小英滷肉 (天盛街市)

營業中

休息中

回頭度🍪7.5/10｜人均消費💰~$17-26-👌🏻蛋餅 $17（鹹牛肉+$9）蛋餅係即叫即整😍味道唔算好出色 但勝在抵食😋餅皮口感煙韌 餡料份量都唔少🍳仲可以加埋火腿/紫菜/肉鬆/洋葱/芝士每樣加$6就得🤩-味道🌕🌕🌕🌗🌑抵食🌕🌕🌕🌕🌑

在天水圍好像沒有甚麼食店，行逛之下，看見這間萬中無一的台灣菜外賣店，又是點了個人必點的台灣小吃：蛋餅首先煮食環境，是頗整潔，但店員的個人衛生意識絕對有待改善。店員是用剛收完錢的手，就直接拿起煎板上的蛋餅放入盒內，衛生意識極低。肉鬆芝士蛋餅: $16+$5(芝士)+$5(肉鬆)蛋餅的外表已經不太吸引，吃下去更加恐怖。蛋餅最重要的一部份就是蛋餅本身，如果這個基本面不好吃，必會是失敗之作，此蛋餅 極度漿口，像是在吃未熟透的粉糊般。雖然蛋挺有蛋香，外皮的部分也煎得脆。而肉鬆也應該是高質的貨源，酥鬆，有油香， 不會乾乾的。但肉鬆份量不多，而且一夾就散。至於另外加錢加的芝士，前到半溶， 份量正常， 不鹹有點奶香。 整體來講， 蛋餅皮好難吃，其他食材就可以接受，價錢不算貴。所以也未至於劣評。 但不會再吃她的蛋餅。 

超級便宜嘅台灣便當 ！我叫咗滷水豆卜肉燥飯～原先想叫滷肉飯 ...但係今日唔想食太肥 唯有叫肉燥飯 呢間外賣店其實開咗好耐 但係一直都未去試 今日經過本身想食車仔麵，但係都想試吓啲新嘢...原來價錢相當之便宜 一盒便當只需$33左右而且米飯份量超級多！！豆腐卜大概有四粒 ～另外我加咗一隻滷水蛋 ～滷水蛋帶咗啲薑嘅味道：）整體嚟講佢嘅滷水唔會好鹹！豆卜好惹味 啲肉燥都幾好！而且外賣5分鐘唔使就已經可以攞得！真係快靚正！

牛展，個份量極少，得4塊好薄，都算。個職員仲要收完錢，又按下電話，又執下啲舖頭器材，再係客人面前徒手係雪櫃拎呢幾執肉放落個鑊度，幾過份個職員好後生，可能係part-time，但都應該要教教佢😅

早幾日同亞女經開天盛商場條食街，好耐無嚟，比我見到一間台式小店，價錢又唔貴，可以話平添，所以就試吓。叫咗一個鹽酥雞扒乾拌麵$39 ，最可惜係冇鹽酥雞乾拌麵🤣，鹽酥雞要單買小食先有，雞扒大塊，店員知道我想要鹽酥雞乾拌麵，所以細心地說：可幫我剪開雞扒，見到店員即叫即炸，但係，係翻炸😂，因為見到成盤炸定咗嘅雞扒，擺咗喺個盤度，外賣拎到番到屋企，雞扒仲熱同脆，雞扒味道ok，但乾拌麵啲麵就黏埋一舊，無乜味，滷肉汁都冇乜味，整體一般。

又係收工買外賣返去食，位於天盛街市入面既小英滷肉主打台式外賣便當同小食，價錢黎講唔算貴，3-40蚊左右都有個飯，小食都係十幾20蚊左右，算幾街坊價，至於質素如何今日就試一試。餐牌擺晒係門口，種類都算幾多，主食有肉燥飯，魯肉飯同乾拌麵等等，小食種類都唔少，買個飯加份小食都應該好夠飽。鹽酥雞排魯肉飯先讚一讚出餐都幾快，我前面都仲有3-4個客排隊我落單後都係5分鐘就有，而且摸上手都好熱，幾新鮮，返家打開食，盒係用紙盒裝，都幾台式，鹽酥雞排都幾大塊，鹽酥味好足調味做得幾好，炸得都唔算好乾，以上係值得讚既，但飯方面就比較弱d，飯份量係多既，但飯香唔夠，最失敗係個魯肉，完全無油香，就算肥既部份都唔香，無肉汁撈埋飯食只會更乾，呢方面係扣分位，如果解決左魯肉既問題呢盒飯會好食得多。甜不辣加多份小食甜不辣20蚊，甜不辣即係魚糕，口感比韓式魚糕更煙韌，魚味都幾重，都食到少少甜味，缺點係非常油膩。整體黎講街坊價錢食到台式野都唔算差，如果質素再改善下會更好。

未食過炸雞滷肉飯可以嘗試，因為雞扒很好吃，脆卜卜、多汁、鮮嫩可口。喜歡吃香口食物的話可以嘗試炸小食拼盤，炸雞髀菇和炸玉子十分美味。亦可以嘗試炸雞拌麵。我最喜歡是炸小食拼盤和炸雞滷肉飯。

放假熱辣辣 一定係留係屋企叫外賣🥹今次試下呢間開咗無幾耐嘅台式小店~ 整體價錢合理，算幾平添😜 不過食飯質素就可圈可點🙈蔥油鹽酥雞扒飯 💰$39 🐔雞扒大大塊 即叫即炸，送到嚟屋企都仲熱辣辣 脆卜卜😙 唔算特別好食 不過確係有士林夜市嘅風味😌 短暫醫下旅行癮都ok!鹽酥排骨肉燥拌麵 💰$44 🐷呢個唔係咁推薦🙊 一打開見到塊排骨咁深色，就已經知出事ಠ_ಠ 一係就炸到燶，一係就咸到苦。結果真係咸到苦 我媽形容係食完即刻腎病個種”咸”🫠 而且啲麵送到嚟屋企已經變咗1 pat 嘢⋯不行不行炸拼盤 💰$27 (炸雞髀菇、炸玉子豆腐、炸鹽酥雞粒)人生第一次食炸玉子豆腐 都幾驚喜🤣外面薄薄層粉 入面係滑嘅豆腐 幾好味😋 炸雞髀菇同鹽酥雞粒都係正常發揮 又係好有夜市風味👍 跟餐冬瓜茶 💰$6食完咸嘢，飲番杯冬瓜茶中和返😜不過其實冬瓜茶都偏甜 唔飲開甜野嘅人 可能未必接受到(´･Д･)」間唔時食下都OK嘅~呢度都好多選擇 下次再試吓其他先😉

想無咁肥ge 可以簡肉燥飯，想要台灣風味同好食d就可以簡滷肉飯，但就高熱量左少少。價錢黎講唔算貴。塊雞排好似好大塊咁,但其實唔少都係炸粉。如果貴返少少，比返多少少肉就好d。哩個價錢哩個質素算係唔錯。

見佢喺天水圍啱啱新開左分店！即刻狗衝去試吓😛-鹽酥雞扒肉燥飯💰$36鹽酥雞扒滷肉飯💰$36首先講吓舊雞扒，絕對係加分位✨雖然炸粉都唔算簿，不過真係幾大塊，大過手掌！外賣返到屋企仲脆卜卜🥰調味唔算好鹹～～-肉燥飯d肉燥比想像中少🥺肉碎食落偏瘦嘅，味道都唔錯👍🏻不過整體有啲乾，成個飯冇乜汁🙈下次問吓可唔可以多肉燥汁先！滷肉份量都唔多，算係半肥瘦，味道中規中矩啦～不過都係冇乜汁🙈 加分位係佢嗰啲酸菜！超級解膩🥰Btw成盒嘢勁大盒幾抵食👍🏻細食嘅朋友仔建議叫少飯～回頭率：🍚🍚🍚🍚/5幸福感：🍚🍚🍚/5飽肚感：🍚🍚🍚🍚🍚/5性價比：🍚🍚🍚🍚/5不專業評分：8.5/10👉🏻簡而精咁形容：塊雞扒超級無敵大同厚😟-💗天水圍天靖街天盛商場地下街市M408檔位💗💗屯門湖翠路201號兆禧苑商場地下兆禧食坊G12號💗-

見新開張所以試下，份量超細，拌面既面大啖D 吃得二啖，滷水味道係唔錯，但雞翼未入味，皮淺色入面冇味，地瓜條淋晒，梅粉太少如果份量有改善就會好D,如果都係咁就唔會再幫襯啦

食過滷肉同肉燥飯，塊雞扒好夠脆夠味幾大塊但啲飯爛爛哋哋，滷肉唔係好夠味同少，第一日食嘅肉燥幾好味幾多啲汁夠嘅，但今日啲肉燥又少又乾，可能晚市搞唔到咁多嘢所以質數冇咁好，希望可以keep返好啲，寧願等耐啲個味道會好返

呢間台灣野新開都幾多人排隊,買左兩盒飯試試玉子豆腐肉燥飯 $33, 打開有少少失望, 份量比想像中少不過味道唔差鹽酥排骨滷肉飯 $39, 呢盒個盒再大少少, 打開又係有少少失望, 因為份量都係唔多就咁睇幾乎見唔到個底既滷肉, 但味道算好食, 正常台式餐廳水準兩盒飯打開都同期望有少少落差, 因為都係偏細, 其實可以唔使用咁大個盒,用個淺少少既盒放個觀感會好D但都係觀點與角度, 如果同出面台式餐廳$2X-$3X一碗仔滷肉飯比既話佢份量絕對大過個D如果追求飽肚, 以呢個價錢隔黎左右個幾間可能係更好選擇呢個價錢呢個份量應該算輕食, 如果有得選擇比貴少少份量加返大會更加好