小男孩 (已結業)

勁抵食，之前食過一次，唔睇openrice真係估唔到有間野咁抵食係我公司附近今次試最平既餐英式鬆餅同豬扒個包係靚既，最重要d牛油唔係普普通通，而係garlic butter南瓜湯都好飲，我鍾意南瓜看到個英式鬆餅加左d芝士咁靚咁有心思，忍唔住影相d薯條普通啦，不過份量很多上次有細細既蛋糕食，今次只有細細杯o者o厘，但兩層色好靚好幻彩咯，好有心機凍奶茶都好飲既，不過我唔小心加多左糖漿…orz…包 + garlic butter＋湯（或沙律）＋主菜英式鬆餅同豬＋甜品＋飲品，加埋一都只係$42（未加一$38，這是最平的餐，其他午餐都只是4-50左右）野就唔算好食，但真係無乜地方咁抵食，又唔多人

由銅鑼灣廣場直至搬了現在的莊士企業大廈都有幫襯. 可惜現在服務質素及食物質素都差了很多. 以前每星期都最少有一天到這裡食午飯, 偶爾放工都會去食晚飯, 但現在同事們都沒興趣再去了, 原因是他們的餐牌選擇少了, 而且價錢都不停地漲, 食物質素跟價錢已不合比例. 似前在銅鑼灣廣場都很旺, 經常要等位, 甚至要預先訂位, 但現在walk-in都唔怕無位. 今次去午晚時, 我向餐廳的侍應及經理反映一些意見時, 他們的態度很差, 並沒有覺得餐廳真有需改善的地方, 反而不停地強調他們沒問題, 這樣處理顧客的意見, 餐廳是不會進步的, 不進則退, 難怪我們支持了他們多時的客人都決定似後不會再幫襯.

兩年幾前黎過baby blue食mussels, 覺得不錯, 是晚六點幾打電話去訂位, 驚訝地居然仲可以訂到七點半的枱!!! 心諗: 可能經濟差左, 少人出街食飯而已。去到, 一坐低, 侍應問你飲唔飲酒, 一話唔飲, 咀妙妙拎走0的杯就行人。睇睇menu, 同兩年幾前的唔同晒, 個價錢升左一倍有多。見個 set menu唔係好吸引. 所以決定散叫。遞手遞左五分鐘, 0的人行過當睇唔到.....禁不住問....點解0的服務咁差的....叫了一個啤酒藍貝, 一個tiger prawn with french fries and garlic mushroom, spinach and prawn risotto及 seafood chowder叫完之後, 發現有張細細的牌, 有一蚊一隻蠔(但係個侍應提都冇提過), 叫了3隻, 一人一隻, 但寧願冇食更好....很難食...個湯不錯, 幾多海鮮個mussel依舊, 幾好食, 但好明顯, 個價錢升左之餘, 個size仲要細左到個tiger prawn上枱時, 真係嚇左一跳, 一隻大大的碟, 裝住兩隻細得可憐的蝦!!! 但係個價錢仲要係$128!

薑餅人姑姐生日， 選在這裡吃晚飯慶祝。 説起這裡， 大約八年前薑餅人也在此和我慶生， 只是當年這餐廳是在百德新街附近。叫了支白酒和點了菜後， 麵包便隨之送來。 芝麻包是熱乎乎的， 配上附送的蒜蓉香草牛油吃， 十分滋味 (也可能是太肚餓吧!）來到Baby Blue當然要吃Mussels, 要了一桶白酒煮, 一桶香草啤酒煮. 青口肉嫩鮮甜, 大多人愛吃白酒味多些, 可能香草啤酒味較濃但味道又較白酒味差了些鮮甜. 伴吃的炸薯條還是最受歡迎, 差點想加碼追加呢~薑餅人妹妹要了焗菠菜芝士薯蓉青口, 薯蓉比青口來得滋味.由於有一呅一隻生蠔, 於是order了每人一隻, 再加了數隻White Pearl. 可惜我不吃蠔, 未能作出食感.主菜要了牛排, 白酒蜆扁意粉, 菠菜蝦risotto和墨汁墨魚risotto.Rib eye要了medium rare, 揀了紅酒汁, side dish就要了薯蓉和炒磨菇. 火喉控制得不錯, 但薑餅人評肉汁不足, 我就覺得肉味不太濃.白酒蜆扁意粉清清簡簡, 意粉煮得不錯, 軟硬恰宜, 反而蜆肉太削, 味道欠鮮甜.菠菜蝦risotto原以為是用菠菜打成蓉再

3月5日, 90週月快樂~ 一起7年半的紀念日~又到時間慶祝我們嘅紀念日~ 今晚我地去咗呀菲期待已久嘅baby blue食藍貝, 之前喺佢未搬時食過一次lunch, 不過冇食藍貝… 今日去新店, 發覺裝潢高檔咗好多, 連帶個menu都高級咗, 不過冇所謂啦, 我地一定要試藍貝~ 睇完d餐, 發覺個testing menu 都幾多野食, 問過部長, 佢話每樣份量唔會多, 不過2個人食其實都好夠~ 我地志在可以試多d唔同野嘅心態, 驅使我地叫咗呢個餐, 另再加個藍貝~::: 車打芝士藍貝 ::: $180先寫我地嘅主打, 亦係baby blue嘅主打, 喺眾多藍貝中我地揀咗車打芝士, 貪佢個汁夠濃~ 另外仲加配薯條, 用黎點個芝士汁~ 份量都真係幾多, 應該係3-4人份, 有差不多60隻, 不過每隻大細差別很大, 細隻食唔到d鮮味, 大隻嗰d就真係非常鮮, 食到好鮮嘅海水味~ 加埋d 車打芝士味道真係非常濃郁, 不過食到尾有d漏, 同埋d 海水味加埋凍咗嘅芝士有好重嘅腥味~ 整體黎講我地都非常滿意~!::: testing menu ::: $238總共有3個頭盤, 1個餐湯加麵包, 2個

裝修後,上openrice search 過呢間cafe 的地址入到去黑黑的,神秘但幾有氣氛可惜坐得後....我和朋友發覺啲餐貴左好多以前有set 係$98 左右一個(一人份量)但現在就要$200幾蚊,......二人餐仲貴係呢個市道唔好都貴成咁...唉!!!不過食物質素依然無變我地今次散叫了意大利飯和天使面和牛扒但變左無餐就無嗌餐飲....食清水...三碟嘢夾埋$444.40......俾在以前未裝修之前我諗呢個價錢應該食到好飽

當我進入餐廳時看見個bb 石雕就知是比利時菜啦!! 經我再問女待應就知我想的是正確了但搜尋時卻 list on 荷蘭菜??? 1.bread2.salad3.main course 4.dessert5.coffeset lunch 由$38起,主菜我當然選擇藍貝la,只須$108就可以有set tim,比起晚餐$188only one dish就平得多.cheap and cheerful at the lunch time!!

連續兩日去呢間野度食ｌｕｎｃｈ～原因好簡單～因為第一天係同同事去食～五個人去～而家佢呢度有午餐六送一優惠～第一日叫左五個ｓｅｔ～第二日同ＴＡＭＡ去叫多一個～就送左個炸魚柳配英式鬆餅ｓｅｔ（＄３８）～先講第一日食左咩～因為跟同事食～所以無ｓｈａｒｅ～要了炭燒香辣豬扒吉士他他汁～南瓜湯～講真個豬扒麻麻地～個汁又唔好味！（＄６２）不過我地五個人ｓｈａｒｅ左個白酒煮藍貝～呢個可以接受！但係同我係比利時食個ｄ仲有一段差距～（＄１８８）第二日同ＴＡＭＡ去食～佢要左個香煎比目魚扒意大利飯（＄６２）～我就食送果個炸魚柳配英式鬆餅～今日飲周打”顯”湯～唔錯～值得一提嘅係佢嘅餐前麵包唔錯～有塊幾正嘅香草芝士牛油～意大利飯幾好味～配上比目魚扒～角色分明～不俗！而英式鬆餅個ｓｅｔ配上薯條～鬆餅很好～是新鮮的果種～魚柳則普通～配上薯條~原價($38)食完之後有甜品同飲品送~要一提嘅係呢度環境真的不錯~

在下算是這餐廳的支持者，曾經在BLOG上讚此餐廳，之後也幫趁過幾次。http://kenshin_jd.mysinablog.com/index.php?op=ViewArticle&articleId=1224387看見餐廳搬了地點重新開業，就想到再去支持一下。去到的時候，發現裝修高級了，環境黑暗了，以前還可以是三五知己聚腳好地方，現在就變成了情侶專用，幾個男生去聚會可能會有焗促感。餐牌沒有了以往的幾個百搭餐，只有一個$238的Tasting Menu及一個$588的二人餐。以往二百元左右就有藍貝吃，現在只有$588的二人餐才有，明顯地價錢也隨著裝修提升了。個人覺得食物水準和以前舊店是接近的，繼續是中上的水準，但價錢提升了，就由「OK抵食」變成「有點貴」。二人餐吃得頗飽，主要是前菜海鮮及沙律份量不少，主菜和甜品還是份量比較少，喜歡海鮮的可能會覺得不錯。然而當在下的評分，介乎於OK與不OK之間的時候，發生了兩件事。首先在下去洗手間，內裡有勁濃煙味，有人在廁格煲煙，而那人一邊煲一邊講電話，內容中聽得出他是餐廳的職員。是否真的不用顧及客人如廁的感受？而埋單的時候，叫了一個年約三十身材瘦削的

有個 2 人dinner set .. 都好多野食下有面包沙拉藍貝海鮮盤湯雪芭燒牛肉帶子天使面甜品野食..全程都食得好開心..大家一定要試下呢度最出名o既藍貝..同海鮮盤其他我就覺得一般水準而已...不過咁多野食..價錢可以每人 300就 very good 了~~

今日去食Dinner for two有2個面包.....冇咩特別.....不過佢既sauce好好味海鮮拚盤....佢既生蠔好好味......highly recommend白酒煮藍貝.....好好好好味周打蜆湯..好好飲main course叫左魚......好好味不過因為我地叫左帶子面~兩個都是creamy sauce,,,所以有d溜dessert有心太軟同焦糖布甸.....好好味下次會再去..雖然有d貴.....不過真是好好味.....highly recommendespecially 藍貝

2-12-08 (二)Baby blue再現港島，今次座落灣仔。愛過，失望過，總有一點掛念。來時只是試業性質，並無招牌廣告，按址找了一通才到達。裝潢格調更勝從前，簡約自然中又見心思。要了薄餅和羊扒午餐。昔日的招牌麵包和香草牛油漿再現，美味。沙律也很好吃，但太少了。(懷疑自己越來越大食)薄餅有點失望，餅皮不太脆。羊扒不錯，只是份量略少。小小的午餐甜品略有進步。遲些正式開業，會再來試試。由於相機正在維修，又忘記帶另一部，每次食物送上，都重複一次以下情況：1. 第一時間找相機2. 發現沒有帶相機3. 既失落又自責唉，借用So語錄， “真係人都癲”。

為了慶祝拍拖第一個聖誕節, 男朋友提議食呢間好多人comments既baby blue, 本來諗住平安夜去食, 但係男朋友打去問, 平安夜果日得set dinner, 冇我想食既野, 所以就提前星期六食. 果日book左九點, 但係早左去, 但都唔駛等位!我地揀左$588既set dinner, 因為有我想食既野, 而且覺得有好多野選擇. 餐包配特制牛油, 冇乜特別凱撒沙律, 好食, d 菜好新鮮海鮮拼盤, d 生蠔新鮮, 有甜味, 仲有藍貝等等白酒煮藍貝, 好好食, d 藍貝好滑我要左周打硯湯, 好多料, 但如果cream d 會好d. 我男朋友叫左個"日日有湯飲"果日係磨菇湯, 個磨菇湯好多磨菇, 磨菇好入味!!墨魚飯, 份量唔多, 但其實夠食, 因為好"漏", 不過其實都好好食肉眼扒, 講真, 佢真係煮到五成熟, 不過塊扒有筋, 好難咬我揀左最鍾意食既心太軟, 男朋友揀左意式奶凍, 個心太軟幾好食, 剛剛好, 唔會焗過左時間; 而個奶凍就唔太甜, 配搭幾好!我同男朋友都覺得呢個價錢都可以食到咁多野都算抵!!而開始點菜既時候, 我同侍應講會唔會一次上d 食物, 跟住個侍應話唔會,

我的 第 100個 食評 就送 給好友 Florence la～　Happy Birthday^^!在 openrice 得知十二月十六日 係 Baby Blue~既 grand opening, 我和 朋友都 選了 這裡 來慶祝 好友 Florence 的 生日, 預先 book 了 3 位 7pm, 告訴 店員 有朋友生日, 他們會在 甜品上 點 candle !先說餐廳環境: grand opening當天 , 門外 有 好多 花藍, 很香花味. 餐廳內有 很多 Christmas 裝飾, 好有 聖誕氣氛. 燈光較暗, 環境都很舒適, waiter 也很有禮貌. 中間有一張大圓卓上, 很適合 一大班 friends 共餐, 而且上面的 玻璃波 水晶吊燈~ 很美呵!美中不足的是~ 音樂太大聲了, 有點吵耳呢, 今我們要大聲 d 談天. 由於 音樂太大聲, 朋友 多次 叫waiter, 他們也聽不到, 要自己出去 找waiter & 取 食具. 所以我覺得 吾係 如餐廳 所介紹 咁romantic , 適合情侶約會的話應該 放點柔和 soft music, 這裡 較適合 一

昨天是soft opening, 我和一大班朋友到這裡試菜. 由頭盤到甜品都非常滿意. 先有白酒煮藍貝口味清新. 還有啤酒煮藍貝味道較膿. 兩款各有特色. 鵝肝外脆內軟. 只係個湯唔係太夠熱. 其他主菜如羊扒, 西冷扒 和肉眼扒都好 juicy. 不過我個人就比較喜歡肉眼扒, 因為牛味比較膿. 之後重有個燒排骨, 可惜我食得實在太飽, 沒試真好唔好食. 至於裝修方面, 簡潔舒適. 藍白色的組合有如置身於海洋, 食海鮮時倍加滋味. 整體上值得一試. 下個星期二, 即係十二月十六日 就係 grand opening, 大家去試下啦.