居食屋「和民」 (已搬遷) 新店位置

昨晚很凍...老公提議食火鍋, 附近又無乜, 於是諗起佢....Sukiyaki, %59...老公既至愛湯底, 夠甜, 用黎跟飯, $12, 唔錯! 另叫多一個冬日火鍋, 場腳蟹火鍋, $59, 腳唔大隻, 三四隻, 我就貪佢夠清!

如果平日想食得舒服一點...就會揀呢個場...因為我地多數包場! 昨晚亦不例外, 我們選了最遠靠窗的一張...二人叫了和民沙律, 小....已寫過很多次...另叫了秋冬系列既蟹肉卷...雖然凍既, 但蟹味濃郁! sukiyaki係另一常叫既火鍋, 甜甜地, 我地叫多一個白飯, 大, 珍珠米, 飽飽既一餐!

三文魚刺身（唔錯）帆立貝刺身（麻麻）牛肉朴葉麵豉窩（非常有特色，惹味）磯邊海鮮（正）海老天婦羅（唔得，好差好差，和庭好過佢）帶子串燒（幾好食）廣島薄餅（很飽）

呢道d food幾有特色=]飲品我冇試過但d服務態度都5錯尋晚中秋,可能多人食,夜晚先去我想叫ge 豚肉炒什菌賣晒..另外有個就咁炒什菌都話賣晒>-<不過d食物都等幾耐呀..1樣接1樣都幾慢.....但有多d套餐比人客揀就最好咁樣更加食得平dadd多d新菜式更好

其實我覺得舊址仲方便就腳啦,裝修又ok.嗰日平日6:30p.m.等位到7:00p.m.諗住試嗰個泡菜飯,點知個侍應話賣哂,我問:而家先係7:00p.m.就賣哂,仲有成晚流流長啲客未冇得食?佢話:厨房冇材料.點知8:30p.m.我埋單之際,竟然見到啱啱上緊隔離枱,我好想出聲問點解,但都係算啦,見成晚服務ok又好食,唯有下次再去試啦.

前2日去左和民食lunch...其實食物黎講不嬲都ok...但唔知係咪summer關係請左d暑期工...d staff真係好生手...入到去叫晒野食隔左陣,上餐飲果時先有人比茶我地...檸茶檸水又唔匙羮我地"篤"檸檬...問佢拎佢又拎得一隻黎...仲要熱飲比支凍飲羮我地...(我地係熱飲...)好明顯就係新人...到上個飯果時又係無羮...仲要上晒飯先上個前菜沙律...d食物又求其擺晒上枱就算...完全唔問下邊個係食li個set咁...真係要再train下...

一向都喜歡去和民居食屋，因為價錢公道又多款式，不過不知道是不是地區問題，荃灣這間的食物比其他的分店差，就算以前在近荃灣MTR那間又沒有這個問題，不知道是否之前是剛剛開了不久，所以還未發出水準，但我想我會遲些才再去！點了什麼我都差點忘了，不過還記得那麼garlic pizza做餅乾一樣，不知道想怎樣？

星期四晚上, 和爸爸二人來吃晚飯, 點了五款食物, 其中一樣最不濟的食物, 係夏之特撰料理中既海螺壽司, 當食物來到, 只見壽司上面放著青綠色的汁, 不是餐牌相片中放滿了海螺, 我以為送錯了食物, 於是向侍應問一問, 佢話: 「冇錯呀, 呢碟係海螺壽司呀, 因為加了wasabi, 所以就青綠色.」算了, 我照食, 心想貨不對辦, 但我們費事斤斤計較, 不過, 我仔細地挑起那些wasabi, 翻來覆去都不見有海螺的蹤影, 爸爸話食到有少少, 係d海螺碎, 有冇攪錯, 賣相貨不對辦都算了, 但連真材實料都冇, 呢碟食物應該叫wasabi 壽司, $38, 扼錢!

已經搬左去荃灣廣場喇!星期三晚上, 約了一位4 年冇見既朋友吃飯, 8 點來到, 要等7張枱, 等了約15分鐘左右!點了4 款美食, 和民沙律, 炸雞軟骨, 星鰻魚天婦羅卷, 海鮮麻醬冷麵, 食物味道唔錯, 但服務就欠佳, 人手不足, 要落order, 要添水, 要埋單既時候, 總係搵唔到waiter!

還記得當年和民在尖沙咀開店時, 最令我印象深刻的, 是其殷勤有禮的服務, 而非食物之水準. 時至今日, 她仍能保持其服務質素, 實屬難得.當然, 更難得的是她門外仍要排長龍.2個人點了4個菜:野菜炒: 有點鐵板燒的風味, 我自己多次嘗試製作, 無論是醬油和炒法皆學不到一點神韻; 跟和民pizza一樣, 差不多每到必叫.六色sashimi: 六種sashimi要$88. 一分錢一分貨, 食sashimi唔好貪平.海老牛油果沙律卷: 牛油果很入味, 大大舊. 若非皮太硬, 這個實為一道好菜.海鮮麻醬冷麵: 像一個沙律般的冷麵, 清清的, 醬汁很特別.稍貴, 但值.

搬左去荃灣廣場, 今晚第一次試食!我地都係叫番以前食開既...sukiyaki, 老公至愛, 連湯都飲埋, 肥牛幾肥! 千層菠菜麵, 奇怪...好似係雲吞似...不過...熱辣辣唔錯! 最後叫左個鰻魚天婦羅壽司, 內裡既魚熱既...再配埋壽司飯, 呢個我buy ar! 整體service 唔錯...不過侍應跪地寫野...我覺得無呢個必要!

這裡可是我的飯堂，可惜快要搬遷了(無奈)…又是悠閒下午茶，是日點了:叉燒野菜拉麵- 大大碗份量十足，喜歡它的麵，質地偏硬有口感。南瓜、蕃薯炸物- 炸得外脆內軟，也不錯。燒鰻魚飯團- 雖沒有大大塊鰻魚，但飯團本身十分香口，美味指數9.9。年糕燒餅- 口感煙煙軔軔，一流！凍食枝豆- 令人不知不覺吃了很多。推介: 燒鰻魚飯團and 年糕燒餅

因早都唔使排就任到去呀. D員工服務業水準超高呀. 好好服務業既一間呀. 個肥工煱,好甜, 幾好味呀.不過真係懷疑佢係咪加糖呀.仲有個泡菜飯超好食呀. 唔食唔得呀. 但個壽司就一般啦, 不過唔得係係. 每樣野都好細碟呀

最近食左2次, 又是別人叫...若不是一定不choose和民沙律(half) $20--- 一次比一次少, 而家同以前剛開時, size 差一半...現在真的夾2次就無...好呃錢和風海鮮飯$38 ---來時看似大多, 其實係直徑大了,但深度淺了, 同時以前是$28 ja...味道愈來愈無cheese味(用了平cheese ??)吞拿魚腩卷$ 38 --- 起初好鮮, 因為平時我不食吞拿魚, 但愈食愈無味, 現在夠膽上面有料, 有半舊係無泡菜炒飯$38 --- 第一次食, 一般, 夏天食幾開胃牛肉火鍋$48 --- 第一次食,不吃也吧, 完全食唔出有咩日本風味軟殼蟹$38 --- 請看圖, 第一次食,同介紹相差好遠..好油, 成隻都油淋淋,好細好細, 沙律醬味道同m記之前出\"泰色\"麥麥雞醬一樣, i like this沙律醬~curry海鮮炒飯$38---無咩seafood , curry 都幾辣,但無咩特別豚平燒$28 --- 都ok , 唔錯, 簡單料但match都ok炸雞翼$28 --- 唯一keep住無咩變

媽媽生日，原本安排了一頓豐富的中菜給她，怎料她竟然出奇地提議去和民食，我們當然讚成。當晚我先叫妹妹去搵位，放工我就立即趕去。主角點菜，要魷魚燒、鐵板棒餃子、燒鮭魚壽司、炒烏冬、牛肉露筍和豬骨湯拉麵。食物幾好，魷魚燒幾爽口，燒鮭魚壽司幾特別，豬骨拉麵湯底夠濃，麵也不錯。炒烏冬和牛肉露筍更加抵讚，可惜份量小了一點。最差的則是棒餃子，燒得過火，下次唔會再叫。吃過咸點，唔多夠喉。於是我和妹妹都要一個巴菲，佢要栗子而我要草莓。雪糕煙煙韌韌，加上有些粟米片，好滿意。未食之前，心想這都會是一間多人但食物一般的餐廳，但事實確比想像中好。