小白鷺餐廳 (已結業)

看見食評的環境,好吸引,明知食物麻麻地,也很想一試今天同老公和囡囡前來郊遊,拍吓家庭照,再來一個下午茶,很愉快的一天來到餐廳,又真係幾好,環境寧靜而幽美,可能閒日又加上下午茶時間,沒有太多人,部長很有禮貌招呼坐下食物方面,並不如想像中差,可能沒有太大期望吧!泰式拼盤:吃完才醒起,忘記拍照味道不過不失,炸雲吞普通,煎堆仔幾香脆好味,沙嗲串都唔錯,魚餅好行貨,春卷也香脆好味,而薯蓉幾清淡美味三文魚墨汁意粉:,意粉不會太淋或太硬,三文魚也不會太過火,整碟味道算唔錯,覺得好味心太軟:賣相好吸引但很重奶味,朱古力味都幾香濃,只是自己和囡囡一向接受不了濃烈奶和芝士味,結果老公一個人KO哂,唔可以話唔好食,係自己個人口味問題其實這食肆環境真的不錯,服務也不俗,食物水準見仁見智,今次覺得不是很好,亦唔係咁差

明知呢d餐廳都係做遊客生意,所以預左唔會好好食但係都要試下o既^^3個人叫左3樣野share星洲米--唔好意思..真係食唔到有咩味...泰式拼盤--不過不失,但係黎到都只係微暖..好似有dd過份喎??串燒--好似食緊香口膠咁,咬極唔爛...餐飲比茶餐廳還要差...可能假期太多人?值得欣賞就係環境真係好靚,好有渡假feel,身邊所以人都好悠閒咁啖下午茶,食完仲可以行出去草地餵下羊添~

難得星期五係佛誕假期，我同食家梗係唔會0係屋企咁悶，於是搭巴士去試下大埔都幾出名既.....小白鷺餐廳，難政府路牌都有，呢間野真係幾勁﹗搭巴士落車之後要行成十幾鐘先到﹗今日全年最熱一日，怕熱又怕凍的我當然一路行一路鬧﹗沿途盡是豪宅，風景怡人﹗轉左幾廿個圈終於都到達﹗「一天的童話就在小白鷺」，聽到都覺得浪漫﹗呵呵﹗估唔到今日勁多人，仲有旅行團添，餐廳門口得一個待應姐姐做帶位，又唔幫人登記，見一個問一個做一個，搞到亂七八糟﹗咁大間餐廳0的管理都咁樣，真係有0的問題﹗餐廳設計幾有歐陸感覺，樓頂有吊燈﹗環境幾舒服，位與位空間闊，冷氣又夠足，入到來舒服哂﹗正﹗有戶外湖邊位，不過今日熱到爆炸我去到已經成身濕哂，都係唔好懶浪漫了﹗不過要提一提，有朋友來過坐戶外，俾蚊咬到喊，最好要有準備先好坐﹗假日有假日午餐，$98-$128一個SET，還可以吧﹗叫完餐再睇下MENU﹗原來佢地0的晚餐也不便宜，食個情人套餐要成$700。龍蝦餐仲千幾蚊添﹗上網睇過食評，九成都話呢間野0的出品難食到暈，今日終於有緣一試﹗個羅宋湯酸中有點苦澀怪味，肉都無粒，全菜，我敢說金寶湯一定好飲過佢﹗不時會有火車經過，再讚環境真的不錯

半年前我和太太來到這小白鷺餐廳的時候，當時是下午5時左右，因時間上早在走廊看看這里風景，迎面走來一位帶着金牌的厨師面帶着親切的笑容，對我們點頭，因為我和他都是行家，寒宣幾訽，原來他是這里的總廚，來頭不少，他說剛剛有活勳做評判回來，他還介紹我們吃這里的游水龍蝦當時做的水準味度真是不錯，有大酒店水準，給我留下很深印象，但是上星期晚我們重來這餐廳，當時吃了三文魚麵及龍蝦意粉，三文魚麵煑得太濕三文魚無味及買相大不如前，相反龍蝦焗得太亁無汁，有點其怪詢問這里經理，他細聲對我說以前的總廚離去了，現在由一位三厨代替，當時我在想這對我很不公平啊！收這價錢由三流厨出品代替

今天同女朋友去左大埔小白鷺過左一個非常開心的晚上今晚餐廳唔係咁多人去. 感覺上好好. 當去到餐廳大門時, 已經接受到非常好的款待. 坐底睇過manual之後, 個captain好有禮貌咁推介左我地一個龍蝦套餐. ($798一set另加一), 見佢解釋得咁好. 咁我地就決定試下啦...首先, 個starter我地要左個焗田螺同焗魚... 田螺方面焗得好好. 個螺味唔會俾d焗薯蓋住. 上菜時間已好到位, 食物黎到唔會太熱或是太冷. 致於焗魚方面, 本人覺得味到比較淡一點(由於我比較喜歡重味食品)過左starter, 我要既雜菜湯黎到左, 湯既味到好好, 料亦好多. 本人最欣賞既就係湯裹面仲有好多菌類. 好有口感. 主菜係龍蝦配牛排, 龍蝦真係好大隻, 用水牛芝士黎焗, d芝士一d都唔覺得好'流'. 焗出黎好香, 牛排方面亦都唔錯. 肉汁同口感都好好...最後我地食左'心太軟'做甜品, 哩個'心太軟'簡士係一流, 外面脆和熱, 內面d朱古力容左唔會太熱, 感覺好大對比, 已朱古力味到好好, 唔太甜... 整睇黎講整個晚餐都算好好. 無論係服務, 食物方面都好以話直得再去.

女友生日，我為她安排響呢度慶祝。早好幾日我已經打定電話去book台，接電話係個女人，講好晒幾點後，我問我同人慶生日，係咪可以幫我準備蛋糕？佢話係。我問有咩蛋糕揀？佢就話有好多，你來到先叫啦... 我聽佢好似好唔耐煩趕收線，我就由佢先。我心想，人地想預先order定俾驚喜人，你都唔明？扣分到食晚飯當天下午，我再打去，係一個男人聽。我表明係同人慶生日，想order定個心太軟蛋糕。我一講佢就明我係想俾驚喜人地，好醒目。佢話要寫埋名要加$30，好啦，冇所謂啦，最緊要女友開心。佢就好細心咁同我記低女友個名，同我講解會響我來食完晒野自動上俾我地。我心諗呢次掂啦，咁有交帶。佢叫Leo，good!! 加分我地早左差不多成個鐘到，坐低後，有個女待埋來問我係咪乜生，電話係咪xxxx，再加個眼神？我心諗醒目丫，咁樣同我確認，good... 再加分叫野食啦... 一個湯，一沙律，兩主菜。經理好醒，俾兩隻碗我地分湯。樣樣都好美好，不過開始黎料.... 食主菜，都未食晒，待應開始來收野，一次話未食完，兩次三次都要來收，好似趕收工咁... 開始扣分心諗，唔通趕住上蛋糕？我迫住要拿拿淋食埋俾佢收.... =_="收晒

今天是小兒的秋季旅行(幼稚園旅行)，地點正是「白鷺湖互動中心」，其實一去到感覺真係幾好，地方開揚、空氣清新，搞活動啲導師真係唔錯，好有禮貌&工作熱誠，同小兒參加他們的活動都好開心，滿以為會有一個美好回憶，可惜.......這正是一樁慘痛經歷的開始......到了12:30，正直Lunch時間，我之前都睇過Openrice，都對呢間小白鷺餐廳不存厚望，不過同個仔旅行，都冇幾何，所以明知貴兼唔好食都入去碰下步運氣，於叫咗2個set lunch，一個"焗豬柳茄汁意粉" $98-，另一個係"焗海鮮長通粉"$88-！餐湯我叫咗忌廉湯&雜菜湯各一！等咗唔太耐，餐湯&麵包到了，個雜菜湯都尚算可以，忌廉湯就有啲不知所謂，幾粒粟米+幾片唔知昆布定海帶，而且淡而無味，反而啲麵包就熱熱哋都唔錯！到上主菜，碟"焗海鮮長通粉"啲通粉睇落肥啫啫都知唔慌好，食落口淋pat pat，完全唔合格，魷魚太韌，啲魚炸過有油味，蝦同青口都係急凍冇味貨式，不過相對於另一個"焗豬柳茄汁意粉"都算係好好味~~~個"焗豬柳茄汁意粉"賣相都可以，不過睇啲......意粉底有水，啲豬柳似柴皮.....出事了，食落口果然鞋到亞媽都唔認得，

第1次去.....一定唔會再有下一次 !!餐廳環境暗暗地, 好浪漫feel甘..其實係無咩裝修...用黎cover 呢個問題即dinner set menu...睇落去無黎好食...d 野奇奇怪怪..個價錢由HKD 150-300..但係一d都唔值..結果係main menu 到叫左個 意大利飯...加HKD20 可以有湯 & drink (只限星期一至五)..等左好鬼耐d野食先黎, 個飯好似俾糖尿病人食左...淡而無味間野扮到好高級甘, 但係個manager 成日嘴妙妙!!d friends 成日話呢間好差我都唔信...今次真係"應"晒真係不可一, 不可再!!!

常經過大埔遠遠的看到小白鷺餐廳, 終於駕車入內, 未入餐廳前四處一看, 環境舒適, 園內還飼養了小黑羊, 看到餐廳內樓底高, 但回音大, 坐了外邊的湖境座位. 吃著下午茶, 味道不錯, 質素不過不失 感覺舒適. 厚多士加雲呢拿雪糕球, 多士外層脆口, 但內裡有點諗, 味道一般, 還是雪糕球好味.公司三文治,味道一般, 是蕃茄生菜芝士火腿.

去完小白鷺自然中心參觀，於是就到這間餐廳用餐。這間餐廳本身環境不錯，歐洲式裝潢，加上面對湖境，單是環境已值得加分了。食物方面，當日我要了一個咖哩雞扒餐加上一個凱撒沙拉。質素上不過不失，麵包不太夠脆，不過雞扒就不錯，算是頗入味。侍應的服務態度不俗，算得上是一間值得一去的餐廳。

if you don't mind taking the risk, then go ahead.it's only slightly better than the "西餐" in local average 茶餐廳, but the price are way too expensive!!I swear I'll never go there again in my whole lifethe service was actually ok, but the food was really really really suxit was my girl friend birthday and we were spending around $430 for 2 set dinner (no wine, just coffee). my gf wanted to change the daily soup to oyster soup (add $50 more.. but it was her Bday so why not). then what's come to the t

平日撘火車經過睇到個外景已經好吸引，於是o係生日同同朋友去試下。星期日撘的士入到去，人唔多，見到有唔少人都係慶生。間餐廳樓底高，坐到好舒服。我地四個人叫左兩個set dinner，一份散叫，及一份心太軟。ｘ魚麻菜麵食到有骨，味好淡鮮茄小龍蝦麵味道太酸，ｄ龍蝦冇味，而且＄１８８貴左ｄ。而且跟餐個blueberry cake 冇咩味~食左一啖冇食不過其中鮮三文魚墨汁意粉真係好好食，甜品心太軟夠熱，must try!!!overall 個景令人好舒服，服務生態度好好未去過係值得一去建議散叫!推介鮮三文魚墨汁意粉甜品心太軟

陽光燦爛的一個假日, 不想白白浪費在冷氣狠狠肆虐的商場裡, 於是在 OPENRICE 找到了隱藏於鬧市中擁有天然美景的餐廳, 它位於自然互動中心裡面. 一到步便感覺好像到了台中的民宿旅館, 進餐前後都可以順道享受新鮮空氣和綠油油草地, 若是選擇坐室外的走廊位置, 更能邊進食邊享受湖光山景, 餐廳旁邊還有精品小賣店, 飯後不仇沒地方逛, 選擇正確 食物方面不會有太大驚喜, 不會說很難吃, 但又談不上美味, 中規中矩就是!!選擇了兩個午餐 : 餐湯有忌廉湯和雜菜湯選擇, 簡稱 “紅、白湯”, 各選一個, 好普通的味道. 主菜選了西冷牛排和青咖哩鴨, 西冷排薄薄的一片, 點了七成熟但感覺跟全熟分別不大, 味道不俗, 咬下去還有肉汁, 不錯!! 青咖哩鴨很油的感覺, 用的茄子不是泰國小小肥肥的茄子, 而是選用本地茄子, 打了折扣 … 亦沒有配搭泰國香葉和豆豆 … 鴨的口感像酒樓的燒鴨一樣… 坦白說是不合格…之後的咖啡茶都是一般茶餐廳水準.若然祇為找美食的話, 我不會推薦這裡, 但目的是找一個舒適環境吃頓簡單膳食的話, 這裡會是一個不錯的選擇

細心女友安排浪漫生日晚餐 , 知我鐘意大自然清靜環境 , 小白鷺就最合心意了未天黑已經坐底 , 選擇了室外可以更接近大自然呢(如怕昆蟲有室內坐位選擇) , 對正個湖 , 心情即時輕鬆哂四維影相影左半個鐘 , 才坐定定落order , 侍應們有禮貌態度專業 !!龍蝦帶子闊條麵 : 龍蝦新鮮味道濃厚不過帶子無乜味 , 可能比龍蝦味搶哂又可能帶子只是急凍品 , 整體是ok好味的!!青汁蜆肉天使麵 : 蜆肉唔算多 , 天使麵身唔會太乾身又唔太油 , 味道卻只算普通 ! 最後有驚喜甜品心太軟 , 平時不太食西方甜點的我要同女友掙食 , 係真心覺得好好味 外面溫暖的心形朱古力蛋糕包住朱古力漿 , 暖笠笠唔會太過甜 , 好出色的甜品論食物水準只算中等 , 勝在環境優美憩靜 , 是兩口子談談心的好地方 ..

這是我第一次的食評,平常都不會特別的寫下甚麼, 但今天的經歷, 實在要分享一下.本來很久以前都想來這間餐廳, 一直沒機會, 今天藉女朋友生日,食了一頓既浪漫又美麗的晚餐.首先,我開車到達, 真的很方便, 很容易找到, 泊車車位又多又免費又唔使等, 可能是平日的關係啦.夜色迷人優美, 涼風陣陣, 氣氛浪漫,情侶約會的好地方,我點的SET DINNER,餐湯雜菜湯,不太特別,但美道可以, 主菜牛仔扒配田螺, 因點了8成熟, 可能有點過火, 但肉汁依然能保存, 牛味很濃, 點少少芥苿醬, 味道一流. 田螺亦沾滿了肉汁, 也很好味呀 !而女朋友的便分開點了帶子龍蝦湯, 很Creamy, 濃郁的龍蝦香味, 龍蝦肉也很彈牙,主菜便點了三文魚墨汁意粉,白汁非常好味, 如三文魚是煙三文魚便會是一流了, 因為三文魚太熟欠缺了鮮味,配菜三色椒很甜,配合得很好, 最好味的是甜品 - 心太軟.因為SET DINNER可以半價享用甜品, 我們便點了心太軟.之前在網上已看過賣相, 已知道很靚, 今晚可以親眼見到, 真有點不想吃掉, 但從第一口開始, 便不能停, 真想連碟也吞下 !! 哈哈~~這心太軟, 外面是一