影片
港鐵荃灣西站 E2 出口, 步行約1分鐘
繼續閱讀
開飯介紹
山頭火1988年於北海道旭川由畠中先生創辦，以湯汁作為品牌最大賣點。國內外分店都是手工製作。美味的拉麵湯汁香醕濃郁、味道柔和, 美味到可以飲完最後一滴，讓顧客一家大少可以食到味美的拉麵。
繼續閱讀
營業時間
星期一至日
10:00 - 22:00
以上資料只供參考, 請與餐廳確認詳情
相關文章
首先味道差又細碗，d麵碎碎，,上菜果陣系凍冰冰好似人地食淨半碗咁，價錢又貴，質素根本唔過關。碗飯都系凍，d排系急凍，甩皮甩骨，食唔落。總結一下 千祈唔好再去食啦。
繼續閱讀
放工返到屋企，貪就腳就落咗去food court 食腳，性價比偏低，food court 無環境，$66細碗拉麵，面普通，湯底比較鹹，得1塊叉燒，同2塊雲耳，店員幾有禮貌，但係食隔離嗰幾間會開心好多。
繼續閱讀
11時多去海之戀想試下新開的壽司店，但排2人的票要等四十多個號碼所以冇等，留下次肯陪我等位的友人吧。行到food court 有幾間食肆，我哋選了山頭火。咖喱炸雞球飯弁當 $78四件炸雞有少少椰菜及白飯，個咖喱汁有少少甜，質素普通，冇飲品，真的是一個弁當。炸雞球飯定食 $96這包括一個小拉麵，有一片叉燒，我們選鹽味湯底，拉麵也是普普通通。炸雞球飯有兩件炸雞，菜及白飯，冇其他汁的，都是冇飲品，當然可以付款另叫，以質量來說他們的食物屬於偏貴。
繼續閱讀
今晚收工一個人返屋企，於是就係樓下食埋野先啦！去到donki食堂，見到之前食過間拉麵執左，於是就試下隔離間山頭火啦！點左個大嘅麵豉湯拉麵。等左唔係好耐就有得食啦！放上枱果陣都已經無咩煙啦！湯都可以叫做熱，剛剛好啦！個麵配料都可以，有筍條，蔥花，魚蛋同埋叉燒，叉燒好鞋口，無咩口感，個湯都幾濃郁。但係食落去就發現有個問題，就係d麵好碎，完全係唔可以一住麵咁樣食晒佢呀！最後都係好快食晒啦！總結黎講，感覺上e間分店d貨全部都係交黎，加工就可以食得啦！加工上需要下多d心機呀！例如湯熱度，麵質等，還需努力。
繼續閱讀
話說行完Donki打算食下food court望個餐牌d相好似好吸引到最後 $76買左個醬油拉麵首先 個拉麵 係臭 係臭架 個麵勁油 好似d油脂放左兩日冇人食然後煮熱比個客咁個麵勁大陣鹼水味 臭到傻D送得一塊叉燒 同雲耳（？） 咩配搭黎 同張相個樣完全唔同 員工煮麵用手拎麵底 再去收銀摸錢真係食到嬲 食左兩淡真係頂唔順陣味就唔食了 好心你地 賣成70幾 都可以咁既質素成碗麵整成咁比個客食咁好咩 仲要勁硬個麵 好似有煮熟咁員工又冇衛生意識
繼續閱讀