小蝶 (已結業)

同学敍舊找間比較清靜酒樓.  內裡裝修優雅, 可舒服地聊天的好地方.為免人多意見多, 選擇了一人一份套餐, 份量頗多.冰鎮茘枝小紅柿 - 賣相吸引真的好似一粒小紅柿, 原材料是蕃茄, 鮮甜無比, 上面淋了荔枝汁, 荔枝味非常出好清香, 作為頭盤可醒醒胃不錯松露煙燻疍 - 微香的松露和燻煙味加疍黃的濃郁, 複雜的味覺長而不散香草海鮮鍋巴 - 鍋巴爽脆, 海鮮有帶子和蝦配以香草疍黄醬, 清香啖而不膩, 正好配合鍋巴減低膩感頭抽生煎鱸魚球 - 醬汁過鹹, 魚肉質感亦過老黑椒京葱牛柳粒 - 每一口都感覺到黑椒的香味, 牛的質感鬆軟味濃郁,  配白飯是最佳選擇胡椒魚湯時蔬 - 魚湯味淡, 幾乎吃不出鱼的味道, 似白灼時蔬荷葉飯 - 打開荷葉, 荷香味四溢, 飯底粒粒分明, 材料亦豐富美點雙輝 - 疍撻和紅豆茸角, 疍撻熱騰騰, 疍味濃郁好味 至於這个似咸水角的就好差, 應該早市賣淨又凍又硬, 難入口

雖說經濟不好, 但星期六的晚飯時間, 銅鑼灣的餐廳大都其門如市, 即使早兩日訂了枱, 都要等20分鐘! 聽說小蝶是采蝶軒的年輕版, 果然好多年輕人幫襯, 環境比較迫所以亦很嘈吵, 基本上無可能同坐對面朋友傾計, 食物方面都okay, 火山黑椒豬手幾有特色, 雞樅菌玉簪蝦球非常好味, 蝦很新鮮爽口, 魚蓉湯米粉有驚喜, 可惜餐前小食比較遜色, 大部餐式都有分小碟或例牌, 2個人點小碟就夠了, 不知是否差不多9點的原因, 點6款有4款都賣完, 有小小不暢快的感覺.....甜品一般無特別不一定要試, 雖然有兩款落錯了單但服務方面整體都算幾好

每季一次的M Club 聚會，今次友人提議去銅鑼灣新食廈內的小蝶，我第一個舉手讚成，皆因此店是以前釆碟軒的姊妹店，而「小蝶」楺合了中西fusion 菜式，的而且確部分菜式都是細細蝶，而賣相極之精緻吸引！裝修十分講究，高雅清麗，樓底相當高，感覺開揚。而裝飾品吊燈都很花心思同懷舊，有著昔日上海大飯店的影子，旁邊設置Bar 枱充滿格調。我早來到，待應都十分禮貌地介紹菜式，茶具色彩繽紛，分別有黃、橙、藍、綠顏色,充滿童真，增強食慾！朋友未到，唯有開茶先，餐牌上全是貴價茶，什麼上等龍井、碧蘿春、陳年普洱王，每壷都過百元，嚇到我開壼茶都咁貴？後來待應同我講都有普通茶叫，不過每位茶介都不平宜，始終都是高級中菜館。食物的質數也不錯，最驚喜是咖喱牛腩，賣相十分特別，用特大的圓形銅盆子上，伴隨四件蛋撻形的酥餅，咖喱汁好味，牛腩都入味，可能我們太餓，不消一分鐘已吃乾，剩下的咖喱汁要叫多碟炒飯伴來吃。此外，菠蘿咕嚕肉外形精緻，酸酸甜甜，用菠蘿包盛着配合得不錯。糯米飯釀雞翼，最抵食同好味，炸得香脆而不膩，這度手工菜最花師傅手藝，而糯米飯香同飽滿，新年吃最好不過，我們差不多每人一件,讚不住口！不過亦有失手之作，東

四圍搵飲茶好地方…前身系采蝶軒嘅『小蝶』開左系midtown，估得到質素應該唔差。“雪山叉燒包”，包軟餡熱，雪山皮唔會厚叠叠、實的的，呢個厚度脆度我鍾意。“跳舞茄子”名字幾好聽，賣相亦好睇，即系醬燒茄子加啲木魚喺上面，成條茄子上可以當扒据，不過始終茄子淡口，個人認為味道麻麻。“白雪苦瓜”呢味餸好得意，成個棉花糖咁…for影相very good，食就very bad，即系焗蛋白入面有啲苦瓜粒，焗蛋白同梳乎厘入面啲饀質感差唔多，不過唔系甜嘅、系完全冇味嘅，啲苦瓜粒先弊，生嘅，唔知系咪專登整到咁，要爽口嘅口感？但苦到喊…唔識欣賞。“上素粉果”，普通點心，普通到唔識評論，唔難食，又唔會好好好好食。“鎮江排骨”個人認為炸得太勁，我唔like，太乾喇。重點推介“鮑魚酥”，$58一件，貴都應該叫，一個迷離鑊仔上，成隻鮑魚比好多出面酒樓整飽魚撻嘅大粒好多，咬落去好“淋”，下面件酥亦比想像中大件，有美心雞批咁大件頭，裡面啲饀好似系一粒粒鮑魚，懷疑系素鮑粒，趁熱食最正，但朋友嫌略鹹，睇個人口味啦～甜品點咗“蛋黃冬蓉酥”完全食唔出有蛋黃系裏面，簡單嚟講，佢即系粒狀老婆餅，金莎咁上下大粒，但餡冇老婆餅嘅咁甜…

星期六上午打电話去不少中餐廳，全滿了，記得之前朋友提過采蝶軒的班底开了新的中菜館，叫小蝶，就試試，打通电話还有位訂，就和太太去試。Saturday 12.30 arrive, 因訂了座，不用等，其实人也不多，一半滿左右。第一次到，什么也想吃，因只有兩个人，試不了太多，看見有2人套餐，每款菜式分量应不多，可多試，就要了这套餐。冰镇荔枝小红柿拼松露煙燻蛋 我和太太都認為这款是整个套餐最好味的，煙燻蛋有我喜歡的煙燻味，不太濃不太淡，刚刚好。小红柿的茘枝甜味清涼，入口很舒服，不会太甜。这兩个前菜真的不錯。香草脆米海鲜盞这个中規中距。是日燉湯例湯算是不錯，例湯很多時太清或味精太重，这个味精味不重。頭抽生煎鱸魚球煎的工夫得很不錯，但鱸魚食落有少許雪鱼味，这菜式是整個套餐中最差的。黑椒京葱牛柳粒味道和肉質还可以，若牛柳粒的份量稍多一些会更好，现在是葱多肉少。胡椒鱼湯時蔬这个我最鍾意，那大白菜夠厚夠林，食落口感很好，若不夠厚，食落完全不同；这个菜的食材挑得很好。荷葉飯有水準，不太湿不太乾。甜品: 楊枝甘露和豆糕一般般，不過不失。Bill: Two person HK$469.70

今日公司每月會議去到銅鑼湾區。我的同事好細心预訂左食飯的店鋪，位於登龍街内大厦樓上食店"小碟"。位置並不難找！店内有很多小碟最吸引頭上天花燈。柯打食物時間。不會太乾，味道特別，買相特別一滇江排骨，餸菜温度不會太熱 牛肉，口感即溶，味道濃厚，選合6至8人享用 上湯娃娃菜我們共有16 人，再柯打双柚炒飯，荷葉飯，黑松露炒麵味道不錯沒有强烈味精，買相特別尤其是牛肉及双柚炒飯。餐具都好特別用左充滿色彩。留意開茶，與每壶茶须要收费，每一種有不同收費。我地同事叫左菊花，鐵觀音價錢比相宜，好似約20 蚊。是次用餐有渣打信用咭有九折，最終每人約140 元消費這。是。義工飯聚_

星期六嘅早上行過濕滑嘅登龍街, 黎到呢一棟新開幕嘅大廈, 有好多唔同類型既餐廳, 8樓就係呢間小蝶啦冰鎮荔枝小紅柿$25荔枝嘅甜味 帶回夏天清涼既感覺甫魚鮮蝦餃$45現代嘅全蝦蝦餃, 一d肥豬肉都冇, 無乜肉汁, 造型都大小不一, 味道一般啦上海小籠飽$42多汁嘅, 比較清淡豬潤燒賣$42好難得一間走上潮流嘅新派茶樓, 都有懷舊嘅豬潤燒賣, 滿足到哂我爸爸媽媽 鮑汁荷葉飯$68有筍, 豬肉同新鮮嘅蝦有鮑汁味都唔錯, 但就無咗荷葉嘅香味春風得意腸粉$55, 明火白粥$12春卷裏面除咗蝦肉仲有有好多胡蘿蔔, 東菇娃娃菜, 緊係要餸碗粥啦 菠蘿菠蘿咕嚕肉$78炸得好脆身, 又唔會食到一舊舊嘅炸粉, 菠蘿包加咕嚕一個好嘗試

星期六未夠五點上去，發覺五點前竟然有tea set叫，機不可失！ Tea set有普通版同豪華版，分別 $88同$168。同樣有十款點心，同樣配茗茶，只有三種點心有分別。但$168版有原隻鮑魚酥，單點要五十幾蚊㗎！仲可以配餐酒或燕窩杏仁茶，就算茗茶平曰單點二三十蚊走唔甩啩！計落每件點心十蚊唔駛，仲要係正常大細唔係迷你版，份量當正餐食都得，真係抵到爛呀！但全場竟然得兩枱客，真係淡到要減價促銷乎？ 問題，在點心組合上。可能因為要砌拼盤會攤凍點心，所以十款點心只有兩款蒸點，其他非炸即焗，食晒成個拼盤都幾滯。蒸點攤凍後味道確實走樣，冇咗鮮味。雪山叉燒包淋晒，皮不脆餡不香。其他炸物攤凍咗亦欠香口。連甜品都係酥同唔脆嘅脆麻花，嘩… 幸好杏仁茶唔太甜又有蛋白清香，叫起先上所以仲係暖嘅。成個餐最正都係粒鮑魚，夠淋夠入味。跟餐杯花茶亦清香，用焗茶杯焗出清幽花味，總算可消消滯。 其實，蒸點數目應增加一至兩款同分開用蒸籠上，甜品應有糕點類，總數以下午茶嚟講六至八件已足，或者保留十件但部份點心係迷你版。 靚茶先係呢種tea嘅靈魂，當然環境都好緊要，呢度環境就雅緻不足但空間感尚算充裕，枱同枱之間唔逼，都可以悠閒

得知銅鑼灣開左間fusion中菜，當然要一試。其實自己曾經食過佢既午餐同晚飯，如果係一大班人食晚飯既話，就唔係咁建議黎呢到，事關佢d野食真係好符合佢個名－"小碟"。如果兩三個人黎飲茶既話，都可以不況一試。首先係菠蘿咕嚕肉，原來係菠蘿包＋咕嚕肉，第一次咁食法，都幾特別，d汁酸酸甜甜幾開胃。咖哩牛腩配酥皮撻，又係第一次咁食法，味道都ok。春風得意腸，味道普通，相比之前兩個就無乜特別。三小碟，份量太小，味道一般，食唔食都無所謂本身自己好鍾意食雪山叉燒包，但又唔係周圍都有得食，所以知道有得食時都幾開心。

自雑誌介紹了這間新開嘅餐館，早一個月已book定枱，終於有機會試下。  𨋢一開就有兩位職員迎接，等了幾分鐘入坐，兩人但比咗四人枱，橢圓形的枱配上七彩碗碟，一邊係樓底好高嘅大落地玻璃，天然光好舒服，朋友未到先叫壺茶，有好多選擇，貴至個百蚊都有，叫了菊花，非常清新，依款茶芥十二蚊。  先叫三款：三小碟$88（有冰鎮花彫鮑、鹵水牛展粒及法芥四層薈）：鮑魚好咬但花彫味唔夠出、唔凍，牛展入味好吃，至於四層薈，其實初頭食唔出係乜！亦唔辣，可能汁太稀，拆開一半看先估可能係腐竹。菠蘿咕嚕肉$58：三個菠蘿飽頂反轉載住迷你咕嚕肉，飽脆d更好，迷你咕嚕肉很迷你所以唔係太有肉嘅感覺，但個汁酸酸甜甜很好。鳳尾蝦芋角$33：好好吃，大大粒，又熱又脆，餡多，喜歡芋蓉的人會好喜愛。後加了跳舞茄子$38：食晒三樣都未上，原來冇入單，長碟上，上面有木魚絲，職員用刀叉切件，好熱好淋，miso味很濃。  搵日要試下晚飯呢

從雜誌得知ZEN已結業但開設另一中菜館「小蝶」，難得朋友興致勃勃話要去試，就去趁趁熱鬧。其實餐牌上點心選擇不多，小吃的種類就五花百門十分精緻，名稱也改得別出心裁。三小蝶 有豆腐、醉鮑魚、牛肉粒；賣相不錯但論味道豆腐和鮑魚比較出色。鮑魚酥  暖暖的酥皮，配上原隻鮑魚，感覺好富貴要用刀叉慢慢品嘗蛋白苦瓜  蛋白造型貌似梳乎厘很有趣，內裡有苦瓜，味道是甘甘地絕冇苦味 臭豆腐  唔臭而且外胞內軟，配上自家醬汁味道好好石鍋豆花魚煲   豆腐花和魚肉都好滑，但個魚湯汁有點麻辣配上豆腐花食法好新穎荷葉飯  好香荷葉味，如果多些做餸囗感會豐富點炒牛河  二人份量，實質一人肚餓也可吃掉；味道好普通及太油膩 三五知己相聚慢慢hea，嘆吓茶都可以試試。

是夜五個女人一個墟, 選擇到這由采蝶軒老闆的女兒開的新派餐廳, 延續我們每月一次的 lady's night。餐廳座落新落成的金朝陽中心二期, 附近有剛開幕的Jamie's Italian。可是, 餐廳人流不算多, 相信是自由行旅客未發掘到這附近的餐廳, 仍停留在食通天, 利舞臺等食肆匯聚的地方光顧。在銅鑼灣能找到這樣寧靜的地方吃飯實屬難得, 不過相信此處食肆很快又會被大批食客攻陷, 對餐廳老闆來說當然是好事。餐廳裝修華麗而雅緻, 一邊是落地玻璃窗, 另一邊是Bar檯和特色牆。檯與檯的距離保持足夠空間, 很適合女士們三五知己邊品嘗美食, 邊談天說地。我們點菜時, 侍應都很樂意及耐心地推介餐廳的菜式。餐廳的菜式做得很精緻, 每件的份量不多, 因此可多點幾道菜, 滿足女士三心兩意的特質。而且, 我們也留意到, 凡配有肉類的菜式它都打破傳統的菜式用肉類, 配菜加醬汁烹煮然後上碟的做法, 而是配上一小份包或餅的小點伴著吃。好像咕嚕肉配波蘿包, 牛肉配小饅頭, 咖哩配小酥餅。每個菜式都是一件獨立的藝術品, 菜式每件組件都有它存在的理由, 而且互相呼應, 帶領著你的味蕾經歷它的起承轉合。每品嘗一道

Opened in April 2014, Zen Too is the latest venture by the Zen International Group which operates upscale Chinese restaurants in China and internationally. Located in the new Causeway Bay dining destination, Soundwill Plaza II, the restaurant's interior is bright and spacious, with brass surfaces and modern furniture imbuing the space with a subtle sense of industrial chic.The restaurant serves a range of traditional, classic dishes as well as creative, re-invented Cantonese dishes. The ambience

小蝶這個名字給予人一個很優雅,很自由和色彩班爛的感覺,令人會期望在這裡用餐有同樣的感覺。我和老公步入這餐廳的時間還早,還有十分鐘才是晚上七時,而且是平日,人不算多,比較寧靜;滿眼是藍綠色的餐椅配深木色的餐桌,桌面放上彩色的餐具,黃,橙,藍,綠...視覺上已享受了一客頭盤.看看餐牌面,原來這是以前在又一城和Pacific Place的ZEN的姊妹店。這餐廳主要提供廣東菜,我們先點了三款小菜和一碟飯。首先來的是"豆,豆,豆,豆(又是豆腐)",一個小窩盛載著豆漿,裡面有小磚豆腐,豆卜,生根 ...,很香濃的豆味。接著是"頭抽生煎鱸魚球"。四小件條狀的魚,淋上頭抽,頭抽夠味,魚件比較淡,但唔腥。然後上的是"羅漢齋".主要材料有冬筍,冬菇,牙菜,雪耳,雲耳,跟兩條菜心。味道清淡,不油膩,如果多加一點配菜如甘筍,粟米仔,顏色會更豐富,整碟菜的味道變得更多元化。最後上的是"揚州炒飯(正宗十八種材料)",我沒有考究是否有齊十八種材料,最緊要味道好。事實是與其他酒樓,中式餐廳做的差不多,不比其他的好,也不比其他的差。由於每一碟菜的份量不算多,我們在食炒飯的時候再多點了一碟"蜜汁叉燒"。叉燒的煮法有點像日

XO仔最近喺舞場上認識咗一位來自希臘o既朋友D兄。D兄黎咗香港唔夠一年，對香港餐廳不大熟識，喺社交網站得知小肥經常四周覓食，並於openrice個平台上發表食後感想，佢覺得好得意，仲話如果有機會都想緊埋一齊去試食，睇下我點寫食評。哈，咁啱隔咗兩日，潮表弟突然約小肥表哥食飯，解釋話自己啱啱搵咗份part time喺份英文雜誌度寫「匿名食評」 ，第一編題材係開業只有數週o既「小蝶」，但係就唔想一個人去咁悶，所以想拉埋表哥邊食邊寫，希望人多啲，可以叫多幾味菜，不過講明埋單要AA制，因為佢只可以claim返自己嗰份 。小肥表哥又點會托表弟手踭呢，所以應約之餘，亦帶埋D兄一同去試新菜。顧名思義，「小蝶」此名取自蝴蝶，但何謂「小」呢？好客o既店主Jessica上前解釋，佢爸爸係采蝶軒（Zen）o既老闆，就好比喻一隻大蝴蝶，而佢所開o既新餐館就好似爸爸栽培出黎o既小蝴蝶咁，所以起名為「小蝶」，真係幾有意思 ！Jessica仲話遲啲六月會喺合和中心開多間同樣都係用蝴蝶做主題o既咖啡室，定名為Papillon，即「蝴蝶」o既法文。「小蝶」位於登龍街新建好o既金朝陽中心二期八樓，對於熟識銅鑼灣區o既