居食屋「和民」 (1亞太中心) (已結業)

佢個套餐幾抵食有沙律同幾款主菜今次重點講佢個 天婦羅飯 天婦羅好難整得好食一係就太油一係就太林，一係呢就煮過火變咗深啡色呢間就炸得岩岩好，唔會太油又包持到食物水份。我特別欣賞佢個飯同埋天婦羅炸物嘅比例啱啱好，唔會比得太多飯少餸。值得encore!

夜晚屋企無煮飯，和家人一起到區內搵食。經過1亞太中心，見有海報展示和民邁向廿週年活動，JCB信用卡滿$100或以上可享7折優惠，正呀！我當然把握此優惠啦～2人店長推介套餐 $351芝士凱撒沙律沙律菜新鮮爽脆，加了煙肉撒了芝士粉和凱撒醬，味道唔錯。刺身三品盛合厚切三文魚和拖羅刺身，非常新鮮肥美。和民農場白汁和風煙肉&雜菌批薩薄批分成四件，好多雜菇少量煙肉，配埋白汁相當美味。和民石鍋泡菜飯石鍋飯好夠熱，熱住食好好味，最愛石鍋燒得耐有飯焦。好多肉片菠菜撈埋辣醬和泡菜，充滿韓式風味。牛肉壽喜燒醬油湯底甜美，牛肉多片、萵苣、大蔥、大白菜、豆腐都食到，唔係好多鍋好易KＯ食晒。原隻蒜味雞腿燒雞腿預先拆肉，食起上來方便，燒雞肉質嫩滑保留到肉汁，蘸埋蒜汁食好味到呢~青柑桔柚子蜜梳打蜂蜜生薑梳打兩杯飲品清甜味道正常。

星期五晚和朋友兩人食晚餐，人很多，兩人等了20分鐘，座位OK，我們没有叫套餐，都是單點，沙律， 石鍋黑椒牛肉飯、牛肉火鍋、海鮮什錦鍋、至於小食方面就選擇了黑椒糖脆雞翼, 人手不夠，二人枱太細！沙律是一大亮點，好大盤而且好多新鮮的菜，我一個人食真係好夠,朋友不喜歡食沙律。海鮮鍋有蠔，蜆，三文魚，魷魚，豆腐，娃娃菜，紅蘿蔔，金菇等等，多野食但份量都係少,SIZE都係細整體味道正常,但真係算不上好味道!!如果俾我再黎呢邊食野,我諗我會食亞太中心其他野食!!

終於等到食晚餐時間...來食番等好耐既和民. 價錢一樣...但今晚每碟既分量大大失敗！來個大份既牛肉喜壽鍋.. 牛肉只有掌心都無既size... 茶都果幾條....煮起左所有料都遮唔曬個大鍋...心諗你是用細鍋料比我叫大鍋既份量架....$139食得果幾淡.. 叫左個清油煮蜆.. 數埋都無十隻...一上盤連個盆底都見到...唔洗一分鐘都食曬既份量....大大失望！ 點解以前咁好而家咁差架....好唔掂囉！搞到咁...叫我點再期待你

好耐無黎觀塘分店，諗住醫肚仔。叫左壽喜燒，味道還可以，可接受。到豚骨拉麵🍜 鹽到仆乖 啲麵硬到hihi 0分👎👎。雞軟骨，乾身且無肉 -1分👎👎👎。最後黎料，個串燒盛合係地獄級難食，所有鹽食既食材完全無落鹽，黎到已經唔熱。總結，黎呢度食同做善信無分別，無下次👎

Openrice上提供的套餐優惠是極難使用，如要使用可能要睇大家好唔好運喇！4人套餐上選擇大多是售罄的，餐牌上套餐內容是好多選擇，如A種類是6選2，但有三款已售罄，唯有在3種裡選2種，選了照燒雞pizza 及炒菜，又說沒有照燒雞，改了煙肉，咁都選了。到了選煱物4選1，選了牛肉煱，當然答案都是賣完了，只剩2款，又要變為2選1，竟然剩下的都是辛辣煱，即是叫我們不要選套餐，最後改為散叫餐牌上食品。現在和民已經不是初時在香港開店的味道。

午餐其中一個選擇去左和民, 勝在夠大坐得舒服, 午餐set選擇多, 店員招呼都ok. 豚肉天婦羅炸到金黃色幾靚, 不過表層粉漿幾厚, 塊豚肉就薄薄地, 食落有啲油膩. 滑蛋炸廣島蠔同埋滑蛋豬扒鍋維持一灌水準, 都係招牌安全選擇, 炸蠔同炸豬扒都剛剛好唔會炸過龍. 蒜香雞扒就一般咁上下, 不過配薯條又配飯感覺怪怪地😅

近日疫情持續，出外吃飯也會選擇有品牌的餐廳好讓安心。是晚為先生慶生選擇了亞太中心的和民。一入餐廳感覺企理，卡位坐得舒服，見到現場雖然客人不多但職員也很努力地四處攪衞生，增加了食客的信心。見到餐牌適逢推出20週年感謝祭，數款指定食品回歸2010年價錢，所以挺吸引。特別想讚一讚餐廳職員在這些困難日子仍積極地服務客人，讓我們開心地享受了一頓晚餐👍🏻。

裝修後以卡位的座位形式，令顧客有更高既私隱度，而且係繁忙時間不設無限，係觀塘區黎講已經不多。至於食方面，除左套餐，有好多散叫， 貪方便是次叫左套餐，有三文魚，沙律，雞肉PIZZA(幾脆口，很醒晨的開胃菜)，火鍋(少看了，原來都幾辣，細細一鍋，都有幾多菜)，炸豬扒定食(比較失望，豬扒一般，整個飯很濕)。

距離上次黎食都成年。見裝修過，環境乾淨、光猛左，又好多大卡位，坐得舒服。叫左呢個肥牛石鍋飯定食，例牌前菜沙律小碟，菜幾新鮮配個柚子醋，fresh! 麵豉湯味道正常，偏淡。主食上抬後，職員提示要不停搞，要靠石鍋熱力整熟d牛, 肥牛肥瘦適中，有咬口配合埋d溶化緊嘅油脂，重有大量粟米，味道香口，每口飯菜肉比例均勻，好味！

上個weekend去左觀塘食lunch，好似好耐無食和民所以去左亞太中心度食。可能我真係好耐無黎過，我幾喜歡佢個裝修，夠光猛，夠乾淨，之前黎個時個舊裝修好暗，連朝早都會覺得佢暗。Weekend都有Lunch Menu好好呀，有好多餐廳都只係weekday先有。我地叫左個散叫"蜆肉湯烏冬"同一個Set Lunch。個蜆肉湯烏冬好鮮味，蜆肉都好多，個湯又好清，好味道個set lunch我地要左個壽司卷盛加天婦羅冷蕎麥麵御膳，顧名思義個set有6舊壽司卷、天婦羅（蝦、南瓜、魚塊、紫蘇葉）、冷蕎麥麵、前菜沙律、麵豉湯、一杯野飲同甜品（兩舊小丸子加紅豆）。因為實在係太餓啦，所以唔記得影相，只係影左個未食既天婦羅個天婦羅炸得幾好，蕎麥麵都好食，壽司卷都好食不過d飯好散，一夾落去d飯就跌晒其實個set都幾多，一個人可能食唔晒。

觀塘好多野食 但難得兩個一齊off緊係食豪啲 又坐得舒服啲喇和民 真係不二之選嗌二人餐 仲幫我地諗埋食乜添鍋物：蕃茄香草牛肉壽喜燒衰鬼 個香草好大陣味 好鬼死中意！！😍鍋底仲有菜 菇前菜：刺身 送既！夠新鮮！滑蛋豬排don我真係蛋之鬼 tamago ghost男友知我中意食 比左好多我 所以佢食白飯多呵呵呵😝豬扒都出色呀 好食到令我諗起啜兩啖既龍心香草燒原隻雞腿好味到打冷震 好大舊塊皮脆卜卜 出色 oishi!!!!炒雜菜都有驚喜 有豚肉架於是呢餐有齊雞豬牛 🙋🏻‍♀️柚子蜜梳打

一段時間沒有來吃遮、完全沒有想過所有菜式細碟到無朋友，份量少到無朋友..... 唔知以為叫左兒童樂園餐。4 個人叫了3 個飯，1 個拉麵，一個菜，2 個小食，都不是算少吧. 重點是所有菜式是單叫而不是套餐....$49 一碟炒野菜，細碟過雲吞麵舖碟油菜； 重量級黑豚肉拉麵🍜，迷你湯碗，都只是大過家裡的飯碗少許......$89..... 我在想 🧐 我叫下午茶特價餐嗎？$149 鰻魚飯box，一隻手掌那麼大的box現在食材真的貴到這個地步嗎？有人再來幫襯都難！再看看他們Fb 原來只要彈，沒有讚，今時今日做到這樣，都好有難度！4人共吃$540. 並不是說很貴但是完全是吃不飽，4個小孩可能會夠飽吧

和民嘅晚餐原來都幾平民優惠🌟，今次點左個🥩牛肉壽喜燒🥘(細$69/大$119), 湯底香濃，又有大量蔬菜🥬🥕🍄(我最愛嘅菇菇，椰菜等等), 加多個飯食就岩岩好。.👍要讚一讚店員好好service, 見到我地雞手鴨腳唔識燒個牛肉即時主動幫忙。.👻提提大家叫要自己燒嘅野記得燒嗰陣揾野擋一擋件衫同面。.日本有機蕃薯條🍠：超甜蕃薯，口厚實在，仲要有機！ 即刻感覺健康左， 食多幾條先！.日本產原條魷魚燒🦑： 超過手掌咁大條嘅魷魚燒， 表面有燒汁提升魷魚嘅鮮甜味道，我食左2塊咋🙄，其餘嘅俾朋友秒速鯨吞咗😂~~~~~~~~~😋味道: 8/10📸賣相: 8/10🛋️環境：8/10💁‍♂️服務: 9/10💎性價比: 8/10💲人均：$150⏪回頭率：80%~~~~~~~~~📍居食屋「和民」觀塘觀塘道414號1亞太中心2樓203號舖~~~~~~~~~

和民由細開始吃，高質食物亦唔算太貴。牛肉壽喜燒（$69）追加烏冬（$39）甜甜的壽喜湯，牛肉份量也不少，配烏冬一流，烏冬仲有生雞蛋一隻付送，蛋點上牛肉勁滑。再將淨返的蛋加落烏冬及湯到，不會浪費。和民沙律（$69）好大碗，有牛油果，芒果，雞肉，生紅黃青椒，青瓜，大量新鮮和民自家制的吞拿魚醬好惹味。超甜！日本產有機蕃薯條（$49）真的好甜，不愧為日本產，但可惜略炸得過火。襯返個蛋黃醬搭夠。酥炸軟殼蟹壽司卷（$89）軟殼蟹還是熱的，新鮮配上牛油果生菜壽司飯花魚燒（$79）大條過手掌，魚燒得金黃，可加點檸檬去掉魚腥味，魚肉結實，值得一試。