小欖燒烤樂園 (已結業)

天氣凍凍地，最好就係去燒嘢食，今次同成班同事去咗小欖燒烤樂園，位置都幾方便，而且場地都夠大，唔會好迫👍🏻 以任食bbq嚟講，味道都唔差，性價比非常高。扒類方面有豬牛雞，雞扒醃得特別好食，肉汁非常多，豬扒牛扒都唔輸蝕，醃得好入味，同埋解凍都做得幾好，唔似其他燒烤樂園攞啲食物仲係凍冰冰！呢度仲有特色咖啡豬頸肉，你無睇錯，係「咖啡」，唔係咖哩聽落有啲怪，但係食落又幾好食！仲有咖哩魷魚，好爽，一啲都唔韌！丸類方面種類繁多，仲有腸仔同芝士腸，仲有麵包，蒜蓉包，青椒，翠肉瓜等等食物，真係數唔晒！我哋仲嗌咗椰菜，金菇同埋蕃薯，加埋啲蒜蓉牛油一齊燒，真係超正！今餐食得好豐富，味道又好，價錢又唔貴，絕對值得一家大細假日去玩，因為燒烤樂園入面仲有充氣滑梯同籃球場，小朋友都唔怕悶，仲有可以租麻雀打，大人都有娛樂！仲有泊車又係免費，真係好抵

冬天黎啦～最好就梗係去bb蕉暖番啦！今次同同事去左小欖燒烤樂園，好多年前去過之後無再去，估唔到質素都繼續keep到～我哋早左入去，所以可以揀近海邊嘅位置，望住海景嚟燒，別有一番風味！我哋下晝就入去，自己揸車入去，泊車唔使錢，真係好，燒到差唔多7，8點先走～食物方面，都幾多選擇，預先醃定嘅肉都好入味，又唔會醃得太鹹，仲有啲蔬菜可以揀，免費嘅就有翠玉瓜，同埋茄子，不過如果想食金菇同埋椰菜又要加錢比啦～我最鍾意食就係個魷魚，燒完之後好彈牙，可能個時間燒得啱啱好，一啲都唔乾身！另外仲有佢嘅叉燒粒，粒粒都好大粒，加埋蜜糖自製蜜汁叉燒，正呀～入場包一支水+1罐嘢飲， 罐裝有得揀汽水同茶，燒完嘢食飲返烏龍茶，去油感就強哂啦～呢度仲有啲遊樂設施可以比小朋友玩，價錢都幾合理嘅，洗少少錢俾小朋友玩得開心就最好啦～

今次決定去燒烤, 因為女朋友話我唔識自己煮食.  所以要找機會表演我的廚藝, 有些苦心.  我還乘機約了表弟妹同往一齊聚聚.  地點是 小欖燒烤樂園,  可乘小巴由旺角來, 或可自駕, 泊車免費.成人假日每位 $150 , 小童 100cm 以下免費.   包爐具, 燒烤叉費用, 食物任食, 飲品每人兩枝, 夠方便又經濟.入場已見有節日佈置, 七彩繽紛.燒烤場內還設有好多嘢玩, 小型遊戲, 夾公仔.擲飛標, 打籃球.巨型吹氣滑梯, 跳彈床, 打麻雀, 各式其式.燒烤場面積大, 燒烤爐多, 地方乾淨寬敞.全部有帳篷, 大風, 落雨都吾怕.有多格洗手間, 好方便又乾淨.取食物地點好集中, 並有小賣部.    自費甜品有雪糕. 可從 食物部 各取喜好, 有雞扒, 豬扒, 雞翼, 腸仔, 肉丸.........但不要浪費.燒烤場已提供大盆取食物.  咖哩魷魚, 咖啡豬頸肉, 牛仔粒, 金沙骨, 好豐富 !女友鍾意吃雞翼, 讓我表演一下燒烤技藝, 細心慢慢燒.炭火熊熊, 圍爐樂趣無窮.晚上場內燈光多, 燒烤氣氛好熱鬧.燒烤時, 可以見到無敵大海景, 吹吹 海風 食物種類多, 水準唔錯, 燒烤埸環

近排天氣愈黎愈凍，勾起了令人想BBQ打邊爐既意欲。咁岩今日出屯門市中心行街，男友就提議不如去小欖燒烤樂園吧！雖然今日係週末，但男友話果度既燒烤場十分大，唔需要預先booking，加上價錢合理，食物款式又多，可以試試二人BBQ於是，大約七點多我地就坐車出發去BBQ場！一到達BBQ場就見到人山人海，而我地呢個時間就大約每人$150入場費，另加$40開爐費，每人包一支樽裝水及一罐汽水，而食物就自助任食入場比完錢後就可以自由揀位燒烤，而我地就揀了接近食物自助區既位置，方便拎野食安置好後，男友負責拎餐具飲品，而我就負責拎野食！嘩！食物既款式有好多，淨係我最愛既雞翼都有四種唔同口味，分別有蒜香雞翼，土匪雞翼，麻辣雞翼同燒汁雞翼，另外仲有山賊牛仔粒，加拿大多春魚，燒汁金沙骨，柚子雞扒同比較特別既咖啡豬頸肉，真係款款都想食，岩晒我呢個食肉獸如果想食海鮮既都可以另外加錢購買，例如虎蝦，扇貝，花蜆等，不過由於我地得兩個人，所以海鮮留待下次多人先試！總括來說，今次係我地兩人第一次來自助燒烤場，感覺好新奇，有不一樣的體驗，而且呢度食物質素同服務都令人滿意。由於燒烤場既員工數量多，所以我地一般既要求都有求必應，

今個聖誕節, 我們舊同事又舉行慶祝活動, 大家贊成 BBQ, 因為平日返工少自由, BBQ 可以盡情娛樂.  我們選擇了 小欖燒烤樂園.  有多個原因:   自助燒烤, 成人假日入場費 $150- 位.  食物任取. 合經濟理想.食物選擇多, 有柚子雞扒, 豬扒, 牛仔粒, 金沙骨,豬頸肉, 咖哩魷魚, 雞翼, 多春魚, 腸仔, 各類丸類, 魚肉燒賣........蔬果: 有車厘茄, 單翠玉瓜, 茄子......法包, 方包......基本上主要燒烤食物都有. 連同每人兩款飲品, (一樽水 + 一罐汽水/果汁)除入場費已包的食物及飲品, 也可自費購買各人喜好. 甜品雪糕類也不少. 小欖燒烤樂園場地 - 夠大, 有大人及小朋友遊戲設施.  巨型吹氣滑梯, 大約有兩層樓甘高.釣魚仔池, 小朋友唔會悶. 籃球機, 飛鏢, 夾公仔機, 種 類多.燒烤場內設有蓋/帳篷, 無懼風雨.  晚上燈光足, 座位整潔.我們可以派代表取燒烤食品,  用大盆取,   燒完一盆可以再本來一盆.蔬果新鮮.炭, 燒烤叉及燒烤爐都有提供, 在場有工作人員會為我們點爐, 好完善.食物水準唔錯, 醃料味道適中, 取食物地

望穿秋水，終於都等到香港天氣轉涼啦。仲唔約埋班朋友仔去燒嘢食之前試過好多地方燒嘢食，但係都係發現 唔使自己買，自己醃，去到畀錢就有得燒，拍拍籮柚就走係最方便不過，但係味道方面當然都要搵啲比較信得過嘅燒烤場至得。今次同朋友仔嚟咗小欖燒烤樂園，因為閒日，人流唔算太多，場很大，又有得玩，又有得食，幾正咁喎。其實燒烤除咗食物，氣氛都好緊要，呢個場感覺唔錯，同埋幾乾淨。食物方面種類都幾多，味道都不錯，最緊要係坐幾耐都冇人趕你走，又唔洗自己清爐頭，食完搞掂枱面垃圾就走得，方便至極

大人細路都岩玩嘅海景燒烤樂園🤩 由朝燒到晚都係百幾蚊 傾下行下又一日精彩的holiday Jeng! 交通仲好方便兩手fingfing都無問題 #小欖燒烤樂園 #小欖bbq

今次想同大家分享下位於小欖既BBQ場，話說又有朋友生日，主角見天氣涼涼地就話想去bbq，有朋友提出之前去過小欖個場幾好 所以今次我地成班fd約左去小欖燒野食！入場費唔貴，百餘元左右，入到去係一個非常大既地方。我地係星期日去既，雖然地方比較遠，但係黎既人好多好爆。入到去可以任食，拎住隻碟同食物部講就會夾俾你。食物既種類都算多樣化，朋友最愛食燒魷魚、燒豬肉同牛肋骨，而我個人比較鍾意食雞翼，雞翼有四種唔同既調味有辣味、有燒汁味、仲有土匪雞翼，我個人最愛食土匪雞翼。另外入場後有一D野都係需要收費，例如燒烤網、錫紙、金菇、蒜蓉牛油等等，但係都算合理收費，所以唔洗擔心。最後我地仲帶左棉花糖去燒(做咗傻仔了，因為果到都有得買！)，超滿足。呢到仲有好多遊好設施 好適合一家大細黎架！

今天是閒日，又轉天氣，涼涼地約埋三五知己嚟燒野食就最好不過，往年去過元朗的燒烤場(說實話只因方便交通，但食物質素)，今次第一次嚟到小欖燒烤，確實有驚喜。場很大，人不多，我們就最鍾意靜靜的聊聊天，食食東西這樣，找了一個空曠位置，秋高氣爽，燒了差不多4個小時，食物新鮮，而且不停refill，絕對值得一讚，特別一提，咖啡豬頸肉，燒完食落口真係有淡淡咖啡味，幾好食，外間比較少見這種特別味道。另外每人入場有1枝水同1罐汽水，就算另外買都唔貴，算係良心鋪，哈哈

個名改得唔錯，唔只係燒烤場，更係一個樂園。入面唔係只得bbq，仲可以打籃球、玩車、夾公仔、籃球機、充氣滑梯，真係乜都有同好多放題燒烤場一樣，一入到就會派飛，可以用黎換汽水、餐具、燒烤叉、蜜糖，呢度比較好嘅係每人有支大水，其實夠飲有突，所以可以省返買飲品嘅錢。食物款式同坊間燒烤場大同小異，比較有特色嘅係咖啡豬頸肉，冇打錯字架，唔係咖喱，係咖啡！可以try try，食落真係有淡淡咖啡味，幾新奇。我地用40蚊買個網，25蚊買個夾，個人覺得買咗嘅話，舒服超多！一次燒勁多扒、雞翼，唔需要成村人守住個爐。個人覺得呢度額外收費項目比出面多，例如：蒜茸要2蚊、金菇錫紙、膠叉要額外付費等，我諗係因爲入場價錢算平，所以要靠額外收費番本吧，幸好價錢不太貴，所以可以接受。食到飽曬滿足曬就夾個公仔走了，呢度公仔機幾易夾，我諗老闆都想大家開開心心甘玩，帶小朋友黎晚就最適合不過。

又係一年一度嘅BBQ時間！今次成班fd 10個人黎到屯門小欖燒烤樂園！一入到去哇咗聲 估唔到咁多人！！而且個場好大仲好多野玩！真係一個樂園咁！我地大約6:30先到 我朋友開車黎！有免費泊車的！入到去先買飛，之後拎水 佢會派架1個人1枝 記得拎！！！入到去就見到好多玩嘅設施！好開心！呢到真係好岩一家大細黎玩！我地嘅位係最篤篤果邊！急不及待拎野食！個人大推土匪雞翼！！可以開始雞翼放題了我地比咗30蚊買咗個網 咁樣可以燒多d同埋快d 因為大家都餓了！每次拎野食都要拎翻個銀包盤！應該係唔想浪費食物要我地燒哂食哂再拎！仲買咗2包金菇，提提大家可以落咗蒜蓉牛油先！燒會再香d!準備燒 蒜蓉包！....我d朋友都係食丸怪！我就係要食肉嘅！肉先係最貴嘅野啊⋯⋯講真呢間算大算唔錯而且咩都有得玩！

秋涼天氣最啱就係去郊遊，做吓戶外活動，行吓山咁！玩完成日，又點少得重點嘅燒嘢食環節呢？今日我同M佬就去到屯門嘅小欖燒烤樂園，咩都唔駛預備，就可以輕輕鬆鬆BBQ！而呢度仲有小朋友最鍾意嘅充氣嘉年華、小型賽車、夾公仔機同兒童攤位等，而大人都可以打吓麻雀同玩吓飛標，如果就啱日落時間，仲可以去沙灘睇吓日落，真係唔止BBQ咁簡單！俾咗入場門票，就會收到一set紙仔，有開爐紙，用具紙同飲品紙。攞住開爐紙就先去擺用具，基本用具有燒烤叉、紙巾、膠手套、碟同叉。攞完用品，之後就去攞嘢食喇，已包嘅食物種類好多：加拿大多春魚、咖哩魷魚翼、黑椒牛扒、山賊牛仔粒、沙嗲雞全翼、雞腎、麻辣雞中翼、土匪雞中翼、蒜香雞中翼、燒汁雞中翼、燒汁金沙骨、芥辣叉燒粒、柚子雞扒、雙蔥豬扒、咖啡豬頸肉、爽口炸魚蛋、香菇貢丸、章魚燒、日式獅子狗卷、魚腐、 爽口墨魚丸、彈牙牛肉丸、回味魚肉燒賣、黑椒台灣腸、美式司華力腸、脆皮芝士腸、美國廚師腸仔、上海大紅腸、車厘茄、香甜粟米、爽脆青椒、炭燒茄子、香脆豆腐卜、翠肉瓜、法包、方包等。如果都係唔夠食，可以自費再買金牌乳豬、炭燒虎蝦、鮮味花蜆、扇貝、鮪魚、 椰菜、蕃薯同棉花糖等。整體嘅食物醃得

一踏入秋天，就自然會想去燒野食，小欖燒烤樂園好多年前黎過，印象中呢度收費唔貴，而且環境大。今次再黎，除左發現以2個優點之外，仲發現呢度已經好唔同，多左野玩之餘而且食物質素仲提高左好多TIM 未正式入燒烤場之前一定會比呢D 巨型吹氣滑梯吸引住，呢座大約有2層樓高嘅吹氣滑梯，就連我見到都想玩埋一份呀滑梯收費係每一節咁計，一節大約係二十分鐘。上面呢張圖只係四個滑梯入面嘅其中一個，因為其他相影到人所以我就唔方便放上黎啦除此之外仲有籃球機玩夾公仔機呢個我都唔知係咩機，不過係會有奬品嘅飛鏢機而燒烤場入面係有一個籃球架，食到飽飽地仲可以過黎打下波(籃球係有得借嘅，唔駛一定自己帶黎先有得玩)其他雜項收費麻將呢度都有得打呀 ，不過已經比人借晒LU燒烤嘅食物係任拎嘅，當然大家都唔好浪費食物，呢度大部分嘅食物都整得好好食，水準喺燒烤場黎講係above average 嘅食完今次，我已經急不及待約下一次黎燒野食啦

風和日麗既星期六，真係可以係小欖燒烤樂園留足一整天！事關呢度有個超超超大既吹氣彈床，小朋友見到非常開心，係都話要玩，$60有20分鐘，$150有60分鐘玩，咁就緊係俾佢玩足一個鐘啦今日真係全場爆滿，原來爐係要自已霸架，各位想霸靚位既就要早d到啦燒到悶悶地仲可以帶小朋友玩下電動車，夜晚仲會著燈添呢度拎野食既型式就好似去食buffet咁，去到同餐廳職員講底你需要既食物份量，職員就會拎俾你架啦飲品就每人包一支水同一罐汽水我地就拎住呢個大盤出去拎野食，特別推介各位試下雞扒、豬頸肉、麻辣雞翼、土匪雞翼，呢d全部都好入味炭係會有兩包，我地都用唔哂呢粒八爪魚丸真係有好多八爪魚丸架

尋日參加左個bbq派對，有成百幾人參加，場面相當熱鬧。BBQ場可以任食任燒，有職員會幫你開爐，唔洗擔心。食物方面，有齊基本既燒烤食物，仲有方包同法包可以揀。雞翼都有5-6款不同既口味，當中我最鐘意就係土匪雞翼同麻辣雞翼，兩款都用左大量調味料，所以燒完十分入味。整體而言感覺唔錯，只是地方較為偏遠。