山崎麵飽 (已結業)

$6.5。朱古力味骰仔包：之前十月見官網推出全新的的式式「骰仔包」，但只在太古、屯門及青衣分店率先推出，一直覺得幾得意想試都無機會。幸好，今次見有啦，除左朱古力味，仲有另一隻忌廉味，但個人對前者較有好感，於是就買左呢粒''骰''試下啦！嘩，其實外面就是實實方包的麵包口感，裡面有勁大舊朱古力囉，隻味又唔會太甜喎，幾好味！$10。5個。迷你芝麻紅豆麻糬：呢個超失望，根本就無紅豆味又細個，表面就是鋪面白芝麻，實質就是酒樓食個D煎堆咁，又油喎...新春優惠和果子，今個月第一個星期惠顧滿$12，+$4可換>>大褔<<：裡面的餡是紅豆蓉，甜就肯定甜架啦，日本和果子向來都甜到漏