山崎麵飽 (已結業)

$7。甘薯窩夫：內餡有黑芝麻和甘薯，可惜好失望啊，甘薯份量很少之餘，無咩味道，無論薯味定係甜味都欠缺，惟一只吃到少許芝麻味相比其他窩夫系列，另有：原味、朱古力、花生味，朱古力味是較好

$6.5。朱古力味骰仔包：之前十月見官網推出全新的的式式「骰仔包」，但只在太古、屯門及青衣分店率先推出，一直覺得幾得意想試都無機會。幸好，今次見有啦，除左朱古力味，仲有另一隻忌廉味，但個人對前者較有好感，於是就買左呢粒''骰''試下啦！嘩，其實外面就是實實方包的麵包口感，裡面有勁大舊朱古力囉，隻味又唔會太甜喎，幾好味！$10。5個。迷你芝麻紅豆麻糬：呢個超失望，根本就無紅豆味又細個，表面就是鋪面白芝麻，實質就是酒樓食個D煎堆咁，又油喎...新春優惠和果子，今個月第一個星期惠顧滿$12，+$4可換>>大褔<<：裡面的餡是紅豆蓉，甜就肯定甜架啦，日本和果子向來都甜到漏

$9.5。6片裝普通方包：果然包如其名，確實普通不過。不失不過。雖無高鈣方包的厚實脆邊之感；更不及超香醇的軟熟。但方包總言也並沒得過且過，終歸平凡是好…P.S：若沒記錯是200g，均有6/8片裝供選擇，但人較愛6片裝，皆因其厚薄剛好，簡簡單單的作三文治又夠晒份量，用來烘多士更適合不過。

雖然每天都經過, 但在月尾才發現原來11月麵包都幾吸引~~ 爭取機會買來試試~~雙層忌廉蛋糕包 ($7.5) - 很長的名字呢, 雙層還可以理解, 因為上半部份是巧克力麵包, 下半部就是普通麵包~ 其實吃完全個包都沒有"忌廉", texture 也沒特別像蛋糕 -0- 最意想不到的原來在2層中間有滿滿的巧克力醬~~ 意式蕃茄包 ($8) - 裡頭有千島醬, 芝士, 蕃茄醉, 粟米~ 翻熱過後裡頭的醬會熨口呢 -3- 千島醬多加了1份芝士香, 很不錯, 但就比較稀溜溜。 蕃茄和粟米都只有很少 =\ $8 就有點兒貴了

$13。高鈣方包：又夠3個印花換方包了，今次揀左呢款方包。佢當然無超芳醇咁軟熟，但勝在高鈣嘛！最愛佢個邊烘得好夠(火農火農地咁，正)$9。綠茶蛋糕：都幾大個，綠茶味偏淡，但尚夠香軟！

原價$7.5@。今個月$14。2個菠蘿芝士千層：淡淡的菠蘿和芝士味，千層尚算酥化，好大個，有兩個麻甩佬既手掌咁大添薯蓉吞拿魚包：形狀似個8字，8字中間各放著超小的吞拿魚和沙律薯蓉餡既野，味道又係淡淡的，有點油

十月喇~又有新野！可能由於今日係公眾假期，官網還沒有更新，向來每月都會有新野出。幸好家離此店極近，當要要走去睇下今日有咩新野到啦，滿心歡喜，誰知嘗他後失望$5。可可蕃薯：首先，超級迷你，1,2啖就KO。一層類似朱古力曲奇包著舊微型蕃薯仔，味道方面，無論可可或蕃薯味都完全食唔出，不值$7.5。南瓜頭：由於將近萬聖節，當然會出D相關代表性的產品，呢個頭就唔細，餅身滿佈粗砂糖，質感較韌，像是英曲般的口感，可惜同樣毫無南瓜味可言

最新情報。期間限定「中華酥」。全新推出期間限定「中華酥」，包括黑芝麻酥、芋頭酥及鳳梨酥，是中秋佳節之選。 $6.5。黑芝麻酥：好多黑芝麻餡，都幾香濃丫$6.5。芋頭酥：芋頭味不錯的，愛吃芋頭的食家不妨一試$11。4個。迷你鳳梨酥：果然好迷你，但係味道就真係唔差喎，一口咬落去，鳳梨味好清新，好香，甜味剛好

$6.5。香軟芝士棒：長長的芝士棒外賣靠得住，表面的芝士被焗得香香脆脆的，包身是偏硬、乾身的類型7。芝麻火腿批：細細半個，包面有好多芝麻，內裡的餡料是火腿和芝士，芝士味頗香濃，火腿碎的份量較芝士少，比例ok

$7。花生窩夫：今個月的新品。賣相不錯，窩夫上下均佈滿花生碎，窩夫微甜，經我再焗後，香脆無比，更添美味。整體來說，賣相就靚靚啦，但主角花生味就唔多食得出la…另有$6原味和$7朱古力味

$6.5。椰絲蛋糕：蛋糕質感就像平時所吃的紙包蛋糕，表面有少許椰絲，蛋糕鬆軟，味道微甜，個人感覺甜味適中，而且蛋糕整體還算軟熟。期待下月的新推廣~

又集齊3個印花了，上次試了本想試很有名的超芳醇，可是售罄了，最終只好退而求其次選擇了超級方包，這遍終於能一賞未了的心願超芳醇：據官網所說此方包使用了湯種法，入口時更柔軟濕潤，且帶點清新小麥粉甜味，果真吃起來超芳醇外，還有陣陣淡淡牛油飄香，味道不會很重，軟綿綿的，令人回味。 無論方包或麵包的皮都頗軟熟，跟之前吃過的超級方包一樣般鬆軟！方包好處就是吃法多元化~不論…淨吃。原汁原味自製三文治夾入你所愛的餡料。隨心所欲抹上果醬伴吃。甜甜的味道放進焗爐烤烤。香脆可口的口感P.S(1)：香港官網有錯處。山崎官網.最新情報>每月方包精選優惠>全鮮奶方包的價錢出錯了…>>>特價$14.5(原價$12.5)<<<？？？已聯絡有關部門了，可是還沒作出更正呢…P.S(2)：這遍吃的咖哩麻糬波波味道卻較好，咖哩味明顯比上次吃的出奇地香濃…

由於每月都有promotion，作為山崎fans的我，琴晚臨訓前上官網睇下有無update啦，哈，推廣情報真的有更新喎，我最愛的葡式波波(麻糬波波)有新味出喎，高興極了，之後便懷著期待的心情去睡。今早當然即刻去買來吃啦！$11。6個。葡式波波。咖哩味：其實咖哩口味A1一早已有。山崎的咖哩味道較淡，起初聞落就有少許咖哩味，但食落又完全無咖哩味，本人還是較喜歡A1咖哩的味道，吃起來不太會油膩之餘又不乏咖哩香味。<其他5款口味之前已提過，不再重述了。現在共6款口味，真好，剛好各味一個，'fit'都漏油~！>愛的排名：芝士>綠茶>芝麻>紅莓>朱古力>咖哩最新情報：會員積分獎賞推廣期：1-31/8/2009分店：全線分店 凡惠顧滿$18或以上(單一發票計/包裝飲品及寄售商品除外)，即可獲贈額外1分。http://www.yamazaki.hk/photo/1249038884_BIG_Extra_Point.png

$7。朱古力窩夫：NEW!靚。之前只有原味窩夫。但這個朱古力味超正，唔會太甜之餘，窩夫中間仲有朱古力，朱古力夾心吃起來味道更香濃可口。而窩夫則微脆，香口非常！

$6。朱古力杯杯撻：全新口味！在其官網得悉，杯杯撻有新的朱古力口味，作為此店粉絲的我又怎能錯過呢，除原味和蛋白外，現今還多了此朱古力味，選擇又多了！可是，入口沒多大驚喜，朱古力味並不濃，仔細吃起來還能吃到少許蛋味，口感一如既往的'大大pat'<皆因是'杯'嘛>，總括都合格丫，口味特別，不妨一試！還是那句：新鮮出爐總是最好的~!<就看看你們有沒有緣碰上吧~~>