小肥羊 (已結業)

本人於7月16日晚上7點去了小肥羊火鍋荃灣分店打邊爐,由於要令我1歲的女兒乖乖地坐著,所以就給她吃面包,因為她還小,所以就搞到地下有面包碎,那位部長見到這種情況,就抱怨說我的女兒把地面搞到很骯髒,不過之後我已經拾起左d面包碎,但她還是不死心,在我們起筷不久,她就吩咐左一位清潔女工過來我們的凳子底掃面包碎.這位女部長的服務態度真是很有問題,令我們吃得很不開心,第一是小朋友吃東西一定不會像我們大人那麼懂得自律,第二,如果搞清潔應該是在我們離開後才開始,不是在我們正在吃的時間搞,這樣很不尊重我們!!

係我心目中任點任食係食到好飽好飽,但今日0既下午竟然係我人生中食唔飽0既任食下午餐,本來我對呢間小肥羊係幾鍾意,但今天去完,我永不再去,原因就係我第一次叫單時,叫了七樣點心,到了大概4個字都未黎一碟,我已經好氣頂,咁都算,呢樣又話冇哂,個樣又話差唔多黎,我都算啦,,到第二次落單,我等左30分鍾都未黎,咁我即刻問經理黎啦.佢話幫我吹下廚房,到左十五分鐘還未黎,我再叫個侍應問下啦,佢又話已經cut左order,我頂到上心口,點解個經理當時唔同我講呀,我足足等左成個鍾,淨係食左5碟點心,我同我女友一定唔會再黎囉!!

平時都會同D朋友黎食,好抵,$40幾蚊一個人,可以任食點心,以下個幾樣都幾好蝦餃--MY FAVOURITE,即叫即整,不過要等燒賣--好味,我D朋友好鐘意春卷--妤長,用杯裝,好得意,都好味海蜇頭--OK...凍凍地...不過佢今次比得一碟我地蝦/牛肉腸粉--好熱,唔太大條,OK總括黎講,D點心賣相幾好,四十幾蚊,完全好抵^^D服務都OK,雖然佢都有d唔耐煩,不過多客正常

我都認為無問題,好多時去酒樓都會sale d 客食海鮮或老火湯.呢d野好平常je

好多的都是你"心想"...最好笑的就是想到人地講粗口...人地都係見你食熟食...就有義務向你推介公司既食品...食唔食...你自己可以選擇...你覺得貴就可以唔食...你講咁大段野...得一句係佢地既說話...但佢地o個句說話...我本人覺得無傷害性...只是很小人咁食...下次如果佢地(其他餐廳)有咩唔岩或有咩意見...可以的話...請不要加自己的"心想"...

銅鑼灣廣場二期的小肥羊的服務差得很，建議大家不要去。小肥羊是出面吃蒙古菜的，近日和peter及阿楊去吃，招呼極差。原因是我們夜晚去，見到人人也吃火煱，但是阿楊對於熱氣很敏感，peter也吃不了太腥的羊肉，所以唯有叫些熟食。但是，那裏的主管和經理對於我們只是叫了些熟食和小點極為不滿。主管嘮嘮叨叨地說﹕「很少人這樣吃法，這裏夜晚是吃火煱的。」我心想﹕「你少管我們吃甚麼，我們入得來就是吃甚麼也行，你夜晚沒有小點吃就不要寫在餐牌上，寫在餐牌上人家叫你就要整。」之後主管又派第二個女侍應來說同樣的話。我心想﹕「他們的顧客服務真差。」peter說﹕「我們在小南國裏吃東西，人家招呼真好，人家也希望我們吃貴菜，但是不會流露出不滿的神情。」後來我們推測，因為個個吃火窩，所有東西都是生的，不用整，所以廚師好好做。但是我們吃熟食，就要廚房裏的師傅開爐。我在想廚房那裏的那個師傅一定在講粗口。(因為我們有時同事都會在客背後講粗口)之後那個經理又建議我們吃熟食----羊脾。一看之下，成288元，嚇死人咩。我心想﹕「你嫌我們吃得少，所以要硬推一些貴價食品給我們嗎?」差差差，真是三個差字。不是食物差，而是服務差。劉德華

其實一向都鐘意食點心,見到有任點任食,就一心去試下,點知就出事,食物唔選好多,叫最例牌燒賣,蝦蛟,味道還可以,其他都唔好味,唔會再去

唔知由幾時開始,香港人變得咁奄尖?事先聲明,我並唔係呢間食店既員工,亦唔係要幫佢地平反,而係我睇到下面果位人兄,居然連人地用黎墊响鳳爪下面既芋頭都要批評一番,我真係覺得有點兒那個!其實食野同做人一樣,開心又一日,開開心心又一餐,可必咁斤斤計較呢?放鬆d啦香港人~~多多得罪,多多包涵!!

好耐無去佢個午市點心，有大肚婆想飲茶，心唸呢度地方好坐就會會佢啦！點知而家個ｄ點心真係完全唔掂！叫咗ｄ乜咁唔掂？有：腸粉　　　　－　叫咗兩碟有菜嘅腸粉，結果兩碟都係得菜同粉！三鮮水餃　　－　皮太厚而灰，好似死咗好耐咁。紅油抄手　　－　得幾滴紅油，而且個餃ｄ餡完全唔係個回事！總之係唔得！豬大腸　　　－　酸！雖然唔係變壞，但係個味唔得！灌湯餃　　　－　呢個就真係將會變壞嘅味勒！鳳爪　　　　－　係底下ｄ芋頭出事！唔爽、唔脆、唔林、無味，完全唔知係乜！芋頭西米露　－　一樣係ｄ芋頭出事！不過因為呢個有返ｄ類似雀巢芋頭雪糕味嘅甜湯，所以ｄ芋頭表皮有返ｄ芋頭味！金銀薑糖水　－　其實係番薯芋頭薑糖水，薑糖水無薑味又唔甜，而且ｄ薑糖水一樣係無味嘅！有乜還可以？蝦餃燒賣油菜基本上ｄ正常酒樓嘅點心係呢度都唔掂！食完心理勁唔平衡，一定唔會再返轉頭！P.S. 真係好少俾喊面，呢次唔俾唔得！

公眾假期都有得食。我地三個人大約1:45 pm 去到，個侍應話可以比我地入去坐飲茶先，但係要2:00 先可以入單(因為下午茶兩點先開始)，lee 個安排好好。三個人食左: 1) 紅油抄手(唔辣)2) 海蜇頭(一碟4 件)3) 春卷4) 牛柏葉(都係得4 件)5) 泡飯(好鹹)6) 黑椒牛肉伊麵(好辣同油)7) XO醬蘿蔔糕真係好似其他人講- 好多油, 但係好香8) 牛肉球, 蝦餃, 燒賣....... 不能盡錄但係佢o既流沙包真係好好食... $44 一個人都抵食，但係食品質素就唔可以要求好高。公眾假期每人要比$5 茶位

去過幾次呢度食任心點心，食物既選擇其實都幾多。但去上星期六去完食，今次佢地既點心超多味精，即使飲左好多茶，仍然覺得非常口乾...要去到第二朝才恢復正常唔知係唔係個日落多左味精，之前都冇呢個情況出現，希望佢地可以改善一下！

星期三一行四人去下午茶任點任食點心，聽講好抵食，又好味，想黎好耐，今日終於成事。一開始就點左好多野食，不過等左幾個字，跟住就黎得好快，最後擺到成檯都係，好豐富，食都食唔切。因為太多款點心，有D 又差唔多咁，都唔太記得食過咩，只記得一部分。必叫：蝦餃、海蜇頭、蝦腸、XO醬蘿蔔糕、流沙包、海鮮盒可以叫：馬拉糕、豬肚、粉皮、春卷、煎薄餅可以不試：羊肉包、蘿蔔絲湯餃、羊肉餡餅另外又叫左炒米粉同河粉，都幾大碟，不過臨尾實在好飽，後悔叫左兩碟添。整體上黎講點心比較油，特別係蘿蔔糕，但又真係好好食，每款點心都好足料，可能係我唔太識食，覺得幾款餃都差唔多咁，所以下次唔使叫咁多款。服務方面，就算咁多人落單都唔混亂，幾乎冇走單，送點心黎果D 阿姐都幾好。食完飽到夜晚，其實都幾抵食，可以一次食到咁多點心，下次會再黎過。

星期六下午放半日所以來呢度同老婆食$50任食點心。我地1:30入座先知佢地完來1:45入座就會係下午茶時間。每人會平$10，而食物款式亦會一樣。當然棟係出面帶我地入座嘅典形香港良好服務嘅reception就冇話比我地聽la。點心質素只屬過得去。Dセ野南瓜羊肉餃同羊肉包子唔好食，d炸物好似春卷，咸水角油度呢洒普。葱花卷唔知道點解一隻會係啡黑色好似燶左咁。連個waiter來收個點心籠時都好奇咁望住嚿嘢問點解蒸都會燶。個海蜇如果係海蜇絲而唔係gor D 即食海蜇頭會好味好多。但係個柴魚豬骨粥,桂花杞子糕同個牛百葉幾好味。雖然質素只屬一般，但係可以試咁多款點心都算底嘅。

2007年1月20日, 兩人前往, 點了極品內蒙羊肉拚肥牛$78, 羊肉很薄沒有甚麼蘇味,鮮豆腐$18, 有豆腐味。另叫了一碟菜。要了一客即煎迷你羔羊肉包$30半打, 只是一般肉沒有羊肉味。要了一瓶青島純生$5, 窩底我們要了鴛鴦麻辣及滋補湯底$78, 麻辣湯剛好不太辣, 滋補湯裏有黨參、草果、元肉、薑、當歸、子、蒜頭、大, 湯味極濃, 做到其標題' 不蘸小料涮肥羊' 為特色。

和男友來過幾次小肥羊飲茶，發覺它的水準幾平均，不會時好時差，唔錯唔錯。咁次都係任點任食。我地都食了幾多點心。我地最欣賞都係佢真係即點即蒸，咁d點心黎到，都仲熱辣辣的，咁好味好多的!白灼油菜：北京菜心，又幼又嫩!蝦餃：熱辣辣，個邊都有十二摺，皮又薄，好味道！口水雞：係白切雞咁一件件，有一個辣汁，雞好有雞香味，好味。海蜇頭：蒜泥海蜇，好爽脆，好好味。它用的真係海蜇頭的部份，夠厚身，夠爽口。菜苗餃：小肥羊的餃，真係皮薄，菜苗蝦肉餡好好味道！鮮蝦腸粉：一碟有成四條，皮薄餡靚，晶瑩通透,好味道！XO醬炒蘿蔔糕：小肥羊的蘿蔔糕，好好的，食到有絲絲羅白絲的，我鍾意!韭菜盒子：幾特別，係用蛋皮包住韭菜碎，肉末。okay的。紅油抄手：我個人好喜歡餃子的，呢個配上紅油加醋，好好味道!杏汁包：外形好得意，似漩風形，配上杏仁溶餡，香濃杏仁味，幾好！古法馬拉糕：好香的蔗糖做的，好好味，男友的至愛!綠豆糕：好清香綠豆味!桂花杞子糕：好清香桂花味，好味道，為我地的點心午餐劃上一個甜蜜的句號!未試過的，真係要試下!