屯利佳餐廳

營業中

休息中

今日同老公去完旅行番黎都已經好夜，所以向屯門食個快飯就算，華都有好多餐廳，好多都好高質，我地就揀左好耐都未黎過嘅屯利佳，以前都成日黎幫襯，由於已好夜喇，所以唔洗等位已經可以入座，呢到有好多選擇，我地今次就點左：生炒排骨飯（$49）熱華田真係超鍾意食生炒骨，因為自己整好麻煩，排骨仲係好脆口，唔會淋晒，又多肉，配菜青椒洋蔥清新，醬汁酸酸甜甜，好開胃，唔錯唔錯，華田正正常常，椒鹽三寶（$56）加可樂（$8）三寶有魷魚，腰果，四季豆，魷魚又係脆卜卜，腰果炸過好香口，四季豆就差啲，食落成口油嘅感覺，椒鹽味道未算好重，但都可以。