小草十八怪

營業中

休息中

一入到餐廳，就比佢巨大嘅港式霓虹燈設計吸引，超有香港味道，好適合打卡，好有氣氛！同一般茶餐廳唔同，餐廳菜式超豐富，有米線、串燒同川菜涼拌小食，仲有茶餐，店員話嚟緊仲會有煲仔飯，超級正！🌟 麻辣涼拌海蜇（小辣） $38涼拌海蜇好爽口，甜甜辣辣，好開胃，超好食，忍唔住叫咗兩碟食！🌟 雞軟骨（兩串） $24雞軟骨燒得好香脆，食落好爽脆，而且面頭有燒汁，更入味可口。🌟 自選米線（六餸起） $127 - 石鍋店員煮、幼薯粉、極品蟹皇湯 - 鹹蛋黃炸魚皮、五香辣豬軟骨、響鈴、肥牛、鯛魚片、封門牛肉、花膠- 配 金桔檸檬茶 +$18為咗試石鍋煮米線，叫咗呢款要叫六餸起嘅自選米線套餐！本身以為要叫六款唔易簡，但餐廳嘅餸好多都好吸引，最後叫咗７款，包括有鹹蛋黃炸魚皮、五香辣豬軟骨、響鈴、肥牛、鯛魚片、封門牛肉、花膠，而湯底就簡咗極品蟹皇湯，配幼薯粉！用石鍋上，一擺上枱已感受到熱辣辣又暖粒粒嘅感覺，幼薯粉好煙韌，有嚼勁的，蟹皇湯湯底蟹味濃郁，鮮味十足。餸方面，封門牛肉大大塊，肉質夠嫩滑，鯛魚片超鮮美，花膠好滑口，又養生健康！鹹蛋黃炸魚皮超好食，食落好脆，鹹蛋黃味濃，而豬軟骨軟腍入味！整體味道都好唔

係油麻地做完facial都已經9點半，大部份餐廳都已經last order，幸好仲有小草十八怪。而且仲營業到凌晨三點，今時今日黎講，香港好少有。桶裝飲品青檸檬薄荷梳打香水檸檬草莓梳打大大桶夠醒神解渴，跟餐價錢一啲都唔貴。原條燒茄子串燒不可或缺的項目，滿是蒜蓉、葱花香。燒得恰到好處，茄子肉肥美又滑嫩。串燒點了大墨魚鬚、五花肉金菇串、牛肉串，全都燒得香口惹味，墨魚鬚真係好巨型，口感彈牙。十八怪招牌金湯過橋石鍋米線石鍋米線是招牌，全都新鮮熱辣上枱。湯底咸蛋黃味好香，配料好多，包括封門柳、花膠、海蝦、棉花魚肚、蟹柳、鯛魚片、翡翠苗、腐皮和芫茜，一碗滿足晒所有愿望，唔使心大心細。瑶柱蒜蓉海鮮荷葉飯新鮮即蒸，荷葉飄香，有海蝦、帶子、魷魚圈、魚片、蟹柳等。飯蒸得乾身，加上滿滿的瑤柱蒜蓉，送飯一流！小店是第二分店，比舊店更大更多座位，最重要係營業至凌晨，為夜鬼提供一個宵夜地方。

油麻地新開咗間小店，除咗招牌嘅石鍋米線仲有荷葉飯、石鍋飯、煲仔飯、烤海爐、奄仔蟹、雞煲、湯粉麵、乾撈、大碗飯、前菜小食、錫紙燒、串燒，樣樣有齊，老少咸宜，地點方便，經過可以一試！天氣凍凍地，最啱食煲仔飯暖暖胃～ 無火生滾石鍋煲仔飯超級特別，店員會喺你面前製作，加入食材後等十分鐘左右就食得！配料可以按個人喜好選擇，要咗風爪、排骨同羊肚菌，份量唔多，幾入味，最欣賞係個飯底，粒粒分明，仲有焦飯，食完都幾飽肚🤣相比之下個人更喜歡呢度嘅荷葉飯，籠仔上，好可愛，配料有臘腸、冬菇痛蒸雞，雞肉嫩滑唔嚡口，荷葉飯比煲仔飯腍身，而且帶淡淡嘅荷葉香氣，性價比高！石鍋米線同樣可以自選餸料，亦有option揀，要咗酸菜底，香辣惹味，越食越過癮，配料有芫茜、雲耳、腐皮、豆卜、鯛魚片同雞肉，吸飽湯汁，米線軟身，入口滑溜，幾有驚喜！小食選擇好多，簡簡單單叫咗個酸菜、蘿蔔、泡菜拼盤同蒜辣青瓜，配飯一流，而飲品方面真係不得之了，好大杯，超級誇張，夠冰凍，又解渴，茶同梳打各有千秋，反正無可能唔要啦😂

今日收工經過呢度，睇到有石鍋煲仔飯，我好好奇點樣石鍋煲仔😆九分鐘居然生米煮成熟飯，仲有萵筍墊底，啲飯完全吸收曬萵筍嘅香味，超級驚嘆同驚喜，真係諗都冇諗過煲仔飯居然十分鐘食得，仲要係勁勁好味，我叫咗臘腸排骨蟲草花煲仔飯，個排骨對我嚟講係勁有驚喜，味道一流，啲排骨醃得好好味，潤腸正常味道，蟲草花都好香，連埋萵筍成個飯基本上香氣撲鼻，齒頰留香，本人口味比較挑剔，特別外餐對豬肉和雞肉，我覺得大部分啲豬肉啲雪味好勁，仲要係勁霉，但呢度啲我認為真係超級好味，個飯唔會太多飯焦，啲米熟度係完美，我好怕出面嗰啲煲仔飯，試過幾間都唔掂，又貴又難食，飯焦多過飯，搞到冇啖好食跟住熟同唔熟之間仲要等勁耐，，但係呢度嘅煲仔飯真係嘆為觀止，好彩有小草間餐廳，畀我食到神奇特色煲仔飯😋😋😋😋😋😋😋😋

♡ 油麻地招牌荷葉飯｜小草十八怪石鍋米線 ♡-最近行過油麻地附近 見到開咗一間好顯眼嘅米線鋪呢間米線舖除咗做米線之外仲有荷葉飯出名～ 呢度就連串燒都有 食物多樣化- ♡ 棉花魚肚蟲草花蒸雞荷葉飯 ♡ $62荷葉飯真係幾正🤣雞肉蒸得鮮嫩多汁，加埋棉花魚肚同蟲草花，味道更加濃郁。每一口食落去，都感受到雞肉嘅鮮甜同棉花魚肚嘅鮮味，配上蟲草花嘅香氣。-♡ 十八怪招牌金湯過橋石鍋米線 🍜♡ $82湯底以金湯為先，加上花膠、封門牛柳、鯛魚片、芫茜、翡翠苗、海蝦、棉花魚肚同蟹柳等多款海鮮同肉類配料。每一口湯底都帶有濃郁嘅鮮甜味道，一碗過橋石鍋米線食足多樣配料🤣-♡ 原條燒茄子 🍆（小辣麻辣 ）♡ $34外皮炭燒香脆，內部柔軟滑嫩。加上麻辣調味，食落真係好香🌶️-♡ 鴨屎香檸檬茶 ♡ $36估唔到喺呢度都飲到咁好飲嘅檸檬茶🤩呢個真係值得一叫。-♡ 一桶水果香檸茶 ♡ $36入面有多款水果，水果香味濃郁，解渴又開胃。❥#⇢店鋪資料：小草十八怪石鍋米線 (旺角)旺角亞皆老街36-38號龍飛大廈地下3-4號舖#

之前去過女人街間舊舖 最近係油麻地開咗新舖餐牌大致上一樣 唯獨小食有少少分別 當然唔少得招牌石鍋米線、荷葉蒸飯晚市仲可以食到明爐烤海鱸/奄仔蟹雞煲⸝⸝⸝⸝自選米線｜𝟳𝟴湯底有8款，香辣金湯 / 酸菜魚湯 / 火腿瑤柱肉骨湯 / 沙嗲湯 / 馬來肉骨茶 / 胡椒豬肚湯 / 柴火麻辣湯 / 極品蟹皇湯配料有40幾款，分為$7/$9/$12/$15如果想用石鍋上 就記住要揀夠六餸⸝⸝⸝⸝瑤柱蒜蓉海鮮荷葉飯｜𝟳𝟱魷魚、蝦、魚、蟹柳 加入蒜蓉粉絲鋪面下層蒸飯吸哂海鮮精華⸝⸝⸝⸝除咗主食 仲有前菜小食 / 錫紙燒 / 中式串燒今次淨係點咗串燒牛肉串、雞軟骨、原條燒茄子、章魚鬚

🐷蒜蓉燒扇貝扇貝都大又新鮮，燒得啱啱好。扇貝同埋蒜蓉嘅香味超夾，勁香蒜蓉味。絕對係海鮮燒烤愛好者的必點之選。.🐷自選米線 (石鍋米線+貢丸+肥牛+牛柏葉+火腿瑤柱肉骨湯）米線用咗熱辣辣嘅石鍋裝住，質地爽滑，湯頭濃郁鮮美有淡淡的火腿香。配料全部都俾得幾多，每一樣嘅味道都唔錯，特別推薦大家可以加牛柏葉。🐷瑤柱蒜蓉海鮮荷葉飯呢個瑤柱蒜蓉海鮮荷葉飯真係好有驚喜！😋飯粒鬆軟，荷葉包住啲飯菜，keep左飯菜同埋荷葉既香氣。海鮮嘅份量俾得好多，有魚有蝦又有又魷魚。加埋鹹鹹甜甜嘅醬油每一啖都勁香蒜茸味。.🐷牛肉串調味主要係係好香嘅孜然味，肥瘦比例啱啱好。.小草十八怪📍油麻地彌敦道525-543A號寧大廈地舖.

餐廳嘅裝潢真係好有特色同地道，有啲霓虹燈港式設計，好吸引人。入到去就有種香港回憶嘅感覺，好有氣氛！佢哋嘅菜式都好豐富多樣，我地食左幾個招牌菜，真係好正！紅柳羊肉串好嫩好多汁，個燒生蠔蒜蓉味道好香濃，夾埋籠仔荷葉飯真係好開胃！瑤柱蒜蓉海鮮荷葉飯都好好食，個瑤柱嘅鮮味同埋蒜蓉嘅香氣真係完美結合。我地仲食左自選米線，真係好正！加咗極品蟹皇湯，令個湯底更加濃郁鮮甜。我仲加咗雞肉同鯛魚片，雞肉嫩滑，鯛魚片鮮美。仲加咗封門牛肉同花膠，牛肉好嫩，花膠滑口。加咗娃娃菜，令個湯更加健康爽口！最後，我地飲咗一杯一桶水果香檸茶同埋草莓檸檬茶，味道好清新，好解渴。飲完之後，真係覺得好舒服同埋滿足。餐廳食飯感覺好好！餐廳嘅裝潢特色同地道，菜式豐富多樣，味道正，飲品清新解渴。

油麻地新開石鍋米線分店，超大間🤩而且裝修也用心.主打石鍋米線，很特別，很少會見到，另外還有荷葉飯，也是很特別.😂蒜蓉燒生蠔 $28/隻濃郁蠔肉的鮮美，帶有咸味，口感上柔軟，同樣帶有酸辣的味道.內部保持鮮嫩多汁.💠蒜蓉燒扇貝$18/隻蒜蓉有濃郁的香味，扇貝有鮮甜味道，味道鮮甜，質地柔嫩，加了蒜茸、辣椒、醋，有少少酸辣味道.💠石鍋生滾蟹皇海鮮米線 $78有海藻,海蝦,鯛魚片,棉花魚肚,北海道帆立貝, 蟹柳，海鮮鮮味香濃，海鮮也很新鮮.麵條有彈性，吸滿了海鮮湯汁，好味🤤💠自選米線 $90酸菜魚湯（中辣），肥牛、溫泉蛋、豆ト、炸醬、牛柏葉、牛丸.選了自煮米線，但因為不會煮，店員親自幫忙😂😂，其實煮法也是很簡單，將材料先倒入再加湯，然後再加入米線.焗一分鐘就食得.酸酸口味很開胃☺️☺️💠一桶水果香檸茶 跟餐+$18超級大桶，足夠2人飲，有西瓜、哈密瓜、火龍果等等，水果茶味豐富，解渴又清爽

Bookmark左依間米線好耐，見到油麻地開咗分店，一於嚟試吓～質素很不錯👍🏻 除咗招牌石鍋米線，仲有籠仔荷葉飯、石鍋飯、串燒等等，選擇豐富😆 今次叫咗兩份主菜、小食及串燒、兩杯飲品🥢自選石鍋米線（六餸起）✨ 極品蟹黃湯、迷你羊肚菌、蟲草花、溫泉蛋、鯛魚片、可樂雞中翼、娃娃菜推薦！米線配料選擇多 樣樣吸引💯 石鍋米線超正😍 店員會幫忙即場製作，以熱石鍋及濃湯煮熟配料，絕對值得一試！米線軟腍又滑溜，好掛湯，特別推薦鯛魚片 肉質鮮嫩👍🏻 臘腸冬菇蒸雞荷葉飯✨份量十足，啖啖肉😍 臘腸香味四溢，配上滑雞一流👍🏻 好飽肚𝑺𝒏𝒂𝒄𝒌涼拌帶子裙邊貢菜 ($42)✨推薦！帶子裙邊有咬口，酸酸辣辣，好開胃～羊肉串（兩串） ($26)✨甜粟米粒（十串）($18)✨中式串燒也值得試🍢𝑫𝒓𝒊𝒏𝒌一桶水果香檸茶 (+$18/杯)✨芒果凍頂烏龍茶 (+$18/杯)✨特別全部好大杯，果味好香甜，冰涼解膩😙

瑤柱蒜蓉海鮮荷葉飯，75蚊籠💰荷葉飯散發著濃郁香氣，瑤柱鮮味同蒜蓉嘅香氣在口中融合，海鮮選材也非常新鮮，包括蝦、帶子、魚等，海鮮煮得恰到好處，荷葉飯口感綿密，米飯吸收了荷葉香及海鮮精華，籠仔荷葉飯真係要試吓，唔係度度都有得食😀😀乾撈米線，72蚊碗💰乾撈米線的米線本身口感綿密細軟，有著獨特的嚼勁，入口後迅速釋放出濃郁的米香味，細緻口感讓米線更容易，其他配料風味，配料包括炒蛋絲、雞腎、酸菜、青瓜等，酸酸甜甜嘅味道非常開胃☺️一桶水果香檸茶，36蚊桶水果茶第一個特點好大桶，有大量嘅生果粒，清新和爽口。香檸酸度同水果甜度相互平衡，😋

新開見門面廣告寫韓食、燒烤寫睇，就去試試，食個午餐，店舖很大，有大圓枱一張。一睇menu都唔平，飯類$54起唔包飲品，很多人都只睇餐牌無入。我見韓食附近無，餐牌相唔差，就試吓啦先上枱炸豬手大碗飯，佢都有石鍋飯，都係同一價同一類，但石鍋飯的睇落少啲配菜，同韓式石鍋飯好唔似，與餐牌不乎。 但大碗飯又似樣返啲，豬手都脆，不過不失的，都可一試。韓式石鍋牛肉飯，頂，完全唔係餐牌個樣，同吉野家只得肥我洋蔥加一片泡菜，成$72，味道還可以，但絕對不值呢個價，加上佢話韓式就根本唔係，去對面食吉野家仲好過佢。肉骨茶米線，上枱有淡淡肉骨茶味，但米線同餸就好淡味，係好大碗，但$6x，不值沙爹雜牛米線都幾香沙爹汁味，但就係似李錦現成的，無特別風味，呢個叫做較好味，都算不過不失，就係貴本來睇餐牌都覺得多嘢食，豐富，但原來相片同真實完全係2回事貪新鮮不防一試，但千萬不要叫韓式飯，同馬來西亞野，絕對會後悔。$70-80我會去對面沙爹王食囉加$8叫凍檸茶，茶底擺明係平時放枱嘅淡茶，無茶味，檸檬都算多，不過麥記好過佢

明爐烤海鱸 🔥🐟$224呢一款明爐烤海鱸係呢度嘅人氣之選🐠，佢有別於傳統嘅烤魚，而且可以選擇各款特色湯底，符合唔同人嘅口味，好似有特色嘅馬來西亞肉骨茶🫖、極品蟹黃湯底、正宗惹味酸菜魚湯、或者矜貴清淡嘅火腿瑤柱湯，啱晒唔同人口味，今次揀咗養生滋潤嘅馬來西亞肉骨茶🇲🇾，辣辣地又暖身，本身已經有豆卜、蔥花🌿、芽菜等喺湯入面，另外再追加唔同嘅蔬菜🥬、蘿蔔🥕、蘆筍、花膠等配料，真係好豐富呀脆炸無骨豬手石頭鍋飯 🍖$68豬手石頭鍋飯係餐廳嘅另一款特色熱門選擇，可以keep住食物嘅溫度，免頭有香濃嘅雞蛋絲🍳、少少韓國炸菜、清甜粟米🌽、足料嘅鹹鹹地脆皮豬手，性價比都幾高👍🏻

每次旺角去油麻地都經過呢間餐廳，望落好光猛。知道係食米線鋪後，今次專登去油麻地食。入邊有多個霓虹燈燈牌元素，座位亦都很闊落及有卡位，空間感十足。♦️主食🍲餐廳招牌菜式係石鍋米線，叫咗個十八怪招牌金湯過橋米線，入邊用料亦唔簡單，包括蝦同魚，金湯有沙沙地口感，應該係加咗獨特嘅配料。金湯酸酸但唔辣非常香口。已經入秋啦，食暖笠笠嘅嘢就最啱。石鍋好處係長期可以令到米線保溫食到最後一啖都係暖🔥🔥除咗米線呢度嘅金瑤柱粉絲鯛魚片荷葉籠仔蒸飯亦非常好味。落咗超多蒜蓉喺面，而且係四方形嘅籠仔入邊有蝦有魚，真材實料。♦️小食蒜蓉金菇錫紙燒聖子仔：湯份量蓋過聖子，令到佢更加軟身，而且湯頭好甜聖子有海水味亦非常新鮮，聖子BB雖然細粒但口感十足🥣。冬菇串及羊肉串（肥油）：外皮香脆及落了孜然粉非常香飲品🥤叫了一桶水果香檸茶，一路食串燒一路飲檸檬茶，好似去咗內地嗰啲串燒店。🫶🏻經常都會路過嘅，你下次落車試吓「小草十八怪」啦！

星期六一個人去食吃飯，路過油麻地睇到間好大溉餐廳，主打石鍋米線，石鍋飯之類，好多品種，仲有串燒，覺得人多肯定唔錯，自己入去食，滿座等佐3分鐘左右，試石鍋飯，無骨豬手好脆，串燒同出邊差唔多，都算幾好味，最重要係個飯，石鍋飯有飯礁，值得一試