屯利佳餐廳

營業中

休息中

假期通常我地日上三竿，訓醒起身去到食野，一般都已經過左早餐時間，但好衰唔衰，有時就係突然好想食「早餐類」，即係公仔麵果種。要喺呢頭搵間茶記有常餐食都唔容易，而且我淨係食一丁，都難搵架，以前我會去番連鎖嘅太_，但最近去過一次，發現佢地午市時間冇左餐蛋麵…最終我就黎番華都呢邊嘅茶記，常餐兩餸一丁配埋飲品都認真唔平，接近40蚊，味道都係不過不失。丁麵係真嘅，唔會煮得太腍身，亦都唔會乾哂水，對於我呢種無飯人士以言，已經合格。五香肉丁都唔會太孤寒，因為真係食過一啲再孤寒啲嘅，俾得果幾粒…腸仔得一條，真係唔係好抵食。不過呢度午餐都好多人食架，附近唔少上班族都喺度lunch，快餐夠快，又唔貴。係我自己麻煩要食麵啫。