小樽分子 (已結業)

一向都是此甜品店的捧場客，但早前發生了一件事，令本人對此店失望﹗那是一個下雨的晚上。和朋友吃完晚飯，行過此店，我又很想吃 "甘露柚子果凍"，便行過去。因為下雨，室內沒有位，那位待應姐姐便叫我們在店外有簷蓬的四人位置在下，正準備點甜品之際，突然殺出另一位待應姐姐，對我們說︰「你們這張四人枱要這四個人坐。你們兩個人要吃的話要攞走﹗」(我聽到攞走，朋友則聽到攞籌)。是攞走也好，是攞籌也好，我們並不介意轉去一張兩人枱，讓你可以用四人枱坐夠四個人，不用浪費。但既然是我們先坐下，為什麼遲來的四個人可以有得坐，我們則要攞走 (抑或攞籌)﹗甜品有特色、好吃又如何﹗那些待應姐姐卻替老闆倒米呢﹗結果我和朋友最後沒有攞走也沒有攞籌，去了前幾個舖位的招記甜品。相比小樽，這間的甜品未必夠好，但服務態度簡直超班。

升職了。相約朋友食飯慶祝。之後，少不了吃甜品，sweet 下，唔使咁 dry 嘛~~其實之前食過他們的「椰皇蛋白」﹕有點失望，因為好易膩同埋過甜。之後再食過幾次唔同甜品，但總覺得有點過甜。但朋友話未食過，所以再食多次。入返正題﹕~「楊枝金露豆腐花」﹕好味，好正。唔係太甜，豆腐花表現唔錯。整體好食。~「芒果目黑」朋友話有利排毒喎.... 講返味道都幾好。上面舖有幾多芒果。算抵食。~「芒果手山線」都係未食過，感覺幾新鮮，食耐咗，有點似....芋絲....都可以一試整體來說，味道表現「中等」。好處係他們有幾多選擇，有新式、舊式。價錢都略貴，同滿記差不多啦.... 所以我只會間中&有機會先再食過。

成完在outback，明明好飽架啦，但行經小樽，見佢好多人，望下D size又唔係好大，一於食左先算，呵呵~order左----木糠豆康布甸&甘露柚子果凍木糠豆康布甸：同綠林果種濃香唔同，但各有所長，佢應該落左忌廉，so 好滑好嫩，加左木糠陪襯，好得意，正！甘露柚子果凍：個果凍有淡淡的柚子香，幾清新，有驚喜，but D西柚真係幾酸~我見鄰桌食個山手線係一條條彩色的果凍條，賣相好吸引，下次試埋先

入荃灣同女朋友食甜品,覺得有樣野好特別講既係佢地個燉旦白,特別既地方第一:佢係用一個椰皇裝住啲旦白嚟燉,因此旦白帶一點椰皇既香味,第二係個椰皇表面有個卡通面,好搞笑,逗得我女朋友好開心!味道唔錯,旦白幾滑,其實食野最緊要開心,搵到呢間甜品屋食甜品都係一件快樂事啦!

Yesterday去左食~食左燉蛋白, 木槺豆腐布丁燉蛋白有個好無奈ge樣, 好得意and好好味~木槺豆腐布丁好有豆腐味, 好似真係完全用豆腐整咁~好正~

有一天到這裡吃宵夜是姐姐的朋友帶我們來的地方都幾狹窄坐得唔舒服同埋我覺得佢用gor dso call靚女既侍應既服務態度不太好囉首先嗌左杏沙紫坏糖不甩下... 粒糖不甩完全是無味的普通湯圓仲好食過佢囉d杏沙我就嫌唔夠沙囉唔好食+唔抵仲有西瓜目黑即係涼粉+黑珍珠又係難食的仲有個木糠豆腐布丁食就幾好食既不過...自己去買個百福豆腐友D MARIE餅應該仲好食六色湯圓我就覺得除左朱古力之外其他都不值一試總括來說下次來只會食朱古力湯圓或者都會試下白涼粉既

五月尾同6月頭都同女友去過食~5月尾嗰次係宵夜時間,太多人所以要坐鋪出面,,坐出面既後果就係:見到蟑螂一隻~(俾我用櫈壓死左,仲聯埋隔離檯既2個小姐呃個店員話係佢踩死的......哈哈哈~)5月嗰次係第一次食,叫左蜜瓜白涼粉($22呀好似),女友嗰個係...唔記得左......本身唔中意食黑色嗰隻涼粉既,因為有陣味....不過呢個白涼粉就有淡淡椰汁味~!!口感比傳統黑涼粉"林"少少,加埋蜜瓜汁,食左透心涼呀~正!蜜瓜普通,唔係粒粒都咁甜~6月頭去食嗰次係坐入面的,一共嗌左楊枝甘露白涼粉同芒果馬蹄沙~白涼粉感覺依然透心涼,不過楊枝甘露既味太重,食唔到白涼粉既椰汁味了.......楊枝甘露味道不錯~食第一啖馬蹄沙,覺得個口感好特別,佢係將d馬蹄磨到勁細,真係沙咁!咁耐以黎都未食過呢種口感既野~!呢個甜品俾佢地諗到出黎真係好野~味道唔太甜,幾清爽~芒果都幾甜~

搭巴士前0黎食個糖水, 見 menu 上好多糖水都係「新派」0野, 部分 d 名仲令人 R 晒頭, 唔想冒險叫傳統0野, 就要個同樣 R 頭的「芒果山手線」($22) 試試.份量原來幾大, 不過賣相麻麻... 面頭的芒果有唔少渣, 不過幾甜又多汁, ok 啦; 黃色綠色的無味蒟蒻條原來就係「山手線」, 咬口十足, 浸0係大量幾香又唔太甜但幾膩的忌廉奶入面, 味道過得去, 食完係無乜感覺的.小店裝修簡單, 幾乾淨, 而且整體俾人好 young 0既感覺, 睇0黎係學生地頭? 招呼就不過不失.$22 一碗, 一試無妨, 不過如果專登 (甚至「跨區」到荃灣) 0黎幫襯, 就不必了.

今晚(10:30pm左右)一行3個人來試一試小樽糖水,我們叫了,芒果目黑,蜜糖蘆薈果凍加芝麻粒,芒果创冰,正當我們吃到差唔多時,一隻老鼠竟然事無忌但係我們隔離張檯厎,接住佢又狂奔過對面其它食客檯厎,攪到幾個女仔雞飛狗走....勁攪笑總括黎講...甜品有新意,味道不俗本想比個ok佢,但係始終食市環境衛生係最重要................與鼠同檯,不吃也擺....

其實我之前在附近上班...我和老闆嘗試在這探敵情...*不過其實小樽的路線是請人請美麗/可見人的女仔...所以有時夜晚會招攬很多男士...而女士在夜晚小去為妙...我常常也會吃他們的目黑...不過其實味道不算好....在店內吃只可以說迫...在店外吃只可以吃二手煙...雖然開店不久了...但是也只行走美麗路線...而食物不會再進步(因為老闆趕走了教他製造甜品的師傅)

今晚去荃灣食糖水,本來想去友記,但經過小樽好多人幫襯,咁未去試下啦!我地叫了一個海底椰目黑($22),什果山手線($24),雜綿湯圓($18),味道好好喎!初頭睇到餐牌話有分子甜品,但唔知邊樣有,點知食目黑時見到D一粒粒白色以為係西米,點知咬落,好似食魚子咁,POP~POP聲,應該唔係西米,如果無錯應該係用分子方法做出黎的,因為我睇過電視介紹,所以覺得好特別幾好味,另一個山手線用不同色做成一條涼粉咁,幾有質感,唔係好實,幾好食,加左花奶同少少芒果汁,無咩芒果味,湯圓一般,但朱古力湯圓幾好,入面D朱古力唔係太甜,D湯圓做到細細粒,幾好呀~可能我雖然鍾意食甜品,但唔喜歡食太甜的,我覺得呢到D甜品,味道幾岩我,價錢我覺得OK喎!係去XX山食一個甜品都成3X啦!而且無咩特別野食,呢到D甜品夠特別,所以我一定會再去的~^^

好耐之前食過小樽ge甘露柚子果凍，覺得好正。今次有朋友話要試小樽，當然照舊再叫。今次再食，賣相同份量竟然比印象中更好，唔信睇睇。三個人一齊上，都食得好耐下！柚子味果凍份量唔細，晶瑩剔透，好有彈性，楊枝金露唔太甜，最中意佢上層有大量新鮮ge金柚果肉。有彈彈、濕濕、卜卜三種不同口感；清香微酸ge柚子果凍同富芒香ge楊枝甘露跟鮮柚味各展所長，口裡面撈埋一齊，呈現陽性反應。總之無附近間同元朗出名間d甜品咁膚淺啦！食完之後，成個滿足哂，好似同我成個口腔玩左轉遊樂場咁，回味左好一陣子。鼻腔依然有一股香味。我個悶悶地ge朋友都當堂精神左！齋柚子果凍可以單個外賣，每個14元，但老闆認為跟楊枝甘露同吃比較好，如外賣果凍，佢就建議蜜糖蘆薈果凍，因為蘆薈有咬口。其他甜品唔係無叫，只係試過呢個之後，都覺得甘柚凍表現幾突出，所以都唔提啦！我都唔係食家只係集合一兩個朋友個人意見而己，所以試過唔同意都不妨講下，話唔定係佢水準下降又唔定。地方淺窄係真，室內係有dd逼夾，裝修算係好有馨感，為左食下甜品忍下都要。下面朋友最疚病ge服務水準，係…我都覺得佢地有少少賴賴閒，人多都仲係咁！但係個個外表都ok，索索地，黑下面都補

幫襯過幾次，都覺得唔錯，尤其欣賞馬蹄沙，因本身很喜歡食馬蹄露，所以每次去都會叫。雪糕都唔錯，味道幾香濃。但和其他食民一樣，對佢地店員態度實在不敢恭維。全部都係後生o靚妹，個個著住短裙仔烏低身抹抬、落單。可能因為夜咗就開抬在門口，不是固定抬，店員好似唔知邊張係幾號，嗱住d 糖水周圍問"你有冇叫丫？"亦因為d抬開起街邊，經常見到蟑螂也唔奇，有一次仲見到老鼠添！！

初初開舖，甜品有新意，雖然味道唔算頂好，不過肯定好過許留山。早兩日買外賣，難以想像是同一間甜品店，因為實在差得太遠，柚子果凍完全無味，楊枝甘露的柚子多渣到不得了，芒果布荀是散的，少少芒果味都無。重有服務，唔得到極點，班靚妹真係玩玩下，搵人落單難過乜咁。

一直都很想試這裏的糖水，雖然男友吃過的評語不高，但我都執意要一試才甘心。什果山手線($24)︰有不少的新鮮生果，加上一條條的「山手線」，應該是蒟蒻之類的東西。什果不錯，每一款都夠甜多汁。山手線就很一般，有兩隻色，綠色和橙色，都是沒有味道的，有點怪。如果可以加上味道，或有些汁會好一點。芒果石榴露($22)︰反而這個不錯，吃到石榴的清甜，比我吃的山手線好多了。常常被她那美麗的招牌吸引，如今一試就原形畢露了。而且價錢還不便宜。也好，可以讓自己死心了。