影片
港鐵上環站 A2 出口, 步行約9分鐘
繼續閱讀
營業時間
星期一至三
16:00 - 23:00
星期四至六
12:30 - 23:00
星期日
12:30 - 18:00
以上資料只供參考, 請與餐廳確認詳情
已經不是第一次幫襯這間輕食小店了！ 推介這裏的雞翼,好像是蜜糖雞翼但感覺比蜜糖雞翼複雜多了。 雞翼皮不知加了什麼炸特別鬆脆 ，配甜甜的醬再加花生洋蔥特別惹味 另外炸椰菜花也很好， 雖然是炸但不會一口油 ，只是外面鬆脆， 配特別的沙律醬 ，只會越吃越多。 麻婆豆腐配薯條第一次試 ，真係牛頭不搭馬嘴但出奇地配！ 微微香辣配薯條 ，最fusion就是這個菜式了！ 肉類點了慢煮ribs及一個牛扒, 也錯的。 一行四人四個女仔胃口亦不大,所以已經夠了。但如果大食的朋友，可能就要多點幾個菜了。
繼續閱讀
有個品味獨特嘅朋友，好聽啲講係獨特，直接啲講就係標其立二，taste 古怪另類。佢約咗我哋去呢一間口味同樣獨特嘅Little Bite Gastropub 食飯。喺上環地鐵站出嚟，行十五分鐘到荷里活道已經身水身汗，到咗荷里活道，都仲要向西環方向行唔知幾十米先至到呢間餐廳。到咗餐廳已經成身濕晒，心裏面好想鬧爆選擇呢個地點嘅人。店員嘅態度尚算友善，呢度主打手工啤酒。店員向我哋推介港人鍾意嘅咸檸手工啤酒，話呢度嘅女人客好鍾意。同台嘅女性朋友一人叫咗一支，然後一齊話好好味。。。我問佢地點解咁好味？佢哋答因為好似咸檸七囉！我當場忍唔住反駁佢地，如果真係為咗飲咸檸七，茶餐廳買廿幾蚊，你唔需要喺呢度比＄84去飲一支同鹹檸七一樣味道嘅手工啤酒！有些女人嘅口味同選擇，係令人費解嘅！我叫左支日本紅米做嘅手工啤酒，7.4% 酒精，84蚊，由於係用米做啤酒，唔係用啤酒一般既小麥，所以飲上去似飲清酒。都係果句，飲啤酒就係為咗啤酒本身嘅滋味。如果要左支啤酒，跟住飲到第二種飲品嘅口味，到底咁樣係咪叫獨特呢？食物方面，呢度主打Asian Fusion 所以食嘅菜式似曾相識，各種東南亞國家口味既大混合，同飲品一樣，當你以為食緊港式叉燒嘅時候，打底既好似係泰國嘅沙律; 上左一碟睇上去係 meat ball, 咬落去其實係炸椰菜花。黎左三舊炸雲吞，咬落去居然係蟹肉。。。菜式處處獨特，處處驚喜，係唔係你杯茶就見仁見智，抱歉我唔係太識欣賞呢種創意料理，但係亦折服創作者嘅心思，都算有heart 去諗創意性配答，即fusion ，正如我嗰個自認咩都要同人唔同嘅朋友，就鍾意呢間餐廳。每碟三四件，little bite, 一人咬一啖。反而佢地叫 Tomato salad Surprise 既沙律，反而無嚇親我味蕾。用火箭菜打底，蕃茄裏面係火雞肉，清清淡淡，正常好多。食完餐飯，再行15至20分鐘去地鐵站，又係一身汗。
繼續閱讀
是日當文青，一遊前已婚警察宿舍，再到臥虎藏龍的蘇豪區一帶覓食。誤打誤撞之下，來到了這家小酌酒食館的跟前，讓它的清新的風格所吸引，便決定一試究竟。餐廳的格局簡單，麻雀雖小，卻有充足而舒適的空間予食客享受寧靜的片刻。到訪之時，正有兩枱食客悠閒地用餐，感覺樂得自在。在店員的介紹下，得知本土手工啤酒是餐廳的其中一大特色。如此有綽頭，作為香港人當然要撐撐香港啤，那就點其中的兩款來試試。【Hangry Donut】沒想到洛神花這種材料竟然可以與啤酒配搭起來，創造出恐怕是獨一無二的Hangry Donut。未入口前哄到杯邊，便已聞到陣陣清新的香氣。而加入了洛神花的手工啤，味道帶點微酸，加上口感細滑，既易入口，也特別適合女生喝。無聊時發現，製作Hangry Donut的公司名為「人一世物一世點都要做一次啤酒英雄有限公司」。其名字過癮不在話下，但想必公司的願景和理念，也有其過人之處。【White Pearl】另外一款名為「白珍珠」的手工啤，顏色較淡而偏白，味道喝起來也像是有氣的白酒一樣，味道清新卻不失啤酒應有的麥香，也是同樣的容易入口。餐碟上的圖案，恰巧與餐具配成一套，相映成趣。在嚐過手工啤後，餐點便開始陸續送上。【Whole Tomato Salad】蕃茄本身十分鮮甜，而在浸泡下，還有著話梅的酸甜味，顯得更加清新開胃。而蕃茄上的青蔥和炒芝麻，不但起了裝飾的作用，也同時令沙律的味道變得惹味。蕃茄看似平平無奇，切開之後卻別有洞天，盛載著嫩腍的火雞肉，肉質和口感也屬一流。不說的話，還真的想像不到它其實是火雞肉來的，叫人驚喜萬分。【Bang Bang Cauliflower】所謂的Bang Bang Cauliflower，原來其實是餐廳秘製的醬汁加上以麵包糠包裹的炸椰菜花。炸椰菜花的外皮鬆脆，但一點也不油膩，而裡面的椰菜花則保持著原有的新鮮口感，沒有因油炸而變得乾身。醬汁酸酸甜甜而且帶點辣味，同樣開胃之餘，亦見惹味。【Crab Rangoon】一道中西合壁的菜式，用上中式的雲吞皮，包著蟹肉和cream cheese，是出乎意料的美味。外皮爽脆而不油膩自是不在話下，而裡面有著份量澎湃的蟹肉，加上香濃的cream cheese，配合得十分出色。味道像是燒汁的醬汁，多了一份辣味，也為菜式的味道帶來多了一個層次。【Spring Chicken Soup】用上法國黃春雞肴制而成的鮮雞湯，味道鮮甜濃郁，整體偏向中式，卻又帶點fusion的味道，尤其是在加入青檸汁之後，味道頓時變得清新，多喝一點也不會覺膩。大大份的鮮雞湯，還配有一道健康有益的五穀飯，很有心思。春雞的肉質嫩滑，而且脂肪不多，吃起上來是啖啖的滋味。再用上雞湯豐富而且入味的配料，便可製作出足料而美味的雞湯泡飯。【Yakult Sorbet Triffle】不時不食，是中國人飲食的一大原則。在這芒果當造的季節，用芒果製作出的甜品自然是首選。芒果的味道鮮甜清香，絕對「冇得彈」！而混合了益力多和芒果汁製成的雪葩，配上鬆軟的蛋糕，為這頓晚餐帶來了完美的結局。在這食肆林立的區域之中，Little Bite有著不一樣的清新風格，尤如是黑暗中的一點火花。在一般的酒吧餐廳裡，食物往往是為了配襯飲料而成的產物，但在這裡，它們是獨當一面的主角。餐廳的每道菜式也十分吸引，但我最愛它的小酌餐點，不但有創意、有特色，而且製作認真，味道也盡顯層次，叫人念念不忘。
繼續閱讀
朋友住PMQ附近，想試呢間新開嘅小店。間餐廳雖然細，全部用高枱櫈，但都幾cozy，客亦唔多，比起隔離yardbird 人多到企出街，天淵之別。朋友不嬲胃口細，我哋叫侍應介紹，佢推介ribs，我哋想食啲veggie ，但唔想食冷冰冰嘅salad ，侍應同chef 傾完話可以喺ribs 加veggie ，解決咗我地嘅問題。我哋另外加咗個appetizer ，揀咗rouzao topokki ，原來係年糕，加少少肉碎同mushroom ，幾惹味，食唔停囗。之後到ribs上枱，加咗啲菜、薯仔同蕃薯，啲ribs好稔，但份量晤算大坐咗一個多小時，得我地同另一枱，嗰枱仲凈係飲野，其實食物唔錯，價錢亦合理，希望捱得住
繼續閱讀
This is a new restaurant in the area, so it was not required to wait for the table.We started a ginger alcohol drink along with some appetizers such as Garlicky Wings and Blacken Shrimp. I like the crispy skin of the wings. For the shrimp, it is pretty chewy with strong black pepper taste which is good to go with drinks. The most impressive dish would be the French Yellow Spring Chicken. I can't find the strong green taste of the brussel sprouts which the sauce has successfully covered with other side dishes like potato and bell peppers. It is perfectly matched with the chicken. Sweet & Sour Ribs are presented with attractive veggie decorations. The peppers are just perfect cooked with not too heavy taste of the sauce as general. On the other hand, Ratatouille is a vegetarian dish with the taste like having meaty dish. In addition, we also had a Spinach Salad with Strawberry & Pecan that its dressing was not too sour of the vinegar and tasty of the pecan. The overall ingredients of all the dishes were fresh and delicious.As this is a birthday dinner for a friend, so we have asked to prepare a cake in advance. It was a cheesecake with simple decoration. Its cheese taste just perfect and it wouldn't be too much.
繼續閱讀