屏山傳統盆菜

營業中

休息中

幾年前食過還記得每度菜皆有驚喜。果皮鴨湯的果皮香味、入味的南乳豬肉、彈牙鯪魚球。食完都念念不忘味道。今次招呼遠道而來的外國親友，特別訂了一圍一盤9小菜，懷念一下味道。收費是$2500。價錢比酒樓還貴，但因為對之前味道的記憶，仍然覺得值得。去到時全場只得我地一圍。已感覺奇怪。記得當年是全場滿座。上菜時一睇就知不是新鮮煮出來。全是翻熱舊餸，感覺像是隔夜菜，賣相很差！2千5食翻熱舊餸是失望至極。雖然味道還是可以，應該不會再去了。

盆菜食嚟食佢都係覺得呢一種傳統嘅好食啲，就係鍾意佢嗰種南乳味同埋將啲唔使好值錢嘅材料煮埋一盤煮得好好味。我哋叫咗平啲嗰隻九小砵，堂食$2500一圍，我覺得要14至15個人先食得晒。陳皮鴨湯足料非常，陳皮好香鴨翼好新鮮，雖然我好鍾意食湯渣但係我都唔敢亂黎，因為驚後面其他餸食唔晒。雞我哋就揀咗黃酒煮雞，盆菜美麗嘅時候佢用個Gas爐慢火煲住，建議呢個要煲耐小小先至好食，因為會入味好多。芋頭鴨非常好食，芋頭夠粉，鴨炆的入味，啲芋頭吸晒額嘅香味真係冇得頂。呢個花菇都好靚，又大隻又厚身。孫薑菠蘿好開胃，仲要用新鮮菠蘿同酸薑整嘅，解滯最好。鯪魚球爽口彈牙，啲魚肉好新鮮。呢個豬手炆得非常之好非常入味，又夠林，豐富骨膠原。我哋揀咗炸門鱔就冇揀到炸金蠔，因為諗住炸金蠔好似普通啲。佢呢個炸門鱔都好得意，我食咗三嚿，有一嚿有少少骨，另外嗰兩嚿又完全冇骨。佢呢度雖然係食盆菜但係跟嘅飯竟然唔係白飯而係鴨飯，鴨肉好香，可能啲鴨油漏埋落去啲煩到，所以特別美味。雖然呢個叫做小盆菜，但係其實都幾大盤，入面有肥豬肉、豬皮、枝竹同埋蘿蔔四樣嘢，好入味好好食，就係鍾意呢一種傳統盆菜嘅味道。

1月頭某個假期去咗屏山行，睇古績和食盆菜。1圍12人，我哋叫咗九砵，大盆菜。首先上咗九砵先，有陳皮鴨湯，呢個好夠味鴨好大隻，湯甜肉嫩。黃酒雞酒味道唔多，但比較甜雞肉好多。肉丸同菠蘿子薑普通啦，菠蘿都甜。炸鮮蠔，啱啱炸起，脆卜卜，好大隻同新鮮。鮑魚大大隻。東菇好厚肉，炆得入味。梅子鴨呢個鴨菜式，好野味，鐘意呢個鴨菜式多啲。仲有一個盆菜，裏面有豬肉，蘿蔔，仲有雞鴨飯，類似油飯，飯真係食唔到，太多餸。呢餐真係好滿足。。

個小盆菜入面有豬皮蘿蔔枝竹仲有豬腩肉，南乳味好香濃，不過可能太心急就開始食所以豬皮同埋枝竹唔係好入味，反而到到最尾啲豬肉真係入晒味好好食。椰子雞湯同埋陳皮鴨湯之間我哋揀咗陳皮鴨湯，味道唔錯，隻鴨好大隻。我哋揀咗黃酒雞，都幾香甜，雞肉都算嫩滑。呢個芋頭鴨味道都OK，唯一缺點係個芋頭好鹹，但係鴨肉嘅味道又OK喎。雞汁炆花菇好食，花菇好厚肉好入味。子薑菠蘿個子薑好味，好Fresh，當清一清個喉嚨都唔錯。魚肉丸有驚喜，食落就知應該係自家製，好鮮味。炸金蠔味道都唔錯，咬落去幾脆口。揀咗最貴嗰個餐所以有豬肚馬蹄炆鮑魚，我自己就覺得一般。

今日有幸受朋友邀請到屏山一間專做盆菜嘅餐廳食盆菜好傳統唔似平時食開有雞有鴨擺喺面嘅盆菜陳皮神仙鴨湯 黃酒煮雞 炆醉鵝客家炆豬肉薑汁菠蘿上湯鯪魚球上湯馬桶鮑魚豬肚炸蠔 焠冬菇先講黃酒煮雞，湯頭很重雞味，甜甜地感覺好補身！ 正！呢個係我食過最好食嘅黃酒雞！隻雞又滑唔會韌喎！用d 酒糟撈飯 神仙鴨湯係有一隻老鴨煲陳皮冬菇同豬肉禁既感覺滋陰養顏 客家炆豬肉肥瘦均勻炆得很入味，帶有一種獨特嘅甜味第二度好難食到鯪魚球應該溝咗其他魚，好彈牙總括而言，呢個新界圍村風味，盆菜之旅唔錯可以再嚟，想食嘅朋友要早啲打嚟問

唔太識欣賞嘅傳統盆菜！面頭只有雞、蝦、丸及冬菇，下面全是肥豬肉、蘿蔔、腐竹、豬皮等下欄食物，味道冇乜特別，賣相又唔靚，仲要賣過千蚊一盤，一啲都唔值的，難怪比出邊嘅新款又有特色嘅盆菜蓋過風采！另外仲點咗份超厚炸粉皮嘅金蠔，我都唔太知道自己食緊乜，浪費咗隻金蠔！仲要山長水又遠專登揸車入去屏山取貨，試過一次就夠了，應該沒有下次！寧願去酒樓叫小菜食飯仲好！早啲上網睇吓啲食評先，現在白白浪費咗一個重要的節日！

自2O13年開始，揾食肥華每年都會相約，同事或親友同屏山品嚐呢桌，傳統圍村食品一盆九砵，可惜自2O19年受到疫情影响，此食店亦停止堂食，引致肥華和一班親朋好友，無法再敍首一堂共享呢個圍村傳統特色美食，所以在2022年12月份政府宣佈放寬防疫措施，可以12人一枱用饍後，而前眼科上司大sir又吹鷄食飯，肥華二話不說就建議大sir攪一盆九砵宴，12月17日應大sir邀請，11名眼科新舊同事開開心心，齊入屏山到此店，再食已闊别三年多的傳統美食一盆九砵，每款食物風味依然，各同事都食得開心滿意，都話要多謝大Sir呢餐正宗圍村菜👍🙏👍🙏👍🙏❤

盤菜好足料， 夠喂飽 14 個人， 絕對冇落格。籮白好入味， 豬皮同腐皮都okay, 豬肉都算新鮮。 不過雞肉好似麻麻地， 湯底有少少咸， 淡d應該會好d。 另外今次鍋地有少少燶。

落單講信字，不用先繳費，取貨才付全費職員幫忙將九大簋搬到車上食物質素高，且不用翻熱，各樣餸菜新鮮滾熱辣各樣食物均好好味，讚不絕口菜式豐富，有雞有鴨，賣點是陳皮鴨湯和黃酒雞

年三十家人決定食盆菜，咁我就早多幾日預訂，到年三十下午自取，取餐時個盤菜仍然熱辣辣，用錫紙包好份量十足。到晚上開始用餐時，家人開始感受到輕微的不快。首先我認為呢個並唔係一個專業的盆菜，我山長水遠由元朗拿出市區，汁竟然沒有用樽分開上，而包裝只是用錫紙掩蓋，我作為一個專業外賣員，外賣箱內亦不免漏瀉很多汁，這個亦不是大問題，戲肉來了，我相信現今家庭大部分都只是有電磁爐，電陶爐及gas爐的比例還是較少，可能是我不好彩就只是我的盤不能用電磁爐，家人的面色一沉，要我在年三十晚八時四圍張撲gas爐，好在有朋友有立即揸車去攞。雖然用料比我多年前堂食相距甚遠，但仍然是一個很好食的盆菜，只是外賣進步空間仍多，首先汁應該要分開上方便人外賣自取，其次必須要肯定盤子能用於電磁爐上，或事先通知不能用於電磁爐上，無謂到食的時候先話電磁爐唔用得，等客人早有準備。

農曆新年，一大排人最好緊係食盤菜，圍埋一齊高興熱鬧下。今次揀左屏山傳統盤菜，仲要外賣到親友家中一齊食。1.了酸豬手，炆得夠腍，肉質夠鬆軟2. 燉陳皮鴨湯，湯夠清甜，有濃郁陳皮味。3. 魚肉丸，夠彈牙，有魚肉香味4. 雞汁燴花菇，花菇夠厚身，美味5. 黃酒雞，雞肉嫩滑，酒味濃郁，加上糯米同大量薑粒，食完成個人暖晒。6. 新鮮菠蘿紫薑，酸酸甜甜夠開胃。7. 小盤菜，南乳豬手同腩肉炆得夠淋，吸晒D汁，十分美味8. 梅子鴨，芋頭夠淋九大缽全家福，仲有炸金蠔同雞鴨飯，金蠔夠肥美，要雞鴨飯十分美味，每人吃了細碗已足夠。

最近秋高氣爽天氣晴朗, 最適合就係去郊外行下, 今日跟住一班山系達人來到屏山行屏山文物徑, 跟手吃個地道盆菜。其實對於我來講, 最根本就係為咗食, 行山什麼的都只是餐前運動。而我亦都係到咗餐廳先知原來我們吃的唔係盆菜, 係九缽。睇餐單, 我估"九缽"即係九碟餸菜吧新鮮菠蘿紫薑, 酸酸甜甜的味道, 好夾好開胃。魚肉丸。雞汁燴花菇, 夠入味, 而且花菇夠厚身, 有咬口。燉陳皮鴨湯, 見到原隻鴨漂浮在湯入面, 都擔心過如何落手, 但其實筷子一夾超容易起到肉且肉質軟滑, 入口即溶咁滯。了酸豬腩肉，好大一盤，有點類似盆菜，底下有好多其他配料，蘿蔔、枝竹、豬皮等，充滿肉汁，正！炸門鱔，外脆內軟，要趁熱吃。梅子鴨，但我的重點在芋頭。黃酒雞, 酒味香濃, 雞肉嫩滑，聽說適合女性補身，吃多兩件~一班人吃到舔舔脷，睇怕下次又會有人約來呢度行山。。。但要記得訂檯先~

今日大家一班朋友浩浩蕩蕩去左元朗屏山鄧氏宗祠參觀，大家都係住市區，難得咁遠入到元朗，緊係要搵D特色野食下，朋友介紹一早預訂左晚上去元朗的屏山傳統盤菜，訂左一個九鉢盤菜餐。下午四點天水圍地鐵站集合，一大班行到六點就去食晚飯，話明九鉢盤菜就是有九個餸，首先黎一大鍋燉陳皮鴨湯，原隻鴨上，好大份量，湯好鮮甜，D肉又好滑，全部餸都好大份，甜品有新鮮菠蘿紫薑，好清新好甜，仲有一大桶飯，我們十幾人都食吾曬，真係超級大滿足。

朋友睇電視介紹屏山傳統盆菜真材實料, 更保留傳統味道, 故初四以$750訂6-8人自取盆菜, 回家打開一睇, 表面放上7隻養蝦, 半隻無味且淋汥汥的雪鷄, 粉團魚蛋, 7小粒蠔豉, 冬菇大而不爽, 腩肉肥得可怕驚人, 中層只有豬皮腐竹, 硬如柴皮無味的魷魚及零碎的瘦肉,底層放有砌成大大舊蘿蔔, 真是想不到$750蚊買的盆菜是這樣可悲可惡的, 這店老闆的售賣手段實令人非常憤怒, 賺錢是當然但並不是要賺到咁盡.

臨近新年, 一班為食友齊齊殺入元朗食九大簋慶團圓, 雖然有點路途遠, 又唔係話特別好食, 不過12人柴哇哇熱熱鬧鬧食餐飯, 蠻開心的, 下圖為地下廚房及外賣部。屏山盤菜位於一層3層村屋內老派簡單大排檔裝潢九鉢 (HK$1,750 /12人)新鮮菠蘿配子薑過塲清喉嚨之食物, 新鮮菠蘿夠甜, 子薑夠爽脆, 酸甜度恰到好處, 好食燉陳皮鴨湯清清的陳皮鴨湯, 喝一口, 很清新的陳皮鴨香, 個人好鍾意, 鴨肉燉得霉腍離骨, 湯清卻好喝黃酒煮雞賣飛佛, 佢哋嘅自家釀製黃酒很不錯, 酒味不嗆喉, 順口而帶微甜, 加埋大量糯米及薑粒煮鷄, 食完暖粒粒, 有病醫病, 冇病補身之物, 必食之選小盤菜大大嚿圓潤南乳豬腩肉, 睇見都想食, 盆菜內還有蘿蔔、豬皮和枝竹等吸汁食品, 南乳汁夠香,味道鹹了點, 還可接受, 但唔知點解當造嘅白蘿蔔唔係咁靚, 唔夠腍甜, 有點可惜。魚肉丸呢個肉丸反而冇乜特別, 魚味不足, 既不爽口也不彈牙。梅子鴨鴨乾身, 冇乜梅子味, 鴨肉肉質有點似食鹹肉, 鹹鹹地, 幾好趙口, 送酒一流, 芋頭靚！夠鬆香炸鮮門鱔門鱔唔係日日都有, 有時會用炸生蠔代替, 門鱔只係傳統嘅情意結, 你話特