山頭火 (海之戀商場) (已結業)

首先味道差又細碗，d麵碎碎，,上菜果陣系凍冰冰好似人地食淨半碗咁，價錢又貴，質素根本唔過關。碗飯都系凍，d排系急凍，甩皮甩骨，食唔落。總結一下 千祈唔好再去食啦。

價錢貴，唔好食，又細碗，唔值106蚊比60蚊都嫌貴，唔會再食第2次。去一田食又平又好食又大碗，尼間擺明呃秤佢個豬扒仲難食過我呀媽系惠康買既急凍豬扒，個飯系硬既，一點都唔熱。仲要一d汁都冇，食到就心肌梗塞啦。又冇咩味道，仲要甩皮甩骨咁。碗麵細就算啦，仲要系凍既，你唔系現場整嫁咩，唔識整返熱先拎出黎賣？仲要唔包野飲，水都冇杯。真心唔明白點解尼間野仲有咁多人食，味道唔過關，份量都唔夠多。絕對系中伏餐廳，

放工返到屋企，貪就腳就落咗去food court 食腳，性價比偏低，food court 無環境，$66細碗拉麵，面普通，湯底比較鹹，得1塊叉燒，同2塊雲耳，店員幾有禮貌，但係食隔離嗰幾間會開心好多。

11時多去海之戀想試下新開的壽司店，但排2人的票要等四十多個號碼所以冇等，留下次肯陪我等位的友人吧。行到food court 有幾間食肆，我哋選了山頭火。咖喱炸雞球飯弁當 $78四件炸雞有少少椰菜及白飯，個咖喱汁有少少甜，質素普通，冇飲品，真的是一個弁當。炸雞球飯定食 $96這包括一個小拉麵，有一片叉燒，我們選鹽味湯底，拉麵也是普普通通。炸雞球飯有兩件炸雞，菜及白飯，冇其他汁的，都是冇飲品，當然可以付款另叫，以質量來說他們的食物屬於偏貴。

今晚收工一個人返屋企，於是就係樓下食埋野先啦！去到donki食堂，見到之前食過間拉麵執左，於是就試下隔離間山頭火啦！點左個大嘅麵豉湯拉麵。等左唔係好耐就有得食啦！放上枱果陣都已經無咩煙啦！湯都可以叫做熱，剛剛好啦！個麵配料都可以，有筍條，蔥花，魚蛋同埋叉燒，叉燒好鞋口，無咩口感，個湯都幾濃郁。但係食落去就發現有個問題，就係d麵好碎，完全係唔可以一住麵咁樣食晒佢呀！最後都係好快食晒啦！總結黎講，感覺上e間分店d貨全部都係交黎，加工就可以食得啦！加工上需要下多d心機呀！例如湯熱度，麵質等，還需努力。

話說行完Donki打算食下food court望個餐牌d相好似好吸引到最後 $76買左個醬油拉麵首先 個拉麵 係臭 係臭架 個麵勁油 好似d油脂放左兩日冇人食然後煮熱比個客咁個麵勁大陣鹼水味 臭到傻D送得一塊叉燒 同雲耳（？） 咩配搭黎 同張相個樣完全唔同 員工煮麵用手拎麵底 再去收銀摸錢真係食到嬲 食左兩淡真係頂唔順陣味就唔食了 好心你地 賣成70幾 都可以咁既質素成碗麵整成咁比個客食咁好咩 仲要勁硬個麵 好似有煮熟咁員工又冇衛生意識

如題如圖非常之令人失望80蚊買個連配菜都無既飯盒真係寧願食和食快餐或者行多兩步去一田買咖喱好似水咁 豬扒肉質雖然ok直接擺飯到 外賣水氣令到炸粉淋曬真係退一萬步都唔好食呢間

晚飯時間DONKI 嘅food Court永遠坐滿晒人，今晚9:30終於唔使等有位坐，但係有好多都已經收咗鋪啦⋯⋯見到呢間未收就試吓啦，佢有個set，我見有碗飯有個拉麵，自己再加多個餃子=$126 ...湯底同個面其實係好食嘅，個叉燒飯就麻麻哋啦，一舊比較滷水嘅乾身豬肉lol...如果真係純粹想食拉麵嘅朋友，我都係建議返食台風啦。

今日第一次行Donki，所以一嘗山頭火。Order左蟹肉飯定食+麵豉味拉麵，咁就$108，都幾貴。。蟹肉飯就係咸咸地既蟹肉配飯，味道都ok既。。拉麵係屬於硬身果種，都爽口既，湯底都幾濃，唔錯，但果一塊叉燒，味道唔突出，而且只得一塊😑總結係。。性價比不高🙈

Weekend，生活節奏自自然然放慢！睡飽飽！和家人到超市入貨，主要是買食材回家煮飯。第一次來海之戀商場，是為了激安之殿堂香港總店，收穫豐富！逛完超市，剛好是lunch time，看到food court有山頭火拉麵，my cup of tea！找好座位，跑去點餐，點了以下的：#味噌湯叉燒拉麵(細)，點給媽媽的，她說湯底偏鹹！#三文魚丼(細)，這個用上日本米，不錯！#辛辣湯拉麵(中)，我喜歡吃辣，每次吃山頭火，都點它！#日式煎餃子，這個是本餐最好味的！#Coke Zero，不供應水，點了汽水配辛辣麵。Food court環境有些亂，冷氣機滴水！下次想吃山頭火，還是到iSquare，舒舒服服吃！

讚1. 感覺上係平左，以前係銅鑼灣要成舊幾水碗，仲細到好似杯麵咁，家下有飯+麵餐，百一銀夠晒飽2. 湯唔錯，幾濃，好滑，唔算超油，幼身曲麵都幾爽滑，炸雞飯既炸雞好香口3. 收銀位哥條既態度好舒服彈1. 拉麵係退步左，湯底的確係無以往咁香，叉燒係鞋身左

在下早於15年前開始已開始持續光顧 山頭火拉麵的原宿表參道分店，對其鹽味拉麵算是略知一二。新店位於Donki荃灣分店的Food court內，開張不久，暫時顧客不多點餐不用排隊。但吃一次後覺得非常非常失望。山頭火特色之一是可以選擇麵的軟硬度油度等等，但點餐的時候荃灣分店店員並沒有主動詢問。首先讓我十分意外的是 額外加$38點的特製叉燒，只有三塊而且薄如紙，並不是用於拉麵內的正常厚度叉燒.... 有點中伏騙錢的感覺。而最離譜是鹽味拉麵的麵底，麵質偏硬，充斥著鹼水味。勉強吃完碗麵之後，舌頭充滿鹼水苦味，而且沒有開水提供（說是沒有杯），十分難受。雖說日本店和香港店質素定當有出入，但也不應有如此大的落差？後悔在這裡吃了山頭火拉麵。平均一個人$114卻食到如此質素的晚餐，倒不如進 Donki買個便當或即食拉麵食會更開心。

記憶上在荃灣廣場食過，仔女話想食拉麵，呢間可以外賣，還可以加大👍🏻，所以試吓呢間。賣相一流，又可以揀飯食。三文魚籽新鮮，惟一可惜是冇wasabi，日本飯好食，軟硬適中帶濕。拉麵一般，可能我外賣又冇分上。湯底沒特別，一般豬骨湯，唔油膩。