小草十八怪石鍋米線 (已結業)

旺角人氣石鍋米線和籠仔荷葉飯✨💖🦥以可愛風、黃色系列為環境佈置的米線小店，餐廳以石鍋米線為主要賣點，有九宮格的自助烹煮的石鍋米線最為有趣和打卡必勝，另外串燒、荷葉飯、滋味小食也很出色，晚市時間餐廳門口更排有長長的人龍，證明人氣高企，CP值高！《石鍋米線套餐（九餸)》$92起可自選由餐廳煮或自己煮，很有賣點！除了九格的餸菜外，更有六格及三格的選擇。當然米線是必點之一，但餐廳更供應其他麵類，包括薯粉、伊麵等。湯底也是自行選擇，是次點了沙嗲湯，人氣湯底之一！這次九餸的餸菜包括有：鯛魚片、響鈴、封門牛肉、日本蘭王雞蛋、皇帝菜、北海道帶子、蘿蔔、豆卜、海藻。如果想自助烹煮，可詢問店員其方法，店員會細心指導烹煮過程。先把較耐熟透的餸菜放入熱辣辣的石鍋中，再倒入湯底，聽到滋滋的熱滾滾聲音，合上蓋子，等待一會兒，再把麵放入，然後把快熟的食材放進鍋內，再合蓋子等待，然後可以吃了！《籠仔荷葉飯》$72同樣是打卡賣相必勝的籠仔荷葉飯，有幾款餸菜選擇，這次點了土魷馬蹄香菇肉餅荷葉飯，足料滿分，份量十足，吃得津津有味。《原條茄子》$31燒物和串燒方面有很多，見很多人都點燒蠔，的確是很吸引！但我較有興趣吃原條茄子

Steamed rice/BBQ skewers/Stone Pot Rice noodle soup@MKMy friend and I went to a restaurant called "18 ODDITIES" （小草十八怪石鍋米線）located in Shop 3-4, G/F, Lung Fai House, 36-38 Argyle Street, Mong Kok旺角亞皆老街36-38號龍飛大廈地下3-4號舖This restaurant specializes in arious Stone Pot Rice noodle soup,lotus leaf Steamed rice ,BBQ skewers and snacksSnapper fillet steamed rice鯛魚蒸荷葉飯HKD$62the aromatic lotus leaf gives the rice the unique bright flavour that work so well with the chopped garlic .the snapper is so flaky

🌳沙嗲牛牛石鍋米線$92米線就成日食，用石鍋載住另有一番風味，湯底夠灑熱，沙嗲味濃郁，整體都唔錯，配封門牛肉、美國肥牛、紅燒牛肚、牛丸、金菇、牛柏葉🥩配料選擇好多，懶得選直接選咗牛牛系列，都幾正😋🌳棉花魚肚蟲草花蒸雞荷葉飯$76荷葉飯配料非常多，有魚肚、蟲草、雞之外，仲有瑤柱同蝦米🦐加埋荷葉令到成個飯味道好豐富🌳燒蔥油餅$20蔥油餅好軟身，口感鬆軟，配孜然粉都幾特別🤣個人中意原味多啲🌳韭菜豬紅$20豬紅份量好多，而且好入味，性價比好高🦥小草十八怪石鍋米線 (旺角)旺角亞皆老街36-38號龍飛大廈地下3-4號舖

小草十八怪石鍋米線，一間位於旺角女人街嘅滇菜餐廳，以石鍋米線、串燒、荷葉飯等美食吸引咗唔少食客。椒麻蝦膠腐皮脆卷：即叫即炸，外皮用香脆嘅腐皮包住彈牙鮮甜嘅蝦膠，做到外脆內彈嘅口感，味道鮮甜，蘸埋秘製嘅椒麻醬汁就更加惹味。椒麻醬汁唔會太辣，但有一種刺激感覺，令人胃口大開。四款串燒：分別係豆卜、金菇、司華力腸、雞肉。串燒都係即叫即烤，份量都幾足。豆卜同金菇都好爽口，吸收咗孜然同辣椒粉嘅香氣。司華力腸有彈性，雞肉有汁，都唔會太乾身。三餸石鍋米線套餐 ，可以自己揀湯底同埋三款餸。我揀咗沙嗲湯底，三款餸分別係封門牛肉、墨魚頭、牛丸。沙嗲湯底香濃惹味，有啲似沙爹牛肉火鍋嘅味道。封門牛肉鮮嫩又重牛味，墨魚頭爽彈有口感，牛丸彈牙有肉汁。米線細細條，同湯底同埋配料都好夾。黑椒味噌封門牛柳石鍋飯 ，係一款新推出嘅石鍋飯系列。黑椒味噌係用黑胡椒粉、味噌、豉油同糖等調製而成，味道香辣鹹甜，好夾牛柳。封門牛柳係用封門牛肉切成薄片，煎至微焦，肉質嫩滑多汁。石鍋飯嘅飯粒香軟，食落好有層次感，又唔會太膩。飲品方面，我就選咗凍檸茶大大杯冰涼解渴。

嗌左石鍋米線 封門柳 腩肉 生菜火腿瑤柱湯底 薯粉正正常常冇太大驚喜但串燒金菇同翠玉瓜 好惹味 正但環境真係唔掂 上樓樓梯幾污糟入到餐廳有陣怪味食完成個人仲縈繞著餐廳浸異味衫頭髮都臭哂🥴🥴

米線就食得多，石鍋米線都係第一次見！呢間店都開咗段時間但一直都未得閒去，晚上到訪嘅時候基本上full曬，食物方面除咗米線之外仲有荷葉飯、川式涼拌麵、串燒等小食供應，款式繁多，好難揀呀，而且價錢夠親民，值得到訪～ 主食必點蒜蓉金菇粉絲奄仔蟹荷葉飯，上面有四隻蟹腳，肉質幾嫩而且好鮮，蟹蓋裏面仲有唔少蟹膏，完全估佢唔到，飯粒分明，配上滿滿嘅蒜蓉同少量金菇粉絲，令人食唔停口🫣 唔洗落醬已經好夠味，撈飯一流，性價比甚高！小食有好多選擇，涼拌鮮支竹微微辣幾頂癮、皇帝菜同生菜都好新鮮，唔會過油、炸雞翼有四大隻，外脆內嫩，南乳味算出、個人最推蝦膠釀豆卜同椒麻蝦膠腐皮脆卷，兩款炸至酥脆，蝦膠彈牙鮮甜，滿滿驚喜🤎 另外仲有串物，燒萵筍同豆卜都唔錯，可以一試～

呢間米線店之前都食過一次，覺得選擇多味道又唔錯，今日帶埋媽咪來試吓😋呢到主打係食米線，荷葉飯同串燒。店鋪喺二樓，行一層樓梯上，樓下霓虹燈招牌相當搶眼🤩，店內裝修舒服，好多植物擺設🌴🪴米線配料種類超多👍🏻重可以選擇自己製作或者店員製作，呢到落單係掃QR Code自己點嘅，十分方便👍🏻石鍋米線有三餸，六餸同九餸自選配搭，我就揀左六餸，胡椒豬肚湯，嫩滑雞肉，冬菇，鮮支竹，棉花魚肚，豬膶，翡翠苗。推介鮮支竹👍🏻淋滑得來夠咬口我媽咪都係揀六餸，火腿瑤柱肉骨湯，大腸，蘿蔔，黑毛豬梅肉片，花膠，皇帝菜。推介大腸夠淋好入味👍🏻花膠szie OK,重夠滑好有口感，相當唔錯❤️串燒 孜然羊肉串，蒜蓉燒扇具呢到啲串燒全部即叫即燒😋熱辣辣

係旺中行完街，一出商場就比佢哋既招牌吸引到😂米線都成日食，但石鍋米線我就未食過😌睇餐牌發現除左米線仲有荷葉飯同串燒食🤩🍜肉骨茶雜錦石鍋米線$62配菜有豬肚、肥牛、枝竹、冬菇、豬紅和腐皮。肉骨菜湯底有啲回甘味，溫潤仲會係口入面有餘韻😋令到你會一飲再飲既湯底，因為係用石鍋所以好保溫。🌿瑤柱蒜蓉海鮮荷葉飯$75蒜蓉味好香，有蝦、魷魚、元貝、魚等等既材料，非常豐滿。飯內有粒粒既瑤柱🤩用料講究👍🏽另外我都叫左少量串燒😻🦐串燒海蝦$28幾新鮮，而且係竹籤蝦，方便食用。🐷豬大腸$15夠肥美，亦都唔會靭。🌳串燒椰菜仔$15其他地方都未食過😂估唔到都幾好味🌱韭菜$15串燒一定要叫韭菜，好吸汁，而且韭菜嫩。🦐蝦膠釀豆卜$35炸得卜卜脆，蝦膠彈牙👍🏽佢哋既野食性價比真係好高👏🏻所以店內都坐滿人🫣坐位都舒適。米線種類好多，當然仲有自選米線，所以呢間食物既自由度都好大👏🏻餐廳係二樓，私隱度又高啲😆

之前係旺角返工成日同同事黎呢到食lunch, 覺得呢到既米線好出色，配料選擇好多而且仲可以選擇唔同既湯底，另外仲有好多唔同既小食，所以今晚出開黎旺角買嘢，都專登上黎開餐朋友就揀左呢度嘅網紅招牌菜，瑤柱蒜蓉海鮮荷葉飯，望到已經覺得好吸引，唔同既海鮮鋪滿左係飯上面，再加上聞到香濃的蒜蓉味，已經流曬口水啦而我就當然係食石鍋米線啦，配菜就揀左封門牛肉，美國肥牛同埋牛肚，湯底就揀左最鐘意既沙嗲湯，水準依然咁高，沙嗲味非常濃郁，真係忍唔住要飲埋呢個湯底小食方面，呢到既燒烤都值得大力推介，串燒既選擇好多，全部都係即叫即燒，而且仲可以揀唔同嘅辣度，非常貼心，而我哋就叫咗羊肉串，烤雞翼，雞軟骨，仲有蒜蓉燒扇貝同燒生蠔，真係好吸引呀，睇見都已經好想食

小草十八怪石鍋米線旺角亞皆老街36-38號龍飛大廈地下3-4號舖經常喺米線關注組見到有網友推薦呢間食店，地點非常就腳喺旺角女人街街頭，而且網上既好評真係好多，最吸引就係用石鍋裝住米線，熱辣辣咁真係好想試下，除左米線，仲有d特式荷葉飯同燒烤一樣吸引沙爹牛牛石鍋米線見到餐牌石鍋米線有幾拾款配料可以選擇，真係睇到我花多眼亂又心大心細，最後就選擇左餐廳已經set 好既沙嗲牛肉米線，入面分別有封門牛肉，美國肥牛，紅燒牛肚，牛丸，牛柏葉，金菇，岩晒我呢個牛魔王。。。另一方面，沙嗲湯底都值得一讚，香味撲鼻非常濃郁瑤柱蒜蓉海鮮荷葉飯離遠已經聞到好香蒜蓉味，而且非常足料入面有新鮮大蝦，鮮魷，蟹柳，扇貝。。每一啖飯都滲透出香濃既蒜蓉味，非常滋味蒜蓉燒生蠔，蒜蓉蒸扇貝燒生蠔一份係有6隻既，size雖然唔算太大，但都幾新鮮，而扇貝應該就係珍寶size, 非常大粒，兩款海鮮加入大量既蒜蓉再加以燒烤，真係好惹味完全突顯到海鮮既鮮味串燒雜錦拼盤雞中翼 x 2, 沙嗲牛柳 x 2, 燒羊肉 x 2, 雞軟骨 x 2, 海蝦 x 4。。。因為串燒既選擇都幾多，對於我呢d有選擇困難症既朋友黎講點一個拼盤就最適合啦，串燒

小草十八怪石鍋米線，餐廳冷氣夠，米線食到最後一啖都仲熱，係旺角，交通方便仲要平，你試過未？小龍蝦鯛魚炸醬米線，湯底揀左唔係好辣既香辣金湯，味道係類似港式既香辣車仔麵湯底，2隻小龍蝦非常好味，鯛魚好爽脆，加4蚊就食到，好扺㗎～朋友叫左肥牛生菜炸醬煲仔麵，配酸菜魚湯，湯底酸度唔會好高，配炸醬都好夾，生菜份量多，肥牛質素都好高。食完米線再食串燒。叫左燒茄子，羊肉串，雞肉同海蜇。餐廳燒肉質素甚高，肉質好滑好juicy，價錢又ok。而燒茄子既炸蒜味好重，夠曬香呀～

喺網上面成日都見到人食一間米線，可以自己煮，當時已經覺得好得意最後終於俾我搵到，原來就係小草十八怪石鍋米線🤭🤭🤭今次叫咗六個餸配一個薯粉$86餐廳好細心，咁因為客人準備咗石鍋米線制作步驟，只要跟住步驟做，完全冇難度🤭🤭🤭只你想食「林」啲麵就煮耐D 🫡今日仲食咗酸菜魚湯底，勁夠味，加埋個特有封門牛肉同埋. 日本蘭王雞蛋🥚成個湯底味道提升🤤🤤🤤籠仔荷葉飯 $75(海鮮)有非常豐富嘅配菜🤗有蝦·魚·魷魚·扇貝·蟹棒等等新鮮嘅蒜蓉味香味撲鼻，飯入面索取晒所有海鮮汁精華🫢太美味餐廳仲有好多唔同款式嘅嘢食串燒，涼麵，特色小食，明壚烤魚等等

📍@sup_ba_guai in Mong KokChinese noodleFood: 💛💛💛💛💛Décor: 💛💛💛💛🤍Service:💛💛💛💛🤍Price Value: 💛💛💛💛💛Price :💰 $300Favourite:💖 Stone-pot steam rice with crab ------------------------------✅ Located at Argyle Road. Takes only 1 minute walk from Mong Kok MTR station. Super convenient.✅ The menu offers a wide variety of delicious and mouthwatering Yunnan style rice noodle and toppings ✅ Their Stone-pot steam rice is amazing, you can choose different toppings. ✅ Ideal for those who want a quick meal ✅ Diffe

旺角既食肆真係食極都食唔完，行過女人街，寫住小草十八怪，當然到呢刻我都唔知點解啦，但係小草咁溫柔既名配上十八怪就又吸引到我望下，成鍋上既米線又好似幾好，於是就行入去食食喇，有石鍋米線，荷葉飯同串燒等等，既然舖頭名係米線就試返招牌米線啦，行樓梯上少少，坐低覺得裝修都幾舒服，不過枱面擺左佢既石鍋烹調過程，然而我見啲職員冇做封蓋等一分鐘既做法令成碗本身好有特色既野錯哂，你唔夠時間就不如比個顧客自己去做封蓋焗呢個步驟，好過你自己去Skip左三餸米線餐(豬紅、封門牛肉、紅燒牛肚)$56我要左沙嗲湯底同幼薯粉，沙嗲鍋上左同大牌檔沙嗲金菇肥牛粉絲既味道係一樣既，幾好，打邊爐式烚熟然後襯個湯，好出色咩又唔係，唔好味又唔係，只可以話唔錯三餸米線餐(鯛魚片、墨魚頭、黑毛豬梅肉片)$58墨魚頭同冇比冇分別，毫無味道，雪藏野，其他不過不失，蟹皇湯又真係有蟹黃，呢個價錢食正正常常野，唔會彈但亦唔會讚到，諗唔到食咩黎試下OK GE，下次我應該都會再上黎，因為想試下個荷葉飯

今日朋友帶我嚟食呢間米線，本身未食過，嚟到見到有得揀廚師同自己落手整就覺得好新奇，今次就叫咗個蟹肉湯嘅米線，估唔到竟然咁足料，配菜方面五花八門，大家都可以揀返自己鍾意嘅配菜🦀