山西印象山西手工麵 (已結業)

籐椒魚麵手工麵，好吃，人手做的，有咬口魚，已去骨，新鮮魚，帶點酒香份量，好多，麵多，魚更多，食到碗底，仍然有魚籐椒辣在香港少見，愛辣的人必試，可叫老闆就調辣度我大食，一碗麵已經夠飽，但佢太好味，我再加餃子餃子，皮是自家製，咬開爆汁，正。老闆見到我加豉油，佢主動拿醋俾我，叫我落醋，更好味。老闆娘好人，見大雨，客人無雨傘，佢送俾人，話舊客留低，不用還。大雨叫人慢慢坐，唔駛急住走。辣椒油，也是帶麻辣那種，正。

讚1.手打麵幾好，滑身，煙韌，份量大，同埋真係望住啲人係度做，感覺好新鮮咁2.老闆同好多熟客有講有笑，但又唔會忽略左生客，態度唔錯彈1.雖然疫情好轉，但員工無載口罩，真心有啲淆2.醋溜土豆絲唔夠酸香

下午好少來這間店到食麵！估都估唔到原來夜晚呢間買麵的會有烤魚食！烤魚味道一定唔會輸過出面出名既烤魚店！仲要價錢係比出面嘅便宜！酸菜烤鉗魚！香辣烤鉗魚！一流！食開真正嘅烤魚味道可以試下！

凌晨在荃灣唔知食咩好，除咗麥當勞好多餐廳都關門，我自己都幾鍾意食餃子，兩個人就行咗入去試吓啦。叫咗一個口水雞，一個炸醬麵，一個餃子。好彩只叫了三樣菜。好犀利，口水雞食咗一口試味，之後原封不動，沒有再想食第二口的機會，有嚴重的，強烈的雪櫃味。有個姐姐，路過問我地點解唔食，我們說有雪櫃味，她跟我們說冷盤是放雪櫃的😑，又唔見其他餐廳冷盤有雪櫃味😞炸醬麵，淡淡的，都係食咗一啖試味，真的不想多說，完。唯獨是餃子，我們唯一可以食的食物，還可以，但一定要加調味醬。我發誓我唔會再搭一次餐廳一步

一進入店舖，就見到老闆在做麵團，空間不大，只能放四張大圓桌和兩張二人桌！人手亦只是三個人！好意外的，不單可以食山西刀削麵，還有好多辣野食，十分開心😃今次，就先點左辣椒茄子皮蛋，酸菜魚麵和麻辣牛肉麵！首先，這裡的份量尚算大份，對得住個價錢，算是性價比幾高！麻辣牛肉麵，一碗起碼有七，八塊，而且是牛𦟌，不過牛味不算重，淡淡的牛味，筋部十分腍，入口即化！可惜的是麵條欠彈牙！但係有麻辣襯托下就野味好多！最意外的是果碟辣椒茄子皮蛋，第一層是皮蛋，中間是條狀的青椒，最底是茄子，畫龍點睛是青椒，腍得來仍有少少的爽脆，十分辣，三合一夾埋一齊食落去，真係不分你我他，能混合左三個味道！一口追住一口，好快就食完！難得一間較正宗的川味！

一入去餐廳，完全內地FEEL，大把位已經知咩事，但係都入左去，又見之前雜誌介紹過，又話牛腩同餃子必食。坐左冇耐，有個講普通話嘅女人放低餐牌，揭完都㨂唔落手，最終試左牛腩麵加辣。先講麵，完全食唔出啦手工面，到個牛腩，"鞋"過柴皮。真心唔明點解雜誌要推介，除非收左錢。湯低淡如水，加左辣都冇味，只得辣味，幾肯定個辣唔係自己調。

酸菜魚麵 $68想不到在荃灣也可以吃倒好吃的酸菜魚麵😍一進店內，老闆便說著一口流利的普通話，很熱情地拿椅子讓我們放袋..酸菜魚麵應該是要到廚房炒香的關係，製作上較需時。不過一端上台就聞倒很香很有鑊氣!!味道有點太二的影子，湯底甜中帶酸，同時也有微微的辣度，相當惹味😋😋酸菜量多，酸爽度恰到好處，零舍開胃🤤鱸魚片的處理非常細心!! 薄片起骨，滑嫩美味，食哂成碗先得一條小骨👍🏻麵條方面也值得一讚，粗而扁身的手工麵彈牙吸湯 份量也很大。希望水準可以一直保持下去!! 想必多來😏 有機會還要試晚市呢~附加男朋友吃牛腩手工麵的相片，男朋友也很喜歡吃呢!! 說性價比高!!

面确实是手擀面酸菜鱼汤面 好吃 泡椒酸辣 鱼肉特别新鲜番茄蛋炒面 好吃 很香 热气腾腾 番茄没加糖 好评！藤椒鸡 麻辣 鸡肉特别嫩 分量很足 好评！隔壁桌吃的烤鱼卖相也不错的样子问店员说师傅是做川菜的山西人还会再来！

今晚跟男友第一次到店光顧，雖然店面小而簡樸，但見店門外店家所擺的凳子已有同樣來光顧的熟客坐著等位。除食物價格相宜，以及味道不俗外，最令我印象深刻的是老闆娘的親切。她經過我們那檯的時候見我們吃了將近一半的麵，竟主動地為我們加湯，難怪有熟客一入店即向老闆娘問好！如果下次再經過這裡，我想我還是會再次光顧，因這間富人情味的小店的菜式選擇算是不少。

自從發現這間店以來，每星期最少來光顧一次，有時候和屋企人來，有時候帶朋友來試菜。每次吃完都覺得很満足，很好吃，吃極不厭的味道。麵條、餃子都是自己做的，好有咬口。酸菜魚的魚不是一般用的冰鮮魚柳，是新鮮魚做的，相當鮮甜。脆辣明蝦，辣味適中，蝦殼脆得可以連蝦一起吃呢！值得推薦的好吃店

平日經常在旁邊幾家餐廳吃飯，上次見到新開，今日收工特意去試試。坐低睇餐牌，其實選擇不多，以辣為主，唔辣嘅得餃子，青菜，而且所有辣嘅食品只可以加辣，無得揀小辣。還好我喜歡食辣，我點左個大鍋雞手工麵，老婆點左酸菜肉絲手工麵，再加炒青菜。手工麵底唔錯，不過不失，味道來說，我喜歡食辣，覺得可以再加辣，老婆就覺得辣左一點。總體來說，味道可以，會再嚟，其實見到佢重有其他菜式，例如水煮魚，小龍蝦，不過我平日晚飯好少食咁heavy, 留番下次試。

其實呢間野已經食第二次，上次太肚餓無影到相今日試咗藤椒魚，超好食，無水煮魚咁油膩，好麻少辣。仲食咗手工牛腩麵，麵條好滑好彈牙仲手白菜水餃，皮唔係薄，但係都係好滑好彈牙，一碗有十五粒，細細粒容易食不過又係太肚餓，呢兩樣無影到相

同熊男閒逛經過見到開咗間新餐廳決定入去試下😋😋手工麵十分彈牙 湯底味濃但沒有非常味精的感覺😋可以加餸但有好幾個都係$10 好似有少少貴所以肥熊加左一個就算喇 😗唔食辣既朋友可以食炸醬麵 甜甜地配埋青瓜絲 唔錯👍🏻👍🏻水餃🥟$36蚊15隻 仲可以兩溝（白菜韮菜）細細隻但好Juicy💦另外叫左兩個小食 一個醋雲耳 一個手拍青瓜醋雲耳好香好夠味 而且唔會好辣 連熊男都食到手拍青瓜 反而唔多入味🤔🤔餐廳員工講山西鄉言 非常有風味😜總體係有下次既一間餐廳😋*嘴刁熊男表示好好味有下次

呢間店其實算係一間新店新店嚟而我係第一次寫食評其實我已經和我媽吃過幾次了 算是熟客 也知道該怎麼點菜 有時候廚師哥哥仲會加蓮藕俾我哋食！重點係個哥哥幾靚仔XD老闆娘真係好好人㗎！佢地都係山西人我次次喺呢間店都會食手工麵配牛筋或者牛腩 佢啲牛筋同牛腩真係好好食！煮得夠耐 好軟 味道真係好好除咗手工面之外，我仲鍾意食佢嗰度嘅乾辣椒炒炸雞亦（唔記得個菜名）佢啲雞翼係幫你斬咗一半㗎！得一條骨好方便食，食得仲好乾淨添而我媽媽佢就好鍾意食酸菜魚，因為我唔鍾意食所以話唔到比大家知個味道sorry!我覺得呢間店造福左好多鍾意家鄉菜嘅人通常係香港好難食到呢啲菜，要喺深圳大陸先食到！初初去食可能會比佢一大片紅色嘅辣椒嚇親，但係原來一啲都唔辣 哈哈哈哈我同我媽媽係湖南人好鍾意食大陸嘅家鄉菜式，對湖南人嚟講佢啲菜一啲都唔辣所以其實好適合食唔到辣嘅朋友！（我諗應該係佢哋特登就香港人 哈哈大家快啲去食啦食完幫手寫返個食評！