小老板 (華凱大廈)

營業中

休息中

#20241017 🤍📍 #小老板北角炮台山電氣道254號華凱大廈地下A5號舖 🍽️西灣河筲箕灣道57-87號太安樓地下A72A號舖➖➖➖➖➖➖➖➖➖➖➖➖➖➖➖➖➖#生煎飽 $12/3隻💭 聽聞呢度嘅生煎包出名好食，所以慕名而來試下，食落都有啲香脆，面頭有啲蔥，所以蔥油加埋幾香口，入面料唔多，但勝在一隻4蚊幾抵食～.#生煎鍋貼 $12/3隻💭 本身無諗住試佢，係比完錢等左陣點知生煎包賣哂咁滯，所以被逼換咗兩隻鍋貼返尼😒咬落會一下爆哂啲汁出嚟好得人驚，平時食其他地方啲煎餃唔會咁誇張😱入面個餡就麻麻地，有啲粉色，個皮煎得夠哂靚但入面明顯跟唔上熟唔透🥟.#菜肉蒸餃 $28/5隻💭 呢個簡直係大伏🙃等左8-10分鐘以為即蒸會好好，等到連比左錢既生煎包都賣晒比其他人😐點知一咬落去見到啲肉好粉同埋啲皮係生生地，食到啲肉仲有醃過嘅酒味，真係一隻食唔完就可以放棄了🥶.#北角美食 #🐷在北角 #西灣河美食 #🐷在西灣河 #🐷_食

原本冇打算寫呢篇食評，但係剛才見到前一篇食評話這間店舖「態度勁差，永不會幫襯」，所以決定寫呢邊食評幫小老板平反。今日是我第一次過來買外賣，只想同大家分享我的真實經歷。我叫了兩盒菜肉雲吞 （$20 x 2)。我話其中一碗想分湯，短髪阿姨話要比多兩蚊買外賣盒，我話冇問題。跟住長髮阿姨就話不如分開用兩個大碗裝12隻雲吞同湯，咁樣就唔使加外賣盒錢。我話好提議，唔該晒我喺度等雲吞嘅時候，順便買咗一串$12橙色墨魚鬚。長髮阿姨除了幫我淋上豉油，仲建議加少少辣醬會好味啲… 之後竟然叫我攞張抹手紙，呢個舉動十分窩心，因從未試過食street food會有人比紙巾雲吞淥好，湯仲要有蔥花。短髮阿姨問好唔好加啲麻油入去，等啲雲吞唔會黐住爛晒。我梗係話好呀！唔該晒呢間菜肉雲吞真係手工製作，食得出餡料新鮮同有薑汁，非常美味我下次一定要再幫襯，試埋生煎包、蔥油餅 etc.

返完教會,去食個抵食生煎包,當然是即煎!因為成日賣哂,要等l0分鐘先有新包!不過由於小店只有外賣!生煎包熱辣辣,入口鮮美,肉汁多,真係次次都食!雖然店內有好多小食選擇🤪$12/3個很多時候要排隊

試過兩次外賣幾十隻餃子，因為係幾個人分嚟食，所以問佢攞兩包辣椒醬（一包非常細），第一次問佢攞辣椒醬嘅時候，可能佢心情好，俾咗一包。第二次去，可能見又係我，又係買咗幾十隻餃，又問佢攞兩包辣椒醬，佢即刻好唔高興，態度十分之差，話只可以比一包，同埋入邊已經放一包，話d辣椒醬好貴，咁我咪算數返咗去，打開個外賣原來一包辣椒醬無，原來求其敷衍打發咗我走。既然你啲辣椒醬咁矜貴，建議你明碼實價收錢，我唔介意俾，但唔好要人求你，唔好俾說話人聽，唔好講大話當我傻嘅咁樣敷衍我，做生意好嚟好去嘅啫，自己辣椒醬控制唔好成本，覺得比出去係會蝕嘅話，咁你咪標價錢明碼實價收錢囉，點解要發洩落啲客人度？無下次。

呢間已經開左好耐啦呢間係一間小食店，買完可以企旁邊食，都可以帶返屋企食不過完全不用擔心食完肚痛、不衛生，食左幾年未見過呢條街附近出現咩生物食物雖然有加價，可是質素一直不變，依舊是如此美味主打上海小食，例如膽膽麵、鍋貼、小籠包等價格大約$20，對於想放學食少少野既學生黎講係十分經濟的選擇份量不大，不過每個小食都足夠墊肚如果真系想食一餐飽既午餐，一個麵加一兩個小食都可以食物都係新鮮出爐，所以每樣野食都熱辣辣不過都有一項缺點，由於野食係新鮮整既，而買既人又比較多，有時候會出現賣曬既情況，想試招牌野食要平日既下午先比較有機會食到例如最出名既蔥油餅，十分飽肚，蔥味好香，就成日都比較難買得到，不過試過一次就會知道點解咁難買🤣總之有機會經過都可以試一下本店或者分店

今晚好想用上海野加菜朋友話佢屋企附近有間好食上網搵左一搵問佢係吾係呢間佢話最鍾意佢個鍋貼我地各叫左一份生煎鍋貼 *3我覺得皮太厚了點生煎包 *3點解會聞到一層焦焦地的味道

這家小食店幫襯了很多年了，每次經過通常也會買生煎包食，♥️主要係價錢平又好食，3件生煎包也是$12份量也足料，又新鮮熱辣辣🤓性價比也很高了👍🏻希望之後不會加價啦😂

下雨天，其中一樣想吃的就是生煎餃子。【生煎鍋貼】一大鍋，剛剛出鍋的上海鍋貼，正正吸引著我的眼球。二話不說用10塊錢買了三隻，胖胖的，飽滿的，裏面是香口的豬肉韮菜餡。簡單地洒點紅醋，或是甚麼都不下，直接吃，最好吃。

最近都係炮台山附近做野已經幫襯過幾次魚旦 鍋貼 生煎包 雲吞擔擔面即整 即煎 需時老闆年輕 有禮貌 一到lunch time就會有一堆人聚係鋪出面今次再次幫襯雲吞擔擔面 個樣好似細細碗但雲吞有六粒 湯底濃厚絕對夠滿足😌值得繼續支持👍🏻

同學介紹過呢間D鍋貼好抵食，上一次食過，真心覺得超平靚正😳今次又係附近返學，一放低過袋就即刻來了😎來到舖頭係六點半度，門口已經有D人圍住😳上次食燒賣、鍋貼，係用雞皮紙袋仔裝，影相唔多方便😞今次因為想要個盒仔，就叫左一份🥟生煎鍋貼、一份🐷生煎包了~但鍋貼同生煎包都o岩o岩賣晒，所以要等佢再煎過，staff都有講明話要等，問我o唔ok~係等緊嘅期間，見到門口都貼左幾張報導😳冇諗過呢間舖都有D名氣😂大概等左十至十五分鐘左右，生煎包同鍋貼就得了~🐷生煎包、🥟生煎鍋貼 (每份 $12 - 3隻)買完返課室出面食仲好熱辣辣😍🥟鍋貼大大隻，外皮香脆~肉餡大粒，又多菜👍不過覺得鍋貼底有少少燶😢🐷生煎包會跟一小包醋~包皮比較厚身，肉餡份量都ok😊點醋食，減左D油膩感~自己感覺鍋貼比生煎包出色😂但 $12蚊3件呢個價錢，真係好抵😎

今天回家路上經過小老板小食價錢10分便宜買了六個生煎包價錢也是$24 口感一流，但有時要排隊還有其他小食例如蔥油餅和鍋貼分量十足，下次經過的話也會再購買，也會拿回家給小孩食

聞說，北角一帶有很多上海移民，所以，在這一帶尋找上海館子，上海的街頭小食，不是一件難事。不過，事過境遷，老牌的上海館子已經買少見少，在北角一帶也難找到。但，街邊仍能發現一些地道的上海小點小食店。而這一次，我就找到一間名叫《小老板》的上海小店，整返份鍋貼、生煎包，等等等等等........第一次來，是放工時經過福元街。平時行過，我一直以為《小老板》只是一間賣魚蛋小食的小店。沒想到，給我看見到有一個長期煎著鍋貼同生煎包的大鍋。亦因為這一個大鍋，令我垂涎三尺，令我的腳步停下來。像那獨孤獨的美食家一樣，心裡說著，我餓了。這樣，就決定先試生煎包。加了點蔥去煎的豬肉生煎包，吃起來份外的香口。包子的頂層，軟綿綿的，咬入口充滿肉汁而且包的外皮帶甜。底部非常之香脆，最精華的肉汁液是聚在底部的，令此包的任何地方都充滿肉香。改日放工，我來了一片說是一點打後才會出爐的蔥油餅。放工才來，我可能食到不是即做起的蔥油餅，少了應有的熱力同香脆感。本滿是期待的，但頓時感覺失了分。其中有一天，我決定中午時段買個外賣回公司食。我點了鍋貼同酸辣湯雲吞作為我的簡單午餐。鍋貼，一份有三隻，單面煎熟的鍋貼，底部是絕等的香脆。鍋貼大

明白小店經營，但開了分店，是否不能兼顧？所以產品質素每放越下！買酸辣湯~味道已經不及以前，還要現在經常有很多透明白色固體狀😑😑😑😑😑入邊有三分一都係，我好似食緊白帶咁！

見口痕，等陣又要食晚飯唔想食咁飽，就行吓附近睇有乜小食，行行吓去到一條小街見到有幾個人係門口，我梗係唔執輸去望吓👀，見到門口個餐牌，價錢又平，見有蔥油餅就買塊試吓⋯⋯蔥油餅係整定放在鍋貼上，拎上手微暖，形狀係三角形，表面有芝麻，咬落外面有少許微脆，裏頭有少少蔥，略嫌冇乜蔥油味，相反芝麻味較突出，不過$7大大塊又真係好抵食今次唔可以試咁多，下次一定要試埋生煎鍋貼、生煎飽同雲吞以平價錢的小店，應該要支持💪🏻

🐻去左北角staycation，當然唔會錯過夜晚行逛一下北角炮台山小社區，順便捐窿捐罅揾下好西食🤓 今次諗住一心去買個出名湯丸試下，點知就發現隔離有一間人氣小店，原來係出名既上海美食外賣店啊 🥟 見到師傅係入面親手製作，今次仲撞正佢一底煎好既生煎包同鍋貼 😍 ⁡🐻の試食‼️✨ 生煎鍋貼 $10/3隻✨ 生煎包 $10/3隻✨ 紅油抄手 $25/8隻⁡雖然🐻買番去酒店有點路程，所以野食放涼左少少，不過都無減佢地既美味 🤤 生煎包食落有少少酒既味道，而且肉夠鮮甜而且包底微脆，一口一個好好味 😋 鍋貼都煎得好靚，而且點埋佢地既秘製辣醬（要問佢地攞啊❗️），超惹味 😆 另外，紅油抄手係🐻食過最好食，佢每粒抄手都超足料大大粒，而且佢地既醬料係麻而不辣，加埋滿滿既蔥粒勁開胃 😍