尚湯 (已結業)

本月內至今已光顧兩次。第一次來是吃午餐，牛腩蓄茄濃湯拉麵(HK$29)- - -湯底不行，稀稀的湯水，蕃茄味怎會濃；牛腩厚切都只得三件；麵正宗不錯。另多付HK$4轉餐飲的榛子咖啡很明顯是泡沖劑的。第二次去是吃下午茶餐，厚切日式叉燒拉麵(HK$23)- - -可能選對了麵噌湯湯底，味道夠香濃，只是略鹹；三塊叉燒色頗黑，不像平時吃的色較淡，幸而味道與口感沒有分別；粟米粒和乾筍的配料不少；麵依然煙韌。

上次我帶住個囡囡去君滙港搵朋友，點知佢有事未番到，我見肚餓咪問佢有咩好介紹，佢見我鍾意食日本野，就叫我去幫襯呢間食肆啦!!!!!當時食午飯時間，呢間野就多人到要排隊，只係過左一陣我就有得食，餐牌有呢個"芥末汁鐵板牛扒拉麵"，我見幾特別咪試下.....湯底濃，麵既份量足，牛扒鬆軟，配芥末醬味道又幾有新鮮感，正喲!!!!!!!!!! 另外個靚女waitress都好nice, 佢見我有個小朋友，就安排左個corner俾我，等囡囡無得四圍走，咁我先有啖好食，最重要係我個小朋友食到成地都係，佢都無俾"黑臉"我睇，我猛話唔好意思佢猛話唔緊要，真係好好人呀!!!!!!!

這天晚上來到附近吃晚飯，見這間新開不久的館子客人不多，只得一枱人正在裡面吃東西，這裡的拉麵套餐價錢又幾相宜，決定去試它一試。這裡的拉麵套餐的確頗為抵食，最貴的都是$38，便宜的只不過是$30，但除了拉麵以外，已包括前菜、甜品和飲品。難得的是食物的整體質素頗為不錯，單是拉麵底已有豬骨湯、麵豉湯和蕃茄濃湯三種湯底可供選擇，以這個價錢在晚飯時間可吃到一頓廉宜的日式晚餐，實在值得推薦。這次試了它的「鐵板芥末汁西冷扒拉麵（麵豉湯底）」和「蟹腳棒拉麵（蕃茄濃湯底）」。1）「鐵板芥末汁西冷扒拉麵（麵豉湯底）」：麵豉湯湯色偏淡，不過湯味尚佳，不會太鹹。：拉麵份量足夠，但配料較少，只得幾條筍，比較失色。：西冷扒鐵板上，夠晒熱辣辣，西冷扒肉質較鬆，不過加上芥末汁之後味道尚佳。2）「蟹腳棒拉麵（蕃茄濃湯底）」：蕃茄濃湯湯味夠濃郁，好喝。：拉麵同樣地份量足夠，但配料較少，只得幾條筍，是比較失色的地方。：蟹腳棒有三條，味道過得去啦。這裡的前菜和甜品聽說是天天不同的，今次附上的前菜是味付螺肉，甜品就是豆腐花，至於水準嘛，都ok啦。這裡的服務也是不錯的，老板娘有問必答，待客有禮，也是值得推介這裡的原因之一。說到底，

兩個字:好食今日去左新開一間食拉麵既餐廳最值得一讚的是service, 真係好nice, 我唸招呼我地既應該係老板娘來架, 因為佢同我地講佢地d蠔真係日本入既貨, 咁我唸唔係都唔知d貨係邊入啦,我食左一個吉列廣島蠔拉麵餐, d蠔炸得好好味, 唔會太油.麵粉都唔會話好多, 我都覺得d蠔好鮮甜, 我唸都可能係日本入既, 佢有d沙律醬比我點來食,我個人就幾鐘意, 因為唔會太'溜',至於拉麵湯底, 有豬骨味, 味噌味同蕃茄味, 我選左蕃茄湯底, 嘩, 好香好濃味, 好好飲, 可能係因為我冇唸過拉麵既蕃茄湯底會有咁正既湯底, 我唸都可能係佢既湯好味, 所以改左佢間店做湯底, hehe,我唸既未經証實. 我會叫我d鐘意食蕃茄既朋友來試唸個蕃茄麵,跟餐我要左一杯熱花茶, 唔記得全名, 類似玫瑰花咁, 好香好飲,而且仲有租品跟埋, 個甜品唔記得係叫咩, 好似d海底椰, 我剩係記得有好香既桂花味, 唔錯,埋單都係$40到,價錢非常合理, good, 我會再去, yeah

某日下午肚子空空，剛好想起附近開了一家拉麵店，立即一試。下午茶時段，空無一人，心裡已打輸數。點了中華牛肉麵 、芥末汁鐵板牛扒、焦糖咖啡。牛肉用上牛展部份，炆煮得唔錯，可惜味道不佳。拉麵湯底應該是下了某種味增調配而成，未見出色。鐵板牛扒，如果牛肉唔靚就一定要腌嘅道理都唔明白，失敗。肉質差、無味、汁都唔正.....仲可以點?焦糖咖啡更是傑作。。。

1. 厚切叉燒拉麵﹕叉燒又唔係想像中咁厚切，不過係切得好大塊，拉麵夠煙韌，豬骨湯濃而不膩2. 吉烈蠔蕃茄湯烏冬﹕蠔係吉烈炸出黎...蠔本身味淡，當做小食會好d，蕃茄湯淡左d，烏冬同巿面買既包裝面差唔多(可能我唔係要手打烏冬關係).。下次會再黎試埋其他麵！

值得推介的拉麵前幾日收到傳單, 見d野幾平, 成個餐都係由$29起, 包前菜, 甜品及飲品.於是過來試下.入到去環境唔錯, 有d似西式, 又有d似日式. 坐得好舒服.全部都係sofa位來, 裝修簡單, 唔係豪華個種, 又有tv睇tim我叫左叫左個厚切叉燒拉麵餐.. 首先來前菜, 冇得選, 係set定既, 但係侍應同我講唔係每次一樣, 有時會轉既. 今日就係中華沙律, 細細碟, 呢個ok啦. 跟住就到叉燒拉麵. 叉燒果然係厚切, 大大塊, 同出面既比真係比較厚, 但係咁樣反而又幾特別, 有口感. d味整得都幾好, 甜甜地. 拉麵都好食, 唔會話好似出面自己買個d平價拉麵, 因為我最怕食個d. 湯味唔算話好濃, 都好適中. 我個餐可以跟芒果奶茶, 不過要加$4, 我最後都有加到, 因為覺得出面飲一杯要成十幾蚊, 呢度加$4有. 個野飲都ok. 甜品最後上. 係一個豆腐花, 幾好味, 不過唔知點解唔似平時食開個d.跟餐有前菜, 甜品, 飲品, $33, 真係幾抵, 值得再去.

好抵食既午餐今日放假唔洗返工, 又覺得太凍, 唔想出去太遠, 所以就係附近食. 聽阿媽講話有一間新開既食拉麵, 一於就去試下. 一去到, 見到外面既裝修都幾好, 有d似西餐廳, 又有d似日式餐廳.我order 左一個鐵板牛烏冬set lunch. 一來到, 就比左個螺肉前菜, 都幾好食,跟住我就聽到'沙沙'聲, 我個鐵板牛終於到, 嘩, 好香, 又好大塊, 冇唸過set lunch都有咁大塊, 上面仲有d沙律醬, 好好食. 戲肉來喇, 係個蕃茄烏冬, 蕃茄味超濃, 好好食呀.食完之後, 個侍應拎左一碗甜品來, 原來係豆腐化, 幾好呀, 唔會太甜.我個餐加$4仲可以轉珍珠奶茶, 真係正. 成個set都係$36, 仲唔使加一, 今日我真係食得好飽. 我下次會試下佢地既拉麵.