小欖燒烤樂園 (已結業)

今年生日由於係喺疫情期間，海洋公園又唔開、昂坪360又停駛，終於比我同家姐諗到去邊啦！我哋就黎咗龍鼓灘嘅小欖燒烤樂園，生日黎係可以免費燒嘢食咖！仲可以免費升級，用海邊燒烤爐🥳海邊燒烤嘅環境真係好靚，撞正天氣好仲可以睇埋日落同magic moment添☺️如果係情侶黎到一定好浪漫🌹呢度有大量丸、肉排任君選擇，正常燒烤會有嘅食物都有齊曬，另外都包一人一罐嘢飲，同另外一人送一支水。比完錢就會比叉、碟、同換嘢飲嘅劵比你，蜜糖同其他醬料都可以自由斟。燒嘢食放題🤤仲可以食食下落沙灘行吓影吓相，真係好寫意，雖然冇得去主題公園，但呢個生日都好滿足😋

黎得小欖就緊係黎里個超大型bbq場， 又有位泊車 又有小朋友岩玩既遊戲 同 playground， 天氣一凍凍地就當然今日就約晒我成班朋友 過黎bbq先啦， 剩係帶個人黎就得 乜都唔洗買。 仲可以自己揀位坐， 鐘意坐邊就坐邊， 任燒任食， 款式多就一定。 價錢真係無得輸 仲平過自己買野， 超野味香辣魷魚， 食左勁多， 燒乾小小就食得點小得雞翼 都有幾隻味， 蒜香， 土匪， 香辣我自己就最鐘意香辣， 夠晒入味所有平時會燒既 豬牛雞， 蔬菜應有盡有。 剩係豬扒我都食左3塊， 想唔飽都唔得， 麵包法包， 海量既丸。 而且燒既時間夠晒長， 夜晚黎燒到幾點都得咁濟。食飽同小朋友 去玩完返黎 又可以再食過。 每逢轉凍都一定會黎幾次， 燒返夠皮。 下次又會再黎， 希望唔好無晒位啦

又要有車位泊，又要近巴士站，地方又要大，娛樂設施又要足夠，食物質素又要高，位於屯門小欖燒烤樂園就比到所有你。當時入去5:00到，人唔算太多，所以可以先燒一轉先，再等埋其他朋友。食物方便其實肉類，蔬菜都非常足夠，款式又多，我就最鍾意佢哋嘅土匪雞翼同埋麻辣雞翼。麻辣雞翼好香口，奄得非常之入味，雞中翼size啱啱好，燒到外脆入邊仲有好多汁。入場費包括一包冇酒精飲品，同一支水可以去小食部到拿。叉燒粒亦都係我食過最好食嘅，肉質鮮甜，叉燒醬非常入味，仲要啖啖肉燒得好香口。食咁多肉食下啲蔬菜類，牛油粟米每次我燒嘢食都非常鍾意，亦都係小朋友最愛，燒到咁上下落大量牛油，令到成個粟米非常甜。除咗燒嘢食娛樂設施都好豐富，有一個大球場，有好多夾公仔機，可以令到小朋友唔使咁悶。今次已經唔係第一次嚟，比百零蚊可以玩到成日，老少咸宜，所以每年我哋都決定會來一兩次。

老爺奶奶返嚟香港，話好耐未試過bbq，咁岩天氣轉涼，梗係即興整個bbq啦!我都幾鍾意呢度四四方方夠曬大， 夠開揚又有瓦遮頭。每人有一支水和一樣飲品， 餐具乾淨企理，蜜糖唔夠可以自己再添， 仲有埋一卷紙巾和少量手套供應， 非常貼身。肉類，丸類選擇非常多， 我隨意樣樣都攞啲， 樣樣都想食， 拿拿下已經拿左一大盤了。第一時間梗係燒返隻麻辣雞翼食下先啦! 今次已經係第二次黎，雞翼size適中，醃得好入味，麻辣唔會太辣， 水準依然keep得好好。食得肉太多，食返啲粟米去平衡番先。 平時燒嘢食大多數啲粟米都係雪藏的， 而呢度啲 粟米放在室溫，看起來不是雪藏而且仲好新鮮， 味道非常鮮甜。台灣腸依然係我嘅最愛， 只有呢度先有獨一無二嘅台灣腸，皮脆肉汁多而嫩，岩晒我口味。麵包有法包同普通方包， 老闆一啲都唔吝嗇 ，隨意任你攞。雪糕可以另外比錢買， 款式都多，啱曬大人細路既口味。 呢度無論地方價錢食物，我都好滿意， 下次必定會再嚟。

同女友人WK前日(7-12-2019 Sat)晏晝行街買嘢,買完按原定計劃入屯門BBQ,我哋friend到冇講邊間都有共識諗住呢間,我哋去到6:40pm去到,成人價錢每位$150.00,同樣包1支700ml唔凍嘅蒸餾水同1罐汽水,開爐費$40.00,包2包炭,後來我至知,其後每包$20.00.揀好位開爐,攞嘢就燒得,我食咗:1. 腸仔好鹹呀!只有鹹冇其他,唔係廚師牌雞肉腸,廚師牌係鹹但好食.2.-3. 蒜香雞中翼&雞扒OK冇問題4. 香茅豬扒香茅超濃,本身鍾意香茅味,但太濃反而唔好食.5. 紅腸唔好食.6. 芝士腸同上次一樣燒完個皮完全唔脆,冇乜芝士.7. 粟米係甜,好味嘅.8.雞臀切到好薄,亦醃得入味,有啲辣,但可接受.第一round完全唔記得攞丸同其他疏菜,第二round都係繼續攞肉.9. 咖哩雞全翼雞鎚好厚肉,可惜有啲辣,味道唔係咁啱BBQ.10. 叉燒粒好甜.11. 香茅雞中翼??味道都係超濃,一般.12. 咖哩魷魚正常OK.13. -14. 墨魚丸,貢丸正常冇問題.15. 豬肉丸???唔錯.最後一round,WK攞菜同方包16. 青燈籠椒正常冇問題.我冇食:黑椒牛扒,WK食,

秋風色, 食心起(誤)必須要做的一件事就是一伙人去燒烤!!燒烤我們可以選擇自己買材料去霸爐燒, 固然有它的樂趣!但現今有很多燒烤場, 不但提供場地和爐頭, 也提供多款食物選擇, 一種配套式的提供!何樂而不為!!而燒烤場的競爭也大! 但綜合各種因素來說, 小欖燒烤樂園絕對是划算和超出預期!1. 交通, 位於屯門巴士路線必經之站, 小欖站!!而燒烤樂園網站上詳細列出了各種進出方法, 非常貼心方便2. 入場管理, 非常有序, 人流管理很好, 不會混亂, 明碼實價買入場票券而且拎取餐具的地方指示清晰3. 食物種類和質素基本的都有, 沒有預計的, 都有!例如土匪雞翼, 而且味道非常好!又有多種雪糕雪條選擇!! 大概都有一百數十種食物選擇吧!!基本上每款食物要吃一篇, 大概都飽翻了!4. 配套好樂園有一個私人沙灘, 一家大小可以碧波暢泳!樂園內又有多款遊戲機, 兒時回憶立即回來又有現在流行的夾娃娃機!又有跳床彈床!! 價格不貴!如果人多, 更可以包場!!又可以打麻將整體而言, 對於一個燒烤場, 食物的齊全及周邊配套是我考慮的重要因素。而小欖燒烤樂園在這些方面做得非常好

價錢來講算係平嘅，食物選擇唔算好多，正常嘅雞翼、丸、扒都有，環境都唔錯.當然服務就有待改善。尤其係門口賣飛嗰個阿姐, 極度西面，未夠鐘唔可以用嗰個優惠, 連坐喺隔離等都唔俾， 衰格到無倫。佢個樣都幾趕客。不過後來先知道原來呢度就快結業，唔怪之咁嘅樣。當然除咗佢以外大部份人都服務唔差，尤其廚房賣飲品阿姐，好好禮貌。所以我相信服務這方面都係因為個人問題。我哋嗰晚都見到唔少國語人，可能呢一區多咗大陸人住, 遲啲都會結業，應該都係起樓買比大陸人。整體來講其實都唔差嘅,除咗門口嗰個西面人。

終於等到秋高氣爽的季節了， 急不及待約了三五知己到小欖燒烤樂園 bbq。 我們兩點鐘到達，想不到已經人頭湧湧 ，只剩下不多的爐可供選擇。雖然人多，但由於地方寬敞，亦沒有壓迫的感覺，  這並不是 一般燒烤場可以做到的。 喜歡到這裏燒烤， 其中一個原因是它鄰近海灘， 燒烤前可到沙灘漫步或黃昏時觀賞日落 ，都是不錯的節目啊！另外 ，它還有很多供兒童遊樂的設施， 成人們喜歡搓麻雀的話， 亦有提供，確是老少咸宜的燒烤理想地方。食物方面選擇很多， 味道亦不錯，我最喜歡的是咖哩魷魚和辣味雞翼，醃製得非常惹味，還有麵包和法包可供自取。 另外，它亦設有洗手間和多個水龍頭供洗手， 非常方便，所以這確是一個燒烤的理想地方，大家不妨一試。

秋風起，秋意漸濃，最啱一家大細以及三五知己去bbq玩番一個下午，露天之下玩足一日都唔怕曬唔怕熱！唔想自己買嘢洗嘢拎嘢，去燒烤場係最佳選擇！價錢仲分分鐘平過自己買材料！慳水慳力慳時間！小欖係我哋新界西北友燒嘢食好去處，因為百零蚊一個人包飲包食，任燒全日。玩樂方面，有收費活動玩之餘又有露天地方玩，有一個籃球場，同大操場可以踩下單車打羽毛球，又有靚沙灘，啱曬大人細路又食又玩仲可以睇埋日落。屬收費活動嘅籃球機同飛鏢機都係五蚊一舖，好抵玩。食物種類多連蔬菜都有，味道不錯，尤其是係麻辣雞翼，大家都再三encore！自貴物品及食品價格合理！

不知不覺，又來到秋天的季節，還記得讀書時期，每年秋天學校都會舉辦秋季BBQ，而我同男友都好想懷愐一下，於是星期日就約埋家人一齊黎屯門小欖燒烤樂園！今次我們一行六人，約三點鐘到達，發現燒烤場已擠滿了大人小朋友，非常熱鬧！但原來呢個時間是正值最繁忙時段，所以我地好不容易先搵到位。幸好的是，燒烤場的員工十分主動，很快便幫我地起好了爐，不消一會便可以燒烤了由於今次我們有帶小朋友，所以額外買了燒烤網，感覺較方便，而食物方面亦應有盡有，相信你說得出的都一定有，而我個人就較愛燒雞翼同燒麵包，不停encore！值得一讚的是，呢個燒烤場環境很大，還可以直接走出沙灘吹風散步，加上附近亦有充氣嘉年華，非常適合一家大小，甚至寵物來呢！

最近英國大學同學帶埋外國朋友番黎香港咁啱秋涼天氣最好約埋成班戶外燒烤小欖燒烤樂園採行全日收費食物任食而且並無時間限制星期六日入場費百五蚊已經包左樽水以及罐裝汽水同埋餐具真心好抵開爐費四十蚊包括兩包木炭以及無限蜜糖同埋紙巾而且仲有專人過黎生火起爐燒烤場地鄰近海灘海風海浪配搭日落黃昏夠哂浪漫到左夜晚仲會點亮多串吊燈營造氣氛熱絡好正場內設有小賣部供應飲品雪糕以及燒烤用品同埋食物而且可以選購玩具以及沙灘用品食物款式總共三十幾款都算幾多其中土匪雞翼瘋狂添食好味場內亦有各種遊樂設施包括多款充氣彈床設施以及攤位遊戲同埋夾公仔機啱哂細路放電大人嘅話都有籃球機同埋飛標機可以互相比拼較量

秋高氣爽，當然要去燒嘢食啦！聽朋友講小欖燒烤場d嘢食都幾多選擇, 隔離仲有個沙灘，好適合有一家大細去。飲品方面，包一支水同一罐汽水。汽水選擇都幾多👍🏼嘢食方面都有好多選擇，基本野香腸，雞翼，豬牛雞扒，丸類等等。特別一讚，香腸類竟然有台灣腸🤩燒雞翼，我鍾意食～雞翼有好多特別味道，如麻辣雞翼，土匪雞翼🤪蔬菜類方面，當然有我最愛既燒栗米🌽🌽其他既蔬菜，如🍆🍆都係一個唔錯嘅選擇燒到咁上下梗係要去沙灘行吓啦！今日早上都有少少雨落，好彩下午天公做美，無落雨之餘，仲有見到個咸蛋黃添😚燒烤場隔離仲有個好大既空地，可以俾人打籃球⛹，係個可以俾小朋友放電既好地方。

秋高氣爽，係時候約班fd出黎燒下野食！年紀大左懶左，唔想自己買食物，仲要擺去郊野公園燒。燒烤場就最方便，我地揀咗屯門的小欖燒烤樂園，因知道環境好好，還有海境，望住日落燒野食，真係好正。先去入口處購票，再去取碳爐和燒烤套餐、用具和飲品。全部齊晒，乜都唔洗帶，好方便。還有多項康樂設施: 飛標、兒童電動汽車，夾公仔……等。怡人的風景更不用說了！真是個老幼階宜的好地方！
$150一位，食物任食，包一支水同一罐氣水！食物味道唔錯，種類都算多，例如有不同味道的雞翼，豬頸肉，不同類型的肉排，叉燒粒，芝士腸等等，調製的味道都算不錯，我個人覺得工作人員妹妹推介的麻辣雞翼最好味，夠辣又惹味，大推！另外也可以自己帶食物入去燒，我地就準備咗燒鱔，而家諗起都lam lam 脷😋一開始的時候，我們每人都拿著一支燒烤叉慢慢的燒，可是這樣效率就比較偏慢，所以最後決定買個燒烤網燒，這樣既可以一次過烹調更多食物，又可以騰出更多時間與朋友聊天。 另外燒烤場最擔心的是廁所問題，十居其九也程度欠佳，這兒的常有人打理，故是意想不到的衛生，雖有時人多要排隊，但無礙我們對她的滿意程度。

天氣轉變涼左，最好嘅活動哽係一家人去bbq,今早起身，老豆話天氣涼涼地好舒服。細佬無啦啦話天氣咁好，不如去bbq，即興當然最方便就係去任食燒烤場，家姐之前同同事去過小欖燒烤樂園話幾好，今日就一於一家人去燒鷄亦～！去到差不多三點，已經好多人了，燒烤場有停車場。非常方便！亦好多車位，行到門口購票入場，任食，仲包一支水和一個飲品，開爐費$40包2包炭，價錢合理！入到去先揀個位置，跟住就有人員幫手開爐，細佬就去攞食品，好欣賞呢度不是用即棄餐具，呢個燒烤樂園都幾大，好多遊戲比小朋友玩，仲有一個好大嘅吹氣跳彈床，亦都有啲啱大人玩，例如飛標機，仲有得租麻雀！當然要說說食品，雞翼己有三款味道，分別麻辣、蒜蓉、土匪雞亦，個人覺得最好食嘅係麻辣味，夠麻夠辣，另外咖喱魷魚、金沙骨和豬扒亦醃得非常入味，調味好好、另外，仲有法佨、方包。蔬菜、茄子、金菇等等，服務員亦有禮及細心，見到我們用網燒烤。會自動自覺幫我們加高左個爐。食物就冇咁易燒焦。燒烤場旁邊更有一個沙灘，看到日落，非常正。

秋風起，當然要一家人去戶外郁動下啦!今次揀咗去小欖燒烤樂園燒烤場很大，而且有很多大風扇， 完全不會覺得熱，十分涼爽。 入場費百多元，每人會有一罐飲品和一支水，就算飲品唔夠可樂都係幾蚊罐，非常抵飲！仲有任食數十款食物！食物分為丸腸部和肉類部，選擇好多，雞中翼都已經分左好幾種，推介麻辣味和土匪雞翼，啱晒雞翼控，鄺吃真的很過癮！重點推介台灣腸，呢樣真係好少燒烤場有，成本高，小朋友最愛！另外仲有個大沙灘，小朋友堆下沙，踢下水，開開心心又一日！