小樽分子 (已結業)

食完晚飯過黎食碗糖水叫左芒果目黑糖水過甜非常嚴重自己唔太食甜平時都芒果好明顯溝左水好稀不知所謂食左幾淡埋單走人\口/

可能太多人, 水準沒有上次的好, 上次點芒果西米露,粒粒也晶瑩剔透, 大大粒, 味道真的一流, 今次點楊支甘露, 太甜了, 柚子肉又不夠, 朋友點了豆腐花, 她們說不夠滑, 街市的更好味, 而且, 10 元一碗也不便宜呢.

食左個什麼山手線....得個名利害...d料咪係果d,仲要$26咁貴....唉

放假前夕食完火鍋後本來一班姊妹諗住去深井食發記, 不過有個朋友話荃灣有間開咗半年嘅小樽甜品都ok, 就費事去咁遠. 去到已經見到好多人排緊隊, 因為我哋唔想坐出面, 等咗十分鐘先有位, 好彩D侍應都好親切.我哋order咗咖啡仔, 朱古力湯丸, 楊枝甘露同火龍石榴露, 咖啡仔賣相好cutie,食落都幾好味, 不過如過再實少少口感會更好! 朱古力湯丸個presentation 一流, 因有玫瑰花乾洒上湯面, 味道都好正, 如果冬天同男友一齊食一定好正. 個火龍石榴露味道好清,如果鐘意食石榴嘅一定會愛上. 整體小樽都俾到好好嘅印象~~

早兩日落雨, 但都有入小樽, 平時好少食佢哋嘅傳統糖水, 因為有啲涼, 咁我就叫咗個熱芝麻糊豆腐花. 哇, 食落芝麻糊同豆腐花都超滑, 唔好話附近嗰啲糖水鋪無得比, 以我食過咁多間甜品店來講, 小樽嘅豆腐花絕對有得擠身三甲之列

呢個野真係好唔店囉!!D名改到好得意咁,, 食落另1回事=.=價錢同甜品質素不成正比!!!未食到1半,, 成台人都停晒手..D生果汁好水.. 糖水又超甜有D又淡而無味... 仲要叫果樣衰果樣,, 真係勁呀佢!!我唔明點解話佢好食你試完隔離果間就真係知咩叫好食小樽完全冇真材實料囉靠個名搵人笨.. 送比我都要嗌3聲最激氣係D 姐姐仔好無禮貌.. 真係用錢買難受!!

雖然甜品屋標旁好多特色0既甜品,我同男友都揀左兩款傳統0既甜品→豆腐花&薑汁燉奶.豆腐花→無豆味,無豆香,只有石膏粉同糖水0既味道薑汁燉奶→極微弱0既薑味,唔滑兩樣傳統0既甜品都可以做到咁.....我諗我去許留山都唔會揀去呢間

其實經過開小樽都會去食下佢\d甜品, 水準都keep得到, 重成日有新搞作, 最近同老公試咗 \"咖啡仔\" 同我喜愛o既\"甘露柚子果凍\" & \"蕃薯雪糕\"......\"咖啡仔\"好搞鬼得意, 味道ok, 蕃薯雪糕超正.下次行開都會再食, 睇下有咩新搞作!

曾經光顧過小樽兩次, 上星期同家人再幫趁, order 了- 芒果馬蹄沙- 楊枝甘露白涼粉- 芒果目黑- 芒果涼粉竟然發現件件芒果都超甜, 甜的來又唔似F記用啲就爛嘅芒果, 甜就甜, 但淋bet bet 一啲都唔新鮮. 但小樽用嘅芒果就啱啱好, 看得出他們挑選芒果時下過一番工夫.我媽咪最欣賞芒果馬蹄沙, 清清哋食完都唔怕漏.

星期五晚大約8:30pm入座，入到去，以為自己去左旺角Ｄ茶餐廳咁...音樂播到勁大聲（但音響十分差,D聲勁''拆'')所有客人都在高談寬論，包括店內待應在內！！！超嘈！！！更驚訝的是店內待應同佢Ｄ朋友兼食客，對話大聲之餘仲粗口夾雜.... = - =!!!唉～咁細個妹妹仔Ｄ粗口就咁勁...以當晚觀察所得，店內大部份客人都係年青人，當中佔大部份也是紋身青年男女...入到去其實都有Ｄ驚...所以拿拿臨食完就走..同男朋友分別叫左:1.唔知乜野芝麻爽2.合桃湯丸-芝麻爽$12 (四件）入口即溶，食完好似冇食咁...但都幾好味既..但還是覺得差了一些口感....-合桃湯丸$15 (五粒)超細粒...比平時食到個D湯丸細好多！但D皮超薄～個餡除左合桃之外，仲加左杏仁粒，所以好香～值得一讚就係佢個薑湯底！！！好香濃！出面真係好難搵到但$3 一粒湯丸就真係有Ｄ貴.. > 3 <總括黎講，味道不俗～但店內環境較差，下次坐出街可能會好D~

小樽的楊枝甘露一向都有濃郁芒果味, 雖然芒果果肉唔算落得多(有啲糖水鋪會落成舊芒果咁誇張), 但食得出啲甘露落咗幾多芒果汁. 上星期試咗個甘露柚子果凍, 口感都幾好, 亦有楊枝甘露加上面, 賣相就好正! 如果第時諗唔到叫咩都可以試吓個柚子果凍.

平時食開小樽都有尊登試佢哋d新嘢, 前晚見佢哋推介款新甜品叫"咖啡仔". 嘩, 個名好搞鬼啫! 原來係兩隻薑餅人形嘅咖啡糕. 一件糕有四層, 分別間咗牛奶咖啡同齋啡, 兩件賣12蚊都算ok. 食落口感一流, 正! :> 我即時扭再叫多一客打包俾屋企人食.

老實講以我一個住荃灣嘅夜歸人, 都食過小樽好多次, 發現佢哋D品質都keep得好穩定, 服務亦好好, 所以我都會繼續支持~~

杏沙紫米糖不甩糖不甩加紫米, 可惜只見到樣, 食落無咩紫米味, 同普通糖不甩差唔多. 平時用撈埋d糖不甩花生碎就加入杏仁碎&黑芝麻, 好得意, 淨食呢d黑芝麻杏仁碎又覺得幾好食wo!芒果目黑芒果幾甜. 目黑其實係大粒西米加意大利涼粉, 大粒西米中間有黑點, 幾有口感. 意大利涼粉就即係將涼粉切成一條條. 味道可以啦.呢度主要係d甜品名字特別lor, 食落又同其他糖水舖無咩分別.

　　　　今日行開荃灣悶悶地就同班ＦＤ諗住搵個地方落腳．．一路行一路諗．．但係就諗黎諗去都唔知食乜！諗住睇下邊間多人食，諗住咁多人食實無食喇．．．咁行到路得圍附近見到一間糖水鋪好鬼死多人，除左鋪內坐滿之外，係行人路上仲開左好多枱．．我諗都有十幾枱皆因見到咁多枱．．就同左班ＦＤ入去食野喇，見到張ＭＥＮＵ　有好多特別ＧＥ名．．．都唔知咩黎ＧＥ，咁穩陣起見就諗住一人叫一個糖水就加個湯圓喇，就叫左以下ＧＥ野食喇”：１．朱古力湯圓２．楊枝金露白涼粉３．芒果山手線４．芝麻糊豆腐花（ＨＯＴ）５．蘆薈果凍加水晶芝麻爽６．紅毛丹目黑　　　就係咁多喇．．我個人就最穩陣緊係食豆腐花喇不過Ｄ豆腐花真係幾好味，唔會太甜．．幾滑．．其他聽Ｄ　ＦＤ　講話都食得過．．就係咁我地都係個度渡過左一個鐘到．．．．臨走聽Ｄ侍應姐姐話好似遲Ｄ會出Ｄ唔知咩雪糕．．話真係好好味，叫我地一定要返去試。