小男孩 (已結業)

第一次嚟小男孩, 成個餐廳俾人既感覺好有情調. 可能係平日或者地理位置既關係, 人客唔算多, 加上環境寧靜, 最適合傾密計.先講講餐牌, 果晚既promote, 係oyster platter, 當中包括大概十數隻唔同類型既生蠔, 經朋友商討一輪之後, 最後我哋決定order兩個set dinner. 湯有三款, 其中一款個名叫"日日有湯飲", 即係soup of the day. 而主菜就要咗六成熟既西冷牛扒同埋橙汁魚柳. 以我食牛扒既經驗, 佢既味道同埋質感都屬於上乘. 配菜係薯條, 好味! (因為本身鐘意食薯條). 而魚柳都唔錯, 唯獨係覺得個sauce味道偏少. 佢既配菜同呢個icon好似-> 我估計應該係露筍, 好爽口! 最後就係甜品, 我哋叫咗心太軟同埋奶凍. 我個人比較喜歡心太軟.最後一定要提既係果度既侍應, 每個人既服務態度達到酒店級水準, 笑容滿面亦好有禮貌~ 因為之前去過另一間比較貴既酒樓, 果度既侍應有個金色既服務牌仔, 但係就差到不能接受.我同朋友邊傾邊食邊飲, 可能大家太投入既關係, 忽然發現四周圍既客人都走曬, 再睇睇錶, 原來

Baby Blue Cafe & Bar 既位置都幾難搵，其實唔係特登去食就唔會搵到！今次係LUNCH TIME去食，坐低睇MENU已有幾個SET LUNCH賣晒，包括是日精選，所以就揀左個白汁菠菜三文魚扁意粉，成個SET跟埋餐湯/沙律、餐包及甜品餐飲。環境都唔錯，枱與枱之間有一定空間，唔會比隔離枱干擾到，而且都好乾淨，坐得耐都覺得好舒服。選擇左要沙律，本身諗住個沙律應該好普通，不過佢用既應該係富士蘋果之類，果肉好JUICY同埋好香，好好味，好有驚喜！仲有餐包，一般係用淨牛油塗，佢就用左D有香草既牛油，夾埋個包食一流呀！好香，放一片亦唔覺得太多牛油！主菜上枱，都唔算細碟，而且DECO都好美觀，味道好好，蘑菇汁同用蒜茸炒香過既意粉一齊食好夾，三文魚切到細細粒好易入口，意粉偏"林"，連汁一齊食好好味呀~~甜品係唯一我唔太鍾意既，雖然一般來講都係我既至愛，今次係芒果慕絲，TOPPING有芒果JAM連果肉，不過就太過甜，食兩啖已經要放棄！餐飲叫凍檸茶，客人可以隨意擠幾多檸汁同糖水都可以，可以因應個人口味，所以都好滿意！OVERALL 整餐都好好！一定會再食過！

預先BOOK位, 準時到, 也不是太多人, 不過地點是CWB 和WANCHAI交界, 在CWB MTR C EXIT行過去成10分鍾才到..裡面裝飾得十分ROMANTIC好NICE, D SERVICES也很好勤力的幫你更換餐具及水食物水準是剛好PASS我們實在太豪氣了, 一行三人叫了三個SET DINNER和一個車打芝士藍具, FINAL RESUL是我地只可食了一個藍貝及1.5個SET DINNER一心來食藍貝, 好有期望, FINAL是感受不到芝士香又沒有鮮味SET DINNER既周打忌廉蜆肉湯, D蜆有沙, 個味不夠濃法式焗煱牛和麵包OKAY, 好奇怪地是分開麵包同湯上TABLE之時間煙三文魚可以啦焗肉醬意粉, TOO SALTY, 又好漿既感覺忌廉磨菇天使麵OKAY蛋黃汁意粉未食過, 因實在食唔到了, PACK了回家沒有帶相機, SO是次沒有拍照

男友訂台為我慶祝生日叫左個二人餐頭盤海鮮拼盤兩隻蠔，螺，一堆蝦，蜆，藍貝以上都好新鮮，藍貝係第一次食一向食果Ｄ青口都覺得硬藍貝好鮮同好嫩~煎鱸魚非常好味，好嫩，好香因為我好鍾意食魚，所以更覺得好味菠菜大蝦意大利飯都幾好，不過都飽飽地，食左少少食到咁飽甜品要返個檸檬雪巴真係意想不到好味，食落好清新！已經飽飽滯滯，食左之後即刻解左唔少飽滯感覺莓tart雖然細細，但係又好好味架！！！侍應推介drinks, 9點前買一送一, 要同一款我同男友都係巨蟹座，所以點左呢個「巨蟹座」裡面好似有士多啤梨，莓，石榴男友幾鍾意，不過我自己覺得唔好飲，Ｄ石榴汁怪怪地，哈哈happy b-day to me~

星期日跟老公訓到下午1:00才起床, 這天難得遊閒, 所以想找一間環境好的餐廳食一餐豐富的。於是上來openrice搵吓有咩好食, 見到呢間餐廳有過百人讚好, 而佢地既招牌菜又係我鍾意食既藍青口, 就決定去呢度食我地既遲來的午餐。上到去已3:00, 餐廳內一台客都冇, 我地包場! 見餐應環境不錯, 心想: 也好! 在熱鬧的銅鑼灣, 難得有個地方可以清清靜靜地吃餐飯。看菜牌, 選擇不多, 他們主打是賣藍青口及生蠔, 要了一客白酒煮藍青口, 周打蜆湯,火腿磨菇蛋汁意粉及餐酒。周打蜆湯: 好creamy, 中上水準, 可惜配湯的餐包太乾, 質感似隔夜麵包, 吃了半個就放棄了。餐酒: 產地是澳洲, 呢杯酒好像只$60(買一送一), 酒質竟然不錯。白酒藍青口: 老公先吃了一粒, 即面有難色, 再吃了幾粒即懷疑的說, D青口有一陣尿味, 我以為他講笑, 青口怎會有尿味!!一吃, 果然有一陣腥嗅味, 跟尿嗅味真的很相似, 我也懷疑自已的味覺是否有問題, 用清水清一清口腔, 再吃都係腥嗅味, 我從未吃過這種味的青口, 應該是青口不新鮮!! 叫來待應說明, 待應哥哥好像有備而來, 即刻話這批青口是美國貨

朋友生日, 當然要慶祝一番。在Open Rice得悉這"小男孩"十分不俗, 於是便一早訂了枱和朋友慶祝生晨。這裡環境不俗, 很舒服, 枱與枱之間的距離充裕, 一點也不會給人"焗束"的感覺, 侍應服務也很好, 頗適合情侶拍拖食飯。我們叫了兩客set lunch(其中一客的main course選了忌簾藍貝, 另一客則選了大蝦扁意粉), 再加2隻生蠔。由於我並不太喜歡吃生蠔, 因此沒有吃, 但朋友表示生蠔幾新鮮, 味道不錯。餐湯(我們選擇了周打蜆湯)與餐包都算不錯, 我最欣賞的是那片牛油, 因並不是一般的牛油, 而是加了香草的牛油(由此可見, 餐廳待客並不馬虎)。蛋沙律也很新鮮, 並沒有"出水"的現象。大蝦扁意粉蝦肉爽口, 其他配料亦充足, 味道不錯。至於忌簾藍貝, 份量十足之餘, 味道亦相當不俗, 而且藍貝的肉亦不像其他網友說的那麼"細粒"(可參考有關相片), 藍貝可選配麵包、白飯或薯條, 我們選擇了薯條。別少看薯條, 它可比M記好吃得多呢! 至少它並沒有太多的鹽, 而且亦比較"粗壯", 有點像以前Wendy's的薯條。最後還有甜品(芒果布丁)和餐飲, 為這頓豐富的午餐劃上完美的句號。整

嘩!!!!!終於可以寫我既生日飯啦~~應該係終於搵機會黎小男孩食飯啦~~哈哈可能好多情侶都黎過呢度食...不過自己平時又唔會話成日去d咁有情調既餐廳食~可能我同我男朋友都寧願洗$買野多過食野..太貴既都唔會去食..d特別日子先會plan下去邊度食好d既~其實之前情人節已經打算黎呢度食啦~不過情人節當日full哂booking而且價錢都唔同...咁唯有等我生日先黎食啦~起碼我生日唔係d咩public holiday..最多都係easter..唔會話漲價既~男朋友一星期前就book定枱..哈~難得去d浪漫d既restaurant食~但我班好朋友又話請左假同我慶祝啵!(感動T^T)咁就改左6人枱喇..過程都好Smooth, 接線生同侍應都好好服務~而且去之前果日仲會打多次電話黎confirm,仲問我地識唔識去講真,如果唔係有openrice,真係唔會搵到有間咁既restaurant!入到去,先知道原來係咁黑的...我另外2位男性的朋友開始面色一轉...(心想:來錯地方了吧?看情形,今晚要破費了!)然後跟我說:下次再來這裡,應該等我也帶個女的來坐!哈哈侍應reserved了一張圓枱靠街邊的給我

昨晚看OPENRICE時看下有無新款餐廳開飯喇!因爲今天要上班有點失望,好彩半日可以試新餐廳人都開心晒.所以叫我同事快些收工,因爲我從不等人,去到小男孩 Baby Blue Cafe & Bar第一個感覺好靜,因今天是假期第2天又開鋪2個鐘我與朋友是第1個顧客,我朋友叫左2個LUNCH SET,有餐湯或沙律,如選擇其一樣,另一要+10蚊我倆照要,其再選香煎燒汁豬扒,香煎白酒盲曹.唔記得左.環境好,衛生好服務好坐位寬敞因未有其他客可以坐邊都得.餐湯(羅宋湯及磨菇湯),好濃味,多料,好好味呀沙律(是什菜沙律+千島醬)好好味呀燒豬扒反而硬左些因有些厚要改善，味道接受反而香煎白酒盲曹超好味，魚味無走到時間融洽 Very Good餐飲（冷或熱）最後是甜品無選擇是芒果布甸好濃味芒果,好好味呀之後埋單服務好好,下次再去食,無介紹錯openrice.

是晚與我喜愛的小女孩相約晚膳之前問她帶我去邊度食飯、她故作神秘原來是為我慶祝農曆生日我真被她攪到好‘驚’喜我倆是第一次到這裏用膳當晚約七點幾到達裏面只得一枱客餐廳燈光昏、暗情調一流(如果能播情歌就好)我倆點了一個二人餐沙律及麵包跟蒜蓉牛油(沙律可以大碟啲、麵包可以再好啲)自選芝士焗藍貝(焗得耐咗連薯蓉都乾埋)自選周打蜆湯(可接受)自選帶子天使麵(啲汁好傑、好漏)自選燒爐魚(啲魚好滑但伴菜麻麻)自選甜品心太軟+芝士餅(成個餐最好食但份量少)仲有兩杯餐茶每樣餸食完先上另一樣可能氣氛良好、傾吓望吓最後成十點先算帳走人特色===裝修靚、地方整潔、梳化坐得好舒服全晚只得二十個客(約一半)、全都斯斯文文最啱情侶談心或慶祝店內有一短曲髮‘店小二’服務殷勤、細心常於適當時侯為客人添加水及紙巾為餐廳取回不少分數*奇怪店內找不到餐廳之中文名‘小男孩’

同朋友慶祝生日訂咗19:45, 我哋準時到達, 但有3位未收得工, 咁我就同朋友坐住等啦~ 見到裡面都幾靜咁, 只有2至3枱有人坐既, 好多都係吉位，可能已經留咗位，佢哋安排咗張圓枱比我哋, 係盞吊燈下一面, 盞燈都幾靚。一路都未齊人, 其間d侍應既態度都好好, 只係間唔鐘過黎幫我地加下水咁, 無話要我地叫咗野食先, 仲提我地happy hour 去到20:00野飲買一送一, 咁我地就叫咗杯lemon soda, 等到20:30終於都齊人喇, 咁我開始叫野食lu~ Caesar salad, d 菜好新鮮, 唔錯, 跟住當然係生蠔啦, 不過得3個食生蠔, 咁叫咗個Oyster Platter一打有4款生蠔 & 翡翠螺, 蠔名就已經唔記得喇, 但d蠔味好濃, 好好味, 我同2個friend都覺得唔係好夠喉, 不過諗住仲有其他野食, 所以無再嗌喇~ 到Baked Blue Mussels, Mussels一向唔係我地既主角, 雖然焗到縮晒水, 細細隻, 但仲ok, d薯蓉好香但鹹咗d焗薯皮, 鵝肝多士 & 友人堅持要嗌既雞翼, 鵝肝多士OK, 無問題但無驚喜 Rib eye (mediu

我驚讚得太勁lunch多人就唔好啦!但好嘅餐廳都係要表揚一下.首先豬扒同牛扒都好好味.Both 用料同厨藝都係上上之選加埋個價錢就真真超值.基本上係set平咗.可能因為位置鋪租平掛.講真唔係openrice , 我冇可能揾倒哩間野囉!商業大厦三樓喎, 点經過呀!服務方面, 大家講到好差, 攪到我好有心理準備.点知我又覺得服務ok喎.環境又幾好又坐得闊, 兼有音樂聽,情調唔錯.絕對可以做我日常飯堂.

Came here for lunch with a bunch of friends. Food: We ordered: Baked mussels with bacon and onions; Blue mussels with white wine sauce and baguette set; Oxtail braised in red wine sauce set; Baked pork chop set; Mushroom risotto set; and Indonesian fried rice set. Mussels - good and fresh. The baked mussels with bacon and onions came with juicy bits of bacon and onion baked into each mussel served over mashed potatoes layer. Mussels were still very juicy although baked. The mussels wi

同事相約食BABY BLUE,當然WELCOME,自從幾年前O係CWB食過,搬左都冇黎過,一行9人,BOOK左間房,仲有KARAOKE TIM...首先試O既當然係生蠔啦,個個都係FANS,先叫個OYSTER PLATTER,1打有齊4款,其中一款係FINE DE CLAIRE,其他都唔記得名,全部都好味,但我地都一致決定ENCORE最濃味O個隻(唔記得咩名),再來3打,雖然唔係好夠喉,不過仲有其他野食嘛.跟住當然係叫佢O既撚手菜-BLUE MUSSEL,一個忌廉汁煮,一個煙肉焗,先講前者,好食,水準KEEP到,好少地方整得咁好食,可能MUSSEL一向唔會係主角啦,但焗MUSSEL真係超級唔掂,焗到縮到好似蜆咁細隻,又乾,真係千其唔好試,到MAIN COURSE,叫左ANGUS RIB EYE medium rare, 成數足,真係血淋淋(好多地方都會OVER DONEo架),不過牛味唔濃,但呢D價錢差唔多啦,都OKO既,到個LAMB CHOP, MEDIUM,成數都係足O既,一D都唔"SO",但個人認為唔SO不如唔好食羊,所以我覺得冇咩味,到PASTA,叫做唔知咩MUSHROOM O

最主要係想講下個煙肉洋葱焗mussel, 我地係正價散叫ga~ 哇... 碟mussel一上枱我地四個人即刻哇左出lei... d mussel的殼仲細過d細蜆的殼啦, 粒肉仲細過豉椒炒蜆d蜆肉 (一d都冇誇張)... 一路食淨係食到薯蓉同火腿洋葱個味 (連呢d佢都焗得唔好食)... 本來個seafood platter d mussel仲正正常常, 反而正價叫的就咁....本來話要投訴的但係四個人坐坐下傾傾下計又費事嘈啦~ 碟野都成138 ga... 真係虧你叫o個d做mussel, 你良心都過意唔去啦... 初生都冇咁細隻ar ma?同埋叫左個菠菜蝦肉risotto, mushroom angelhair... 兩個都奇奇怪怪... 很麻麻如果不幸俾fd帶左去呢度食, 可以選擇個seafood platter, bbq pork ribs, 同個軟心chocolate cake, 呢三樣比較正常... 但係我地每人連加一食左205... 呢個價錢打死都唔會再lei...

之前同公司同事黎食過, 覺得D野食都唔錯, 唔係求奇煮你食的餐廳~見食評說這裡牽星期六,日都有買一送一, 所以今次帶大怪獸黎食!叫左香草豬扒蒜蓉汁同鮮忌廉蘑菇Mussel由餐包-->餐湯 or Salad---> 主菜 --> 甜品 --> 餐飲, 食完真係飽到上喉嚨!埋單都係計$180+ 10%, 如果唔叫Mussel 就幾十蚊都可以落樓!!!食物有水準, 環境寧靜, 最岩D唔鐘意同人迫既人~