小樽駅日式放題料理 (已結業)

有很多食評寫得頗差，起初booked左都有點擔心，但實際上冇伏喔。刺身有質素，新鲜並夠凍。熱盤炸物都ok，新鲜即炸.。 整体食物用料唔差呢，所有甜品蛋糕都唔錯。侍應生亦很有禮貌，岀order很快亦冇乜漏單，無拖時间，枱面一直都有人主動收碟整理。員工解釋open rice優惠也很清晰。生日飯8大2長者埋單每位都只係$192🤑🤑🤑價錢絕對合理。可以推介俾朋友👍👍👍

中午放題唔多地方有，咁岩中午又想食就搵左呢間食評都ok既試試！11點幾坐低成間舖得1/3人，就咁睇落得一枱食緊放題，坐低一個鐘，好似無乜食過野咁？因為d野出得太慢，明白少放題客，所以係即叫即整，但就連刺身壽司都咁慢？刺身同熟食分開廚房架喎？12點左右，多左人黎食set lunch，仲死！！！😡掛住出set lunch，其他要煮得耐既我都費事再叫，叫左刺身壽司炒飯，壽司師傅見住佢不停切，就只係出set lunch，我應該1:20放枱，12:45就過黎話last order，我先出聲話落左order都唔出，催下先出番幾件壽司同炒飯比我，真心覺得把鬼！講下食物味道，芝麻雞翼原完無味，咖哩牛舌似煲湯豬肉，刺身甜蝦d頭黑哂，鰻魚炒飯鰻魚就唔多見但菇就多？係，未試過鰻魚炒飯加菇囉～其他食物亦一般，卷物/火灸壽司其實我每樣都有叫一件試，但最後催下先黎左幾件鰻魚卷

全部野都好一般，根本唔值呢個價，我唔好貼多少少錢去食間好啲既、多選擇啲既？個火鍋配料入面個塊豬肉片仲厚過阿婆啲千年腳皮，厚都唔緊要，但食落以為食緊擦子膠。係個雞肉串都尚算正常，因為根本係其他放題都係攞呢隻貨，所以正常。如果你叫我讚既話，我諗都係啲例牌火灸壽司，蟹籽沙律，絕對唔會伏。個魷魚都ok既。另外個鴨胸好難食、煎餃都可以煎到唔似煎餃、連最易整既炒菜都可以無鑊氣、龍蝦湯多味精到，飲落酸既。一個字：劣。

呢間係得寶入面既放題店已經不是第1次幫襯，勝在就腳，人唔多，食物質數保持，價錢可以接受，突然間想食魚生都唔會意興闌珊，今日紅日都照去因為只貴了10蚊，188一位加一，食2小時，座位寛敞因為2人可坐4人枱，不過即使坐4人都唔會感覺壓迫，環境亦比旺區較清靜，服務方面員工反應快，勤加茶收碟，只是廚房略有漏單。食物方面，刺身水準不俗，三文魚油甘魚馬刀貝好食，甜蝦亦不錯，吞拿魚玉子比較差。熱食推介烤羊架，肉嫩多汁，外皮有香草烤到香脆，唔太油唔太羶，正。天婦羅用料不錯，例如南瓜同香蕉都很香甜。炸雞軟骨非常香脆，忍不住吃了半碟。最新加入的火鍋，選擇了壽喜燒湯，任選肥牛質數還可以，是菜類很新鮮，食咁多生冷刺身之後食火鍋蔬菜最正。差既食物有鰻魚炒飯，好油又無味，吉列蠔好細好細隻，又腥，炒蜆有沙又韌。總結黎講尚算合格，都係方便所以會去。

總結: 放題食物味道幾好，寫幾多比幾多，唔會比少。飲品我幾鍾意cc系列。冷氣比較凍，午餐時間人唔多所以可以坐鬆動啲。(午餐另有定食選擇)星期6要返夜，所以決定返工前對自己好啲，食夠先返工戰鬥。1點黎到唔使等，午餐時間好多位，1個人坐4人位，叫多多野食都唔怕無位擺。食物紙刺身切得好，寫幾多比幾多，無比少無漏單。味道ok花之戀壽司飯大舊左啲，但整體味道炒蜆ok炒帶子幾好，唔會好咸芝士帶子西蘭花ok

話就話六送一，騙人！去食的前一晚問清楚有沒有此優惠，他說有，到我們去到他們說今晚不做優惠！可能我們十幾人啦！服務態度又超差，一D笑容都沒有，好似欠他們咁，而且不是一倆個！

今晚同幾個女仔朋友嚟食..因為好耐冇見..呢度又坐得幾舒服..價錢比出面平好多..所以今次選擇左呢度..今次係我第二次嚟食喇..今次7點鐘就去到喇..一坐底就即刻寫刺身單..今次終於有我最鍾意食既劍魚腩刺身..haha..我一口氣寫左20件..朋友就點左三文魚..甜蝦個啲刺身..到刺身黎到又真係比足晒我寫既件數我地試左個馬刀貝刺身..擺入口煙煙韌韌甘..幾有咬口..都幾好食..其他刺身都好新鮮好喇..食完刺身就叫熟食..首先..點左煎羊架..一d都唔膻..唔怪得係得獎食品喇..跟住就試埋佢新出既食品有炒硯..鴨胸..燒帶子..雞泡魚乾..炸墨魚餅等等..仲有好多新出食品..全部都好好味..我地食足兩個鐘先走架...haha

今日同朋友打完籃球，即興想食放題，於是上網搵間比較便宜又多好評既日式放題。坐低冇耐好快就有刺身食，真係有效率，而且跟足，最緊要啲刺身真係好新鮮，鐵板煎羊鞍果然系得獎，又香又好味，炸香芋丸咬落去，四個字，外脆內軟，味道香，外面好少有得食，炸海鮮卷好香好脆，燒菠蘿好甜，比個讚佢，半殼帶子貝燒得好靚，幾有誠意，惹味炒蜆十分惹味，微辣但好過癮，真系食完又想再食，炒牛柳粒好味，火候夠得黎炒到唔硬又唔刃。整體比我印象好好，冇漏單，食物好味，樓面服務周到，態度好，食物齊全，價錢便宜，真係抵，下次會再黎食。

食物勁差，刺身吾新鮮，完全無味。燒物又咸雞翼仲有冰鮮味，零服務，仲要時不時問你用吾用豉油。吾用就攞走。因時間就快到。落左笼既餸好耐先黍。有D仲話沽清，牛肉粒'又切到好似迷你朱古力，難食。你地想食一定吾吏等位。

本人住系附近 有朋友想食放題 就一於去左呢間到食 原來呢間野既野食都吾太差 雖然野食種類與其他放題差不多 但質素也不太差 價錢亦吾太貴 服務態度還可以 希望會有一d更有創意既食物 我會再幫襯！

表面上話有優惠六位送一位，收錢就收七位。訂位的時候話冇問題，收錢的時候，要求多多，話要出示證明，出示左又照收全數，岩人！！所謂店長，點做店長明知道做錯還推卸責任，仲聲稱我地一定要俾優惠卷佢睇，搞到我地又要上網搵返張優惠卷，打電話訂位又冇講。食物質素唔錯，味道唔錯，落單齊，員工服務好，但店長服務極差吃的時候開心，埋單搞到唔開心唔知有冇分店呢🤔

新菜單原來是接受了我的建議，有所改良。今次自己中午來小樽駅已是第五次了！可想而知她的羊架和刺身對我有多麼大的吸引力！以前由於她在餐牌中未有劍魚腩，我都因此而斷斷續續來，現在她吸取了我早前的提議，加入了劍魚腩，我相信餐單已可以謂無得輸的了！（相信她要追的就是營業員的服務質素喇。）但我對她的包容度甚高，因為始終是為了食物而來光顧的，而她怎樣說也叫做平價放題，服務就普通要求可以喇吧。今次最滋味的還是前數次飲開的香濃忌廉龍蝦湯！推介的依然是羊架！離場前回味的是香芒慕思蛋糕。雖然劍魚腩的甜度不及外出的另一些店，但總算叫做有啊！

早2日夜晚，屋企冇飯開，唯有出街搵食啦！諗住行去淘大搵下有咩好食，咁岩到小樽駅係到派傳單，橫掂都諗唔到食咩又成年冇食過，而且見佢多左好野食，咁就去睇下keep 唔keep 到水準啦！入到去一如既往食放題嘅習慣，叫左個刺身先，之後再慢慢寫其他野食！唔洗5分鐘，個刺身就到啦，佢係用冰盆上嘅，d刺身個色澤唔錯，仲帶有油光，唔錯唔錯！開始叫熟食啦，我叫左羊架，咖哩軟殻蟹，炒蜆！先嚟個炒蜆先，初頭望落去好似幾辣，實質又唔係真咁辣，d蜆又唔係好甩殻，而且仲要幾惹味添！再嚟羊架，係出面放題食嘅羊架，通常都唔羶，而且冇乜味。嚟到就唔同啦，佢仲有d羶味，嚟個值得讚！最後咖哩軟殻蟹，之前其實食過架，第一嚟食個果，中過一次伏架啦，可能凍左嘅關係，食落1pat pat,口感好差，今次挑戰啦，即嚟即食，又唔錯喎，個種1pat pat 嘅感覺，完全冇左，幾脆口！值得一試總括嚟講，一間開左咁耐嘅放題，仲keep 到個水準，的確讚

呢間真係一試難忘本身諗住近，食完飽左可以行返歸，比較方便，同埋開左都一段時間，未試過所以試下，喺呢度見178加一，都唔算太貴，可接受範圍，起碼唔過二字！點知去到先知原來已經加左價，變左188加一，如果18:30後仲要208加一，佢D食物質素真係對唔住個價錢！一黎食刺身，三文魚算過得去，不過不失，吞拿魚完全無味，甜蝦第一轉要六隻，六隻都有頭、第二轉開始就變哂無頭，仲要之後第三轉過份解凍，暖嘅刺身，帶子真係不叫也罷！之後到炸野，炸蠔腥臭到變壞左，我舉手投訴，佢話炸過畀我，真心唔敢再要，拒絕左！唯一好食嘅炸野，係天婦羅炸蝦，好食，彈牙，夠熱，粉唔太厚！最好笑係佢話自己係皇牌嘅咖哩炒軟殼蟹，好地地一隻軟殼蟹就咁就糟蹋左，又淋又一劈野，就咁炸完畀我咪算囉，做乜要攪咁多野！真正嘅多餘，做多左！羊架算係咁多燒物中，最似樣嘅一樣！炒牛柳都唔錯，起碼咬得入，吞得到，不過無乜牛味！佢最好食同品質keep得最好嘅野一定係雪糕同汽水！牛奶公司小杯裝，好食！罐裝汽水好飲！如果非必要，真係咪攪，坐多兩個站去觀塘，唔貴得幾多，但款多食物質素都更好，再唔係返出mk，佐敦，質素都好過佢！順手一提，佢係小有嘅放題會招待單

前幾日有朋友生日 諗住去食放題 但係旺角個啲放題成日都食 無乜新意 諗住睇下邊到有新開放題試下 點知見到九龍灣有間放題 所以就諗住去試下😝咁我地walk in去既 都唔洗等就有位 我地好好彩咁有得坐卡位 咁我地就開始點野食 咁我地就緊係點左個剌身先啦一上枱就已經霸左我地半張枱 因為我地都點得都幾多件剌身下 但呢間放題都會做足比我地👍正啲剌身都幾新鮮 都唔錯😋跟住我地又嗌左啲前菜值得一讚既係呢間放題有一種沙津非常好味 叫做和風田園沙津 因為佢入面有隻汁酸酸甜甜咁再配合埋新鮮山菜真係絕配 所以我都嗌左好多次😋😋😋😋之後我又嗌左啲炸野 試左個香芋丸 超正 我平時唔鍾意食香芋既 都覺得好好食 仲要唔係到到有得食 所以都係一種驚喜黎既😝👍炸蠔就麻麻地 因為佢食落去好似未熟咁 所以我食左一啖都無食到芝士年糕 外脆内軟 唔錯唔錯👍總結係呢間放題啲食物都好食 無令到我地失望 服務質素一般 價錢都算低 比起出面旺角個啲價錢一定無咁平 起碼都要二百以上 但呢到唔洗 所以都算係低食👍 下次都會再去食😋