小蓉麵家

營業中

休息中

同個friend 响太子打完波，覺得有啲肚餓，於是搵下附近有咩食，行行下見到小蓉麵家，佢話之前食過雲吞麵，真心幾好食又唔貴，推介我去試下。店舖乾淨企理，一邊係卡位另一邊係中式圓枱同櫈，整體空間感十足，最緊要冷氣特別涼😍。睇過餐牌，食物款式唔多，我哋點咗兩碗麵。南乳豬手河 $33.-豬手有2大件，炆得入味軟糯，一咬塊豬皮就化開，河粉滑溜唔易斷，好食。鳳城水餃河 $33.-水餃粒粒飽滿餡料足，豬肉同蝦嘅比例啱啱好，蝦肉爽口豬肉味香，唔錯。雖然我哋最後冇食雲吞🤣，但係呢兩碗粉麵都証明到呢間麵店嘅質素幾好，下次我會試埋個雲吞麵。