山崎麵飽 (已結業)

麵包控首選我自認是一個麵包控， 很喜歡吃澱粉質類食品，尤其是新鮮出爐的，香噴噴的麵包。剛剛做完一個job， 在樓下就見到日本山崎麵包Yamasaki。 Yamasaki 在香港的分店非常多，好像Seven Eleven 一樣，隔離左近梗有一間， 非常就腳。這家Yamasaki 裝修新穎，樓面非常乾淨。 我最喜歡吃他的牛角酥。 九個半有三件，我就選了兩個迷你牛角酥和一個芝麻迷你牛角酥。 酥皮很有層次感， 牛角酥非常脆口鬆化， 牛油味非常濃郁。 配上啖啖芝麻香， 口感十足。另外我也買了這個朱古力迷你牛角酥，九個半兩件， 這個牛角酥貴一點，但是加上朱古力，份外好吃。這家非常適合喜愛牛油味豐富層次咁多的麵包控來選購。

今日去彌敦道幫媽咪買啲嘢， 醒起屋企冇麵包就去這間日本麵包店買， 睇極啲個裝麵包鹹鹹甜甜好似好多古靈精怪咁唔係好啱心水， 所以就向袋裝麵包埋手。太太上次話 這個金拔絲麵包好食 叫我下次見到買畀佢， 一袋大約有七片， 每片都幾厚下， 其實我食兩片已經好夠飽。 每片都充滿牛油味 十分軟熟 ，外層有少許脆口， 一路食有一條條細絲嘅感覺， 有微微濕嘅感覺 食落唔會乾爭爭， 非常易入口， 我自己就唔會再加其他嘢食 配襯， 但太太喜歡加片火腿在麵包面上，再房入焗爐烘一烘，有著温暖的感覺！

早餐食咩好呢個真係一個好問題對於我呢d朝朝都訓到最後一秒都唔肯醒既人上班日要坐定定食餐好既早餐好有難度但唔食早餐又會冇力做野咬麵包自然成為唯一出路但咬麵包都唔可以咬得咁求其要咬得有要求既！今日我去左山崎麵包 買左個芝士條千其唔好睇少佢條芝士條平平無奇其實芝士條黎講山崎既都算係好食果隻首先份量好夠大大條早餐食一條包你夠飽先然後我拎上手佢仲係微暖既溫度其實真係好重要佢可以令一個唔好食既包變得好食又可以令一個本來好食既包變得好好食打開膠袋即刻聞到一陣芝士既咸香味芝士密舖左係麵包上邊咬落香脆麵包質感鬆軟有彈性好食到唔覺唔覺就食曬一條值得推介！

(Pão de Queijo) 萄式芝士波波系我回憶里的一道風景線。每次食返都會點點滴滴忘事在心頭哈哈，Pão de Queijo是巴西葡萄牙語芝士麵包的意思，來自巴西東南部的Minas Gerias州。 雖然pão de queijo直到20世紀50年代才開始流行，但據說它們自18世紀以來一直廣泛存在，只不過原始版本系冇芝士或者牛奶呢d成份，而糸由木薯粉製成的，現在傳到亞洲後便變成日本臺灣果d麻糬麵包或麻糬波波。山崎麵包的芝士波波在原本的芝士波波基礎上加左晤同口味，有抹茶，朱古力，芝麻，小紅莓，咖啡，還有原味。吃起來口感系麵包外面那層皮脆脆的，而內裡則是鬆軟QQ的。17蚊6個。早餐就這樣解決了。

其實我係一個面包控超級鍾意食面包 連去旅行都會係咁食🤦🏻‍♀️🤦🏻‍♀️🤦🏻‍♀️呢2日會寫幾篇關於連鎖店面包食評山崎 唔算多分店好彩屋企附近有一間今次屋企人買左切皮白方包俾我我覺得好食ge面包店 方包做得好食係好basic 咁你可能又會話 車 方包又冇乜味點整都係咁我就唔覺得係咁連鎖性面包店好少有切皮白方包呢度有👍🏻👍🏻岩晒d平時唔食面包皮ge人但其實我好鍾意食面包皮😂😂呢個方包唔會好乾 食落仲有少少濕潤感吹落去略嫌多左d空氣感唔夠札實欠缺口感 不過做早餐係好唔錯的提提大家同時都提自己 白方包太精練 升糖指數高 唔建議日日食

山崎的抹茶系列其實吾多應該只有麻糬波波同鍋餅有賣綠茶口味而且鍋餅吾係間間分店都有好耐之前係樓下間山崎有食過 但樓下已經無賣好耐 都吾記得咩味道了今次經過太子分店 見到有綠茶鍋餅 又被綠色的食物吸引左過去綠茶紅豆鍋餅又比佢呃左 一食就突然諗起係喎 以前食過覺得好難食 仲話一定吾會再買。。又中招了真係好難食 紅豆都吾係紅豆味 都吾知自己食緊咩早知買返忌廉芝士鍋餅好食好多！綠茶麻糬波沒有什麼綠茶味但口感比綠茶鍋餅好始終芝士麻糬波是最好食的！總結就係山崎都係芝士系列好食d綠茶系列真係可一不可再

諗住買個裝麵包聽朝做早餐，但想買嗰間又加左$2，成$17一個包，一時未接受到，就向前行去山崎麵包店。 入到去，見到一個聖誕包好吸引，個樣似我食開嗰種杏仁蘋果包。 呢個就係夏威夷果仁同朱古力味，就$14. 所以就買左一袋6個的朱古力扭紋包，雖然每條唔係好大個，但都夠2餐食。包很鬆軟， 唔重朱古力味，一個包有很多層，係有少少油，但就好香，一啲都唔dry。 個聖誕包幾靚吓，但我影下相，個職員就起矖降，唔想我影咁。。。影個包啫，都唔俾。。。so sad !

平時唔太喜歡食麵包，但唔想成日食咁多一大份早餐同腸粉燒賣嗰啲，都會偶然買吓包間住做早餐。媽媽推介食呢個美味棒，媽咪話十年前左右已經有呢隻包，以前$5.5開始食，呢家賣$11了！呢個黑糖味美味棒,用上幼細鬆軟的麵包做成條裝，中間夾著忌廉。黑糖味不重，所以不會太甜，而且有點柔和感。 中間的忌廉幾新鮮，沒有雪著，甜甜的忌廉都企身，不過就多左啲咁，一路食一路要“不”走啲，如果唔係都驚肥死。 可能有忌廉中和著，包一點也不覺得乾身，容易吞嚥(這字感有點誇張！)我覺得都ok,俾7/10佢，下次會再買嚟食。

今日係太子呢邊做野，做完諗住坐車番公司，點知見到山崎麵包，所以就即刻入去買個包做下午茶，跟住就俾我見到呢個朱古力包，一眼望落去就覺得佢幾特別，之後即刻俾錢買兩個試下味。點知真係出乎意料咁ok，好多朱古力醬係個朱古力包入面，而且個入口軟綿綿咁，仲要唔會太甜，所以真係ok，朱古力愛好者絕對可以一試。

工作後鬆一鬆, 吃紅豆草餅嘛!山崎的草餅, 最棒的地方就是草餅皮不會過厚, 而且很鬆軟, 很煙「un」。紅豆餡很足夠, 基本上咬第一口就已經吃到紅豆餡, 直至吃完的最後一刻, 也是滿著紅豆餡的。豆沙餡調味調得好, 不會過甜, 而且偶爾會咬到一粒粒的紅豆。8元一個的草餅, 在放工後給我能量, 帶給我幸福的感覺。這草餅, 配熱茶最好不過了!

其實以前經常食呢度d麵包, 因為口味較特別, 價錢又唔係貴但自從隔離開多左兩間台式麵包鋪後, 幫襯都少左前些日子傳出麵包有人工香精事件後, 又返番黎呢度食我鍾意既 "超方醇方包''$15一大包有六片  每片都好有厚度成袋麵包比普通方包重左成倍因為用湯種方法去整   包身超柔軟  就係你拎住片方包佢會向你彎腰say hi一樣而且濕度好足夠  放喺室温兩日都仲保持到麵包聞起黎有濃濃既麵粉香氣(聞到我上隠)  加上佢麵包組織好細密令我哩個麵包迷食唔停口(試過一次食左佢5片個宵夜) 

今日o係太子等巴士 , 站後面就係山崎 , 山崎 fans 又黎巡下有咩新產品 , 見到有幾款季節限定哈囉喂包同埋十月新出o既面包 , 又一睇就想試哈囉喂包賣相可愛多過可怕或怪誔 , 餡料都合我意 , 未知味道如何 ~1. 攪鬼南瓜包~ 外形有 d 似孖寶蛋糕 , 頂著骷髏頭造型曲奇 , 味道一般 , 鬆而不脆貌似蛋糕o既其實係富牛奶味o既軟包 , 餡料滿是香甜南瓜蓉 仲有 d 提子乾 , 酸酸地煙煙韌韌 , 有助中和返南瓜蓉o既甜味 , 唔錯 !2. Q 版木乃伊~ 其實只係個朱古力軟心包 , 塗上白朱古力糖面O係面包上 ,造出繃帶o既效果作木乃伊造型 , $ 9 似乎最貴最唔抵食係佢面包軟韌有嚼口 , 而朱古力餡 , 山崎出品一向不過甜而且香滑濃郁 , 但因為白古力面 , 有點弄巧反拙地將整個木乃伊包變得過甜 3. 栗子吉士批~ 對山崎酥餅或批撻類一向有信心 , 酥皮充滿牛油香味 , 鬆化可口 , 芝麻既香又能豐富口感 , 吉士醬重奶油味但不膩 , 栗子唔係蓉而係一粒粒o既 , 但味道不明顯 , 極其量幫忙提升甜度4. 甜薯芝麻球~ 係一個灰灰白白o既大 size 麻糬 , 內藏

山崎的麵包經常食,但蛋糕就是第一次嘗試朱古力鬆軟蒸蛋糕:蛋糕的水準頗佳,能做到入口即融的效果而且口感綿密鬆軟,加上淡淡的朱古力味,令人回味無窮!之後,再配上一杯牛奶,豐富又有營養的早餐!

山崎的超芳醇麵包超鬆軟~聞起來已經有好香麵包味~我通常不塗果醬就吃~ 別有滋味(圖: 下次買先影相補回)之前山崎有一隻朱古力扭紋條~一整包買, 好平不過依家轉左包裝, 少左又貴左

They have a lot of mini baked things that you can buy very cheaply, which is good. I have tried a lot - QQ balls of different flavours, chocolate knot, camembert bun - and most of them are very average or even bad - tasteless and too bready. BUT one thing there is so good and I just keep coming back for it... mini red bean doughnut. MMMM. Maybe its because this is the only plac eI've ever tried one - they're never hot but always warm, adn sugar-coated. and mmm just good good good good.