小茶堂 (已結業)

9/10.不知不覺 我不知不覺 慢慢喜歡你❤️經過旺角就等於台式飲品的天堂，緊有一間係左近。但係花多眼亂點揀好？雖然中伏機會好低，要弄一杯難飲的珍珠奶茶真係好難，但要一杯飲一啖之後有😳的表情更難。對，今天我就比佢😳左。門面沒特別，甚至行過都可能唔覺。有點隱藏的teadays 拎我有驚喜。首先，黑糖的飲品我未試過有得選擇甜度，而就因為普遍太甜的關係，我都比較小飲。但店舖姐姐居然同我講可以選擇甜度實在勾起我的興趣，拎我選擇了一杯少糖🥛黑糖珍珠厚鮮奶🥛姐姐再教學話要搖勻先飲🤔飲落第一啖。。厚奶的口感有點杰，啜入個口有滿滿的感覺😳加上鮮奶味同黑糖味覺特出。一齊都是完美的。🤯一句講晒，下次係旺角唔洗諗飲咩。🤤

戚起條筋想請吓手足飲杯嘢，強烈推介小茶堂清清地本人要咗杯益多奶蓋，揀咗水果茶，清新唔會太甜，奶蓋比例不錯👍🏻佢地揀咗鳯梨綠加珍珠、抹茶鮮奶加珍珠雖然老闆好好人提醒黑糖珍珠可能同生果味唔夾，但對於黑糖珍珠狂熱fans黎講完全無問題😂😂😂😂 仲話好好味添！最緊要係啲黑糖珍珠真心好食吖嘛！最後當然要加多杯我嘅至愛紫薯奶❤️❤️❤️超濃郁，真材實料有咁多薯落咁多薯，睇返原來正確全名叫烤紫薯鮮奶，可能係烤過嘅關係，所以個薯味濃到咁，搵唔到第二間有咁濃！

宜家d台式飲品真係周圍都係，黑糖珍珠奶茶試左幾間之後，發現都係唔係幾鐘意d咁甜既，所以開始放棄左。但係就好掛住以前成日飲既芝士奶蓋其實係香港咁左咁多間芝士奶蓋，暫時都係得茶狼係我會再去買(喜茶未飲)而今次，我就點左芝士奶蓋烏龍茶。味道，係好飲既。茶清香，芝士奶蓋有味唔水，match得係幾好。但係我個人就會比小小意見，覺得個杯應該要換一換類似茶狼喜茶個d。因為佢宜家呢個杯既口太大了！通常飲芝士奶蓋係要斜斜地飲，咁樣先可以一次過同時飲到芝士奶蓋同埋茶。宜家個口太大就會有d危險，驚倒曬出黎。不過無影相，大家可以參考下其他相片。另外，我覺得芝士奶蓋最好唔好有冰塊，因為係飲既過程中係好易令冰塊入埋口，變相硬食冰。

喺旺角，幾乎每行幾步就有一間台式飲品店，今次係我第二次飲小茶堂～同樣地有叫大熱嘅黑糖珍珠厚鮮奶同叫咗另一款芝士奶蓋烏龍茶💓💓💓一拎上手，飲品微熱，見到有黑糖既漸層，都幾吸引㗎💓💓呢款入面加左奶蓋，所以味道濃郁啲，用咗明治鮮奶，所以奶味都okay !黑糖珍珠偏軟，但都幾軟糯，而成杯黑糖味都幾香❣️另一杯係芝士奶蓋烏龍，奶蓋味道偏甜，假如調味冇咁重會更加好，不過都帶小小嘅鹹香，而烏龍茶底都幾清香💓💓

自從去左台灣之後，真係荒廢左openrice好耐😂係時候要回歸啦！小茶堂係佢未紅之前已經飲過一次，到依家再飲返，水準都可以keep到喎！👉🏿✨黑糖珍珠厚鮮奶 HKD 29 💸💸叫左熱既，就影唔到啲黑糖紋出黎，不過放心都係好飲既！甜到有得調較，叫左小甜，攪勻左之後就岩岩好！唔會好淡又唔會好甜🙊珍珠算係偏軟糯嗰隻，不過配合埋黑糖鮮奶都幾好飲喎🥳👉🏿✨芝士奶蓋烤紫薯鮮奶 Hkd 34 💸📌呢杯就正啦！超級鍾意佢嘅奶蓋，係偏甜身少少，好大有少少鹹鹹地，一飲落口真心好滋味架！下面啲紫薯鮮奶依稀仲飲到啲紫薯粒，堅係真材實料㗎😍飲完一杯勁飽呢！雖然好邪惡但真心好好飲🤭

最近真係好興黑糖珍珠奶茶，周圍都開左不同茶飲店，旺角的「小茶堂」用天然食材，所以吸引到我，一於買齊幾款口味，同朋友品嚐一下。有齊水果茶、奶茶、鮮奶茶、黑糖珍珠厚鮮奶、芝士奶蓋系列、泡茶....還有粉圓，最正係連黑糖珍奶都可以自選冰量同甜度，咁彈性既選擇，岩哂有要求既客人。最近都凍左，當然少冰，而怕過甜既亦有6個甜度揀。飲品款式多，顏色仲又靚又吸引，受大眾歡迎既紫薯同抹茶都真材實料。我揀左推介的口味，仲有益力多味芝士奶蓋水果茶，夠哂創新同有特式。益力多芝士奶蓋水果茶 $28，仲可以揀紅茶、綠茶或烏龍茶底，我揀左酸酸甜甜水果茶，果然襯返益力多既乳酸味，入口濃郁微咸芝士味，仲有益力多既酸味，奶蓋口感綿密豐盈，再飲埋帶百香果的獨特熱帶水果香，味道清爽輕盈，原來古早味水果茶係咁好飲，甜度亦有酸味中和，所以飲完唔膩。芝士奶蓋烤紫薯鮮奶 $34，等待製作時，眼見用3-4球紫薯蓉加鮮奶打成，用料十足，超濃郁紫薯味，天然味道好健康，配埋濃厚滑溜的芝士奶蓋，味道好香滑，而且好飽肚滿足。小山園抹茶厚鮮奶 $28，使用山政小山園的抹茶，味道十分濃重，茶濃帶甘，混合濃厚鮮奶，中和茶甘味，變得味道溫和的抹茶牛奶，

話說今日小弟同女友人係旺角行game鋪， 行完好景商場就係側門發現開左間小茶堂。佢有我好鍾意飲既奶蓋茶系列,跟住又有女友人好鍾意既黑糖薑汁仙草圓圓.咁我地就忍唔住買左幾杯黎試下啦。 我地買左益力多奶蓋綠茶，黑糖薑汁仙草圓圓，烤紫薯鮮奶 同 珍珠烏龍王奶茶... 咁呢個益力多奶蓋綠茶我想講好特別。 淡淡既益力多味滲入綠茶好fresh,黑糖薑汁仙草圓圓就好岩冬天食好暖笠笠,烤紫薯鮮奶就味道剛好，唔太粉, 珍珠烏龍王奶茶就茶底濃厚好夾黑糖味. 整體而言小茶堂好有新鮮感

話說 我唔小心上左癮.. 上左黑糖珍珠厚鮮奶既癮…不過咁又唔代表我會係鋪都幫襯.. 因為之前真係試過幫襯左間小店然後伏到呢…(絕無歧視小店意思, 只係某一間令我留下壞印象..)今日黎到旺角見到TEA DAYS, 印象中都聽過幾多好評, 所以就放膽去試啦XD店仔細細 但係都幾多選擇下~ 而且好多款都令人好想試!!朋友揀既係 小山園抹茶厚鮮奶 $28其實我自己都好想揀呢款XDD 先講賣相, 顏色好靚~淺草綠+奶白色! 好有治癒感 : D呢杯係要搖勻左先飲架~~一飲落去, 係香而不澀既抹茶味+牛奶既順滑口感!感覺好似食緊一份抹茶甜品咁樣呀~~ 同朋友都覺得不錯!(無少糖無少冰)到我既 黑糖珍珠厚鮮奶(常溫,少糖) $29 喇!! 😍 賣相很不錯~~落單時, 店員提醒黑糖會比較甜, 所以建議我叫少甜~另外, 呢度好好地有得揀常溫呢! (其他好多店既呢款都無得揀… FIX左…)同上一杯一樣, 都係要搖勻左先飲架~~一飲, 第一印象係好好好好濃厚既奶霜!! 而且同黑糖味已經完美融合晒!第二印象就係, 果然真係幾甜下XDDD 就算叫左少甜都覺得可以再少D甜XDD其實呢種甜度係好好飲 只不過真係太邪惡

十九幾間珍奶店開係旺角，其實質數都唔差咖。點解我成日去啲小本經營呢？因為我唔相信只有排隊先買到好野。.🔺黑糖珍珠鮮奶 $28當一天的工作完成，原來發現自己最需要既係大啖啜一杯珍珠鮮奶！叫左少甜，對我黎講都係太甜(呢啲好personal既野姐，大家可以再少啲甜)，珍珠都夠軟，偏向軟身有微微軟糯，有咬口，黑糖量都夠多（好夠）。另外用既係明治紅盒鮮奶，日本奶就係夠乳香🐽

周末到旺角行街幫屋企買野，去到好景商場附近，發現一家開左一排但未有機會飲既臺式飲品點<TeaDays>~~<TeaDays>位於好景商場及馬會中間~~睇完餐牌，同鄰近其他臺式飲品點差異不大，價錢亦都差唔多~~飲品店推薦既飲品主要有<黑糖珍珠厚鮮奶>同<烤紫薯鮮奶>~~<黑糖珍珠厚鮮奶> - 一拿上手，感覺到黑糖微暖，珍珠大小適中，夠Q而帶黑糖味，但佢既黑糖味因爲過重，反而有d將奶味蓋過。追求比例平衡既朋友，可能選擇半甜會適合d~~

TEADAYS，每天都是茶天旺角向來大把飲品店營運但杯杯都咁貴又細杯就不是我杯茶啦~~小茶堂的價錢就親民D啦叫左一熱一凍的紫薯鮮奶一凍的鮮奶是用維仔奶就不在話下，紫色色彩帶一點夢幻FEEL女生必備呃LIKE法啊~~~每一 口都喝到一小粒一小粒的紫薯蓉唔怪得話佢係特濃啦~~俾你一路飲一路食同埋，第一次試特濃紫薯鮮奶真的令我大開眼界因為奶那份沉重的飽肚感與紫薯並不相撞，好中和~~~我自己仲加左珍珠啊~~好雙重的滿足感另一杯就買左俾我師父飲~~~佢都大讚香濃超正

在旺角附近一帶行街, 感到口渴, 可以在這裏買飲品解解渴。餐牌上有好幾款飲品我也想試的~我個人要推薦這裏的紫薯鮮奶飲品! 我被它鮮豔的顏色所吸引了, 飲品飲落有驚喜! 它的紫薯味比我想像中還要突出和濃郁. 質感幾creamy, 紫薯味一點也不假, 啖啖也吃到紫薯粒, 很有咬口和足料。 我選擇了要微糖, 因為紫薯本身已經有它一定的甜度, 所以微糖我認為是剛剛好夠甜的。牛奶用上明治牌的, 奶味幾香濃。黑糖珍珠鮮奶的賣相不錯, 有紋路, 黑糖令鮮奶的味道更豐富, 珍珠有咬口。

間中都會去買台式飲品，不過唔係特別沉迷，而家好多呢類飲品都要排隊，尤其是過江龍，有D試過都不外如是，反而我幾鐘意呢間小茶堂。本地飲品店，位於好景果邊，人來人旺都幾旺場，但不至於要排長龍，所以我行過都會買來飲。今日喺呢頭打完邊爐，好口渴，就買杯解解渴，等左幾分鐘就到手，好有效率。menu都係主打台式飲品，有水果茶呀，鮮奶類等，比較受歡迎就係黑糖飲品啦，個個都手拎住一杯，又可以打卡呃個like。價錢唔貴，廿零蚊有交易，而且大部分飲品都可以自己揀甜度同冰量，都好彈性，始終唔係個個受得甜或者鐘意凍飲。我揀左一杯水果茶，要微糖啱啱好，因為我自己預左會偏甜D，好飲呀，入面有百香果啦，多數水果茶都會有，始終味道比較明顯；另外有橙同蘋果，最細心係佢地將橙肉榨左，所以唔會淨係飲到百香果味，有少少似香橙綠茶，幾清新解渴，而且有茶味。個人認為點水果茶微糖以下都可以，本身水果都有甜度另外點左我最愛嘅抹茶鮮奶加黑糖珍珠，呢杯真係好正，推薦。抹茶味濃郁回甘，唔需要特別調較糖度，我點少糖都ok，完全唔洗怕甜。搖勻後就係一杯非常香滑嘅抹茶鮮奶，混合得好好。而最讚係佢地嘅黑糖珍珠，珍珠有彈性，而且有黑糖香氣。

台式飲品店比比皆是，最能夠吸引大批食客爭相朝聖的定必是一眾以「過江龍」之名作招徠的品牌；小茶堂作為「本地薑」，看似是「輸在起跑線」，但卻默默耕耘闖出一片天，一直以來口碑甚佳之餘名氣亦不遜於其他「過江龍」。小茶堂最為人所知的定必是其相對親民的價格，不少人更譽之為「CP王」，飲品款式繁多之餘亦別出新意，吸引我多次到訪小茶堂，就是為了品嚐各款不同飲品，而當中更有數款是我已經再三回購的心頭好。可以從店面目賭店員製作飲品的過程，真材實料不會加入奶精或人工調味。芝士奶蓋烤紫薯鮮奶 ($34)雖然色澤鮮豔奪目但其實並沒有加入人工色素，單純用上大量紫薯作主要材料，當中混有不少紫薯顆粒，天然的紫薯味道濃厚馥郁，而質感亦稠密得有如奶昔一樣；芝士奶蓋口感香滑，奶香與芝士鹹香相得益彰，平衡得宜。黑糖珍珠鮮奶 ($27)購買當時店員提醒珍珠要等候約十分鐘，大概是因售罄而要立即重新再煮一輪，可見其新鮮程度；珍珠大小比正常偏細一點，口感煙韌而且相對結實，但可能礙於烹調時間所限，黑糖味不算太強亦不至於熬得相當入味；不過個人喜歡其奶味醇香純厚，對於熱愛牛奶的我而言的確加分不少。香芋鮮奶 ($29)香芋鮮奶與烤紫薯鮮奶大

旺角登打士街真系有好多台式飲品鋪，我地揀左一間未飲過既小茶堂。今日叫左杯熱既黑糖珍珠奶茶☕️$21價錢真系好抵飲，男朋友話要飲黑糖珍珠奶茶，本來對黑糖珍珠奶茶痳痳地，唔知系味涷飲，加上上次個間野真系難飲😰但今次再挑戰，但飲熱既。超級驚喜，真系好好飲，對於我黎講。黑糖味好香濃，但絕對唔會蓋過左好香滑既奶同茶味，黑糖有咬口，超推薦, 但我系飲熱的。芝士奶蓋抹茶🍵鮮奶$29奶蓋淡淡芝士味，飲落好滿足，如果有大量就好，抹茶鮮奶味道就比較淡。