山下菓子 (如心廣場) (已結業)

一上到枱個賣相已經令人好失望！淨係見到一pat醬同零星士多啤梨，pancake就壓到扁晒。一放入口唔單止冇口感冇蛋香，仲有一陣燶味，原來兩塊pancake個底都燶到黑晒。真係唔會再有下次。。。

餐廳開業約一個月, weekend都有午市套餐, 而且價錢實惠! 整體食物份量正常, 味道不俗。卡邦尼意粉 ($68未加一)芝味濃郁, 醬汁濃稠適中。但由於唔夠熱嘅關係, 芝士粉未能完成融化, 變得凝固而影響口感。豚肉生薑燒丼 ($58未加一)有點驚訝😅有別於一般丼飯採用豬肉片, 而係用豬扒。豬扒薑味頗重, 但肉質有點韌。蟹餅 (午市套餐追加小食$38)有點失望🤦🏻‍♀️我以為味道會好似西餐廳的蟹餅...根本係粒蟹柳炸魚餅。雖然即炸熱辣辣都幾好食, 但價錢偏貴。雖然食物質素唔差, 但服務員態度一般 。由於餐廳採用QR code自行落單, 但連menu都不願提供, 而QR code嘅menu又沒有相片。另外, 服務員喺整理離座嘅枱後, 會用枱布抹櫈, 這麼低的衞生標準, 絕對會令客人喺疫情下卻步。

見lunch set $58(未加一）好似好抵就入咗去食。叫咗個冬陰公蜆肉意粉，包杯野飲，份量細到幾啖食晒，係食唔飽架！最憎出街俾錢食個lunch set係食唔飽！豚肉生薑燒丼：唔好幻想係出面丼丼飯嗰隻燒豚肉片，係一舊舊鞋恰恰嘅瘦肉粒！又唔夠汁！見相片，加$38（未加一）嘅小食幾吸引，就叫咗個一碟三舊嘅蟹餅，上到枱，變咗三粒炸魚丸，邊忽係蟹餅呀？好搵笨呀！個感覺好似俾人呃咗咁！真係好嬲！永遠唔會再幫襯！

午飯一頓，見未試過入去一試，坐低無牌用app叫餐有餐上枱，茶🍋兩塊薄薄切片，盡現刀功🔪泉蛋雞飯, 隻蛋凍嘅😳醬汁偏鹹，一試忘返🙄埋單嚿幾，雖不太貴兩人一枱，異口同聲⋯⋯都唔知食過啲乜⋯⋯一次就算🤦