山牛

營業中

休息中

以為今時今日咁大競爭環境下，市中心食店應該有返咁上下水平。依間嘢廣告就有牛雞豬，揀餐果陣就得返牛（晚上七點幾）價錢就中價啦，話哂佢自己話係日本品牌，定價高少少明白嘅，叫左個牛扒井套餐同鹽燒牛小排燒肉井套餐。個牛扒井啲牛扒乾嘅，加咗錢都係得多幾塊，仲衰過朝頭早茶餐廳啲牛扒餐，牛小排就好味啲，不過勁似肥牛，兩種牛扒第一啖咬落去已經成浸煤氣爐味，根本就似攞支火槍係咁射埋去咁，唯一萬幸個飯都係熱嘅，真係冇下次，如果第一次只係咁嘅話就更加唔會有第一次。

咁大一間餐廳，我問要一杯水姐，咁都可以話無，係唔係孤寒到咁呀...個牛飯正正常常咁，唔差，但無咩人時間都要等好耐，等咁耐d肉都可以係凍架喎。如果再係咁真係未必再幫襯。

尼個餐廳速度好慢，外賣自取落單10幾分鐘唔見有叫號，後來堂食客都食圓。估唔到可以甘慢，唔會來下次。真係要學多D吉野家，做外賣就唔好甘慢，衫我時間宣傳幾好，做野甘差

話說早幾日行商場見到有個好大個嘅牛字嘅廣告，原來開咗新嘅牛飯餐廳。食到咁悶有新嘢梗係嗱嗱臨去試啦。去到門口排晒長龍咁，心諗唔係真係要等好耐啩。原來係排前面啲阿哥唔識用啲點餐機😅見佢多番嘗試左成10分鐘，最後放棄入返去櫃面。我諗呢個問題餐廳要喺嗰度俾多少少提示教學下🙈，牛肉嘅份量同埋飯嘅份量都有好多個選擇，最後我哋嗌咗兩個鹽燒牛肉飯配唐楊炸雞。落完單之後，其實都好快就有得攞餐，喺取餐處隔離仲有啲燒肉醬油可以自行添加。埋到位見到個樣都好靚，嗱嗱臨倒晒啲配料落去就開餐啦。唧完D檸檬汁一啖放入口，啲牛嘅味道真係唔錯，有啲仲會有燶邊，配合埋個醬汁不得了。😋不過食落都有d唔係幾咬得開😅，個飯仲有幾片泡菜都幾開胃。最後就食呢一個炸雞，唔係吹水真係未試過咁滑，佢係成個波咁，外面脆入面滑仲有好多肉汁，一咬落去要小心啲，如果唔係成口肉汁流晒出。綜合嚟講，CP值算幾高，又一個新飯堂lu

下晝三點幾見冇乜人，就叫咗個牛小排肉丼，見廚房燒到個火好高應該掂啦，等咗15分鐘終於有，味道OK嘅真係爐燒，但點解凍嘅？食多舊發覺都係凍，連啲飯都唔算熱，職員話已經同上司反映咗，諗住佢會翻熱返俾我，點知係知完就算，冇任何行動🫠

今日同同事外出工作，去左形点II 搵食，見到有間新店開張，二話不說走入去試試，四個人四個餐。🥩 炭火燒牛小排燒肉丼呢款用上等牛小排，經過「遠紅外線炭火」燒烤，肉質柔嫩又彈牙，仲有岩岩好時油花，帶出燒肉獨有既香氣！🔥 每一啖都係完美既油香同肉汁味道，配埋粒粒分明既日本銀米，真係好食到停唔到口！🍚🧅 塩葱牛小排燒肉丼呢款係鹹香與清新嘅完美結合！✨ 牛小排外焦內嫩，配埋鹽味醬汁同滿滿既葱香，真係令人一試難忘！🤤 鍾意燒肉但又怕太膩嘅朋友，呢款一定岩你！💯🍛 炭火燒牛咖哩燒肉丼咖喱迷必試款！🥄 濃郁咖喱同燒肉香氣完美融合，牛肉燒得岩岩好，外脆內嫩，咖喱既香辛味仲令整碗飯層次感十足！🍛 米飯既柔和仲可以平衡咖喱既濃重，聽講係一啖接一啖停唔到！😋🌶 麻辣燒肉丼聽講係將麻辣同日式燒肉完美結合！麻辣醬汁夠香夠勁，搭配優質燒肉，外脆內嫩，再加埋銀米，口感爆炸，麻辣控一定要試！🌶🔥 敢講，呢款一定係又辣又香又滿足😌既新境界！溫泉蛋我相信係日本蛋，蛋黃橙紅色好靚好有蛋味。炸雞球畀我想像中大舊，咬落去外脆內軟。綜合幾位同事意見，性價比非常之高有驚喜。

網上睇到日本過江龍炭燒牛肉飯專門店「山牛」分店係元朗隆重開幕，開業第一天就來光顧啦，門口排了不少人，排隊點餐係機點餐點完剛好有位首選必試皇牌，炭火燒牛小排烤肉丼$40，另外點左麻辣燒肉丼$45，都係100g，如果份量唔夠可以另外加錢加份量，還有可以加流心蛋或者小食炸雞，開業期間贈送飲品，烤肉加香蔥，麻辣風味都好唔錯，值得一試