屋台屋 (已結業)

男友說帶我到一家多年前光顧，水準頗好的日本料理店，我們抱着期待的心情吃一頓豐富的晚餐。怎料...😅貴而有很大的改善空間呢！我們認為收一定的價錢，也不能太偏離質素吧！😌沒有點而付上的前菜😌$18味道尚可，但麵十分軟、湯不熱的蕃茄湯蟹肉什菜拉麵$100解凍過時，已欠鮮味，口感呈粉狀的什錦魚生+壽司拼盤$238暖而很腥的燒花魚$88此店有收取茗茶費$16及加一服務費，此頓晚餐$506。店員服務中規中矩，但食物及價格不成正比喔！

十幾年前仲讀梗書時，同果時嘅男朋友（即係現在嘅老公）初初拍拖，因為佢住太古果頭，所以間唔中會帶我去屋台屋食飯，果時食碗拉麵加刺身/壽司都係六十幾七十蚊左右。佢以前好鍾意食屋台屋，因為佢覺得拉麵好好食，我反而覺得冇乜特別。到今時今日我地已經好少去食，因為每次行過望下餐牌，佢覺得貴左好多，唔抵食，反而我間唔中會自己一個走去食，回味下⋯我試過星期四去食，係會送茶碗蒸，好滑亦好足料。但今日（星期日）去食反而只係得中華沙律，有d失望⋯點左個三文魚沙律卷配秘製豬軟骨拉麵，三文魚好厚身，而且肥美，卷住青瓜絲，中和返三文魚嘅魚油，岩岩好！呢個好食，我次次黎都會食。秘製豬軟骨拉麵，湯底都頗香濃，拉麵有咬口，呢半邊流心蛋係最好食，個流心蛋黃好濃郁！豬軟骨反而麻麻地，肉質唔夠嫩滑，軟骨位仲係白色，煮得唔夠腍，未做到入口即溶，較令人失望。不過煮拉麵嘅師傅、店員同老闆全部都好有禮貌，店內仲播住懷舊日本歌，令人好自在。

每次黎呢間食lunch都好滿足呀～事關好食之餘份量係超足呀！飯前仲有日式蒸蛋食，免費家，飯後又有雪米茲食，而且服務又好好，上菜又快，仲唔會趕人走，好好坐tim~所以超級like食呢間

一個星期入面最期待既就係星期五，終於都HAPPY FRIDAY，所以同幾位同事一齊去HAPPY FRIDAY LUNCH! 之前去銀杏時光後見到旁邊有間日本料理，男同事1號食過話OK所以呢日就提議去試下。 入去坐底左，見個餐牌選擇的集合很多，我地都諗了好一陣，諗既時候一邊睇，一邊先食了餐廳免費送上的茶碗蒸，因為剛剛煮好所以熱辣辣，不過欠了蛋香。 食完蛋蛋後，最終選擇了一個燒牛脷飯配扇貝蜆湯烏冬: 扇貝蜆湯烏冬 : 扇貝是偏細粒但食落口感不錯，蜆亦冇沙，烏冬都幾彃牙。燒牛脷飯 : 牛脷係已成切粒，燒汁很惹味，加上煎得剛剛好的荷包蛋，非常配飯。兩樣的份量都好足夠並不少，所以食完確係飽。 不過同行的同事選了一個有壽司既組合，就話壽司既飯不夠凍，相信係我地早去，D飯未吹涼。餐廳有送雪糕糯米糍作甜品，不過要出去門口埋了單先俾，變咗要邊行邊食。總括而言，味道不錯，不能說是非常好，都足以成為滿足的一個午餐，但沒有什麼驚喜而令我好想下次快D再。

就快係鰂魚涌工作咗三年，雖然平常都有帶飯，但都經常同同事外出用餐呢間店舖係鰂魚涌同太古中間，位置唔容易搵由前同事介紹，一般比較多人，飯市輪侯人士亦多一坐低店員就貼心地奉上前菜午市menu有兩款一個係定食一個就係1+1（好似刺身加拉麵或沙津加冷烏冬）我就難得行到咁遠，坐就又舒服就叫咗魚生飯餐啦刺身份量超多，款式豐富三文魚，八爪魚，油甘魚，帆立貝，𩶘魚，吞拿魚非常新鮮由於我太沉迷天使仔沙津醬，店員亦樂意再加比我大讚wasabi,雖然食到淚流滿面，但仍然啖啖飯都加wasabi只係短短嘅一星期已經encore咗兩次

晌quarry bay食aeon食到悶悶地，有朋友介紹呢間屋台屋，話係穩世食店咁話。無book位的情況下好在可以坐bar枱。我揀左1+粟米拉麵三文魚刺身好靚仔呀，厚身又林，好味道，得三件真係唔夠喉呀粟米拉麵就令我失望，叉燒唔林，拉麵又煮得唔夠林(趕時間？), 雖然食到最尾d拉麵都浸林左，但我expect一入口係軟身的。坐bar枱，見到呢d裝飾幾得意裝飾二呢個就唔係我叫的，但因為我坐bar枱正正隔離係出菜位，見到人地點的餐，係咪好吸引先，下次都係叫sushi/魚生飯食喇最後好想讚下個toilet, 好乾淨，又有香芬趕走toilet的異味，好聞又唔攻鼻，good

三個損友繼續飯聚，今次到的乃其中一名損友住處附近的餐廳。前菜漬海草本無特異，可以略過，但最吸睛之處乃是那崩了的碟邊，不禁令人為之側目。海膽吞拿魚腩飯的海膽不夠鮮香，還好吞拿魚尚算肥美，撇開海膽，當做一碗吞拿魚腩飯來吃亦可接受。全餐最搞笑的就是這碟汁燒鰻魚飯，以賣相來說，十足十似是一碟港式碟頭飯。雖然鰻魚少而乾，食味尚可，不過更奇怪的是汁都撈在菜裡，要食到汁，便要連飯連菜一起吃。蟹肉蕃茄湯拉麵湯底激油，即使用上蕃茄者也減不了多少油膩感。麵條不過不失，蟹肉是無味的，散修修的很難夾，跟湯及麵根本就不合襯。以後這個損友的提議都要多加思量才再作考慮。

位於鰂魚涌基利路（實際上近康怡出口）嘅屋台屋係東區老店，響基利路超過 20 年。午市光顧，入座即有日式蒸蛋（好似只限頭唔知幾多位），蒸蛋嫰滑，可以一邊食一邊慢慢睇餐牌。套餐好有特色係一份主食 + 一份小食，主食有拉麵、烏冬等可選擇，小食可以選擇沙律、刺身飯、壽司等多款不同菜式。通常我唔想諗太多，就會食醬油拉麵 + 刺身飯。醬油拉麵湯底明顯飲得出冬菇、鰹魚的味道，醬油不會太濃掩蓋了那種鮮味。湯底的平衡做得很好。至於叉燒，該店曾使用滷豬頸肉做叉燒，但近月重新使用五花腩捲成圓條狀的叉燒，肥肉入口即溶，相當好吃。如果響鰂魚涌、太古，想搵間靜靜地又有質素嘅餐廳，不妨考慮去屋台屋。

之前lunch已經好想試架啦！但次次經過都好多人，無奈地要去康怡果邊食今次再黎睇下有冇人排! 邊間冇人就食邊間!!!!lucky地，屋台屋竟然冇人等！排一張就入得啦！等左3分鐘左右。一坐底已經有個小食放但俾我地食住等我叫左個刺身&壽司+拉麵刺身好新鮮，厚切胞美！但拉麵就麻麻地，有d咸，但大碗既!總結性價比比較高，附近上班除左太古城市川都可以揀屋台屋

We went for holiday lunch with two young kids after a short hike. Food was ok but the waitress kept on checking on our kids to make sure they were quiet ( they were actually not too noisy and there was no one there ) It was not child friendly at all and we would not recommend this place to any one with young children.

今日兩個人去了吃晚餐，收費不是便宜。水準一般。最不合理的竟是日本餐廳竟然收我每人$9合共$18茶錢，但係唔會幫你添茶。再加一碟$18既前茶（一定要）。咁大個第一次食日本野要加前茶同茶錢。然後點了一個二人套餐$368，包一個只有青瓜絲和小量蟹子既蟹子沙律，一碟刺身，有五款刺身竟然每款得果兩小小片，刺身亦唔覺新鮮。一碟軟榖「鞋」壽司，兩件超燶羊架，加兩杯野飲。加埋10%服務費埋單要$460。咁既價錢份量同質素真係超唔值囉！！！！最緊要係又收加一又收前茶又收茶錢又冇服超唔合理。真係以後唔會再去。

由90年代開張已經有食屋台屋，當年老闆自己整ge拉麵一流。搬屋後多年無去，今日再去試，實在令人失望。我地一行4人，凳都未坐暖有侍應隊左小食黎叫我地揀2個，但竟然係規定一定要食並且要另外收費$18個。另外佢放個水壺响度就收$8位茶錢(我諗住茶樓先會收？)。未叫野食已經先收$68？最尾仲收加一，都算！但食物質素要keep到丫，我叫左個蕃茄雜菜拉麵，係我食過最難食ge拉麵，麵質鬆散, 太淋(重點!!)，湯底淡(味道怪怪)，雜菜太硬。除左飽得濟之外，(我係未試過食淨拉麵)，今次第一次食幾啖就食唔落😡😡。餐可選小食，我選了魚生，味道so far so good, 可以入口。另外朋友分別叫左豬骨同麵豉湯拉麵，都係話湯太淡，麵散。仲有個朋友叫左魚生飯，上面魚生算多，佢就覺得味道ok!!! 飲品我叫左提子汁，無特別，味道幾好！整體食物賣相係靚仔ge，但味道真係差d，尤其對比起舊時老闆親手整ge拉麵。問左職員老闆仲係之前果個，但已經退左休。其實貴唔係問題，質素要有lo!!! 收費鬼鼠已經衰(我寧願你食物單價果度加，無理由局人一定食你個$18小食lo)，仲要咁難食。真心唔會再去！

約左契仔媽，朋友S同朋友E食LUNCH今日試新野，行遠D去食，咁就唔會咁多人喇已經BOOK左位，一去到便有位了坐底後就有蒸蛋送，每人一個蒸蛋~~~蛋蒸得好滑NICE睇下有乜食先我地各自都叫了一個SET極品海鮮味醬油湯拉麵~~~份量都好大碗，麵質不錯，兩大塊叉燒好好味，湯底都唔錯喎日本蕃茄茸湯蟹肉雜菜拉麵~~~蕃茄湯底好濃，蟹肉雖然不多但好味辛辣肉碎豬骨湯拉麵~~~好香好香，唔算好辣，湯底都好香除了每人一個拉麵，仲有一樣野架三文魚刺身+壽司~~~三文魚厚切，好肥美，壽司細細件都好味喎！吉列大蝦卷~~~熱辣辣好味，蝦蝦炸得好香脆GOOD海膽香葱吞拿魚腩飯(小)~~~份量細細剛剛好，海膽好甘香，好正呢！三文魚手卷+北寄貝沙律手卷~~~上枱時塊紫菜仲脆架，好味食飽飽仲有餐飲添凍自家制水蜜桃茶~~~甜度適中，好香水蜜桃香，好飲喎！又一個笑到標眼水的午餐聚

如果你係住港島東區，屋台屋依個名字你未必會覺陌生，因為佢係東區兩間分店已經有一段好長既時間，而我亦都有好一段時間經常同屋企人去食！因為佢既品質真係好好，選擇頗多，而且環境較靜，亦有爸爸最捧佢場既炭爐燒魚，可惜，多年光景風光不再，早兩日再番去食，已經今非昔比。今次一行５人去食飯，係夜晚時段大概7點左右到，店內只有我地一枱，往日可以選擇多人套餐既MENU不見，只有大量既１人SET，岩，如果佢做午市生意一定比晚市多，因為附近寫字樓區，但係夜晚你都出1人SET??唔係話= =，BTW我地亦都辛辛苦苦揀左３個１人SET，燒魚同1個陶板燒，而活燒魚更有趣，寫左係塊板上面今日有，但係問兩種都冇(?)，然後有果種就剩係得大條，不過侍應姐姐都有問到我地大條既O唔OK，咁爸爸喜歡就一定要OK，但佢都冇講到價錢(?)，我認為明知係時價你都要講講，同埋俾我地知道SIZE大,姐係幾大?佢既一人餐多數係要小食+拉麵或者飯，所以我地叫既分店有迷你雜錦魚生飯+豬骨湯拉麵，牛肉陶板燒+粟米拉麵，炸蝦卷+冷拉麵，活燒魚(唔記得咩魚~)，初戀雞翼，牛舌陶板燒，牛肉炒飯，3個SET跟3杯飲品，當然係蜜桃茶。先說迷你雜錦魚生

曾幾何時屋台屋是我的飯堂，皆因食物還可以，又可以跟朋友聊天，當然亦因為懶得找新地方。但自從寫OR之後就沒有再來過了，因為總覺得應該多試其他的新店，這天跟C小姐實在「腦爆」都想不出想吃什麼，就決定來了。這天因為到達時間尚早，有送一客日式燉蛋/茶碗蒸 (7.5/10) ，開心！沒錯，個人是非常師奶心態，有送吃的就是好，當然不敢跟高級食店比，但其實還不錯吃呢，只是不夠滑而且蛋味可以再重一點點就好了。以送的來說，我是收貨了。喝的還是巨峰提子汁 (6.5/10)，一如既往的artificial，不過今天的不算太甜，有把它喝光哦～Menu不變，還是有1＋1的套餐。這個menu最方便了，可以自由配搭自己想吃的，可以滿足我這個貪心的胃。最後我要了魚生/壽司+蕃茄蟹肉拉麵 $87，C小姐就點了香葱吞拿魚腩飯(小)+油揚手打湯烏冬 $78。魚生/壽司 (7.5/10)跟記憶中的質素一樣不錯，還記得第一次光顧的時候有為這種小店有這樣質素的魚生而驚訝過，亦是吸引我常來的原因。厚切的三文魚，脂肪不是頂級，但以這價錢來說，實屬不錯。池魚壽司略為遜色，太薄之餘亦不是近魚腩位置，口感有點乾且「鞋」。蕃茄蟹肉拉麵 (6