影片
港鐵屯門站 C1 出口, 步行約15分鐘
繼續閱讀
電話號碼
26180034
營業時間
今日營業
08:00 - 21:30
星期一至日
08:00 - 21:30
以上資料只供參考, 請與餐廳確認詳情
去屯門取D嘢，見到華都商場側邊有間餐廳似乎唔錯。鋪頭外頭有餐牌就入去試吓。老細禮貌歡迎入店，我估都係做街坊生意。入門就問我係咪啱收工hhh🤣（我孭住個超級超級大嘅袋）。廚房開嗮門俾人客睇嘅，直接可以睇到師傅手速驚人整緊嘢食😋。哩度落單掃個QR Code or手落單都得。🥢【咖喱牛肉飯】/ $58+10炒底出餐速度尚可，拎上黎之時已經聞到好香嘅咖喱味，咖喱底味道就係合格水準，不過個牛肉就靚喇😲幾十蚊嘅飯餸牛肉居然唔薄唔柴，爽滑有鮮味，實屬驚喜。特別建議飯炒底。炒底同咖喱牛超夾。食一啖咖喱牛肉再餸埋一啖飯真係好香。飲多啖熱阿華田滿足感拉到滿😋😋
繼續閱讀
今日同老公去完旅行番黎都已經好夜，所以向屯門食個快飯就算，華都有好多餐廳，好多都好高質，我地就揀左好耐都未黎過嘅屯利佳，以前都成日黎幫襯，由於已好夜喇，所以唔洗等位已經可以入座，呢到有好多選擇，我地今次就點左：生炒排骨飯（$49）熱華田真係超鍾意食生炒骨，因為自己整好麻煩，排骨仲係好脆口，唔會淋晒，又多肉，配菜青椒洋蔥清新，醬汁酸酸甜甜，好開胃，唔錯唔錯，華田正正常常，椒鹽三寶（$56）加可樂（$8）三寶有魷魚，腰果，四季豆，魷魚又係脆卜卜，腰果炸過好香口，四季豆就差啲，食落成口油嘅感覺，椒鹽味道未算好重，但都可以。
繼續閱讀
假期通常我地日上三竿，訓醒起身去到食野，一般都已經過左早餐時間，但好衰唔衰，有時就係突然好想食「早餐類」，即係公仔麵果種。要喺呢頭搵間茶記有常餐食都唔容易，而且我淨係食一丁，都難搵架，以前我會去番連鎖嘅太_，但最近去過一次，發現佢地午市時間冇左餐蛋麵…最終我就黎番華都呢邊嘅茶記，常餐兩餸一丁配埋飲品都認真唔平，接近40蚊，味道都係不過不失。丁麵係真嘅，唔會煮得太腍身，亦都唔會乾哂水，對於我呢種無飯人士以言，已經合格。五香肉丁都唔會太孤寒，因為真係食過一啲再孤寒啲嘅，俾得果幾粒…腸仔得一條，真係唔係好抵食。不過呢度午餐都好多人食架，附近唔少上班族都喺度lunch，快餐夠快，又唔貴。係我自己麻煩要食麵啫。
繼續閱讀
而家百物騰貴，出去食個飯閒閒地四十幾五十蚊，聽聞屯門市廣場附近有間街坊茶餐廳出名平靚正，今日就試下啦！$36 咖哩汁火腿雞絲飯老實講，$36咁大碟飯真係好抵味道方面，首先咖哩汁非常多，每啖飯都食到咖哩，而且唔會太辣，份量控制得岩岩好，而火腿同雞絲都係普通茶餐廳質素，唔會難食得去邊！我對碟飯都幾滿意，始終比較平補充：屯利佳舖位較細，如果多人上黎真係幾逼，坐得唔舒服，不過想食平靚正飯就不妨一試！
繼續閱讀
今日只有一個人吃午餐，於是就去了屯利街餐廳，因為只有一個人好易揾位,我去到店鋪坐下之後就叫磨姑汁魚柳腸仔飯，有湯同飲品 ,魚柳腸仔飯好快來到，我看到個飯一刻,呢碟飯咩來，魚柳炸到吃不出是魚 ，炸得真是好乾,完全不知吃什麼，個汁好咸,腸仔冇咩特別，奶茶同中湯就一般，今次整體不好吃,服務就一般
繼續閱讀