居食屋「和民」 (宇晴匯)

營業中

休息中

搬到荔枝角都幾個月了，間中經過和民，發現原來佢地有做早餐/brunch，一直想試，今天終於有機會了！去到門口，好奇怪，原來要先點餐付費才可坐下！同午/晚市完全吾同。再望下個餐牌，超抵，只係 30令蚊，同麥當勞差不多，但感覺更健康。佢有好多選擇，西式/日式等！點餐後會有一個感應器，同出面那些不一樣，吾係個感應器響你就去攞餐，而係放個感應器在枱上一個圓圈既圖上，餐廳職員就知道你既位置，會為你送上你點既食物！我選了西式，個蛋好滑，有種加入了牛奶既味道，牛角包不是剛出爐，吾算好脆口，牛油亦沒有提供，雞扒好大塊，好多汁，很滑！！我叫了柚子蜜，有點過甜！但餐廳好繁忙，充滿了客人，店員也忙著，不到40玩就吃到的豐富早餐，贊！！

加班工作了一星期，實在超級攰，決定跟「他」去食日本菜作奬勵，因家住長沙灣，不想走太遠，上網一查原來荔枝角有「和民」，我們二話不說便出發了！  這間「和民」，裝修貫徹其他分店作風，環境整齊、企理，晚上7點時已近乎滿座，幸好等約10分鐘便有位。 我們雖為食，但「眼闊肚窄」，眼見餐牌內有多款必食推介，即時食指大動，於是豁出去，叫了「水牛芝士」及「牛肉火鍋」。 香炸北海道水牛芝士 (HKD48)北海道水牛芝士被酥脆外皮包著，撕開後，會見到芝士拉絲的效果，口感細滑、芝味濃郁，沾點醬汁，即添一份甜酸味，味道亦見提升。橫濱風味噌牛肉火鍋 (HKD198)依餐牌所述，傳聞牛肉鍋源自19世紀中期的橫濱，外國人早已習慣進食牛肉，而當時日本人對此始感興趣，就以豉油及味噌作為湯底烹煮牛肉享用。 「和民」推出這款橫濱風味噌牛肉火鍋希望讓人感受當時日本人品嚐的風味。 這個火鍋有濃郁湯底、野菜及大大粒牛肉，二人分享就剛剛好。為了增加玩味，在落單時只要跟侍應講「我要用秘技」，店員便會送上小禮物如：餐具、現金券。 今次我們就獲得一對「火鍋筷」及一張現金優惠咭可作下次使用。 咭上更有牛肉火鍋的建議食法，以供參考。牛肉新鮮

我細個記得食和民個陣覺得好好味；同埋記得細個嗰陣「和民」係社會定位算係偏中高既居酒屋style；時至今日，分店少，食物都好似比以前遜色，儘管價錢還可以，但係感覺和民已經變成「普通假期去既餐廳」我地叫了一個二人套餐再單嗌鰻魚飯及加州卷；份量算多，價錢亦唔錯鰻魚飯都真係如圖所說係「厚切」；加州卷...飯非常散！我地懷疑只係用普通米飯整既卷，無用壽司飯！而且實物同照片相差比較遠，感覺亦係最差既一道菜式套餐內既韓式拌飯我覺得唔錯，幾好食最重要係.我覺得哩間既員工有啲「心不在焉」，送錯餐🤦🏻‍♀️同埋員工之間溝通不足，有啲員工俾人一種「遊魂」既感覺整體還好～價錢都算OK

壽喜燒最吸引我甜豉油真係好正❤️牛肉都幾多 隻蛋可以另外加落去煮聽講可以減熱氣架😋呢個稻庭烏冬好彈牙煮耐左都唔會一pat嘢。.炙燒明太子帆立貝完全唔辣但就切得好薄食完好似無食咁🤧味道就好食的.鰻魚pizza有4片加左芝士的 係薄pizza呢個要襯熱食呀估唔到鰻魚pizza又幾好食💙.照燒雞肉salad係連埋芝麻醬的仲有蝦肉🦐 牛油果🥑 紅椒 新鮮蔬菜等等呢個好豐富 好滿足呀‼️.至於嘢飲 完全無諗過佢咁多料架有滿滿熱情果粒 珍珠呢個唔會太甜 仲大杯架✅.到甜品啦揀左抹茶白玉紅豆有抹茶雪糕✅vanilla雪糕✅白玉✅ 唔會硬紅豆ball✅外面有抹茶布丁✅有cream 同底下係脆脆✅好多層次呀呢個甜品杯重點係竟然樣樣都好食白玉加雪糕一齊食最正💜

老老實實和民其實我由細都聽到大，但今次先真係大鄉理嘅我第一次去食呀。第一次嘅食後感就係值得再來呀。首先當然係因為佢有BB椅可以比BBs坐我舒舒服服咁食啦。其次我家先生好喜歡shabu shabu，我地今次就試咗呢幾款必食推介，橫濱風味噌牛肉火鍋，牛肉壽喜燒，香炸北海道水牛芝士，日本有機蕃薯條。呢款有機蕃薯條岩哂孖寶食呀，既健康又有益，而且入口味道亦唔錯呢。講返呢款日本有機蕃薯條，見佢地Menu上面寫係用日本和民自家農場種植嘅有機紅蕃薯，其實有機蕃薯本身已經有甜味，肉身肥美，炸到香軟變成金黃色，咬落去口感軟綿但又唔會覺得油膩。香口得黎又唔會太硬，佢佢有跟埋黑蜜糖汁比大家，但我自己就覺得可以唔洗點蜜糖都已經夠好味呢。另一款心水推介就係橫濱風味噌牛肉火鍋，大家睇下d牛肉嘅份量都幾多下，佢仲配埋d蔬菜，如果兩個人食portion都幾岩。而且可以另外追加飯彧者鳥冬。呢個橫濱風味噌牛肉火鍋d肉質好幼嫩， 加埋濃郁甜湯更加提出牛肉嘅鮮味，只要係落單時同侍應講「我要用秘技」，仲會有嘢送 e.g. 餐具、現金券。首先煮熟嘅牛肉吸收左濃郁甜湯嘅精華，令肉質鮮甜無比。蔬菜都一樣吸收左濃郁甜湯嘅精華, 好甜好

和民真係一個好地方，平時真係好鍾意去，最近佢哋都加咗好多唔同嘅新款菜式，包括一啲日本來的番薯整成嘅餸菜。先叫咗個健康野菜沙律、極味意式薄切鮭魚刺身同埋和風Pizza等。健康野菜沙律配上沙律汁，清新又健康，有紅椒同一粒粒嘅硬多士同埋新鮮生菜。生菜雖然冇乜味，但仍然保持水份不太乾。鮭魚刺身我每次都必點，加晒芝麻沙律醬，酸酸甜甜好有日式風味。仲有鮭魚卷真係好好味，裏面仲有牛油果，軟滑嘅質感配上鮮味鮭魚，六舊排成一行，賣相好吸引。另外仲叫咗日本有機番薯條配雲呢拿雪糕雪糕，用白芝麻作點綴，甜入心！而且據知呢一啲番薯嘅甜度係一般番薯嘅兩倍，係日本農場自家養殖。

朋友住荔枝角所以約左朋友去呢間和民食breakfast 我地大約10點鐘去到餐廳唔算多人座位都幾濶落、乾淨！早餐在counter 自己order 我叫左燒鮭魚份量以早餐嚟講中規中舉上餐速度ok 一件鮭魚、一件蛋捲、一碗白飯、一件豆腐、一碗湯tim 早餐食飯應該唔常會但總算ok 接受!加埋杯涷檸茶$37比價性一般食慣港式茶餐廳早餐,都要$30起，仲要座得冇咁舒服或快餐連鎖店（其實都唔平）偶爾來個日式朝食都唔錯嘅撰擇！

一間不知所謂的餐廳！🤬🤬🤬🤬中午食飯時間5個人！問個服務員幾時有位！佢話好難留枱俾咁多人！你要食就分枱啦！我地都明食飯時間係難既！最終等到位！點知半個鐘都出唔到餐！又唔通知又無人理！服務員態度又差！最後lunch 都食唔到！

晨旱經過和民見到佢餐牌好吸引，價格比快餐店便宜，便入去試一試。叫咗份脆魚柳炒蛋，果然貨真價實，同相中嘅賣相一樣，大大塊魚柳炸得又香又脆無腥味。炒蛋嫩滑配埋多士、蕃茄、沙律菜。賣相同食物都有水準。🤤👍🏻

what the heck is this not whole shrimps but sliced shrimp ie inpiece of shrimp in this salad is probably a third of a whole shrimp and only two pieces of avocado.....I don't expect much but this is ridiculous

上次介紹個日式早餐燒靖魚定食，咁今次就介紹一下西式早餐今次係照燒雞排炒蛋HKD30，多士轉牛角酥加HKD8，再另加日式湯通HKD8一共HKD46早餐係快餐形式，門口比左錢就會有個通知器比你放係枱的特定位置，就會有人送餐黎了！照燒雞排、炒蛋人、沙律、牛角酥，日式湯通雞排有少許有雪氣味😩炒蛋差過連鎖快餐，冇味冇香味，重要好細😑牛角酥還好，好大件！👍🏻湯通好味精，真係純通粉冇肉😱結論：黎日式餐廳果然要食返日式餐先好食！如果唔係食開，d西餐真係趕客。😅以後食返日式定食好了👍🏻

去日本旅行回來香港後，總會懷念一下，說到早餐，尤其住酒店或者溫泉旅館一定會有魚可吃，那麼在香港可以怎樣呢？一個早上，經過和民看到很多早餐的類別，有港式、西式，還有⋯什麼？日式早餐，雖然是日式餐廳，但很少看到有日式早餐，非常吸引！就立即在門外選了套餐，買了票就自己找位排置坐下，放好那個通知送餐的裝置，店員就送來了。靖魚早餐（定食）HKD32 另加溫泉蛋 HKD8燒靖魚、玉子、昆布湯、凍豆腐、紫菜、白米飯靖魚雖然不是新鮮魚卻有一種魚的鮮甜味，半條魚，而且很香，非常好吃！😋👍🏻👍🏻👍🏻👍🏻👍🏻白米飯軟硬兼施，絕不過濕或過乾👍🏻如果要吃簡單但好吃的日式早餐，十分推薦！說真的，吃完很開胃😂 很想多吃一個餐😂

星期六同阿爸落樓搵食，近近地黎左哩間成日好多人等嘅和民。見有套餐叫唔洗煩又幾抵，就叫左黎食。先黎一人一碟小食，係菇類，特別日式味，唔錯。薄切三文魚配意式汁，略嫌啲汁多左啲，好重味。沙律個醬都可以唔洗咁多，不過沙律菜係新鮮，配埋脆麵包糠，唔錯！日式炒麵，鐵板上係keep住熱食唔錯，醬係調得唔錯，不過真係有啲咸，濃味得濟。主菜牛肉壽喜燒，牛肉都有5大片，加埋有粉絲豆腐同菜仲有得加隻蛋，係真心好抵食！味道適中！大板燒就有點兒牽強，賣相欠奉，而且個漿粉打得有點奇怪，似pancake多過大板燒。套餐仲包一人一杯飲品，真係唔怕食唔飽

期待已久既和民反黎了，平時都食晚餐，依家開係荔枝角，午餐又可以食都幾多人，要早幾日訂位。去到等左一陣就入得。餐牌同其他有少少唔同，今次就試下新款，叫左個石鍋鮭魚配帶子牛油套餐。個鍋熱騰騰，鮭魚仲係生既，份量都適中，帶子都大舊。中間果d應該係明太子。味道偏淡，無乜味，只係食到小小魚味，所以都加左幾多豉油去吊味。食既全程，個石鍋都仲係熱，食到飯焦，配上少少明太子同豉油味，係幾好食同香口，仲好脆。套餐既海帶湯淡淡地，食完熱氣既飯焦，飲反個湯中合反，沙律既菜都爽口。以68元既午餐，都不錯。不過服務同上菜時間就需要再改進

日本飲食集團「和民Watami」由渡邊美樹於1984年創立，目前日本國內已經擁有約600家分店。為了讓顧客能夠更實惠地品嘗集團的美食，於是開發了走平價路線的日本料理店品牌「和亭」。而首家「和亭」海外分店就在2008年以香港為起點，在香港堪富利士道開業。香港的「和亭」盡量使用本地食材來提供價錢大眾化的日本菜式，從裝修到店內所有元素都保持Watami的一貫風格。而集團旗下另一品牌「和民居食屋」的首家海外分店亦於2011年進駐香港西九龍中心。我今天光顧這家「和民居食屋-昇悅居店」原來位置屬於同一集團的「日本料理和亭」，但不知何故忽然停業裝修，在2018年2月重開時已換上了新招牌。新店除了內部有稍微更新外與舊店無異，就連餐牌也大致相同。只是自助飲料機部份已經拆除改為座位，顧客亦再沒有免費飲料附送了！ 朝食供應時間：每天上午 7:30am - 11am 早餐時段先付款後入座，付款後服務員會給予一個感應器，找到坐位後把感應器放在餐桌指定位置，所點餐點就會送上無誤 ▲燒鯖魚朝食 HK$32 (朝食供應時間：每天上午 7:30am - 11am)朝食包括白飯、玉子