居食屋「和民」 (已搬遷) 新店位置

一路都有食開和民, 以前食開尖咀同埋銅鑼灣, d 服務好之餘, 食物都好好味, 最鍾意佢地0既牛油焗帶子唔知係咪愈開愈多間的關係, 質素每況愈下, 荃灣呢間的帶子試過兩次黎到, 成碟野浸晒水, 帶子d味因而淡晒, 以前0個d係乾身架, 唔係咁多水0既, 問伙記佢話係咪架喎, 我去0個陣係星期日下晝差唔多三點鍾, 都冇乜人食, 但係叫伙記斟水嘟幾次, 個伙記好唔耐煩咁話"得得得", 跟住又冇左件事, 總之我對呢間分店好失望!

同老公食一個快lunch, 佢食魚生飯, 我食石頭泡菜飯. 魚生飯份量不少, 但魚生只有蟹子, 劍魚及三文魚, 選擇較少. 我寧願佢有多d玉子, 蟹柳, 八爪魚...多d不同味道.石頭泡菜飯材料比menu相中少30%, 食完好似冇食過咁...好彩有飲品, 沙律及麵豉湯跟餐. 而家d麵豉湯冇左生鵪鶉蛋啦, 可能怕禽流惑o卦.餐後加$12多２杯雪糕，選抹茶及蕃薯. 抹茶味濃! 加埋日本紅豆蓉，正! 蕃薯略甜, 但都好好味. 老公喉嚨痛, 比哂我食. 我食完之後不停打冷"震", 好搞笑!

琴晚同屋企人(共四人)食晚飯, 因為訂左檯,所以唔使等就有位.服務都唔係之前評語講得咁差,唯一係冇人斟茶.要叫先有,同埋繁忙時間人手唔夠.食物方面都係差唔多,冇乜特別. 叫左8碟野, 其中有pizza, 但凍既...唔熱. -___-講真去邊度食飯,個身都有會陣味,酒樓餐廳都會有,好難避免. o個晚食完飯都係有陣味,但可接受.冇強烈油煙味, 如果有我都唔會去lu.

如果可以選, 我一定唔會去和民食, 一來D 野細碟, 而且好多食物都有芝士....呢間仲衰到抽氣唔好, 食完行出去一身油煙味!剌生麻麻! 人手唔夠! 位都坐得唔舒服!

兩人: 牛肉鍋,蒜香海鮮炒飯,廣島燒餅唔知點解牛肉鍋好似深左咁o既?好正~~我去邊都咁鍾意食牛肉鍋~~XD廣島燒餅同日本年糕唔知揀邊樣好,本來揀年糕,但後來見隔離台個燒餅好吸引咁,於是即轉!!後來侍應照上年糕,原來好鬼細件,賣相又唔吸引,好彩冇要咋!其實個廣島燒餅都無甚特別,個人並不喜愛,但我妹就好鍾意,食左3/4個!佢話d汁好似章魚小丸子d汁,佢至愛喎~個蒜香海鮮飯我又係猶豫左一陣子先點,因為驚佢蒜味會過濃.頭o個幾啖都幾好食.但係妹妹要左咁多燒餅,我要清飯,啃咁多蒜頭,好難受!!呢兩樣以後都唔叫呀!!我都覺得侍應不太醒水,可能我太口渴,我覺得等左好耐叫左好多次都冇人比水我.......

個個都話佢地唔醒目，唔識加水等等，但前晚我去果陣，佢地好醒目喎，周不時拿住水壼周圍行幫人加水，我果抬至少加左六七次。有禮貌，但真係冇乜笑容，諷刺既係佢地落單個電腦上面貼左張紙，好大隻字寫住「請記得笑」。果晚食左好多野，最鍾意係牛油焗带子，泡菜飯同牛肉火鍋，Ｄsukiyaki sauce好正，可惜份量少左Ｄ。坐位同環境都比尖沙咀同CWB既舒服，加上唔使等位，我當晚都覺得相當满意。

呢間野高峰期已過, 舊史排隊要簡直長過街症, 或者早到, 今晚七點去時只有兩丁友等位, 仲係等非煙區位, 咁我地兩個到達時照慣例要非煙位, 點知無位要等, 但煙區就大把, reception話比張四人我地, 又話暫時未有人smoking, 哇, 呢d野點可能保證, 如有人食你唔通半路走人呀? 所以都係等非煙, 後來者有三個人一來即有大位, 細惟有耐心地等, 但十分鐘過後都未有聲氣, 於是乎靜靜地走人唔幫襯佢...計對上次幫襯時, 佢地d 食物份量都交足貨, 十蚊至少有九蚊貨交, 質素亦好, 難怪佢地往時係勁多人排隊, 間間分店都係...

after school,又餓又無選擇下,又來這裡叫左:1.和民沙律2.和風海鮮飯3.chicken wing以上好一般....好似快餐店質數4.炒烏東----好細,好唔抵,無咩味5.海鮮燒餅($38)----嘩...好呃$,得廣島燒餅一半到,味道又差不多,但介要貴$5....搵笨6.泡菜鍋---因之前見有食家讚而叫,不過....味精都幾重綜合以上食品....和民果然不值之選愈來愈退步了

只係幫襯過一次, 已經係不敢再試了, 因為小妹覺得某d食肆當越開越多o既時候, 通常都會趨向流水式作業, 食物質素漸漸下降, 服務亦未必會在開業之初咁好, 最梗要係吸納多d食客, 做多d生意, 然後又開分店, 而小妹的很多朋友當初都很喜歡來此開餐, 但慢慢發覺食物質素走下坡, 而小妹在兩個月前作第一次嘗試, 也認為不是他們所講當初的好, 三個人食了$3xx, 但都好似無食過o野咁, 最慘係食物中落o左好多味精, 又唔係話好好味, 食完仲要飲好多水, 而侍應也只是在你要落order時稍為蹲下, 其他態度都無咩特別咁好, 而家荃灣開了那麼多日本式餐廳, 都無必要黎呢度食日本o野啦!!

其實早2日才吃完本不想寫食評,因為食物味道依舊和民一開始selling point 係服務態度好...這間真的無服務可言....上一次又是這樣,太過份了除了那一入門的虛偽"歡迎光臨"今次無人service我地入座又像上之一樣叫人十世無人理(倒杯荼好難咩?)一句sorry都無仲有一個waitress服務超差本來都幾有好感....現在此間never again

the price is cheap but it is small. so turn out it is not cheap. food is oily. not quite delicious.

一連2日都食日本野,昨天的別府,今天的和民無法啦,因為放學夜,地鐵附近沒有太多choice....近期試過2間日式的都不好,不知是否如此我覺自己較喜歡上食和民(如果想食日本野)不過service真的一次俾一次差今天終於感受,叫左成10mins都無杯茶....連野食來了,才有,仲要叫左3~4個人拿杯茶,真辛苦> <其他的...真的無人理...落單...埋單...都不知等左幾耐先有人理叫左:1.和民沙律($20)---此終是我至愛,雖然質數下降了2.吞拿魚腩壽司($38)---小羊叫的.其實因為我不like 食,不過我試食了,很好喎,味道真的不錯,yummi,我相信會變必叫,雖然得6件3.芝士海鮮飯($28)---我喜歡它焗,很香又夠cheese,分量雖少,但其實都幾飽肚4.廣島燒餅($38)---其實幾貴,同時沒有上次好食,相信下次不會再叫5.一口豆腐($28)---幾滑,可惜不是我想食的那一種,同時入面較淡,出面幾saltytotal:$168比別府平同好食在心中升了地位可惜我同小羊近期大洗了,其實還是貧苦學生....哈哈~近期要食d平靚正o野了~ = ="!

假期的晚飯時段拉麵無甚選擇,想吃拉麵去雪國吧.海鮮飯好細碟,唔飽.餐牌上的菜式和其它日本料理大有分別,不大路.可能租貴,有其他選擇的話,黎這間你會失望而回.以後不會再去.去雪國好過.

同男友兩個人黎.落單後竟然次序錯晒. 熱食hur hur 聲上齊晒. 反而剌身和沙律最後先上. 事實上我頂唔順呢種sequence. 呢樣野真係要執執佢囉. 叫了和民沙律. 係幾好食喎.(不過以前好鍾意個款生牛肉沙律冇左喇)一口牛肉. ( 男友好喜歡). 三文魚剌身(好新鮮)廣島燒餅( 味就幾好. 不過煎得太過乾身. 又唔夠汁) 魷魚軟骨燒( 好大兜. 不過表現普通)呢間和民好大. 坐位夠闊.

經過我今年食遍全港和民,最好是尖沙咀個間,而最差便是荃灣呢間!