小樽分子 (已結業)

今日我老公生日, 在荃灣食完晚飯唸住去食甜品, 行行下又去到"小尊甜品屋", 其實我同屋企人已經食過好幾次, 今次我試左楊枝甘露, 芒果好鮮甜, 又大碗, 好好味. 最意外的是原來生日當天有surprise!! 佢地會送個cake shape甜品, 重唱生日歌, 好正呀! 員工又nice, 又靚女, 野食又正, 我地好滿足食到好飽反屋企. 試得過

做了一件發夢都諗唔到會做既事，就係一家人去食糖水。尤其是從來唔會去甜品店的媽媽，今晚也一齊去，呢個日子認真要記住佢。新開張不久的小樽，全家人只有我妹妹來食過，佢話唔錯，所以揀左呢度。不過舖頭好細間，要坐出街。睇睇餐牌，幾新鮮，因為同松記個ｄ食品名好唔同，有好多都唔知係咩。山手線－名字好特別，問問老細究竟是什麼。答案係啫喱弄成絲。都好似幾特別，我就要碗蜜瓜山手線，媽媽要椰果山手線，妹妹要香蕉pancake，而老豆就揀芒果豆花。山手線是芒果和蜜瓜啫喱弄成絲，加小小奶，爽口且滑，再配知粒粒鮮蜜瓜，都唔錯。但如果可以再甜少少就更好。平時唔食甜品的媽媽也說幾好，又可能是唔太甜反而適合佢；老豆都話佢既芒果豆花好滑好正。咁樣睇來，食糖水唔使一定走出去深水埗，近近地荃灣都可以。

上星期去咗呢間喺荃灣新開嘅甜品屋, 同朋友試了楊枝甘露馬蹄沙, 芒果布甸, 富良野樂園同小樽樂園. 個馬蹄沙好有特別, 不過俾甘露搶了味, 下次我諗會試多次馬蹄沙配海底椰. 富良野樂園係用豆腐花做底嘅什錦生果撈, 侍應話D豆腐花係日日新鮮整, 食落都好滑. 店內裝修好young同好in, 真係一個聚腳嘅好地方!

前排見le間野新開,拎左張傳單返屋企睇有晚突然想食甜品,就打電話叫左個$16蚊既芒果布甸心諗大拿拿$16鑲金咩果陣都只不過係夜晚11點幾12點到,落單果個竟然叫我自己落去拎,咁我叫外賣黎做乜?? 話送外賣果個女仔危險??我都係女仔,唔通我唔危險囉wo??講左一大輪先肯送上黎送到黎見到個布甸係我響附近用$4可以買到既貨色,食落去"林"pat pat冇d口感,食食下都已經響個兜裡面塌晒我男朋友叫果個綠豆沙都係不知所謂,食落去得個甜字,見到一大塊陳皮響個碗度,我響附近$6食到既都好過佢多多聲,佢竟敢賣到十幾蚊,真係very disappointed!真係唔明點解夜晚會咁多人響出面食?唔通荃灣食甜品真係冇選擇要退而求其次?

(15/10/06)難得男友話食甜品,即刻想起睇過的食評。意大利涼粉,爽口,無乜特別,係口感成麵條狀不同。太極豆腐花,黑芝麻豆腐有點驚喜,不甜的糖水又有點薑味,勁o岩我口味,小小缺點是豆腐花不夠滑。杏沙紫米糖不甩,很軟熟,紫米有o趙,點些杏沙,脆脆的,幾特別。

小樽, 好一個浪漫的名子, 套用在店名上雖然有點俗套, 但…還是想試試這店呢~除了平時常見的甜品外, 餐牌上還有小樽樂園及富良野樂園兩款甜品, 侍應說兩者都是以雜果為主的, 但因為富良野盛產士多啤梨, 所以這個樂園有較多士多啤梨, 並以豆腐花為底, 而小樽的則是涼粉底, 真是不明所以~另外叫人感興趣的是命名為山手線的甜品, 侍應說這是以芒果及蜜瓜啫喱條為材料~ 上網查看得知山手線列車是綠色的, 那黃色代表甚麼呢? 誰來告訴我…問東問西, 最後要了富良野樂園及鮮雜果山手線~富良野樂園(如圖) –大量雜果陪伴下, 賣相不會差得那裡, 伴有亞答子及西米, 加強口感, 而豆腐花香滑, 豆味十足, 真的不錯, 遺憾的是沒有足夠的糖水/淡奶等等的襯托, 有點乾吃的感覺, 當然也不夠甜~ 而且置中的芒果極酸~鮮雜果山手線- 芒果及蜜瓜啫喱條配上鮮果, 口感清新, 可惜完全不凍的~ 不夠凍或不夠熱都是甜品的致命傷~侍應態度良好, 有問必答~

上次試左個芒果馬蹄沙，d芒果好甜，好正，但太少。但馬蹄沙的口感不是太好，結果只食了芒果。

去完翠華....行下行下入左黎叫左兩個甜品...! 我叫左蘆薈珠珠....食落唔太甜...岩我...仲有珠珠唔知係咩植物呢...? 咬落一粒粒好搞野....! 老公叫左個太極豆腐花...佢以為係芝麻糊加豆腐花....點知係芝麻豆腐花加原味豆腐花各半...佢話味唔夠濃...下次應叫芝麻糊加豆腐花! 鋪內係非吸煙既....正!

前日放假同D Friend 入咗屯門BBQ, 燒完野食就去揾糖水食, 潤一潤佢, 出返荃灣經過路德圍(近海霸街), 原本打算入去一間傳统既糖水鋪, 但有個Friend 昅到路口有間新開既甜品屋- 小樽, 眼見傳统糖水鋪內得幾丁人, 當然大伙兒好有默契地就過去小樽那邊, 坐下有位好nice 既美女向我們推介了幾款特式糖水及甜品, 紅豆溶豆腐花, 意大利涼粉, 好象還有個叫小樽樂園等, 朋友們都覺是水準之上, 而我就試了一個令我非常有驚喜既清甜馬蹄沙, 最啱BBQ完去食, 一個字.."正"

今日十分燥底, 諗住飲涼荼, 行過間幾靚嘅鋪頭, 有個好親切嘅姐姐派咗張傳單俾我, 之後就入咗去啦, 問個老細有乜甜品可以降火, 佢就介紹我食綠豆沙豆腐花, 第一啖食落去D豆腐花好滑^W^, D綠豆又好有口感, 幾足料, 真係唔使食苦口藥都可以下火, 我都想介紹俾其他後生仔女!

環境夠企理，甜品唔係太甜，荃灣無乜新甜品鋪，食完辣米線去解辣真係無得頂。呢間的甜品有少少松記既影子，個珠珠同馬蹄露係印象中都係松記先有。

琴日行開荃灣,見到呢間新開o既糖水店(10pm左右)人頭湧湧.即管入去試下. 先講環境店舖有別於一般糖水店,裝修都好別緻.而且店內係禁煙,唔會似其他糖水店咁污煙璋氣.如果想食煙就要坐出面.服務態度簡直一流,店員好有禮貌,好樂意講解食物.我自己叫左個"芒果馬蹄沙" 好清甜清涼,夏天食一流.我印象中好少糖水店有得食.我男朋友就叫左個"雜果珠珠"下次我會試下"山手線"! 好似係d melon + mango jelly條!