小欖燒烤樂園 (已結業)

位置唔算方便但係如果有揸車嘅朋友呢度有得免費泊車仲望到小小海景啱啱秋天燒嘢食就最舒服唔會太熱又唔會太乾燥仲有好涼嘅風嘢食方面種類選擇都多不外乎雞翼牛肉豬肉丸類啱晒大食嘅朋友鍾意燒嘢食嘅朋友可以試吓

秋高氣爽又係時候約埋好友BBQ, 今日放假就拉大隊一齊入小欖，呢個燒烤場地方又夠大，又夠開揚，就算坐滿人都唔會覺得侷促，我哋揀咗近海邊嘅位置，陣陣海風吹埋嚟，吹住海風燒嘢食職員先幫我地開爐，食物是自取的，入場前已經俾咗一張紙可以去拎會啲蜜糖，燒烤叉，至於食物，自助式，鍾意食物種類就自己夾，種類都有好多選擇，有廚師腸，芝士腸連台灣腸都有，丸類都很不錯，牛丸，魚蛋，豬肉丸⋯等等燒雞翼大家都鐘意食，有辣有唔辣，雞翼醃得入味，又唔會太咸，雖然我嘅燒嘢食技術有啲差，燒出黎效果微燶😅但都冇損雞翼的好味道，還有牛扒，豬扒，雞翼都各有特色，唔會話一味只是同一款醃料的味道燒嘢食就點少得燒麵包，加上牛油或蜜糖，真係燒完一塊接一塊，除咗丸同肉類，仲可以燒魷魚，多春魚⋯等等朋友食得飽飽，有些圍在一起玩集體遊戲，有些索性租副麻雀大比併，呢度真係好玩又好食

呢個天氣涼浸浸 真係最啱一家大細燒嘢食 小欖燒烤樂園已經成為我一家每年一年一聚嘅好地方我真係好鍾意呢個地方 出面就係大大個沙灘 有個無敵靚海景 我最鍾意日落時分過嚟 可以睇埋日落 吹著海風燒嘢食 鍾意呢度地方夠大 有露天及不露天座位提供選擇 另外仲有大量小朋友娛樂設施提供 仲可以帶埋狗狗一齊嚟玩 泊車仲唔使錢添 有大大個停車場任你拍我今次係經openrice訂座 全部人頭可以打個85折 超抵的每人入場有一支水 一個嘢飲 燒烤場提供嘅食品任食 透爐費$40急不及待要衝去食物布拎嘢食 麵包有兩款 方包同蒜蓉包 蔬菜有翠玉瓜，茄子，粟米 各式各樣 既丸類和肉類入場人次越夜越多人 食物流量去得快 所以食物非常新鮮有專人透爐真係好方便 拎齊用具 例如燒烤叉，蜜糖，碟，餐具及燒烤食物 就可以開動啦由天光燒到天黑 真係好盡興 推介燒烤食物: 豬頸肉，咖哩魷魚，雞腎，雞翼，台灣腸呢款麻辣雞翼 真係讚不絕口 醃得非常入味 雞翼夠大隻 又juicy蒜蓉包必食 非常脆口 好香嘅牛油蒜蓉味道 真係食到唔停得口燒烤場沒有海鮮提供 但係歡迎食客自購進場 燒烤網可以喺場內購買

終於等到秋天到，天氣涼爽，最適合約埋一班同事去BBQ，當中有人提議到屯門小欖燒烤樂園，那裏地方非常大，可以容納很多人👍價錢亦非常合理，成人收費$120，另收$40開爐費包括一支蒸餾水、一罐汽水及一份燒烤餐具這裏還有四至五間VIP房，有冷氣還可以做麻雀玩樂👍燒烤場外面還有一個沙灘，晚上來已經關閉，但如果一家大細可以下午前來bbq可以順道行下沙灘玩下沙，都不錯👍食物種類很多，是自助形式的，基本上燒烤的食物都非常齊全，有豬扒、牛扒、雞扒、多種丸類、香腸、蔬菜、分類得十分整齊👍旁邊放着一盤調味架，按自己喜好隨意調味😋每一款肉類都有不同調味，食落非常入味，多汁，肉質非常新鮮，有辣和不辣選擇十分美味😋😋😋

約左6點半，提早15分鐘去到，話吾俾入埸，一定要等到6點半先入得。態度不算好。但全場得一枱客人，基本上系吉場，都堅持吾準入埸，如果要入，就俾正價。甘好啦，都山長水遠來到，諗住入去個沙灘睇下日落，差10分鐘我地都照俾正價入埸。點知入去到，個沙灘吾出得去既。(入去之前，我有講想入去沙灘行下，但員工無告之我沙灘吾出得去，如果吾出得沙灘，甘我使咩俾正價入埸，我會等埋果10分鐘先入埸，有85折，因為預先預訂有折)入到去，員工開爐好求其，其實仲未開得著個火就走左去，要再去叫佢開多次，員工態度非常不願做。去拎野飲，員工都好似吾願拎甘，員工之間互相推讓，大家都好似吾想做甘，手機不離手。全場員工，(只有拎食物果個姐姐系態度服務好既), 其他人都吾願做，其實果陣時全場得2枱客。食物質素正常，不過不失，吾算好好食，又吾算吾好食。完。無下次。

秋高氣爽，又到了燒烤的季節，小欖燒烤樂園為我們朋友間聚會好地方。地方大，相連一個小沙灘，小朋友可到此玩玩水，成人們散散步，夕陽無限好，只是近黃昏，吹著海風，好有意境喎食物質素不錯，種類多，雞翼有土匪，麻辣，BBQ等等口味，仲有全隻雞翼，燒起上來的確考功夫及考驗耐性，但食起上來的滿足感好大。腸類有廚師腸，芝士腸還有台灣腸，丸類推介芝士年糕及墨魚丸，好彈牙，還有咖哩魷魚，牛扒都係必試的，食物味道不會好。洗手間環境尚算滿意，而且設有洗手，洗食物的地方，衛生值得加分。

差不多有一年沒有燒烤，難得近來天氣開始轉涼，就約了幾個朋友去燒烤，有問友提議自己買東西去郊野公園燒，但我覺得自己買東西確實相當麻煩，我就提議去小欖燒烤樂園，任食而且包含所有器具，不需煩惱。我們約了6點，外面可以有免費泊車，相當方便，價錢亦不是貴，除了所有食物任吃，還包餐具、紙巾、燒烤叉、飲品一罐。燒烤場面積相當大，有兒童遊樂設施，還有望著日落的沙灘，老少咸宜，我們自己找了好位置就通知工作人員放炭起火，不消一分鐘已經可以燒烤。食物方面在外面有工作人員安排，點選需要的款式和數量按單執藥，有魷魚、雞全翼、雞中翼、雞扒、豬扒、丸類、腸類、粟米、蔬菜、麵包等一應俱全。個人非常喜歡雞中翼，有多款不同味道，有辣有唔辣，適合不同口味的朋友。麵包還有牛油蒜蓉醬，相當惹味。如覺得款式不夠，可自行加錢購買海鮮，非常細心。

準備開始入秋，呢個天氣就最適合燒野食。小欖燒烤樂園好適合小朋友，因為呢度有沙灘，有籃球場，有充氣滑梯，有籃球機等等嘅遊樂設施，而且仲可以免費泊車。呢度係任食飪燒嘅，食物款式都好多，雞翼都有三種味道、另外仲有豬頸肉、雙蔥豬排、咖喱魷魚、多春魚、金沙骨、雞腎、芝士腸、廚師腸、魚蛋、貢丸、墨魚丸、獅子狗、燒買、栗米、豆腐卜、法包、方包等等。特別推介嘅食物有咖哩魷魚同豬頸肉，咖哩魷魚入味之餘燒完都唔會好乾，而豬頸肉就易燒又爽口

抓住暑假的尾巴，我地去小欖燒烤樂園。有遮蓋無懼大太陽，仲有大風扇吹住輕鬆燒，小朋友又可以去充氣水上樂園玩，大人細路都開心。燒烤場好大，環境開揚乾淨，對出就係藍天碧海夏天都唔會悶熱。場內仲有夾公仔機，各式遊戲機供顧客玩樂。食物選擇種類繁多，而且全部都好新鮮，除左各式扒類、丸類，仲有黑椒台灣腸 、醬爆豬肉丸、豬頸肉、魷魚等等...我最鍾意蒜蓉雞翼，隻隻都脹卜卜，味道醃得剛剛好，蒜香十足。蟹籽丸好鮮甜，一咬開就爆醬，好滿足。鴨仔主題既充氣水上樂園就係隔離，有好幾個池同滑梯，連大人都玩得好開心，放完電又可以繼續燒野食，真係好痛快。

中秋佳節，最適合一班人黎燒野食，一早就黎到小欖，就見到有d人係沙灘嬉水玩樂，仲可以等睇日落時間尚早，人唔算太多，呢度相比起其他燒烤場，地方可算是非常闊落到左晚上漸漸有涼意添明月高掛在天空上，旁邊既燈飾逐漸亮起講返食物先，因為呢度係任食既，佢地俾左個大盤我地裝燒烤料，食物種類好多，有海膽丸、墨魚丸、腸仔、紅腸、咖哩魷魚、土匪雞翼、麻辣雞翼、蒜蓉雞翼、黑椒牛扒、牛柳粒、豬扒、豬頸肉、义燒、雞腎、翠玉瓜等等，多不勝數搞左咁耐，終於開爐啦，火光紅紅，大家有傾有講以下就係制成品

一到中秋節，當然會想去燒野食，小欖燒烤樂園呢度收費唔貴，環境又大。今次星期日黎仲冇咁多人，唔駛迫 遊樂設施呢度有籃球機同飛鏢機猜包剪揼嬴公仔嘅遊戲機本來燒烤場仲有個籃球架，但睇黎為左準備金就到嘅中秋節，籃球場都放滿晒燒烤爐LU呢度嘅食物係任拎嘅，當然大家都唔好浪費食物，呢度大部分嘅食物都整得好好食，水準喺燒烤場黎講係above average 嘅呢度嘅扒類腌得好好食，而且咖哩魷魚仲好入味，加上燒完之後一D 都唔乾飲品一罐都唔算貴，都係$8 一罐

下午掛起3號風球，但是星期日永遠不想留在家中，尤其是夏天，前幾天熱了這麼久，今天下雨變得涼快，最重要的是已經和朋友吃了午餐逛了街，不能不吃晚飯就回去，我們作了一個大膽的決定，今晚去燒烤場內設施有免費停車場，場內設施比較老少咸宜，小朋友可以去夾公仔，撈金魚，大朋友可以玩籃球機同擲鏢推薦燒烤食品：雞翼類：土匪雞翼，麻辣雞翼，南乳雞翼，咖喱雞翼扒類：豬扒，牛扒，雞扒香腸類：芝士腸，廚師腸，台灣腸丸類：貢丸，牛丸，墨魚丸，魚蛋，燒賣，日式麻糬，芝士方塊蔬菜類：翠玉瓜，茄子，栗米，青椒麵包類：法包，方包其他：多春魚，雞腎，咖喱魷魚多年前曾經在這裏燒烤團拜，今天再重遊舊地，場內設施已經翻身，感覺更加乾淨整齊，燒烤食品醃製得宜，推薦全部雞翼，燒雞翼我自細鍾意食，多春魚，咖喱魷魚，日式麻薯，全部都很好吃，種類亦都很多元化，只是我的燒烤技巧有待改進，朋友聚會，家庭聚會，或情侶兩小口拍拖都很適合。

一年點都會黎一兩次既燒烤樂園，藍藍既天空，涼涼既海風，環境依舊咁舒服。除左燒野食，仲有夾公仔機，籃球機等多款遊戲機俾大家消遣。旁邊就有一大排洗手盆，好方便。洗手間亦一如往常，乾淨企理。有個小賣部，有雪糕汽水，仲有吹泡泡賣。食物自取，豬、牛、雞、魷魚、鴨腎、腸仔、丸類、粟米、青椒、茄子...應有盡有，全部放係凍櫃，仲有蓋蓋住，保持新鮮衛生。食物似係自家醃製，呢度味道好夾我，入味得黎絕對唔會過咸，而且食物都好新鮮，唔會有放左好耐既感覺。次次黎都有d新食物出現，今次就有黃色方方地既魚腐，中間白色既係年糕，燒熟後年糕會變半透明，煙煙韌韌，味道係甜甜地，好特別。另外仲有黑椒台灣腸，咬破腸衣入面係充滿黑椒味既肉腸，辣辣地好惹味。次次都食既法包，去小賣部買埋個蒜蓉牛油，就可自制脆卜卜既蒜蓉多士。肉類燒完都仲可以有好多肉汁，唔會乾爭爭，雞翼隻隻都脹卜卜，食物質素好高。

每次大假期都會安排一次燒烤聚會，所以都有join佢地會員，而家仲免費登記，消費30蚊仲有1分，1分就當1蚊，積分當錢用。本來已覺得呢到可以一個價錢燒全日已好抵，而家仲多埋個會員優惠，真係好吸引。而且呢到交通方便，過來又玩，快靚正，唔洗又要買又要抬咁辛苦暑假期間仲非常優惠呀，平曰$88，其他日子$108，真係搵唔到一間咁平靚正既bbq ，比你玩全日生曰仲可以包間獨立屋，玩個夠本呢排又hit 番夾公仔，5蚊一次，過下手癮都唔錯星期六日仲有水上嘉年華玩，小朋友們都開心到不得了玩完之後可以喺呢個沖下其實我嚟過好多次，玩左十幾年，同呢到都好有感情😂，本人就好喜歡呢到既環境仲可出外面個沙灘玩下沙，到左黃昏個咸蛋黃仲好迷人食物款式多，夠哂入味，當中我就最鐘意食燒义燒，食幾多都唔厭每個爐包你两包炭，之後就$20一包，我地燒左一曰两包炭剛好

🥢$60 起全日任燒好味燒烤場🥢唔知有無人除了鍾意打邊爐之外，都好鍾意BBQ , 由其鍾意去BBQ 場，貪佢全包唔洗買唔洗洗，今次呢間是我成日都去的BBQ 場，除了燒烤之外，出面仲有沙灘可以玩水，而家夏天仲有b.duck 水上樂園玩啱曬一家大細🥢$120 半價 $60 位，開爐費另計包2 包炭（星期一至五）🤣入場收費包－食物任食，一支水，一罐裝汽水開爐費包括2包炭， 1個托盤，1碗蜜糖(可再添加)， 1卷紙巾💡星期一至五正價是$120 ,需要在某E 字頭的飲食 app 做booking 先有指定時間半價，呢個價錢食到飽係真心抵，去街市買兩塊扒都貴過呢餐飯🥢雞翼咁多間BBQ 場我最鍾意係呢到的雞翼，有土匪雞翼，麻辣雞翼，蒜香雞翼，沙嗲雞翼，味道醃得好味，隻隻大小剛剛好，好適合bbq , 而且好易就燒到脆皮🥢豬牛雞扒燒扒類最緊要用大火燒，呢到因為地方夠大，人流多，所以肉類都比較新鮮無雪味，而且醃料好香，啱曬鍾意重口味人士🥢咖哩魷魚翼食落爽口彈牙有咖哩香味，建議用細火燒就不會過韌🥢交通可以揸車入，有大大個免費停車場，有多架小巴巴士可去到，詳情可以去返網