尚青商號 (已結業)

見到門口個歪腰郵筒，不禁入內試食，叫了外賣晚餐。我的晚餐是香菇魯肉飯，配料豐富，有白菜一棵、雞蛋半顆、木耳、醃蘿蔔等。但是，香菇魯肉飯的汁不太好食，很黏，粉多了點，而冬瓜薑母菜，薑味掩過冬瓜味，剎包就是梅菜豬肉餡料，包軟熟，料卻正常而已。

/ ᴀᴜᴛʜᴇɴᴛɪᴄ ᴛᴀsᴛᴇ ᴏғ ᴛᴀɪᴡᴀɴ /꧁尚青商號💛꧂ #黃店推介傅佩嘉夫婦退股三星台菜食堂後的搞作最近插旗荃灣 正正開在榮光隔離 勤力的黃店初一至初三依舊營業 (揾食艱難我明🥲)但相比榮光和附近的老馮人流就不算太多呢 裝修既文青又帶點老台灣feel 舒服企理食物出色有台灣風味服務亦都不錯 當日人流雖不多但全個樓面只靠一個姐姐一腳踢都依然無燥底 好敬業LOL☽ 尚青一人份小火鍋 $𝟙𝟙𝟠凍冰冰要打邊爐湯底夠麻香 絕非大陸化學元素表味精味唔會太油膩 辣度剛好夠過癮牛肉份量就有點少 但肉質是不錯的配菜仲有貢丸、油炸鬼、金菇、菜、冬粉大推油炸鬼！索哂啲湯好正(⁎⁍̴̛ᴗ⁍̴̛⁎)食完感覺好滿足(˶‾᷄ ⁻̫ ‾᷅˵)☽ 台式焢肉刈包 $𝟛𝟠有驚喜呀！好好味呀！舊五花腩好靚仔 皮光肉滑( ˘ ³˘)♥︎塊皮有豐富膠質 彈彈的口感肉脂分佈平均 入口有化開嘅感覺醬汁調味剛好鹹鹹甜甜 刈包又夠軟熟差啲想自己啪哂成個😛ⓄⓋⒺⓇⒶⓁⓁ: 🦦7.8/10 👱🏻‍♀️7.9/10♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎♒︎📍 尚青商號 (荃灣)荃灣兆和街16號和盛樓地下5號舖ꪖꪶ𝘴ꪮ ᥇

灣仔好出名嘅台式餐廳係荃灣開咗分店，食過一次覺得好好食嘅，開分店一定要支持下！🍴紅燒半筯半肉牛肉麵 手工寛麵 $78 (8/10)湯底冇落藥材，好簡單嘅紅燒鹹味，比較清淡一啲，牛肉係用咗牛助條，冇牛肉味，但食落好軟淋，肉中帶少少筯，唔鞋口唔痴牙，牛筯超軟淋，唔使點咬就爛咗，好食！麵係手工寛麵，麵食唔出係唔係手工，但都幾煙韌，唔彈牙，煮得適中，唔會太淋。配菜係醃蘿蔔，酸菜同油炸鬼，味道正常，但略厭酸菜太油，食唔到。🍴椒鹽鹽酥雞 $56 (6/10)以為好大一份，但其實勁多得炸份，冇肉嘅偽炸雞😅 炸粉唔厚，但雞塊每舊都勁細粒，冇乜口感，炸得太乾身，冇肉汁，偏韌，好在味道ok，落左蒜頭，九層塔，椒鹽，好香口，但肉質就好一般。🍴復刻胚芽奶茶 走冰微糖 $26 (4/10)呢杯野真係差過出面舖頭😂 茶味好淡，唔香，冇咩味可言，胚芽都多嘅，但唔似飲緊奶茶，可以叫奶水😂推薦指數: 7/10好似冇灣仔本店咁好食，保持唔到水準…… 牛肉麵係ok嘅，但其他都好一般，嘢飲都冇乜選擇，食完之後好口渴，好似落得好重味精，短期內唔會可再去😂

很早以前已經想去灣仔尚青商號朝聖，但在灣仔區對我來說又真係遠了一點點，原來店子已經悄悄地在荃灣開了分店，對於每個星期也去荃灣的我來說當然是一個非常好的消息。在上星期四便拉了車爸爸一起到尚青商號午餐，還以為會跟灣仔店一樣大排長龍，怎料12時去到竟可直入不用等候！反而隔離鋪的光榮就已經大排長龍了。餐廳內裏裝修簡約但也算企理，而員工招呼也周到挺有親切感。現在的餐廳大多數以QR code下單其實真的很方便，不過記得食完先好放上社交平台，如果唔係或者要埋一萬蚊單㗎哈哈！吃台灣菜如果是牛粉的當然選擇吃牛肉麵啦！所以車爸爸便選了半筋半肉牛肉麵＄76，午餐隨牛肉麵均附有油條、酸菜及一款是日小菜和飲品一杯，全個套餐看上去也十分豐富。牛肉麵賣相不俗內裡有數件牛肋條和牛筋，看上去色澤鮮明頗為吸引。雖然我未能品嚐牛肉但我為仍可吃牛筋而感到幸福，牛筋炆得Q彈可口味道亦香濃甜美，而牛肋條車爸爸以入口即化來形容，當然不能跟在台灣的出品來比較，但在香港來說這已經可以收貨了。至於麵條則有幼麵及手工寬面兩款選擇，車爸爸選了幼麵掛湯能力也不錯，麵質也算爽滑不會過淋整體來說質素不俗。至於我因為實在太掛念台灣的鴨血，所以決定點

外賣滷肉飯。佢份滷肉係分開放嘅，返到屋企食嘅時候先至將啲滷肉到落去啲飯到。我又攞外賣去到搭車返屋企，大約要半個鐘左右，返到屋企，啲嘢食依然好好食。我本身唔係一個鍾意食米飯嘅人，好多時都會食唔晒，但係呢碗滷肉飯，啲滷肉超好食，當然，好食就係肥瘦適中，唔鍾意食肥膏的人可能會唔太鍾意，撈埋落啲飯到，我竟然食到底，一粒米都無剩。暫時食咗兩三次，每次都係食佢啲滷肉飯，下次有機會會想試吓佢哋其他嘢食。呢碗係少有我會清底嘅米飯！讚👍🏻

今日經過荃灣，見到呢間新開嘅台灣餐廳，決定入去試一試，分別點左熱芋香奶茶三杯雞同雞絲撈麵。飲品係OK嘅，芋香味好濃，甜左少少。而三杯雞嘅做法同我平時食嘅有啲唔同，啲雞塊全部炸過，本身應該係脆口嘅，但係雞件要經過煲住煮一煮令外層塊皮軟晒，口感麻麻地。煲入面本身加了九層塔，個味會香d。侍應上菜個present係幾好睇幾靚，諗住幾期待，但食落去就中規中矩，自己較為喜歡有酒味嘅傳統煮法。 而雞師撈麵正正常常冇乜特別，其實屋企煮到呢個就冇咩評價。不過最估唔到我哋入座嘅時候連兩杯水都唔提供，埋單時候竟然要求我哋收加一，值唔值得俾加一大家心中有數。

早幾個月前去過尚青商號灣仔店，當時唔太舒服，覺得D野太重口味🤦‍♀️本來想搵日再去一次，點知荃灣就開左分店😂於是即刻搵朋友來食😝星期日晚，七點半，可能都仲係新，冇乜人知，唔洗排隊就入得🎉餐廳地方唔大，一眼望晒~可能因為都仲係新開，所以menu D野唔齊，睇完menu就用qr code落單~🍋檸檬柚子氣泡 ($28)即係柚子檸檬梳打水，不過上枱個陣，杯底D柚子檸檬未搞勻，只係飲到梳打水味🤷‍♀️飲到一半，開始飲到柚子味😕如果餐廳可以放多少少檸檬汁同柚子蜜底，應該會好飲好多😓🐟基隆甜不辣 ($54)呢個幾有驚喜，以為餐廳會加粉炸，搞到好乾😖但佢咁樣，食落幾舒服，唔錯😋🧄蒜味幾重，唔太o岩D唔鍾意蒜頭嘅人😂🐷香菇魯肉飯 ($52)魯肉飯上面有半隻溏心蛋、飯素，醃蘿蔔同雲耳~份量都幾足，魯肉幾夠味，送飯一流😄朋友話D醃蘿蔔幾好食😋🐮紅燒半筋半肉寬麵 ($78)湯底幾濃，食寬麵o岩晒😏寬麵唔會煮得太淋，有D咬口，幾好😋牛肋條有兩件，炆得幾淋，唔黏牙；牛根都幾多件……跟麵配酸菜、醃蘿蔔同炸油炸鬼。因為自己鍾意食酸菜，所以落單時叫左多酸菜😂餐廳好明顯都比多左我，放到滿晒碟仔😍酸菜同出面有少少唔同，酸酸甜

之前佢哋第一間係灣仔開嘅三星台灣麵已經成為我最愛台灣餐廳之一，但由於某啲原因，老闆離開三星另開尚青商號就係為咗初心保持食物質素而家居然開咗嚟荃灣，實在太興奮喇等我試吓先～新開張期間，每人送台灣烤腸一條，肉質紮實蕃茄牛肉麵～蕃茄多返少少 濃啲就好啦～我諗呢個就係佢地嘅初心～ 堅持唔用牛腩，無記錯係用牛肋條～煮到超嫩～～我最鍾意佢哋嘅鹹酸菜 送麵一流～大大力推介🦆麻辣鴨血！記得配冬粉又麻又香、唔會得辣，好想加配料打個邊爐咁冬粉記得要早啲落，唔係就唔夠淋啦～呢杯芋香Latte~ 口感滑滑～輕微芋頭香

早前睇過Maggie 嘅社交平台 post知道開分店已經好期待，早前知道開始試業已經心郁想試…最後竟然可以喺試業最後一日，因為突如其來嘅假期，所以約到出嚟洗牙，落車見仲可以有時間食個快飯，所以嚟到分店…可能平日人流關係，今日唔多人，相比上次總站嘅星期五下畫，同今日星期二下晝，今日喺分店坐得輕鬆啲…感覺上座位應該多過總店（好似）試總店後非常掛住佢哋嘅復刻奶茶同牛燥飯…但係轉頭睇牙嘅關係，試清啲先。佢哋有QR Code 俾客人自行點餐，非常方便。好多嘢都想食同再試，但最後由於時間關係，簡單點了餃子同茶就夠…由於試業期間（今日最後一日試業）仲有台灣腸送。期待…正式開業，我可以好快有時間再嚟試其他嘢…2021年頭試總店；年尾試分店…尚長商號繼續做好，加油。

今日老細話請食飯，我哋一班同事二話不說就揀咗呢一間新開嘅台式文清餐廳食lunch。入邊裝修都幾精美嘅，有啲懷舊嘅貼牆廣告，座位闊落，坐落都幾舒服。如果坐卡位仲有張墊添！望一望個餐牌，午餐來講都幾多嘢揀㗎，跟餐仲有送烏龍茶或者冬瓜茶一杯。除咗有麵啦飯啦，同埋一啲小食之外，仲有鴨血煲，不過今次冇嗌到。咁我哋都一齊叫左好多唔同嘅嘢食。原來而家新開張仲有送台灣腸添啊！！條台灣腸真係超好食呀！又熱又脆，外脆內軟。未上到枱已經聞到好香！不過送餐有少少慢🥲可能係即叫即整嘅關係啦🙈不過職員嘅態度都好友善，肯幫我哋跟下啲單。嘢食來講幾樣野都好正呀手工麵幾煙韌，湯內都濃雞湯味，雞扒都炸得幾好食！餃子擺盤都已經好吸引，食落去木耳都幾爽口。手工奶茶同事話甜度岩岩好，幾滑，係外型唔係太吸睛🙈牛肉麵同滷肉飯，我見同事都食晒，好似都幾正咁🤤🤤下次可再試下 總括黎講，呢間你我地會再回頭既餐廳！

今天下午經過荃灣兆和街，發現新開小店，主打食牛肉麵，所以和同事入內試試，估唔到咁有驚喜。我叫左個半筋半腩牛肉麵，啲牛腩同牛筋好淋同入味，入口即溶，啲湯好夠味，但好明顯係冇落味精，食完都唔會令人覺得眼訓。另外，三款配菜真係不容忽視，非常美味，真係令人覺得好開胃。食到中途，店員送上台灣腸，之後我地先知原來新張期內在小店消費滿50送台灣腸，最後加埋餐飲烏龍茶，劃上完美既句唬。另外，小店落單不經人手，用新式SCAN QR CODE就可以，跟得上潮流，讚~

是日星期天，剛聽聞尚青商號過了海殺入荃灣。當然要過黎試下聞名久的牛肉麵同珍珠奶茶啦！之前幾次去灣仔總店，都大排長龍，因為我太肚餓食唔到。中午12點左右，不用等位，但人流不絕。我們叫了花鵰半筋半肉麵和台式焢肉飯加2杯珍珠奶茶。牛肉麵啖啖花鵰香味，牛筋軟滑度剛好。牛肉沒有騷味，反而襯托出酒既香味，連湯都飲乾埋。另外叫多隻糖心蛋。就連配菜都食得出尚青所花的心思。試左朋友少少的焢肉，以為會好油、好肥。但係食落又唔會喎，反而覺得豬皮有滿滿的骨膠原。期待已久的珍珠奶茶，濃濃的茶香。是我最喜歡的珍珠奶茶。謝謝尚青帶給我台灣風味！

細妹成日推介尚青商號嘅鴨血冬粉，但因為好少過海一直都未試到，直到最近佢地竟然係荃灣開分店就諗住試下。星期六around 13:15左右去到門口，見到有6-8個人排緊堂食，另外有4-5個人等緊外賣。望入餐廳其實見到仲有40%位置未入座，心諗應該都唔洗等太耐掛，如是者等咗3個字左右13:30就入咗。裝修都幾靚，文青風，簡簡單單但又唔會太yup咁。waitress安排咗卡位比我同男朋友，同埋叫我地用qr code落單。qr code對落有remarks 10% service charge 同埋限時食1個鐘。睇咗5分鐘到我地就through 手機叫咗：櫻花蝦瑤柱蔥油乾拌麵（手工寬麵）麻辣鴨血煲（配冬粉）椒鹽鹽酥雞熱復刻胚芽奶茶凍復刻胚芽奶茶加珍珠等緊食物嚟嘅時候周圍望下，發覺得好少枱嘅人客係有嘢食，大部分都係㩒緊電話，但佢地喺早我地好多入座架喎，再望真啲樓面得一位同事負責帶位、收銀，送餐，間中帶位男同事喺廚房出嚟幫幫手咁，啫得1.5個人手啦，已經有啲擔心佢地搞唔掂。佢地啲冷氣都開得幾勁，等咗20分鐘坐到凍凍地終於上杯熱飲。味道唔錯幾好飲，可惜好快就比冷氣吹到變涼。再等多10分鐘到就上埋凍飲，

14-11-2021 (Sun)同老公買餸,同樣我又唔係好肚餓,但老公都話要食個晏先=.=”.佢話去上星期我哋俾機會嘅101台式休閒餐廳 https://www.openrice.com/zh/hongkong/r-101%E5%8F%B0%E5%BC%8F%E4%BC%91%E9%96%92%E9%A4%90%E5%BB%B3-%E8%8D%83%E7%81%A3-%E5%8F%B0%E7%81%A3%E8%8F%9C-r625918/reviews食,我記得呢條街光榮冰室隔離開咗間新嘢,先行嚟睇睇.行到嚟睇,張紅紙重未掰,到底呢間係咩嘢嚟?好彩被我見到一張請人嘅招紙,原來係我哋喺灣仔食過嘅尚青商號( 上次食評係2021年8月28日刊登嘅呢篇: https://www.openrice.com/zh/hongkong/review/yeah-%E6%9C%89%E6%96%B0%E9%AE%AE%E6%84%9F%E5%98%85%E5%8F%B0%E7%81%A3%E8%8F%9C-e4139763),咁啱老公話食台灣嘢,天咁啱我哋唔使再去灣仔食未食過嘅嘢,YEAH!我哋入到去,都

在上星期佢試業中，去試左用QR。code自助下單，算方便點左個鹵肉飯，半筋半肉湯泡飯，小食炸豆腐，及一杯凍茶(因試業中，未有所有飲品供應)鹵肉飯，味道濃郁，鹵肉肥瘦適中，飯亦軟熟。。吾錯半筋半肉湯泡飯，筋好淋好滑，肉亦好淋入味，陽底偏甜，我個人覺得配麵會合適D。。配飯反而吾太夾。。。炸豆腐好出色，好好味，值得推介凍茶吾太甜，好飲。。整體食物質素吾錯，份量亦足夠，吾會吾夠食。。唯一要彈係要收加一。。諗住小店吾會收加一。。呢一點要扣小小分