山見台式火鍋 (新城市廣場三期)

營業中

休息中

早幾日去咗呢間人氣台式火鍋店《山見台式火鍋》，喺沙田開咗分店，沙田友兼火鍋控又多一個選擇餐廳設計充滿台灣風情，門口放置了懷舊郵筒和夾公仔機，新舊融合。行入店內，中間兩旁近門口位置就係飲食自助區，有火鍋配料、以溫泉為主題食物、飲品、冷泡茶和熱熏等多款選擇晚市有5款套餐選擇，我哋就揀咗個最高級嘅 *LV5 殿堂日本A4和牛海鮮吃到飽*，120分鐘無限添食添飲！火鍋湯底除原有8款選擇外，還有新分店限定嘅「羊肚菌八珍湯」🍲羊肚菌八珍湯 - 以羊肚菌為主打，再融合鹿茸菇、黃金菇、杏鮑菇、海鮮菇和蟲草花等七種珍稀菌類，湯底清甜，菇香四溢🥩🦐🦑點了鍋底之後店員就會先奉上一碟日本A4黑毛和牛和一個海鮮拼盤，有脆肉鯇、扇貝、鮑魚、海老、沙白和墨魚仔等等，全部都係時令而且非常新鮮，食完唔夠喉可以再點🥢日本A4黑毛和牛 - 脂肪分布均勻，肉質鮮嫩🥢澳洲和牛肩胛肉眼 - 紋理清晰，肉與油香平衡，肉味濃郁🥢美國穀飼黑毛豬 - 肉質柔嫩多汁，肥瘦均勻💫其餘雞、牛、豬肉、海鮮、火鍋配料、台式飲品和手工啤酒等，都可以隨自己喜好以QR code落單💫最後甜品方面亦超多選擇，除咗QR code落單可以點嘅仙草/愛玉芋圓外

新城市三期最近新開左好多餐廳冬天就最啱打暖笠笠嘅邊爐啦高質台式火鍋無限吃到飽餐廳充滿台灣風情，門口更懷舊郵筒和夾公仔機，內𥚃環境寬敞舒適外面指取區都有唔少選擇晚市有5款套餐選擇，我地揀左Lv3100分鐘，火鍋湯底除原有8款選擇外，還有新分店限定嘅「羊肚菌八珍湯」羊肚菌八珍湯-以羊肚菌為主打香得黎又清甜月見封門柳封門柳肉味好濃其他打邊爐既肉質素都非常好台灣小食都好多款選擇有烤香腸、滷肉飯、炸地瓜，鹽酥雞就連蚵仔煎都有最鍾意佢外面個甜品區，除咗雪條之外仲有得自家製仙草同愛玉好多款配料揀，絕對係甜品自由

無意之中，發現新城市地底一田嗰層原來有好多新餐廳，見到呢間幾吸引唔使放題，又夠肚餓就諗住入去食🥰😋一入去勁興奮揀完湯底出去巡個圈！食菜嘅我見到超多蔬菜款式，而且一睇就只係好靚嘅質素，去街市都未必買到！仲有啲好特別嘅貴價菇！ $288如果食到呢啲又好質素嘅話其實抵食🤩揀咗而家招牌嘅羊肚菌雜菇湯底，因為阿媽唔食牛肉，問吓店員可唔可以鴛鴦一個湯底佢都OK 㗎！仲要成個過程服務質素態度都好好 呢樣真係勁滿分！好似五星級酒店咁呀😌！同埋環境都超級靚，一入去已經覺得好興奮喺度打卡🤣🤣 肚餓嘅我梗係等唔切出咗去拎嘢食啦！本身打邊爐嘅材料都已經好多 有好多唔同特色台式丸，阿媽同我都好鍾意佢個紫菜鮫魚丸 🥰🥰仲有一個都好好味 蠔丸！完全唔係揸流攤用啲cheap嘢仲見到有一檔係甜品檔🥰🥰實捧住個肚走行到一個位原來仲有豬潤超興奮，勁鍾意 之後仲拎咗幾次 因為好爽口 勁滿足！熟食仲有啲熏雞都好好味 🤤仲有蠔仔麵線，酸辣湯同埋紅豆沙 最後唔記得咗拎紅豆沙，因為佢個胃係喺鹹食嗰度🤣之後坐低一睇 嘩原來QR code入面嗰個Menu都好多嘢食！我哋揀Level three 但係都好多特色嘢食，譬如蚵仔煎 仲有一啲炸

山見台式火鍋最近天氣凍凍地，去咗沙田新城市廣場三期一間火鍋店叫「山見台式火鍋」，呢間火鍋店喺沙田新城市廣場開咗唔夠一個月，最近佢哋新出湯底叫山見羊肚菌八珍湯，呢個湯底要加$28，我就揀咗依家做緊優惠價嘅「LV4特選澳洲和牛海鮮」$348，原價成人一位要$388，真係幾抵食下！呢間火鍋店入面都算寬闊，輪椅人士入去坐都非常舒服，店員服務都好好，仲主動介紹新出嘅湯底，招呼好好，態度非常親切！自助區有好多不同種類丸類、豆卜、蔬菜類、芋頭、粉麵同糖水等！海鮮有福隆沙白、原隻駅前海蝦、新鮮白鱔片、爽滑牛骨髓、牛柏葉、豬皮、清境鮮雞子、爽脆水魷、陳皮鯪魚滑、松露墨魚滑、原隻鮑魚、鴨血、無骨黑魚片、響鈴釀魚籽、響鈴魚籽蝦滑卷、砂爆魚肚、黃金蒜茸蒜扇貝、福隆刺參、竹笙抱蝦滑同龍蝦福包等！湯底一上枱已經聞到好香，呢個湯底以羊肚菌為主打，混合七種珍菌熬煮製成，湯底清甜，菇香撲鼻！以下係我推介之選：1.府城蝦捲（9.5/10）蝦捲外皮有少少脆，入面甜甜地！2.夜市鹽酥雞（9/10）呢個鹽酥雞有少少硬，炸得過火少少！3.惡魔雞扒（9.5/10）呢個雞扒炸得好好，外皮好脆，肉質嫩滑！4.牛扑肉（7/10）呢碟牛扑

山見台式火鍋的沙田新城市廣場店新開業，走入去就有種去到台灣十分車站同十分老街嘅感覺！台灣味十足，佢哋原有八款湯底，現在沙田店溫泉主題限定湯底，只要加$28就可升級羊肚菌八珍湯！以羊肚菌為主打，混合七種珍菌熬煮製成，湯底清甜，菇看撲鼻！凡堂食惠顧羊肚菌八珍湯即可免費獲贈山見熊仔毛巾一條（每枱）山見由lv1到lv5在100-120分鐘之內可以台式火鍋食到飽！QRcode落單,大卡位坐得舒服！好快就有人送上火鍋料！我哋今日就食咗佢個Lv5 殿堂日本A4和牛海鮮吃到飽套餐，限時120分鐘。真係太豐富啦！日本A4黑毛和牛、澳洲和牛肩胛肉眼、頂級無骨牛小排、台南烏雞玉卷、花膠、原隻大海蝦、原隻鮑魚、響鈴魚籽婽滑卷….120款火鍋料，食材新鮮！特別是A4和牛，肉質鮮嫩多汁，海鮮高質種類多！自助區嘅火鍋料豐富到呢！丸類、蔬菜和菇類，仲要突出台式風味！台灣小吃似行入台灣夜市咁,我最鍾意佢個台灣香腸！新鮮熱辣勁香口！另外仲有好可現成的熟食，蚵仔煎、麵線、鹽酥雞、炸雞扒…甜品、雪糕、飲品任飲飲食！真係大大滿足！

見沙田新開將，之前未食過山見，所以試試佢。平時行過見冇你都覺得有啲怪怪地，唔知係咪以下原因：1. 通常打邊爐放題一坐底都會俾定幾盤肉你，而呢度係唔會既，唔緊要，我自己點。好，等咗半個鐘都冇我先問，問完都仲要等多15分鐘先有上枱。2. 本來見Lv3 d肉款好似多啲，最後食來食去都係Lv1既嫩肩里肌肉，原因如下圖，個牛五花綑黑邊，又乾又散又爛，見到都唔敢食。個封門柳唔知係汁定咩，有啲不明物體黏黏立立咁，又唔好食，平時其他地方打邊爐，封門柳我都必點，但呢度我食完一碟已經唔想再食，好核特。下邊張相已經係一上枱即刻影。總結，可一不可再

沙田呢間分店開咗一個月就同朋友一齊嚟試食，環境寬敞，座位亦都闊落，擺放食物嘅區亦都好企理。服務員個個都面帶笑容，同埋非常殷勤嘅服務！冇諗過任食火鍋中途都主動為我哋換碟，同埋兩個鐘食完之後，可以繼續坐落去傾偈，仲幫我哋食完清潔張枱，我哋繼續坐喺度舒服傾計，亦都冇催促埋單！食物方面呢，牛肉、海鮮真係冇得頂！牛肉選擇多，又大大片又好有牛味，啲蝦又大隻又實淨完全冇欺場！啲熟食海鮮扇貝，雖然細粒，但係全部都係新鮮，有鮮味嘅！台式嘅甜品選擇唔多，但係可以自己配搭，亦都係好好食。要推介嘅中式甜品就係蓮子紅豆糖水，大大粒嘅紅豆同埋完整嘅大粒蓮子，絕對令你食完想再食！可惜我哋瘋狂食牛肉同埋海鮮太飽，所以甜品都係每樣食咗一次，連啲雪糕都未去試食！不過雪糕都係一啲平時食開嘅，可以下次去先再試吓！我哋食嘅係Level 4嘅火鍋餐，時間120分鐘，每人$392已經係食到飽住個肚走，確實係性價比高！今次掛住食都唔記得咗影低啲相，影得咁少咋，下次去食再影多啲再分享吓，睇吓有冇維持佢嘅水準啦！

舖頭新開，環境好乾淨，座位好闊落，食物選擇好多，肉類質素非常好，牛丸好彈牙台灣小食好好食😋😋😋，重點係全部服務員態度都好好，完全無趕客嘅感覺，值得一讚，推介推介😎，經過可以試吓🤓ps.可以上網book位，唔使等🤣