展興餐廳 (已結業)

平時一諗唔到食乜就一定係叫外賣，最方便又唔想諗咁多我通常會揀食炒飯😂➼ 生炒牛肉飯啲飯都算炒得乾身，份量都正常夠一個食得晒，老實講都係普通炒飯一個🤣不過可以一提嘅係個飯有三色豆！如果好介意嘅話可能食返其他飯會好啲🤣

嗰日喺公司開OT，原本打算外出食飯，但係手頭上仲有好多嘢未完成😣😣所以就決定去叫個快餐返公司食，聽啲同事介紹呢間茶餐廳啲套餐都唔錯就去叫來試一試，我哋叫咗豆腐斑腩飯和豉椒排骨飯兩個餐，因為即叫即炒所以拎到都仲係夠晒熱，賣相唔錯，啲斑腩都可以接受，而排骨肉質都算嫩滑，碗飯嘅份量超乎想像，真係好多，仲有碗例湯和一杯奶茶，$90呢個價錢買到兩個套餐簡直係超值因為每分餐嘅份量都好足夠，味道都算唔錯，價錢又合理👍

夜晚落街買野，順便外賣買埋飯返去食～見到展興外賣做緊9折,買個飯試試先~"鮮茄班腩飯"($45) 跟熱檸茶~落咗單出去行咗一陣,返去就拎得成盒飯份量都幾多,班腩炸粉如果薄d,會好味d, 茄汁偏甜整體味道正正常常,計埋9折外賣幾抵食~

優點:1) 菜式選擇多.2) 搵位方便 (原來有原因的... X_X )缺點:1) 又係一坐低, 就 hand sell 海鮮!2) 坐底無耐就聞到小小奇怪 up 味!3) 冷氣明顯不足.4) 點咗個海南雞飯, 一望隻雞已知預制咗好耐, 雞皮收哂水，而且凍冰冰好似係雪櫃攞出黎, 碗雞飯毫無雞油香而且難入口! 5) 吉烈豬扒飯個蕃茄汁當然唔係用新鮮蕃茄制顏色又假又唔惹味.都算!D汁整到成碟飯好似發生命案咁! 有相有真相.都算！落水過多攪到飯粒煮出黎已經比較爛，再加埋個唔好味嘅西式"傑傑"地芡汁簡直攞你命3000！食咗兩啖再勉強食埋塊豬扒就放棄！第一次幫襯, 最后一次幫襯!

外賣等左兩個幾鐘都未到由11點50分打電話叫左個焗雞扒意粉外賣，等到1點18分我見未到就打電話問下，咁佢就話啱啱出去送緊比我，我見接電話個個幾好態度就冇點講啲乜啦，加上我屋企同佢間茶餐廳只係4-5分鐘既路程，我以為好快就到啦所以我開定門等佢，但依家成2點16分啦 都仲未收到份外賣幾忙都好 都冇可能要客人等咁耐吖，之後都唔會點幫襯依間嘢

其實每次泥土瓜灣都係因為剪頭髮，剪完同朋友食個晚餐先回家。今次泥食師傅推薦既平靚正男人飯堂試下。一入去真係好多男人自己食個晚餐我地2個女仔入去感覺好奇怪，哈。。不過餐廳好多卡位，讚！餐牌種類都好多，小菜。晚餐。扒餐。常餐乜都有我吾中意係一坐低，個姐姐已經企係我隔離問食乜野啊？我想講我睇都未睇之後叫佢等一陣，一分鐘已經再問食乜啊。oh no!!!!!!!!!當時又無乜人，點解要催我😶最後求其要2個小菜。包白飯同例湯飲品。湯我地無要，反正吾飲吾好浪費豆腐斑腩：炒得幾香同好大碟，斑腩都有6件，吾會覺得太油，送飯一流 ！沙拉骨：我地係其他地方食都吾會甘。就係超級多沙律醬！真係太多好酸，我地係食到刮走啲醬，真係太多醬😐吾好食，但份量都多。。食完嗌埋杯飲品就走。。。。。

搬左黎土瓜灣之後經常惠顧嘅餐廳，呢間展興開左超過三十年，由老公細過食到大，老板娘同街坊都打成一片，早、午、晚餐都試過，每餐份量都好啐，特別係晚餐，二人套餐，百幾蚊,三餸有湯，好抵食，而且夠鍋氣，係土瓜灣街坊嘅好選擇!

今日晚餐一支公走左落去屋企附近呢間展興茶餐廳食晚飯，望一望餐牌，見到有樣幾得意既配答，茄子+牛仔骨，心裡面就想著要試一試佢，就係咁就叫左呢個茄子牛仔骨+凍奶茶。睇住電視等，大約等左10分鐘左右，煲仔上既茄子牛仔骨到了，立即先試試茄子，個茄子係炸左先再放去落去同牛仔骨一齊整，超熱+入味，再試試牛仔骨，失望了，牛肉好（銀），咬到我痴哂牙，還好味道算不錯。另外飲品凍奶茶比較甜，建議下次可以要小甜比較好。

深夜有點餓 選擇了自己一個入餐廳嘆份扒24小時又充滿人情味既展興係一個好好既選擇.一個人既深夜浪漫首先上抬既係薯條一貫好既茶餐廳既特色 就係又快又新鮮炸起 仲係燙咀既再點上茄汁 真係人間天堂.鐵板牛扒更緊要就係汁多啖啖肉再沾上黑椒汁滿足感upup呀完左一日既工作再嘆番份甘既扒 已經值得了.叫左檸茶走甜茶香同檸檬既香果然令個人無甘heavy真係完美一餐完美既宵夜就甘發生左了伙記超親切的 大家去個度可以遼下佢地傾計

每次翻母校都會好懷念lunch時光🤦🏻‍♀️🤦🏻‍♀️今次難得翻去就一定要叫展興外賣🙆🏻海南雞肶飯、雞扒烏冬、豬頸肉炒公仔麵全部都係世界級好食！又平又抵！最愛涼瓜牛肉，而我又有個好朋友專食涼瓜唔食牛肉，而我就愛牛肉唔愛涼瓜。所以每次叫e個餸都係2個人叫🤤🤤🤤🤤牛肉又嫩又多，勁好食。

係紅磡同老朋友聚舊兼跑步，跑完之後突然好懷念啲舊食物，突然好想食返啲舊野，落土瓜灣道啲茶記就最好不過。展興餐廳係土瓜灣道有兩間舖，一間大既有兩邊舖近煤氣鼓，我今次食呢間係益豐大廈呢間舖面細啲，一個長長單位，兩部大電視，一部播大台劇集，一部播跑馬。所以大部份食客都拎住份報紙飲住部奶茶好努力咁溫馬經。大部分係卡位，中間有其他4人枱，一間好地道既茶餐廳餐牌上面有好多選擇，大部分飯類送野飲連湯（其實有湯送既茶餐廳已經買少見少）焗豬扒飯 涷奶茶 hk52落單後大概兩分鐘左右，先黎一碗合掌瓜豬骨湯，同埋凍奶茶，再過十分鐘左右，焗飯都黎埋合掌瓜煲豬骨湯有舊好細既合掌瓜，啱哂平時少菜既我，肉仔有一舊，不過太肥難以入口。湯既味道普通，有豬肉味，同埋一定有既味精味，雖然唔太咸（味精落得算輕手），但都唔飲太多（之後都要飲多杯水解渴）焗豬扒飯用一個大既平底兜載，兩大塊豬扒，放上紅紅既茄汁（番茄欠奉），掀開兩塊豬扒，驚喜既係飯用蛋炒底，熱辣辣，香噴噴。兩塊豬扒真係好大，薄薄地，比手掌還大，咬落去口感幾好，煮得剛好，唔硬，而且煎過先放落去，所以好香口。茄汁就真係無甚特別，除左紅色似茄汁，其實無咩番茄味，不過因為個