小豆町日本料理

營業中

休息中

見啲壽司就出得快熱食就好慢。。。刺身沙律。。。啲魚有⻣，白身魚好腥。。有調味但係太少仲好淡，要另外點豉油先得。。叫左兩個定食，等左超過半個鐘先有得食。。。。送上黎個鍋燒飯上面啲肉得好少好少，飯就有2至3碗咁多，似乎係想用白飯掩飾佢俾得好少餸嘅事實，塞飽你就算。。。。。叫做俾你食飽囉。。。不過個鍋係堅熱，有咋咋聲嘅整體價錢貴，不如坐車去元朗食，計埋車錢應該仲平。抵讚嘅係一坐低送前菜，紙巾會用個杯裝住俾你，衛生啲。仲有就係定食個雪米糍係香芋味，有taste

係屯門食到無野好食 見依間OpenRice幾多好評琴晚就特登去試下 點知就中伏首先 上菜算慢 而又黎左熱野先再上壽司叫左油甘魚腩刺身 好腥 油脂又不足再叫左個壽司既拼盤 入面有三文魚赤貝 拖羅 其他唔記得 赤貝又係勁腥 拖羅食落有渣鰻魚玉子天婦羅 炸粉厚 紫菜又唔脆 完全唔知自己食緊咩仲有個大葱牛舌飯 食落似食緊中式牛柳飯咁飲品方面，就叫左杯白桃乳酸梳打，好多乳酸爆爆珠係底，無白桃味絕對唔會再黎 咁既質素我不如食爭鮮好過 性價比低

地點非常偏僻，南地輕鐵站行14分鐘才到。今天天文台錄得36度，烈日當空，一路上因是舊村屋關係，在全無遮擋下撐傘行了三個字都一身汗，入到去叫了兩次侍應才有水供應，結果是兩杯滾水，沒聽錯，是滾水，連暖水都不是。再第三次order後，終於有凍水。終於落單了，落完侍應問喝什麼，我們問有什麼喝，侍應回「汽水雪碧檸茶檸水」，我叫熱檸茶，侍應回：「無熱禾。」最後唯有叫了凍檸茶。食物和格價成正比，但去不到值得三長水遠去的「隱世」水準。結賬後，才發現凍檸茶收$3。我問侍應飲品不是包餐嗎？侍應回熱飲才不用加錢。我問那為何剛剛問有什麼飲品他只說凍飲，而不講出有什麼熱飲。他不知答不出定懶得答，隔壁穿便服推嬰兒車的疑似職員也只是答「凍飲是要加錢的，熱飲才不要」，根本沒理解問題，然後就了去收銀機還$3比我就算數。結果最後我還是不知道這裏點餐是有沒有熱飲的。不過如有凍檸茶，炎夏又serve滾水，但又沒熱檸茶的餐廳，第一實在有點可笑，第二完全不make sense, 除非它們的檸茶是從包裝飲品倒出來吧。其實$3少事，不過態度有問題，所以堅決比負評，亦不會再幫襯。

—如果可以送外賣去屯醫就好礙於食飯時間有限 唔可以成日入嚟食有個前菜 類似醬煮牛肉 都唔錯火炙V形蟹棒壽司($25)原來蟹棒都可以咁好食 用火燒過嘅效果不容忽視芝麻雞翼($56)香脆而肉仲係嫩 雞翼尖炸到卜卜脆鰻魚玉子天婦羅($88)上菜速度唔錯 唔會一次送晒過嚟紫菜包住鰻魚同蛋一齊炸酥脆紫菜炸漿之後係綿綿嘅魚肉同厚實嘅蛋件西京燒銀鱈魚($98)黏黏嘅魚皮 滑溜嘅魚身 魚油好夠銀鱈魚真心好好味鰻魚炒飯($76)份量算多 3-4人都夠以燒汁作調味 容易食到鰻魚小塊 ———————————小豆町日本料理屯門藍地福亨村路8號豫豐花園地下N號舖

聽聞藍地大街有好多美食，今天適逢到該處參加某中學活動，活動過後便到處逛逛，喺藍地大街附近發現有間日本小店店內裝潢以木色為主，簡㓗舒適蟹籽沙律青瓜絲入口爽脆多汁，十分淸新，即時胃口大開軟穀蟹牛油果卷軟穀蟹入口脆卜卜，外面鋪上健康牛油果，味道又幾夾喎野菜牛肉鍋湯底熱辣辣，清甜美味，忍唔住飲左一碗牛肉薄薄地，幼嫰唔靭，粉絲晶瑩通透，滑溜，而且吸左湯味道，十分惹味野菜十分豐富，有金菇、東菇、娃娃菜等等燒油甘魚鮫魚皮表面燒得香脆，裡面肉質雪白，新鲜魚鮫位置肉質幼嫰，魚油豐富，配上小小檸檬汁，味道提升不少

日本餐廳黎講，呢間既員工都算好黑面，態度差，無論落單，上菜，埋單，都比面色客人睇。第一二次去當咁啱佢心情差，但次次都係咁，就無得賴了。全店只有一位女仔會有笑容同禮貌，其他都係黑口黑面唔耐煩，由其果個男仔侍應最差。開喺屋苑下面，其實食物水準幾好，咁當然，佢晚市既價錢都唔係好平。耐何一直以咁既服務態度去經營，真係好難留住一班街坊。週末晚市都仍有虛席，難以想像閒日生意會如何。今時今日咁既服務真係唔得喇！

平時間唔中都會去藍地大街果邊食嘢，因為泊車方便，有時經過有間日本嘢都好多人食，見今日落雨少d 人喺機會一於試下先，部車泊正喺門口又睇到車真喺好方便。入到去環境都好寬敞燈光少少暗感覺都幾舒服，bar枱有好多唔同種類嘅酒。坐低了店員就送上2小碟小食開開胃都幾好，餐牌都有好多選擇樣樣都想叫，最後揀咗6樣。最快嚟到喺野菜牛肉鍋，牛肉同蔬菜份量十足，湯底清甜配埋飯食就一流。軟殼蟹手卷，大大件嘅軟殼蟹仲好似多過d飯咁 正！到壽司上盤了，望落都知喺靚料同新鮮。左口裙邊咬落起肥美一層魚油咁勁香口。油甘魚腩好新鮮，火灸蟹棒壽司又喺大大件燒過硬香口。蔥金槍魚軍艦點少少鼓油已經好好味。特別贊一贊芥末八爪魚軍艦，芥末撈埋八爪魚芥末少少攻鼻超正！我最愛嘅明太子雞翼到了，明太子塞到飯雞翼漲卜卜咁，少少辣味嘅明太子連雞翼一啖落去超滿足。2隻真喺唔夠喉呀！最後燒雞腎都上枱了，吱dd檸檬汁食好爽口。總括嚟講我地叫咗咁多樣嘢都喺4百幾蚊都算好抵食，要贊贊d壽司魚生夠新鮮。

位於屯門藍地豫豐花園內都有一間隱世日本料理餐廳，裏面有個二人套餐性價比非常高，而且區內朋友亦極度推介這間餐廳，所以就算這間餐廳位於市中心10分鐘車程，也要搭車來一探究竟。一坐低，職員就送上熱茶和冷盤茄子，免費先送上冷盤的確好少見！我哋今日揀咗《精選二人前套餐》$268首先會有一份蟹籽沙律，清一清個味蕾。然後可以選擇軟殼蟹牛油果反卷或三文魚反卷朋友二話不說就揀左軟殼蟹牛油果啦，滿滿的牛油果鋪係反卷上面，牛油果非常新鮮，而且軟殼蟹香脆可口，牛油果上面還有滿滿的蟹籽和沙律醬，真係冇揀錯！之後仲有精選壽司八點盛壽司刺身非常新鮮，亦都幾厚切，特別是帶子，而其他壽司包括油金魚、三文魚、生蝦、大頭蝦（連蝦頭上）、鮑魚、北寄貝壽司！鹽燒雞翼雞翼採用鹽燒的手法烹調，特別惹味鍋物方面可以選擇泡菜什牛肉鍋或鰻魚炒飯因為我哋唔食得辣，所以揀咗鰻魚炒飯，鰻魚炒飯味道濃厚，鰻魚粒亦非常多，足夠兩個人嘅份量。飲品方面選擇亦非常多，推介乳酸特飲和蜜桃特飲，入邊仲有爆珠，味道亦非常清甜，夏日消暑一流。此外，我哋仲單點左燒油甘魚鮫，一上枱已經聞到好香，油甘魚燒比較少有，個魚皮非常香脆，魚肉亦非常嫩滑，比起鯖魚更加好食。下

跟朋友走到入藍地試日本野第一次去藍地，係兆康西鐵轉輕鐵，落車沿藍地大街行10分鐘左右就到，雖然有d僻，但都幾易搵路遠處已經見到一排紅色日本傳統燈籠，門面都係木，加手寫黑板，感覺好日本居酒屋feel 店入面有一排日本酒，牆身都掛住唔少日本布畫。最正係電視播住日本美食節目：孤獨的美食家餐牌選擇唔少，好多都幾吸引，最後每樣都叫咗款必叫：蟹籽沙律蟹籽分量足料，搞勻後每條青瓜都掛有蟹籽，好滿足沙律醬分量夠多，加埋青瓜同蟹柳切得幼細，整體味道好夠特大帆立貝一份有4粒，計返每粒$22，價錢唔算平，嗌果陣仲有d猶豫，但size真係好大！絕對值得一試！鐵板上菜時仍然熱辣辣有煙出～帆立貝惹味，口感十分飽滿，煮得唔會太熟，易咬開同朋友都唔食生野，最多只可以接受到火炙壽司但食日本野點都要嗌壽司先得，見到有個火炙併盤，就直接嗌咗～上檯時就聞到好香，特長海鰻十分吸睛6粒入面，首選帶子！半熟帶子口感軟同埋鮮甜，大大粒好滿足海鰻同手掌差唔多長，真係可以啖啖肉。三文魚入口即溶芝士蟹棒惹味，另外鯛魚同左口裙邊比較淡味朋友係牛油果愛好者，一見到有牛油果卷就即叫軟殻蟹炸到香脆，加埋少少牛油果食，其實唔係好食到牛油果嘅味，不過

細個於藍地返學，對該區都有d認識，當男友話帶我去藍地食日本野既時候，的確幾驚訝！記得藍地只有酒樓茶餐廳，最近去見有寥寥幾間cafe新開，但日本餐廳真係從未見過！步入藍地大街，行多約5分鐘，經過屋苑同7-11，先會揾到呢間隱世餐廳！餐廳佈置得幾個情調，仲有吧檯位置！前菜附送咗2客牛舌，好味！海膽三文魚丼$188呢個超級推介！樣靚好適合打卡，而且食得出食材好新鮮，海膽一d都唔腥，啖啖海水味！鐵板帆立背$88好厚肉，食落好滿足！燒汁同洋葱都好惹味！側面睇就知道有幾大粒！火炙三文魚$30/2件入口融化，好香魚油味！野菜豚肉鍋$68肉分量不少，有附粉絲，抵食！白桃梳打$19桃味重，仲有桃味爆珠，正！

是日舊同事終於出關（因為之前家有白事），為咗幫佢洗塵，所以約咗出來食好西~~~呢間小店雖然要行一段路先至到，但感覺幾容易去，可能係因為我有去過上舊同事的家中作客刺身—極上自選六之盛($ 188)，我們選了帶子(4片)、劍魚腩(2片)、章紅魚(5片)、甜蝦(3隻)、油甘魚(2片)和馬刀貝(5片)，帶子和劍魚腩夠曬厚切，整體來講食落既新鮮又好食，而且擺得又靚靚~~~牛肉他他($ 98)，個人喜歡D牛半熟得來又軟熟，食落味道不錯~~~鰻魚炒飯 ($76)，純粹想吃飯填肚才選這個，如果唔習慣鰻魚的味道，個人建議最好選擇其他如烏冬~~~

朋友介紹屯門藍地ge日本餐廳，今次去開附近就試一試。餐廳內外都係實木裝修，餐廳入面仲放左好多唔同ge類型清酒(除了裝飾，仲可以買! 好有仔生日本嘅感覺，別樹一格。我地叫左個二人餐，有6個餸之外，仲有兩杯特飲，都幾抵食。👍🤭 特飲係白桃梳打特飲同荔枝梳打特飲，每杯都有爆珠，飲落去又清新，唔會太甜！牛油果軟殼蟹飯卷好好食! (牛油果迷上身) 有好多牛油果鋪上面之外，仲包住即炸的軟殼蟹，咬落去有多重口感，正丫😍最後我地仲叫左，甲羅燒，絕對值得一試！！以炙燒ge手法，上層有三種不同ge食材包括，蟹子，海膽，魚子。中層鋪滿蟹膏夾雜住蟹肉，下層係日本珍珠米。 呢個食法/配搭好特別 😍 建議把三層撈起食，蟹味同海膽味很濃郁！如果你鍾意吃海膽或蟹ge人，不要錯過啊！ 😍另外仲叫咗壽司拼盤同埋鰻魚炒飯，質素都唔錯! e個二人餐兩個都食到好飽。😋🤭

屯門人通常淨係會去屯市食野，其實喺兆康西鐵站搭多一個站嘅藍地都有好多嘢食，附近仲有間西餐同蒸氣海鮮添，今次就試埋日本野，應該係藍地唯一一間食日本野。餐廳都走日本風，首先想讚一讚侍應👍非常有禮貌，會帶位，主動收餐牌、食咗一個鐘起碼裝左四次水比我地👏🏻👏🏻餐牌有個可以自選刺身～好似幾新奇，刺身愛好者大滿足！🍣⭐️三文魚腩刺身$56 雖然得3塊，但唔好以為唔值 我自己覺得物超所值！因真係超厚切！！厚肉到呢😍油光都出埋🤤⭐️特上壽司 $168 (8件)🍣包括：三文魚、油金、日本深海拖魚王、章紅魚、帶子、日本本鮪、赤座蝦同蟹子D款比起其他某啲日本餐廳特別，唔洗成日食來食去都係個幾款麻！ 而且唔係cheap cheap野黎 全部都係受歡迎嘅款式！帶子同吞拿魚不錯👌🏻👍亦都冇雪藏味，紫菜很脆～⭐️花之戀 $22/1諗住叫一件試下，賣相幾好，不過我比較中意佢沙拉醬唔會太多搶晒個味，而且滿滿的蟹子令人開心👍🏻之後仲加點左一件添！⭐️軟殼蟹牛油果卷 $68超巨型！而且一碟6件入邊仲包住左青瓜同蟹柳😍去相👇🏻👇🏻👇🏻👇🏻口感非常豐富！仲有毫不吝嗇嘅蟹子👅👅抵食之選！💙💙💙💙⭐️大蝦天婦羅🍤 $58食落唔覺會厚粉，反而

今日天氣好❣️心情更好❣️可以同好耐無見既朋友食飯呀🥰黎左佢屋企附近食呢間日本餐廳🍴雖然遠左啲😝但入到去好舒服😌望著大片樹林食野🥰好爽✋🏻一餐當兩餐食，叫到成枱野食🥘入正題先❣️🔺套餐B $98❣️套餐包左6件壽司，主食可以揀烏冬、蕎麥麵等。我就要清湯烏冬❣️湯甜甜地好飲👍🏻烏冬彈牙👍🏻壽司🍣新鮮❣️最中意帶子，肥美肉厚❣️入口即溶😋🔺刺身定食$108❣️全部都好新鮮👍🏻件件都好厚呀🥰入口即溶一啲腥味都無😗另外擺盤好令呀🥰🔺雞翼$38❣️燒到啲皮脆卜卜🐔咬落去肉汁流哂出黎👍🏻啲肉唔會好乾同鞋😋🔺雞軟骨$38❣️粒粒都好脆❣️送啤酒🍻一流🔺鹽燒牛舌$52❣️以為係好薄一片，點知好厚😂好有咬口呀😝黑椒剛好唔會蓋過本身既牛味👍🏻🔺土佐豆腐$44❣️有驚喜呀🥇塊皮好好味😋可能因為炸粉有啲木魚⁉️👍🏻豆腐好滑✅成個味道好有層次❣️質素好👍🏻價錢合理❣️係附近住既朋友可以試下呀👍🏻

有事要過黎藍地呢邊，又有啲想食日本野，就沿住條大路慢慢行，終於揾到呢間日本野位置係比較偏咗啲，我諗都真係要識揾食先識黎食啦！不過見佢嘅menu都好多元化，有哂我地想食嘅野，所以就入咗去食啦侍應推薦2人前俾我地，話好抵食喎！268有飯有壽司有串燒，的確係唔錯嘅！跟餐嘅梳打比我地想像中好飲，唔係藥水味份量啱啱好，夠哂開胃！好搞笑🤣🤣呢間舖係上咗炒飯先但係為咗有肚食多啲野，碟飯都係留到最黎先食，但係呢個飯調味唔錯，唔會太咸，勁飽嘅狀態下都食哂咁濟。牛油果軟殼蟹卷份量十足如果軟殼蟹調味好啲就更好啦，因為食落偏淡壽司八點盛非常唔錯！每件壽司都好的骰，但係食哂8款梗係唔可以太大舊飯啦，呢個size啱啱好！食材好新鮮，點到即止嘅感覺好好呢間鋪嘅串燒真係非常不錯！燒到外脆內嫩唯一美到不足係咸咗少少牛舌好味食材一定好高質，爽口！牛味濃！調味完美燒白鱔好特別呀！燒到外皮超脆！肉仲係又嫩又多汁，好正呀燒油甘魚鮫又係好特別！明明已經嗌咗好多野都想試下 油甘魚魚味比較甜又冇咁膩！正！埋單513，食咗3個人嘅份量，哈哈都幾抵！