假見到有 foodie大力推介於是去試下未去到舖頭已經見到一條長長既人龍餐廳吃飯只開平日午巿一日開3小時🤔❤️花膠雞肶配米粉D煲似係即叫即煲等咗15分鐘左右就有得食煲入面有一隻雞脾貢丸同埋幾舊細舊花膠雞脾d肉好嫩個雞湯好濃味🤤配米粉都一流我飲曬全部湯同米粉原來他們可以預早一日訂位或外賣番去食由於座位真係有限🥵如果得一小時食飯去到又要等就未必食得切🥲食得趕頭趕命都唔好la天氣熱到咁

店鋪在觀塘街市裡面 除了有賣菜肉之外 一樓也有很多不同的食市 簡直選擇良多 不過令人意外的是這間小木屋店排曬長龍 見上課時間比較充裕 所以就試試排下 嘗試一下 見到門外幾乎排左成條隊伍 除了飢餓累之外 仲見到貼住張標語 如不想排隊請提前預約 店主忙碌有可能漏單 錯單敬請見諒 從來未見過一間店鋪如此直白 所以一於一試究竟最後我地足足等左一個小時 因為沒有預約 額外用了30小時進食完畢 言歸正傳 講菜色好似比較重要‼️花膠雞妣湯配飯首先講下店內只有一對夫婦 已經上了年紀 老闆娘負責上菜落單 埋單 簡單來講前台所有工作她包攬一切 而老闆則負責廚房所有事宜 一試湯底就知道老闆落足心機 湯應該親自煲 唔似外間既濃湯寶 花膠少量如果更足時煲應該會更加黏稠 濃郁 雞髀🍗肉質唔會太霖 反而火候剛剛好 皮滑嫩肉 雖然等候需時 但係試左一趟覺得真係少有既店鋪.有家的感覺

第一次去 店面細細 但好多人幫襯店內嘅枱吾係有人就已經留左座 連店外嘅位都已滿座 好在等左好快就已經有得坐 咁岩個日好凍 落左單都好快就成鍋咁上 為左防止會熱親 所以提供左個托盤隔熱 米線係另上 好貼心🤍

今日lunch 去左食，TY 介紹既《小木屋》，一條友叫左個C餐「花膠鮑魚墨滑雞湯配飯」加左$5 轉米粉，有一隻飽魚，但老老豆豆咁講，雖然好多TY台介紹，但本人覺得麻麻地，依家好多地方都有類似嘅米線食，我覺得最緊要係雞要滑，但依間個雞，我覺得有d鞋，個湯都有小小淡，花膠都唔係特別滑，有小小失望，但我見到好多好評，唔知係咪我依次失手，間野唔係成日開，因為我去過兩次都撞門釘，所以去前建議打電話問問先，咁間野d人都nice 既，純粹係食物上可以再改善下。

今日邊行邊諗要食咩，不知不覺行左去駿業街，記得之前去左駿業街熟食市場到食左個花膠雞湯飯好高質，既然行到黎呢邊就一於去返呢間到食😎記得有次去到關左門，第二日再我哋再過去食😂😂😂.餐廳主打自家濃湯飯亦有肉骨茶，平時飯點都幾多人等位，堂食四人以上要提早一日訂座，而外賣既話要早一日預訂。餐廳只開平日，每日只開三個鐘，所以要食既朋友要留意住時間.餐廳有一個神秘餐叫估你唔到之木屋仔暗黑料理，本身想試下可惜個日老闆話呢個餐今日無哂🥹而外賣餐亦有個神秘餐，叫做頹到唔頹之木屋仔糧尾恩物:廢老炮製中伏料理😂聽個名好正，有無朋友會外賣然後話我知係咩飯😂😂😂.花膠鮑魚墨滑雞湯配飯 $70鮑魚鮮甜，雞肉嫩滑，墨魚滑彈牙，雞湯味唔算好濃，飲得出係無味精.花膠雞肶湯配飯 $70雞肶嫩滑又大隻，雞湯味唔算好濃帶有少少金華火腿既咸香味，飲得出係無味精

位於觀塘駿業街街巿，呢間餐廳有唔少捧場客，經常行過都見佢門口要等位，然後有一日係Instagram見到有位foodie大讚佢，即刻決定搵日試試佢呢間餐廳正係開平日午巿，正係做三個鐘一日午巿就係做呢幾樣，今次叫左個F餐 花膠胡椒豬肚雞湯配米粉，無野飲跟嘅，想飲野就加6蚊啦有啲樽裝茶裡面位唔多，好快坐滿，呢日我坐左係出面走廊食，由落order到野食黎，大約三個字左右好足料 超級多豬肚唔係講笑 湯都好好飲 好夠味 唯獨係個雞鞋左小小同埋碗米粉份量少得滯爭啲

槪覽：用心製作、用料充足。份量夠飽。價錢唔算好平，但足料令人冇投訴。首先講湯底，頭啖湯胡椒味係好出，再飲落就唔夠第一啖咁特出，味蕾會習慣味道。湯係幾濃厚，不過連埋料放喺個煲仔度，實在唔算好多湯水飲，湯怪嚟到食個餐未必會止得到湯癮。整體評個湯底，都係正面嘅。花膠：全煲湯中只搵到3小片花膠，質感軟滑。如果店方提供豉油/辣椒豉油供蘸用，可能花膠會更好食。雞肉：相信 serve 嘅雞件全部用過嚟熬湯，所以質地講唔上嫩滑，但又未至於鞋口，算係仲合格當餸食。要 highlight 雞脾同雞翼（一個餐中雞脾同雞翼各一）係特別香同滑，係特別好味！雞件全部連皮，啲皮都幾厚，可以想像，落埋呢啲厚雞皮熬湯，一定滲唔少雞油落個湯度。客飲湯時，個湯則係清嘅，少油份，店方應該花唔少心機煮湯時「片」走多餘雞油，淨係呢個步驟都功夫不少！除咗 item 名列明嘅材料花膠、豬肚同埋雞之外，更有茹菌（原條&切片最少兩類唔同嘅茹）、兩粒貢丸同豆腐。不得不提，貢丸味道好好，好多肉汁同香菇味，質感彈牙，好好送飯！豆腐亦係估唔到咁驚豔！豆腐軟滑到有日本高級豆腐或者處理得宜嘅燉蛋嘅質素！好可惜豆腐份量唔多，又切得太過細粒，實在唔太試

🥢觀塘人情味小店 每日只開3 小時 $70 世一美味花膠鮑魚雞湯米 特濃胡椒豬肚雞湯米🥢觀塘熟食中心有好多隱世小食，今次特別去了一間由退休兩夫婦開設的小店，每日只開3小時，專注只賣花膠鮑魚雞髀湯，胡椒豬雞雞湯，一點都唔似熟食中心會食到的菜式，感覺就似去咗私房菜 🥢今日實在太大雨，去到全身都濕曬，店舖老闆娘好好咁遞上廚房紙俾我哋抹身非常好人，因為我哋係即興去食，所以等候時間都要幾耐，大約點完餐20-30 分鐘先有得食🥢C. 花膠鮑魚墨滑雞湯配飯 $70先飲一口湯底已經超驚喜，濃厚的充滿雞湯香氣，飲落好有花膠湯的黏口感覺，因為有鮑魚及墨魚滑，所以帶點點海鮮味道，而墨魚滑係新鮮爽彈仲好香滑而且有墨魚香，仲有大大塊花膠，同一隻新鮮鮑魚，白魚蛋及魚蛋都好爽彈，雞肉好滑溜，因為賣曬飯所以配了米粉，估唔到係精華所在，點解咁講下面會有詳細講，因為實在太有驚喜🥢F.花膠胡椒豬肚雞湯配米粉 $70老闆娘話如果鐘意濃味一定要點呢款，胡椒豬肚雞湯，來到時熱辣辣，因為太熱所以要攤凍d 先飲，唔洗一陣見到湯面浮起一層脂肪就知呢碗湯真材實料咁煲出來，好似阿媽煲出來咁🥢再飲一口真係認真不得了，超～級～濃～散發著淡淡的

聽就聽左呢間小店個名好多次,想來好耐, 今日終於來左, 聽講佢既湯係好好味見食評好多人都讚佢既雞脾, 但私心想食米粉, 同埋自己偏重口味,所以揀左花膠胡椒豬肚雞湯米其實本身自己唔食豬肚, 諗住佢都唔會好多舊, 點知一來到,嚇親我..好足料呀超多豬肚, 岩哂鍾意食豬肚既朋友仔,花膠就兩舊仔啦, 但對得住呢個價錢既, 初頭以為叫肉骨茶先會有豬肉丸, 點知原來叫咩餐都會有同埋雞湯唔係得個湯, 係連埋幾舊雞件食落似係鮮雞而傳說中既果個湯就真係好好好出色!!!飲哂!!果碗米粉, 唔好睇佢好似乾爭爭咁, 佢係用胡椒雞湯煮過的~所以就算唔浸落湯都好夠味!

今日落雨頹頹地好想飲啲熱辣辣既湯，醒起早2日路過熟食中心見到既餐牌，因為佢話要預約,所以whatsapp左佢12:30去拎。入到去見到舖面唔係好大, 坐到20個人左右, 雖然都係普通熟食中心既環境但店入面好乾淨好整齊。去到話佢知我whatsapp落左單，但其實佢都係見你去到先即整，等左5分鐘左右就有得拎，因為我叫外賣所以隔左10-15分鐘先食~打開個蓋已經聞到好香，其實佢唔算好大盒，但見到啲餸多到有啲嚇一嚇，不過面頭有啲雞油已經開始凝固，我又唔鐘意太油所以撇走左少少油。飲第一啖湯真係即刻醒左，勁香同好重既胡椒味，好正! 個湯入面除左雞、豬肚同花膠，仲有啲菇、木耳、娃娃菜、粉絲、魚蛋、豆腐......好足料~另外成間餐廳既人都好nice好有禮貌，同其他客都有講有笑，等緊外賣既時候見到堂食嗰啲係成煲上，如果冬天去食真係一流!

之前上網見到介紹呢間小店咁啱平日放假，就同男友一齊嚟試下我哋嚟到剛好12點門外已有數名食客等候等咗5分鐘左右就開舖-店內雖小但乾淨整潔每張餐桌已放置托盤以便放上熱辣辣的小鐵鍋-花膠雞髀湯配白飯$70雞湯味濃而不膩加埋金華火腿的鹹香味道剛剛好，飲完唔會口渴雞髀食落好嫩滑底仲有少少菜同菇點綴非常不錯👍🏻-馬來西亞肉骨茶$70呢度肉骨茶冇平時食到嘅藥材苦味裡面有豬軟骨、豆腐卜、豬肚、墨丸同生菜食材入哂味，配飯食真係好滋味-地方雖少，但環境是正食材新鮮+用心煮+冇味精值得再來幫襯～